تجمع للصف السادس للعام الدراسي 2012 / 2013

[أم عبووووود]

مساء النور

 

[Om3aLaWi_q8]

صباح الخير

 

[بقلبي انت]

مرحبا امهات
وانا بعد بنتي بتروح سادس واحسها خايفه لانها مدرسه جديده وبنات جدد مو رفيجاتها بالابتدائي
بس انا اشجعها اقولها كوني صداقات وتعرفي عالبنات بصفج تقولي روحي معاي اول يوم وانا متردده
ابيها تروح بنفسها تعتمد علي نفسها وتلاقي صفها وتشوف المدرسه مادري محتاره والله

والمنهج يقولولي حلو بس لازم دراسه اول باول خاصه العلوم والله المستعان

 

[أم عبووووود]

هلا حبيبتي بقلبي انت

الله يوفقها ان شالله ويسخر لها مدرساتها

انا بنتي بنفس مدرستها لانها مشترركهبس اللي مخرعني ان المدرسم بالابتدائي شديدين شلون بالمتوسط الله يسهل ان شالله ويسخر لهم المدرسات الزينين

 

[منيرة خالد]

بالتوفيق

عندي ولدي هالسنه بسادس ، اكثر ماده اشوفها صعبه ولا اعرف لها هي الرياضيات

 

[أم عبووووود]

منيرة خالد
حبيبتي ان شالله تبدي السنه ونتسعد وربي يسهل علينا وعلى عيالنا كل صعب

 

[بقلبي انت]

ام عبود مشكوره عالدعوه ومن ناحيه شديدين اتوقع بشدون عليهم لانهم كبار يعني مافي سوالف
دلع الابتدائي وانا قايله لبنتي ومنبهتها ان المتوسطه شديدين مو نفس الابتدائي دلع ويطوفون لهم
اهم شي احترام الابله وحصتها والله يوفقهم

 

[بقلبي انت]

منيره خالد شوفي اهم شي يدرس اول باول كل مسأله ياخذها يرد البيت يراجعها
وانا انصحج بمذكرات جمعية المعلمين حلوه ومبسطه فيها شرح وحلول ومسائل يحلها وتكون محلوله بعد
اشتريهم وخليه كل درس ياخذه يفتح المذكره ويحل مسائل الدرس وبجذي بتصير عليه سهله

 

[Om3aLaWi_q8]

صباح الخير
صاجه بقلبي انت
مذكرات جمعيه المعلمين وايد مفيده
وانشاء الله كلنا نستفيد ونفيد اعيالنا يارب

 

[Om3aLaWi_q8]

صباح الخير


شنو استعداداتكم للمراجعات والحفظ

 

[أم عبووووود]

صباح النووور

والله انا ما راجعت لعيالي لي الحين مع ان يبي لهم شويه تذكير

يااارب يوفقهم ويسهل عليهم

 

[بقلبي انت]

من ناحيتي ببدي مع بنتي بجدول الضرب تراجعه والانقليزي بخليها تقرا كتابها العام مال خامس
بس عشان تذكر الكلمات واشلون تنطق الكلمات وبعلمها علي خط الرقعه يعني مابي اشد عليها
بخلي كل يوم شي بسيط تسويه واهي الحمدلله احس انها متحمسه للدراسه يمكن لانها مدرسه جديده
وصف جديد والله يوفقهم ويسهل دراستهم

 

[Om3aLaWi_q8]

مساء الخير
بنات ماكو تفاعل
التجمع صار بالصفحه الثانيه
بنات بحطلكم سوره القران المقرر حفظه

سوره المدثر

 

[كنوز الخير]

الحمدلله انا بناتي وحده رايحه لسادس والثانيه خامس بس كلهم يدخلون المعهد الديني واول مره

وخايفه تكون الدراسه صعبه فيه والله يعين

 

[بقلبي انت]

اي والله ام علاوي حطي لنا الايات يمدي عيالنا يحفظونهم

هلا كنوز حياج معانا بس ليش مدخلتهم المعهد الديني والله انا سامعه انه صعب ولد اخوي كان فيه وطلع منه
يقول صعب حييل

 

[Om3aLaWi_q8]

صباح الخير حبايبي


انا بنتي بدت تحفض الايه وانشاء الله خير

بس جنه في حفظ آيه في مادة اللغه العربيه اول درس

حاولو تحفظونهم القران علشان يمديهم يحفظوون

 

[Om3aLaWi_q8]

بنات وين مدارسكم بأي مناطق واسم المدرسه

 

[Om3aLaWi_q8]

بنسبه لي توي نقلت اعيالي من مدارس بيان لي القرين

واسم المدرسه مدرسة الحنيف المتوسط بنات

والله بس ماأدري اشلون نظام المدرسه

وانشاء الله بتابعها اول بأول علشان ألحق عليها وعلى اخوها بروح الصف الرابع

الله يعينا بنقعد على اعصابنا

 

[أم عبووووود]

السلام عليكم

شلونكم وشلون تجهيزاتكم للمدرسة

بقلبي انت
ربي يوفق بنيتج ان شالله

كنوز
حبيبتي الله يوفق عيالج ان شالله انا كنت بنقل بنتي بس قالوا صعب ان شالله تعلمينا ونستفيد منج يمكن انقلها السنه اليايه

ام علاوي
حبيبتي تسلمين وماتقصرين

 

[كنوز الخير]

ام عبود الله يجزاج خير وانا حابه دراستها لانه بالقران الكريم وتفسيره وتجويده

والفقه والسيره مافي احلا من جذي وانا بساعدهم بالتدريس

والتوفيق من الله والله كريم