تجمع للمعالجات في مستشفى الصباح قسم اطفال الانابيب

[++The DuchesS++]

هلا وغلا فيج قمر ضاوي
انا شكلي بسويها بخاص لانه اشعتي من 3 سنين مسويتها
يعني ةوايد قديمه
تسلمين حبوبه على ردج

 

[قمر ضاوي33]

عسى الله يرزقكم جميعا بالذرية الصالحة السليمة المعافاة ويعوض صبركم خير ... الصبر يا بنات الصبر والله بيعوضكم ان شاء الله خير

 

[الغــ مرت ــالي]

الله كريم ياحبيباتي

ولاتنسون ان هذا اختبار من رب العالمين بيختبر عبده اذا كان بيصبر على هذا البلاء ام لا

لان الذريه مو شي هين المال والبنون زينه الحياة الدنيا

الله يزين دنيتنا يارب بالذريه وبالرزق الطيب قولو امين اجمعين يارب العالمين

 

[الغــ مرت ــالي]

انا حاليا راح اوقف العلاج لمده شهرين شوي ارتاح بعد التلقيج والله كريم

ادعولي بنات

 

[++The DuchesS++]

مرت الغالي

امين يارب العالمين
ويعوض صبرنا خير
وانتي ارتاحي هالشهرين والله
يكتب اللي فيه الخير والصالح
وانا انشاء الله موعدي الاربعا الياي بالصباح
وانشاء الله يتمم على خير يااااارب

 

[الغــ مرت ــالي]

حبيبتي غفران الله يوفقج

سلميلي على سستر ايمان

صرنا خبره شنسوي بعد الحمدالله على كل حال

 

[++The DuchesS++]

مرت الغالي

انا موعدي يوم الاربعا وخايفه
بروح على اساس افتح ملف
ونشوف شنو يصير
يعني للحين ما اعرف احد هناك
والله يكتب اللي فيه الخير والصالح
واي شي راح يصير راح ابلغكم

 

[++The DuchesS++]

بغيت اقولكم اني رحت اليوم الصباح والحمدلله ماكان زحمه المكان هادي
وحلو حتى معامله السسترات والموظفات الله يجزاهم خير
بس استغربت انهم ما طلبوا يسوون تحليل لزوجي (( اقصد تحليل السائل المنوي ))
بس فيه سستر اللي حطتلي موعد الهيستوري قالت اي تحاليل عندج تفيد ييبيها
وسألتني عن اشعه الرحم وقلتها عندي بس قديمه قالت ميخالف هاتيها
والتحاليل تاخذ 3 اسابيع وموعدي الياي 1\11 على ما تخلص التحاليل
وهمن عطوني موعد تحليل ثاني والواحد وعشرين للدوره
والحمدلله انا متفائله خير لان المكان مرتب ومريح والمعامله وايد حلوه
والله يكتب اللي فيه الخير والصالح

 

[الغــ مرت ــالي]

الحمدالله والله طمنتينا عليج حبيبتي

الله يوفقج حبيبتي بس اكيد راح يسوون حق ريلج بس عقب مايخلصون من تحاليلج

بس ماقلتي اي دكتوره حطوج؟؟
يعني تعالجين عن اي دكتوره؟

 

[++The DuchesS++]

للحين ما حددوا
ما قالو بس موعدي الياي 1\11 يمكن راح يقولون

 

[++The DuchesS++]

باجر بروح اسوي تحليل ثاني يوم للدوره
والله كريم انشاء الله

 

[الغــ مرت ــالي]

موفقه حبيبتي

ودي على يوم اشوفج بالمستشفى

يمكن يوم يتواعد مع بعض يكون موعدنا

 

[++The DuchesS++]

هلا وغلا مرت الغالي
اليوم رحت وسويت التحليل
وانشاء الله نتصادف على يوم ليش لأ

 

[الغــ مرت ــالي]

بالتوفيج حبيبتي

عطينا النتايج خنطمن عليج

 

[..كويتيه وافتخر..]

الله يرزقكم بالذريه الصالحه يارب

 

[++The DuchesS++]

اكيد اي شي يصير راح اعطيكم الاخبار اول بأول

 

[إنمي23]

انا متزوووجه صارلي سنتين بس زوجي سوه تحليل
وكااان عنده ضعف فقررنا انروووح الصباااااح انعااالج احسن
بس انا سمعت ان لي يسوي طفل انابيب لازم يصيرله متزوج عشر سنين
بس بعرف صج هالحجي

 

[++The DuchesS++]

انا اعتقد لازم يكون اكثر من 5سنوات
بس ترا مواعيد طفل انبوب تطول على عكس التلقيح

 

[الغــ مرت ــالي]

اي صح حبيباتي للاسف موعد طفل الانابيب بالصباح يطول وايد وايد مو شويه

بس سوي تلقيح يمكن ماتدرين الله كريم يارب

 

[قمر ضاوي33]

اذا كان عمرك 38 واكثر دورك ما يطول اشهر بسيطة بس تسوين التحاليل اللازمة

بس اذا عمرك صغير لا تطولين وايد