تجمع للمصابات بالداء الجميل(داء السكري)

[ورد و ريحان]

السلام عليكم

شلونج يالغاليه ؟!

ياقلبي الله يشافيكم ويعافيكم ان شاءالله وكل شي بأجره عند رب العالمين بس قولوا الحمدلله

بقولج سالفتي واتمنى انج تنصحيني يالغاليه

فديتج عندي ريلي عمره 31 صار فيه السكر من ازمة البورصه ومن يومها مو مترقع وماادري شنو اسوي معاه

السكر عنده كله هاااااااااااااااي وكله الفجر يروح الطبيب يعطونه ابره بالوريد علشان بسرعه ينزل
والله العظيم السكر عنده يوصل 45
مادري شنو اخليه ياكل ومااعرف شنو اسويله مسكين كله يطلب من المطاعم

قتله ابيك تشترك بوحده من شركات التغذيه يرتبون لك الوجبات واييبون لك اكل صحي
وابيك تشترك بنادي عالاقل ساعه كل يوم
وابيك تاكل وجباتك وتاخذ ابرك بوقتهم

لان اهو على كيفه عادي يتريق الساعه 12 الظهر ويتغدا الساعه 5 ويتعشى الساعه 1 بالليل @@

ومسكين سمع الكلام وراح اشترك بــ(فليكس) وفحصته الدكتوره والحين اليوم اول يوم ياكل اكلهم


ماادري يعني اللي قتله صح ولا غلط؟!

وشنو تنصحيني فيه علشان يرد نفس اول؟
قبل كانت فيه عافيه وابيضاااني وجسمه زين .. بس عقب هالسكر صار جنه الشايب وضعيفونووووووو

والله ربي يعلم اني مادري شسوي والدكاتره اذوووووه كل واحد يقوله كلام ):

واااااااااااي 45 واجد واجد حرام
كذا السكر بيلعب فيه لعب
لا ديري بالج لاتخليه على كيفه
والله موزين
اول خطوه لازم يخلي الاكل مال المطاعم لان ما من وراه الا البلاوي
واللي مافيه شي يجيبله بلاوي ما بالج اللي فيهم سكر
ثاني شي لازم ينتظم بمواعيد الاكل

ثالث شي العلاج ثم العلاج ثم العلاج لازم مايقطعه ابد
رابع شي انتي اشرفي على اكله حسب جدول مريض السكر طبعا يختلف من شخص لاخر حسب الجنس والطول والون وجرعة الدواء يحددها الطبيب له
اهم شي يكثر من شرب الماي لانه يساعد على طرح السكر من الجسم عن طريق البول
ولازم يكثر من الخضار وحاولي تنوعيله من اكلات الخضار واللحوم البيضاءوالالبان الخاليه من الدسم او الخفيفه
ولازم يبتعد كليا عن السكر البيض والخبز الابيض ويخفف من العيش والدهون
(طبعا راجعي الموضوع تلقين كل اللي يفيدج ان شالله؟)
وانا بحاول بعد اجمعلكم نظام غذائي خاص لمرضى السكري ويكون مطور ومنوع
الخطوه الاخيره والاكثر اهميه الرياضه لازم يسجل نادي صحي ويلتزم فيه يوميا
يمكن بالبدايه بيلقى صعوبه وبعدين رح يتعودوالف سلامات عليه
استمري على هالشي وخبرينا شيصير معاكم اول باول وطمنينا ياقلبي


وكلامج صحيح 100%
وان شالله تثابري عليه

 

[ورد و ريحان]

مشكوره ويعطيج العافيه وجزاج الله خير بس شوفي موضوعي بقسم طب الاعشاب

حياج الله ياقمر
ان شالله بشوفه.....

 

[أماني الورد]

مرحبا شلونكم

انا ضيفه جديده

فيني سكر وانا الحين حامل

وقاعدة احاتي

الدكتورة محولتني على حبوب الكلوفولاج

وان شاءالله اولد بالسلامه يارب

 

[ورد و ريحان]

مرحبا شلونكم

انا ضيفه جديده

فيني سكر وانا الحين حامل

وقاعدة احاتي

الدكتورة محولتني على حبوب الكلوفولاج

وان شاءالله اولد بالسلامه يارب

حياج الله حبيبتي نورتي التجمع ياقمر
الله يقومج بالسلامه ياقلبي
لا تحاتين اهم شي التزمي بالحميه والحركه
واشربي ماي واجد واستمري متابعه مع الطبيب
وطمنينا عنج اول باول

 

[ورد و ريحان]

,,,,,,,,,,,,,,,,,,,,,,

 

[ورد و ريحان]

....................

 

[فراشة الضياء]

السلام عليكم ورحمة الله وبركاته

أخواتي ممكن أسأل عن جهاز فحص السكري المنزلي من وين أقدر أجبية ؟؟ويكون بسعر معقول الله يجزاكم خير

أسأل الله العظيم رب العرش العظيم أن يشفيكم ومرضى المسلمين عاجلا غير آجلا

 

[كارلوفي فاري]

مرحبا -جهاز السكر متوافر بجميع الصيدليات بس انا عندي جهازي حيل دقيق الماني واسمه ( اكيو شيك ) وشرايطها اسمها (جو) انا اشزف انه هذا الجهاز جيد

 

[كارلوفي فاري]

مرحبا -جهاز السكر متوافر بجميع الصيدليات بس انا عندي جهازي حيل دقيق الماني واسمه ( اكيو شيك ) وشرايطها اسمها (جو) انا اشزف انه هذا الجهاز جيد

 

[ورد و ريحان]

صح حبيبتي فراشة الضياء مثل ما قالت كارلوفي
متوفر بجميع الصيدليات

 

