تجمع للصف الثاني ابتدائي 2013-2014

[أم عبووووود]

تجمع للصف الثاني ابتدائي 2013-2014

السلام عليكم ورحمة الله وبركاته

هذا التجمع ان شالله راح يخدم امهات الصف الثاني الابتدائي وراح يكون فيه استفساراتكم ونقاشاتكم كلها وان شالله نستفيد من بعض .​

ربي يوفق عيالي وعيالكم ان شالله ولا يضيع تعبنا :eh_s(7):​

 

[انوار المحبه]

اتا ولدي ثاني ابتدائي و ماني عارفه شلون ادرسه احس ظايعه الي تعرف رقم معاهد او مدرسين تأسيس تقولي لان اهم شي أول سنين و اهوا ما يقعد أسم الله عليه

 

[أم بتول*]

وانا معكم بنتي ثاني ابتدائي إن شاء الله تكون سنة خير ونجاح

 

[سلطانة الاحساس]

انا معاكم بنت اخوي بصف ثانيه وامها متوفيا الله يرحمها انا ادرسها

 

[بقلبي انت]

قوه
وانا بعد ولدي بثانيه واحسه للحين مو فاهم شي خاصه بالعربي والانقلش مايعرف يقرا وحتي الكتابه
افكر اجيبله مدرسه تأسسه عربي وانقلش دام احنا ببداية السنه

والله يوفقهم ويسهل دراستهم

 

[مارون جلاسيه]

مشكووره على هالتجمع...
انا بنتي بعد بثانيه ابتدائي بمدرسه ليابه بنت الحارث بجنوب السره

 

[ورد الجناين]

و انا بعد معاكم .. و لدي بثانية ابتدائي و أحس انه ضايع بالانجليزي و الرياضيات .. مو عارفة شلون ادرسة ، و الابلة تحط له صح على الاجابات الغلط ..

 

[Q8_QT]

آنا بعد ولدي بثانية ولي الحين اشوف مو متمكن من العربي الأحرف ينساها وما يعرفها كلها بعد والإنجليزي بعد الله يعينا على تأسيسهم

 

[cramela]

انا حدي متوهقه بالعربي ما ادري وين الله حاطني انا امبيه منحاشه من العربي يطلع لي

 

[سلطانة الاحساس]

بنات شلون اقوي بالرياضيات والعربي؟؟؟؟؟؟؟؟؟؟
موعارفه

 

[أم حمني المزيون]

انا ولدي بثانيةواحس اكثر شي صعب الرياضيات خاصة العد بال2 والخمسات!!! والله يعينا باللي ياي والعربي للاسف التاسيس موقوي السنة اللي طافت 4 كتب ع الطل اركض اركض والحين شالوا الملف الانجازي احد عنده علم شلون بيكووون وضع الدرجات والتقييم؟؟

 

[الغضى]

اي الدرجات الابله تحطها
كل فترة تسوي لهم اختبار او املاء وتقيس عليها
الولد يا ينجح او يسقط

 

[dandooosh]

أنا ولدي بثاني،، اصعب شي علي تدريس المواد العلمية .. الرياضيات والعلوم،، اشلون تدرسونهم ؟؟ خصوصاً التمثيل البياني في الرياضيات

 

[أم بتول*]

ما فهمت شو قصدك بالتمثيل البياني

 

[dandooosh]

up
up
up

 

[ورد الجناين]

انصدمت بعد اجتماع أولياء الأمور اللي بلغونا فيه بإلغاء الملف الإنجازي للطفل.. يعني المسألة فيها نجاح و سقوط ( الله يحفظ عيالنا ويوفقهم) ..
شفتوا كتب العربي و الدروس المعقدة اللي فيها؟ أحس إن الأسلوب المستخدم فيها لطلبة الصف الثالث أو الرابع مو طالب توه يتعلم القراءه و الكتابة .. اللغة ثقيلة و الهمزات اللي على الألف و اللي على نبرة مو مالت ثانية ابتدائي
حتى أسئلة الرياضيات اللي في الكتاب مضيعة أولياء الأمور قبل الطلبة .. الله يسامحهم اللي لعبوا بحسبة عيالنا ، وين سلاسل الأعداد ، وين الإنقاص من العشرة و الإكمال للعشرة في الجمع و الطرح ..
مالنا غير الله

 

[أم بتول*]

انا للحين مو فاهمة شو يعني سقوط ونجاح يا ريت تفهموني لو سمحتو

 

[أغلى حبيبه]

يعني اذا الولد صقط بماده يعييييد السنه عشان ماده

مافي لا دور ثاني ولا جوازاا تخيلي

يعني ولدي ياي من ملف انجازي كله نجاح والحين يبونه يقرا ويكتب

غير تعبير الانقليزي شفوي وتحريري

وغير الرياضيات

ظييييييييييييييم ياربي لعبوو بعيالنا لعب حسبي الله عليهم

 

[أغلى حبيبه]

يعني اذا الولد صقط بماده يعييييد السنه عشان ماده

مافي لا دور ثاني ولا جوازاا تخيلي

يعني ولدي ياي من ملف انجازي كله نجاح والحين يبونه يقرا ويكتب

غير تعبير الانقليزي شفوي وتحريري

وغير الرياضيات

ظييييييييييييييم ياربي لعبوو بعيالنا لعب حسبي الله عليهم

 

[أم بتول*]

الأحد عنا امتحان قرآن كريم ب سورة الزلزلة والعاديات والبينة
وعطونا برنامج امتحان الفترة الأولى