تجمع للي توها والده واللي بالنفاس-------جديد xجديد

[وروود]

السلام عليكم ورحمة الله وبركاته
--------------------------------------



اول شي الحمد لله على سلامتكم اللي توها والده وانا منكم

حبيت انحط هالتجمع عشان نعاون بعض وكل وحده اتحط اللي تسويه وبرنامجها اليومي بالعنايه
واي شي جاب معاها نتيجه ----
يعني مثل ما قلت
جديدX جديد


يمكن الموضوع مو جديد
بس انا حطيته عشان نشوف اخر المستجدات والتجهيزات الجديده

يلله ---------ابي نتشجع

واذا تبون نبدي






انا وياكم ببدي

بس بشوف منو رفيقات دربي:dddds:

 

[العطر 87]

انا ليما الحين ماسويت شي ...ولا راح ابدي الا لما اتطمن على ولدي بالشيشه ......لان اهو تعبان وما اقدر افكر بنفسي بس انشاء الله بس وضعه يستقر راح ابلش وافيدكم ....واقولكم شنو سويت .....

 

[وروود]

يا حياتي
الله يقومه بالسلامه
ويقر عينج فيه
اسال الله العظيم رب العرش العظيم ان يشفيه


وناطرينج ان شاء الله

لا تحاتين



يله وين التجمع:gathering:

 

[مبدعة]

الله يطمنج على وليدج يا ام غازي و يسر نظرتج فيه يارب

انا داشه اتطمش و انشالله قريب التحق فيكم

 

[غنوة ستايل]

الله ان شاء الله يقومه بالسلامه ياقلبي

 

[ZajiL]

انا من يومين خالصه الاربعييييييييييين

يعني خلصت الانفاس وشنو تبون تعرفون بالضبط

 

[YaraQ8]

ام غازي الله يقومه بالسلامه و يعطيه الصحه والعافيه........... انا انشالله يوم الأثنين وياكم لأن عمليتي يوم الأثنين انشالله و حدي خايفه لأن احتمال يحطونه بالشيشه ميته خوف و ذبحني التفكير

 

[زينانه]

انا انشالله كلها جم يوم وادش تجمعكم

 

[سينتيا]

هاااي انا صارلي والده 36 يوم ويوم الاثنين اطلع من النفاس انشالله

 

[وروود]

هلا منفسات----------



مبدعه

ان شاء الله تولدين بالسلامه

وناطرين ابداعات الاربعين:tek:




غنوه-----

شنو سويتي برنامج او اي شي فاد وياج




زاجل

طالعه من الشر يا عمري

شنو بدعتي بالاربعين
خلطات
فناتك
تجهيزات
كل شي يله قولي :dddds:





اهلين يارا
الله يقومج بالسلامه
لا تحاتين وتوكلي على الله
كثرة التفكير مو زينه

وناطرين ابداعات الاربعين منج

 

[وروود]

:tek:

هلا ومرحبا بزينانه
الله يقومج بالسلامه حبيبتي يله هانت ما بقى شي


ما شاء الله عاد انتي خبرتج حلوه واحس فاهمه بالنفاس
والتجهيزات :tek:

يله ناطرينج








هلا بالاخت سينتيا
طالعه من الشر

يله ادلي بدلوج
شنو سويتي
بالتفصيل الممل






وناطرين باجي الخوات المنفسات:dddds:

 

[سينتيا]

انا الصراحه ماسويت شي كله مالي خلق ونايمه

بس كنت اكل عدل الله يخلي امي ماخلت شي ماوكلتني والحمدالله اتشالله غدا شري بوكلها ايام واطلع من النفاس


بالنسبه حق التجهيز كنت ناويه اروح السوق بس الله يخلي خالتي ردت من لندن ومعاها حصيله من الفناتك من النوع الي يحبها قلبكم وهذا االسوق وفتكيت منه


والحين اخر الايام مبلشه اخذ تحاميل خلصت من التحاميل السوده وامس خذيت التحميله الي اسمها لومكسين وانشالله انظف



وسلامتكم


سامحون اذا في بدليات قاعده اكتب بالظلمه

 

[وروود]

