تجمع للصف الاول ابتدائي للعام الدراسي 2012 / 2013

[زوجي كويتي]

السلام عليكم بنات
بعرف اولى ابتدائي متى يعطلون

 

[هدفي الفردوس]

بنات ابسالكم الحين لما يتعلمون الطرح شلون يعد الطفل باصابعه يعني واذا كان العدد اكثر من عشرة شلون

 

[بقلبي انت]

السلام عليكم شخباركم امهات
غطيت عن التجمع لهيت مع العيال والتدريس والبيت وتنظيفه خبركم ماعندي خدامه>>جني طلعت عن الموضوع

المهم ؛ اخيرا شريت طاوله لولدي يدرس عليها مستانس منها كل ماقلت يالله تدريس جابها وحطها عندي وقعد ينطر

اخذت شهدته الحمدلله درجات كلها تمام وابلاته مستانسين منه اللهم لك الحمد . امهات لازم تتعبون عليهم هالثلاث سنوات
لان بالسنه الرابعه اهي المطب لهم يعني اذا ماتأسس الولد عدل بهالثلاث سنوات بيغرز بالسنه الرابعه لانها شوي صعبه

وبالنسبه للتفوق لاتحاتون كل عيالنا بيتفوقون اخر السنه ويتكرمون هذي سياسة المدارس عشان الطالب يتشجع
حتي لو كان نازل بالمواد

وانا ناويه اسجل ولدي بعطلة الربيع بنادي يكون فيه دراسه وتسليه وتعليم لكن جاري البحث

 

[بقلبي انت]

بالنسبه للطرح لاكثر من عشره انا اتبع مع ولدي حركتين الاولي ؛

اجيب اقلام خشبيه واخليه يكون العدد وبعدين بنقص منهم
او اخليه ياخذ العدد الصغير بالطرح واخليه يزيد عليه لين يوصل للرقم الكبير مثلا؛

12-8= اخليه ياخذ الرقم 8 ويزيد عليه ارقام لين يوصل للرقم12 اخليه يحسب باصابعه والناتج يطلع بالاصابع 4 اتمني اكون وصلتلج المعلومه

 

[Q8_QT]

شلونكم امهات
الحمدالله ولدي ياب الشهادة واستانست اول شهادة اييبها صج شعور حلوووو
درجاته زينة الحمدالله بس بسألكم آنا وايد سمعت ان يحطون للكل امتياز صج هالكلام يعني الحين درجاته اللي يابها ماتعكس مستواه بالمادة ولاشنو بالضبط ماني عافة طريقتهم ياليت تفيدوني

 

[أم بتول*]

أمهات أنا حاسة إني مقصرة بتدريس بنتي بالانكليزي يعني أنا بس بحل معها الواجبات وتاركة الباقي عالأبلة بس والله الوئت دغري بيخلص يعني لبين ما نحل كل الواجبات بتكون البنت تعبت وما عاد فيها حيل مين متلي وشو الطريقة الصحيحة لا درسها الانكليزي

 

[هدفي الفردوس]

خوش تجمع ابعرف شلون تعلمون عيالكم الطرح احس صعب الجمع اسهل

 

[PuPa^^SWeeT]

^^^


بنتي بالروضة و علمتها الطرح بالاصابع او الشطب



يعني ترسم مثلا 8-3

8 دوائر و تشطب 3 وتعد الباجي


و نفس باصابعها

 

[أم بتول*]

ايمتى رح تغيبو ولادكم عن المدرسة انا بنتي عندها امتحانات الاسبوع الجاية والكتب تقريبا خلصت بتوقع الاسبوع الجاية اخر اسبوع وانتو شو بالنسبة إلكم

 

[dandooosh]

هلا والله ،، اي أم بتول أنا نفسج بس حل الواجبات وما في وقت حق شي ثاني أصلا ولدي يكتب الواجب وهو تعبان ،، اشوف خطة بالكتاب لما يكتب بالمدرسة خطة حلو ورتب ،، بس بالبيت العكس تماماً لانه تعبان ومو مركز

 

[xxx]

http://www.q8yat.com/t1122514.html

تقدرون تطلعون النتايج من المربع الالكتروني

 

[orange blossom]

شلونكم بنات؟
يوم الاحد انشالله الدوام
اودي ولدي مع جنطة فاضيه؟
قصدي علشان كتب الفصل الثاني
ترى انا موخبره
ولدي اهو اول عيالي يدخل الابتدائي

 

[أم عبووووود]

صباحكم ورد

 

[Q8_QT]

شفيكم امهات التجمع وايد صخة

 

[أم بتول*]

مرحبا كيفكون والله نحنا من اول يوم دوام بلشنا بالدروس والواجبات وبالعربي عم ياخدو المدود

 

[ام البراء 2011]

السلام عليكم بنات شلونكم ، انا اتذكر شاركت معاكم من بداية التجمع باول صفحه وبعدين خلاص انشغلت مع بنتي ، لكن بعد هالمده قررت السنه الثانيه اطلعها من ااحكومه واوديها الخاص بسبب الاخفاقات الرهيبه لنظام التعليم في الحكومه والصراحه ندمانه اني ضيعت على بنتي وقتها بهالمدرسه اللي كلها احتياطات ومايدرون شالسالفه ، حتى مافي تواصل بين المدرسه وولية الامر كل وحده تشتغل بروح وطايحين زف ببنتي واهي خجوله جدا وهاديه ، للاسف الله يصبرني هالشهرين واطلعها من هالمدرسه ، لا اداره ولامتابعه نهائيا المسأله سلق بيض ، تعبت بتأسيس بنتي بروضتها الخاصه قبل اللي اسسوها على منهج اولى ابتدائي احسن من تاسيس الحكومه ، وعقب هذا كله نزل مستواها الى الاسوء ، كل اللي حوالي خاص سواء من صوب اهلي او اهل زوجي بس انا الوحيده اللي جازفت وحطيتها بحكومه على بو انه كلنا متخرجين من حكومه ، ذاك قبل ياحظي اهتمام وشرح من قلب وانضباط اما الحين الله خير ، كتب شكثرها والمضمون مافي البنت كله تعرف موفاهمه هالرياضيات اللي صاير يركضون فيه تقول سباق حصن مو منهج قوي بالنسبه لطفل عمره 6 سنوات وحتى لو الطفل ذكي ، على الاقل لازم يعززون مهارة الطفل ويقعدون على درس الرياضيات مثلا بالنسبه للعد بالخمسات او العشرات يدرسونهم فيه اسبوع مو يوم ، اييييييييييه شقول بس الحمدلله على كل حال ، وان شاء احاول انقلها للتعليم الخاص *

 

[ارض الجنتين]

لو سمحتو خواتي ابي نماذج امتحانات للغه العربيه والرياضيات والانجلش واكون ممنونه لكم ?

 

[أم بتول*]

ما بعرف وان شاء الله الباقي يفيدوكي

 

[um.zooza]

أم البراء
أنا معاج بكل كلمه قلتيها جزاك الله خير وفعلا أنا دخلته على أساس حكومه وقلبها على عيالنا
للأسف على قولتج كله احتياطات وركضه بمنهج العربي والرياضيات غير الانجليزي اللي ما يدرون عنها ودارها

بس ماادي أرده خاص ولا اخليه يكمل وأسسه بالصيف

اااخخخخ الله المستعان

 

[أم بتول*]

مرحبا وينكم بلشنا امتحانات الفترة التالتة والله يعين