[ورد و ريحان]

كارلوفي حياج الله والله فقدناج
وفاقده بعد باقي البنات مدري ليه طولوا الغيبه عسى المانع خير

 

[ورد و ريحان]

up up

 

[sumood]

جزاكم الله كل خير على الرد أخواتي العزيزات

 

[كنوز78]

السلام عليكم

شلونكم بنات؟؟

شلونج وروده و شلون السكر معاج

اماني حياج معانا يا قلبي ...الله يسهل عليج و يشافيج و يشافينا اجمعين... ديري بالج عالسكر و اهتمي بمراجعاتج الدوريه عشان سلامتج و سلامة البيبي الله يبلغج فيه

بالنسبه لبنتي ... الحمدلله على حالها.... بس هالايام امتحانات مثل ما تدرون و مع الامحاتات اشوف سكرها مرتفع و هي الله يهداها تخربط بالاكل من وراي ... و مع ذلك وزنها نازل شلون مادرى...

ودي اروح مراجعتها عقب الامتحانات ان شاء الله لأنه لنا فترة ما رحنا بسبة الدراسه و لأني بنزل بيتي الجديد ان شاء الله... هذه كل اخباري .. بشروني عنكم

اللهم اشفى مرضانا و مرضى المسلمين...

اللهم اغفر لنا و ارحمنا

اللهم تجاوز عن سيئاتنا و اعفو عنا

اللهم امين

 

[ورد و ريحان]

السلام عليكم

شلونكم بنات؟؟

شلونج وروده و شلون السكر معاج

اماني حياج معانا يا قلبي ...الله يسهل عليج و يشافيج و يشافينا اجمعين... ديري بالج عالسكر و اهتمي بمراجعاتج الدوريه عشان سلامتج و سلامة البيبي الله يبلغج فيه

بالنسبه لبنتي ... الحمدلله على حالها.... بس هالايام امتحانات مثل ما تدرون و مع الامحاتات اشوف سكرها مرتفع و هي الله يهداها تخربط بالاكل من وراي ... و مع ذلك وزنها نازل شلون مادرى...

ودي اروح مراجعتها عقب الامتحانات ان شاء الله لأنه لنا فترة ما رحنا بسبة الدراسه و لأني بنزل بيتي الجديد ان شاء الله... هذه كل اخباري .. بشروني عنكم

اللهم اشفى مرضانا و مرضى المسلمين...

اللهم اغفر لنا و ارحمنا

اللهم تجاوز عن سيئاتنا و اعفو عنا

اللهم امين

هلا بالقمر للي بان وينج من زمان
عالبركه البيت ان شالله تشوفين على وجهه الخير يارب

بنتج الحلوه الله يشافيها ويخليها
اترسي بطنها قبل لا تطلع منج باشياء مفيده
عشان ما تجوع وتاكل من وراج ههههههه
خوش فكره مو
انا ان شالله قربت سفرتي
وتوتر نفسي
لازم عفسة السفر والحاله حاله


لا تطول علينا ياقمر ترى فقدناك

 

[ورد و ريحان]

انا اليوم صايمه بنات كان عنجدي من رمضان 8 ايام
صمت 3 وباقيلي 5
واحس اني بمووووت من العطش
وراسي مصدع حيل
بعد الفطور اخبركم شصار معاي

 

[ورد و ريحان]

قلت بطل علكم بعد الفطورؤ
بس شاللي صار
سيده طوووووووب حطيت راسي ونمت والله ما حسيت بنفسي
كاني بغيبوبه من التعب
والله كان يوم متعب بالنسبه لي
الله يكتب لنا فيه اجر ان شالله

 

[ورد و ريحان]

قلت بطل علكم بعد الفطورؤ
بس شاللي صار
سيده طوووووووب حطيت راسي ونمت والله ما حسيت بنفسي
كاني بغيبوبه من التعب
والله كان يوم متعب بالنسبه لي
الله يكتب لنا فيه اجر ان شالله

 

[كارلوفي فاري]

ماتشوفين شر وانشالله الله يخلص صيامج على خير -انا احس اموري بالسكر احسن شوي بعد مانتظمت على الكلوفاج مع انه الحين امتحانات وحرقة اعصاب الله يعين -بس ياخواتي وزني قاعد يزيد وماني عارفه شنو السببب زايده 5 كيلو بشهرين -وفي علاج قريت عنه يعتبر كمنظم للسكر يقولون عنه زين حيل اسمه جانوفيا وصلني بالايميل معلومات عنه وانه بعض الناس شفت عليه احد سامع عنه يابنات -وماتدرون شنو صار على علاج اللي اكتشفه الدكتور ارباب السوداني والعلاج ينباع بصيدلية بينونه بابو ظبي محد استخمده ياليت يابنات تحطون تجارب
ومره ثانيه ياورد اقولج سلامات

 

[كارلوفي فاري]

ماتشوفين شر وانشالله الله يخلص صيامج على خير -انا احس اموري بالسكر احسن شوي بعد مانتظمت على الكلوفاج مع انه الحين امتحانات وحرقة اعصاب الله يعين -بس ياخواتي وزني قاعد يزيد وماني عارفه شنو السببب زايده 5 كيلو بشهرين -وفي علاج قريت عنه يعتبر كمنظم للسكر يقولون عنه زين حيل اسمه جانوفيا وصلني بالايميل معلومات عنه وانه بعض الناس شفت عليه احد سامع عنه يابنات -وماتدرون شنو صار على علاج اللي اكتشفه الدكتور ارباب السوداني والعلاج ينباع بصيدلية بينونه بابو ظبي محد استخمده ياليت يابنات تحطون تجارب
ومره ثانيه ياورد اقولج سلامات