اهلين سينتيا

اهم شي التغذيه الزينه زين تسويين
انا شوي زاد وزني بس ان شاء الله بعدين نسوي تخفيف انا مو متينه بس شوية ترهلات من الحمل

هل رحتي صالون ولا جو للبيت-------------تقولين ما سويتي شي لا تحبطيني انا بروحي ابي تشجيع
سويتي نيو لوك لشعرج

انا ناويه اصبغ بني مع اني احب الحنه
بس الشيب مشكله


شاكره لج


وننتظر المزيد

 

[@حور@]

السلالالالالالالالالام عليكم يا امهاااات شلووونكم

واااي كلمه امهااات جنه واايد كبيره بس هذا الزاقع كبرنا بعد شنسوي

انا توني والده صار لي اسبوع بالضبط

احس ان ودي الحين ارووح الصالون اسوي حمام مغربي واقص شعري و دي اسوي نيووو لوك

بس طبعا بعد شهر

باجر بتجيلي وحده صينيه حق التدليك الله يستر دقيت عليها من الوسيط
اول مره بجرب قبل كنت ايب رداده بس الصرااحه تعور ومن بعد مده احس بعوار بظهري

قلت هالمره بجرب التدليك

يالله بنات كل وحده تقول شنو بتسوي شنو عندج كريمات حق الجسم والا خلطات خل نستفيد نسوي شي هالفتره

واللي جربت ادويه والا تحاميل علمووونا عاد عن النحاسه هههههههه

والله انا قبل اجربت تحاميل ا اعرف لكن هالمره شكله لازم لان ثاني ولاده

 

[بسبوووسه]

بناات انا توي والده صارلي 6 ايام و بطني يلوع الجبد حدا حايشني احبااط انشالله يرووح

ليلحيين مابلشت شي قلت عقب اليوم العاشر ابلش خلطات و هالسوالف الزينه

 

[le3bah]

أنا صار لي 21 يوم وأحس هالمرة نفاسي مو شي صراحة ،يعني ماهتميت بنفسي مثل قبل بس انشالله أعوض بالأيام الجاية
بس سويت ترديد عند أم نادر وناوية مساج صيني اذا قربت أطلع

 

[زمردة الكويت]

اناا بعد توني صارلي اسبوعين من ولدت و الله يقوم فجورره بنتي حبيبتي بالسلامه ان شااء الله لانها ليلحينها بالشيشه ,,,

اناا بعد ياتني ام نادر باليوم العاشر واقكر اذا طلعت من الاربعين اسوييلي مساج صينييي ,,,

وبالنسبه حق الاكل اناا سألت اليوم ناهده دكتورتي عن السمك و الربياان و اذا صج انه يزفر الحلييب وماايحبه البيبي قالتلي لااا بالعكس اصلاا وايد مفيييد السمك ... و عطتني تحاميل احطهم بعد ال 30 يوم من ولادتي و لمدة اسبووع ,,,

 

[le3bah]

زمردة باسألج جربتي الدوا الأبيض اللي تبيعه ام نادر ؟

 

[زينانه]

بناات انا توي والده صارلي 6 ايام و بطني يلوع الجبد حدا حايشني احبااط انشالله يرووح

ليلحيين مابلشت شي قلت عقب اليوم العاشر ابلش خلطات و هالسوالف الزينه

مبروك يابسبوسه عالبيبي الجديد
وشكلج بجر عشان جذي منصدمه من شكل بطنج
انا الحين لي 17 يوم ومو منصدمه من بطني لاني مجربه النفاس كذا مره
ومتوقعه شكله بيكون مأرف...الله يعينا عالنفاس
وادويته وعنايته.

 

[زينانه]

زمردة باسألج جربتي الدوا الأبيض اللي تبيعه ام نادر ؟

انا بنفاسي اللي طاف رددتني ام نادر وشريت منها البودره البيضا(قرص القمر)
وصراحه خفت ...اجربها
ولما قلت ببتدي فيها واكل منها قفشه باليوم مثل ماقالت لي...جان القى بالقوطي شعره
جان اقول خيره من الله اني شفت هالشعره وقطيته بالزباله.
وبنفاسي هذا ناويه اطلب صينيه انشالله مابي ترديد.