تجمع لمحبين روايات د.نبيل فارووق

[رومولا الن]

السلام عليكم بنات

منو فينا ما سبق له وقرا روايات د.نبيل فارووق

تعتبر رواياته من اول الروايات العربيه الي تتكلم عن الخيال العلمي والجريمه

والحلو برواياته انها تصلح حق كل الاعمار ومليانه بالحقايق العلميه

خلونها بهذا التجمع نتناقش عن اكثر روايه اعجبتكم وحبيتوها من رواياته

وهذه سلاسل الروايات

١.ملف المستقبل
٢.رجل المستحيل
٣.سيف العداله
٤.ارزاق

انا بالنسبه لي افضل سلسله ملف المستقبل وسيف العداله

يالله بنات شاركوني

لي عوده اكتب فيها احسن روايه بالسلسله بالنسبه لي

​

 

[رومولا الن]

بناااااات وينكم

معقوله محد يقرا لد. نبيل فاروق

 

[blue ocean]

قواج الله حبيبتي

ذكرتينا باللي مضى .. والكتيبات الصغار اللي كنت ولازلت احبها

بالنسبه لي قريت له كتيب من سلسلة رجل المستحيل

بس ماكملت .. دكتور احمد خالد توفيق كان ماكل جوي بالكتيبات

وان شالله نلاقي بنات محبين لهالكاتب ورواياته​

 

[RowTow]

و عليكم السلام و رحمة الله و بركاته


وييي روايات الدكتور نبيل فاروق كانت صاحبتي بالنشأه, و لا زالت عندي و أقراها و متذكرتها.
عندي مئات الأعداد من كل سلاسله. كوكتيل و ملف المستقبل و و. و إذا رحت المكتبه و بقيت شي لنبيل فاروق على طول آخذه.

سلسلتي المفضله كوكتيل. حلوه و متنوعه.
و أرزاق جيده بشكل غريب, يعني آنا مع إني أحب أفكار الدكتور بس أسلوبه مو أدبي و هذا شي متوقع و مبرر. بس أسلوبه كان حيل جيد بأرزاق.

 

[رومولا الن]

مشكورين بنات على الرد

بس شنو افضل روايه له بالنسبه لكم

 

[amami al-kuwai]

بصراحه ماقريت له بس من شفت موضوعج دورت له كتب

بس شفت تعليق عليه بالقودريدز ان ماكو شي يديد يضيفه وان كرر نفسه

نزلت روايه له وان شالله بقراها

 

[black rose BH]

للحين ولا مرة قريت له شي

بس إن شاء الله قريب اقرا واقولج رايي

 

[RowTow]

بصراحه ماقريت له بس من شفت موضوعج دورت له كتب

بس شفت تعليق عليه بالقودريدز ان ماكو شي يديد يضيفه وان كرر نفسه

نزلت روايه له وان شالله بقراها

أمامي اهو ترى طبيعي يكرر نفسنه جدامنا احنا اللي لنا سنين نقرا له. لأن كتب العديد من السلاسل, و كل سلسله فيها مئات الأعداد. فتقدرين تقولين حفظنا أسلوبه و عرفنا دهاليز عقله :d

 

[رومولا الن]

بصراحه ماقريت له بس من شفت موضوعج دورت له كتب

بس شفت تعليق عليه بالقودريدز ان ماكو شي يديد يضيفه وان كرر نفسه

نزلت روايه له وان شالله بقراها

هلا فيج ومشكوره على الرد

اغلب روايات الخيال العلمي مكرره ونفس الغكره

بس بالنسبه لد.نبيل فاروق يمكن تكون اشوي مكرره بسبب عدد الروايات الي كتبهم طول عمره

بعني سلسلة روايات ملف المستقبل 160 عدد ورجل المستحيل 160 غير العداد الخاصه والسلاسل الثانيه

رواياته كثار بس حلوه وخفيفه تقرينهم

 

[رومولا الن]

للحين ولا مرة قريت له شي

بس إن شاء الله قريب اقرا واقولج رايي

اقري له وقوليلنا رايج

 

[عادت ذكرياتي]

أول مرة أسمع بالكاتب ^_^


شوقتيني أقرا له %%%

 

[oOps-_O]

شخباااري نبيل فاروق كنت اقرا سلسله الرجل المستحيل حزتها كان عمري ١٤ شنو جديده الحين ؟

 

[رومولا الن]

شخباااري نبيل فاروق كنت اقرا سلسله الرجل المستحيل حزتها كان عمري 14 شنو جديده الحين ؟

عنده رواية ظل الارض والتميمه

انا رجل المستحيل قريت له كذا عدد بس الي متابعته ملف المستقبل

 

[رومولا الن]

أول مرة أسمع بالكاتب ^_^


شوقتيني أقرا له %%%

اقري له وقوليلنا رايج

 

[بدوعة النعنوعة]

الله
ذكرتيني باحلى ايام اول ما بديت اقرأ كنت اقرأ له وقريت له كل اللي قلتي عنهم واكثر وحده عجبتني أرزاق ولي لحين محتفظه فيها بس ما عندي الجزء الاول ضاعوالجزء الاخير مؤ فأريته لحد الان اتمنى ارد اقرأها تخرجت من الجامعة وودي احصللهم ومو عارفه من وين اييبها!
صج ماشاءالله عليه أنا قريت حق واايد بس ماكو مثل أسلوبه وطريقته بالكتابة والعرض
استأنست:$مادري ليش ههههه

 

[رومولا الن]

الله
ذكرتيني باحلى ايام اول ما بديت اقرأ كنت اقرأ له وقريت له كل اللي قلتي عنهم واكثر وحده عجبتني أرزاق ولي لحين محتفظه فيها بس ما عندي الجزء الاول ضاعوالجزء الاخير مؤ فأريته لحد الان اتمنى ارد اقرأها تخرجت من الجامعة وودي احصللهم ومو عارفه من وين اييبها!
صج ماشاءالله عليه أنا قريت حق واايد بس ماكو مثل أسلوبه وطريقته بالكتابة والعرض
استأنست:$مادري ليش ههههه

مشكوره علي ردج

ايه ارزاق عجيبه بس الجزء الاخير لما الحين مانزل

واذا انت من الكويت تلاقينها بمكتبة الظمني

يوصلون بعد

 

[بدوعة النعنوعة]

إيه أنا من الكويت وكنت اطلبها من الظمني بعد بس غريبه ليلحين ما نزل الروايه حيل قديمه أنا قريتها لما كنت بالمتوسط وانا الحين متخرجه من الجامعة)
بس شكلي بدق اطلبها
مشكوره وااايد ؛*

 

[هناء - Hana]

اب اب اب ؛*

 

[ريشة بيضاء]

رفع

 

[اخصائيه]

بنات مكتبة الظمني ما صاروا يوصلون
في رقم ثاني عندهم ؟