تجمع للمعالجات في مستشفى الصباح قسم اطفال الانابيب

[رماديه]

اللي اعرفه انهم يزيدون الابر لينما توصل للحجم المطلوب

 

[WaChoCha]

اضوى ...مشكورة على الرد ... هم انتي بعد عطوج ابرتين زيادة؟ انا اول شي عطوني 6 تالي 2 وعندي سونار .... اللي احاتيه اذا ما كبرو بعد الابرتين ما ادري شنو بيسوون ؟

رمادية ... هم مشكورة على الرد ... يعني باخذ ابر لغاية موعد الدورة الياية اذا ما كبرو ؟؟


وايد احاتي... بس الحمدلله على كل حال والله يرزقنا وياجرنا ولا يردنا خايبين يا رب .... قادر على كل شي يا رحيم

 

[رماديه]

الله يسهل أمرج

قولي اللهم لا سهلا الا ما جعلته سهلا و ان شاء الله يوصلون للحجم المطلوب و اتخلصين وتحملين قولي آمين.

 

[WaChoCha]

بعد قلبي رمادية ... يا رب يسهل امورج وياي ويسهل امور كل خواتنا بالقسم.... ويرزقنا الذرية يا قادر يا رزاق

 

[اضوى]

انا جونال اف 4 بودر و2 ماي ومنجون كانو 2 بودر واحد ماي وزاته ل3 اتكلي علي الله الدكتوره كانت تقول لاتحاتين بنزيد لحد مايوصلون العدد المطلوب

 

[WaChoCha]

لا اله الا الله مالنا الا رب العالمين
انا كنت 4 بودر+ 2 ماي جونال
ومنجون 4 بودر + 2 ماي والحين زادوه لي 6 بودر +2 ماي

عسى الله ياجرنا ولا يردنا خايبين ويفرح قلوبنا كلنا بالذرية الصالحة الطيبة المعافاة زز اللهم آمين

 

[eng.q8]

الله يفرح قلبج ان شالله بالذريه الصالحه

 

[lolaaaa]

خواتي اتنا زوجي عندة عدد الحيوانات المنوية صفر بالسائل و بس فتحوا الخصية لقو كم حيوانن داخلها و الحين اهوا بادي بكورس علاج هرمونات و ابي اسالكم اذا نويت اسوي حقن مجهري بالصباح ياخذ وقت و جم يكلف اذا بالخاص

 

[eng.q8]

بالخاص تقريبا 1500

 

[WaChoCha]

eng.q8
تسلمين على الدعوة الطيبة عزيزتي

لولالا ... اذا كان عمرج 37 38 بسرعة يبلشون معاج هذا اللي عرفته ، بس اذا صغيرونة تنطرين عزيزتي

 

[اضوى]

تري مو شرط حسب الحاله والله اعلم

 

[WaChoCha]

مساكم الله بالخير يابنات
من زمان ما انرفع الموضوع ... بشرونا يالمعالجات بالمركز حد الله سبحانه كتب له الحمل عن طريق المركز

 

[$غــ(ز)ــل$]

الله يرزقني ويرزكم ان شااءالله
وافررررح فيكم كلكم عاجلا غيرآ جل

 

[الفريده]

انا قاعده اعالج بالصباح قسم الأنابيب الشهر اللى طاف بلشت معاهم تلقيح IUI وماصار وهالشهر عطونى off وابلش الشهر الياى والله يستر مع ان كانت البويضات اوكى وكلشى زين بس الله ما قسم

الله يرزقنا ويرزق كل محرومه يا قادر يا كريييييييييم

 

[عسولةريلي]

السلام عليكم خواتي ولهت عليكم طمنوني اشصار عليكم مع العلاج ؟؟؟
بس احب اقولكم انا وقفت علاجي لاني مليت !!!
اولا :- حددولي عملية شهر 2 ورحت علشان اسوي سونار جان يقولولي انج مو مسجلة في جدول العمليات طلع بس جذي محدديلي الموعد لاني حنيت عليهم يجدمون موعد العملية لانا ريلي في ضعف
وقالولي موعدج شهر5 الياي يعني لازم اسوي سونار ثاني يوم الدورة وما رحت ولا راجعتهم خليته على رب العالمين إن شاءالله يرزقني من عندة بدون اي عمليات لانا نفسيتي وايد تعبانه لادوام ولا اطلع ولا ازور مالي خلق نفسي !!!!
بس في شئ قريب صار وياي هذا الشهر الدورة تأخرت علي اسبوع وبطني كبران لانا الدورة الشهر 2 بس يومين وكانت خفيفة المهم بعد يومين من موعدها تكرمن نزل اشوي بني وبعدها بيومين نفس الشئ صار معاي وبعد 5 ايام جامعني ونزل دم وردي وفرحت بس لللاسف بعدها تكرون نزل دم جان اشرب دارسين وزنجيل وحسو هم ما كملة معاي بس يومين ووقفت وصاير معاي حموضة ولوعة وبطني اشوي صاير يابس ورحت حللة بس للاسف موحامل بس صديقتي قالتلي سوي تحليل الهرمونات راح يبن اكثر وكل من شافني يسؤلوني حامل !!!!؟؟؟
اتمنى اكون حامل ادعولي اكون حامل (((اعذروني قرقت عليكم وايد)) وربط بين المواضيع لانا ماعندى احد اتكلم عماه غيركم ​

 

[أم علاوي 14]

أخواتي ، قريت الموضوع ، في اللي يمدح ، وفي اللي يذم

ابغي باختصار اجابات عن هذه الاسئلة

هل المواعيد سريعة؟ من الدكاترة هناك وأفضلهم ؟؟ هل يعالجون كل الحالات بالنسبة لعقم الرجال ؟؟

وشكرا

 

[om_jsoom]

حبيبتي عسووله ان شاء الله تكونين حااااااامل ياااااارب
لييش ماتروحين تحللين تحليل هرموني يبين بسررعه وان شااء الله تبشرينه يااااارب

 

[عسولةريلي]

[

b]هلا اختى ام علاوي14
بالنسبة للمواعيد ترجع لايام الدورة وبعض التحاليل بس موعد دخولج للدكتورة اشوي يطول حاولي تكلمين السستر علشان اجدم موعدج لها وبالنسبة للدكاترة كلهم زينين ونفسهم وايد حلوة وياخذون ويعطون معاج باي سؤال تسألينهم وبخصوص علاج العقم والله مادري بس انا ريلي في ضعف وعطوه علاج وابر (((اتمنى اني رديت على كل أسألتج )))
واتمنى البنات يفيدونج اكثر [/b]​

 

[عسولةريلي]

حبيبتي عسووله ان شاء الله تكونين حااااااامل ياااااارب
لييش ماتروحين تحللين تحليل هرموني يبين بسررعه وان شااء الله تبشرينه يااااارب

مشكورة ياالغالية علي دعائج لي
يعني يمكن اكون حامل لانا بطني كبران وموطبعي بس اخاف احلل وانصدم
راح اخلي تحليل اخر الشهر اشرايج ما اتسرع
((واحب اقولج انا كلانواع المشروبات آلي تنزل الدورة خذيتها ،،، بس تقول صديقتي عادي اهيا بعد صار معاها مثلي وكانت تنزل عليها وبعد ثلاث اشهر اطلعت حامل ومرت اخوها بعد تقول اذا ربج كاتب تحملين لو شنو تاخذين آلي كاتبة لج يصير )) كلامها صج لومهما شربت من اعشاب وحسو ما ينزل الياهل إن شاءالله اكون حامل
​

 

[om_jsoom]

صح عيل خليها على ربج وانسيها واخر الشهر حللي وباذن الله تكونين حااامل يارب ومافي شي بعيد على رب العالمين
انتي عليج بالدعااء وان شاء الله ربي مايخيب املج