تجمع للصف الاول ابتدائي للعام الدراسي 2012 / 2013

[ام عواشوو]

تجمع للصف الاول ابتدائي

لسلام عليكم





الله يخليكم لي ولايحرمني منكم يااغلي خوات بس حبيت افتح
هالموضوع حق الي عياليهم بيدخلون اولي ابتدائي والي عندهم
خبره يساعدونا. ابي اعرف شلون ادرس بنتي وشنو دراستهم
سهله ولاصعبه لان كل شي تغير وكتبهم شلون وفي امتحانات
ولا فيدوني بخبراتكم مشكورين وماتقصرون

 

[دمعاتي تونسني]

رد: طلب مساعده. بخصوص اولى ابتدائي??

ام عواشوو انا نفسج ولدي اول سنه له ومااعرف شي يااااليت يساعدونا البنات الا عندهم خبره

 

[أم عبووووود]

هلا حبيبتي ام عواشووو

راح يكون هذا تجمع للصف الاول وان شالله كلنا راح نتساعد بهالموضوع لان اغلبنا عندهم فكرة للصف الاول

حياج الله ياقلبي

 

[أم عبووووود]

حبيباتي عيالكم هالايام درسوهم الارقام من الحين وحفظوهم اياهم والاحرف العربيه والانجليزيه وحفظوهم اول سورة عشان تمرنونهم على الوضع اليديد وماينصدمون بالدراسه ان داوموا

في اوراق عمل للارقام طبعوهم وعلموهم عليها وان شالله اكون فدتكم حبيباتي

 

[أم عبووووود]

هذا الموضوع منزلته اختنا الصابرة يزاها الله خير راح يفيدكم ان شالله

http://www.q8yat.com/t853881.html

 

[الوردة المكنونة]

حبيبتي اول يوم راح تكون حفله وانتي تروحين معاها مسابقات للاطفال عشان يحببونهم بالدراسه ويعطونهم كتب وورونهم صفوفهم

وبالنسبه للدراسه العربي اول ايام يعطونهم اوراق عمل فيها خطوط يمشون عليها عشان تتدرب ايدهم على مسكت القلم يعلمونهم يكتبون اسمهم وبعدين راح يبدون دراسه من الكتب اول درس امل فراشة بيضاء

الرياضيات الارقام والانماط

وباقي المواد يبدون بالدروس على طول

طلباتهم
دفاتر يبون ٤٠ ورقه
ملفات
صبوره لاصقه حق كل المواد
كراسه والوان وصمغ سائل وطين ومقص حق ابلة الرسم
الوان خشبيه بالجنطه طول الاسبوع حق كل المواد
بالطو ابيض للعلوم
ثوب صلاة للاسلاميه
ملاحظه لا تشترين دفاتر وايد لان بس ابلة العربي تبي ٣ دفاتر والانجليزي دفتر والكورس الثاني ابلة العلوم تطلب دفتر

لا تضغطون على عيالكم بالدراسه انا العام ضغط بنتي واخر شي الكل متفوق الشاطر والكسلان متفوق

واي استفسار انا حاضر وان شاء الله بكون معاكم بالتجمع لان عندي بنت هالسنه باولى

 

[عاشقة العالم]

هلا حبيبتي
انا اختي اول بصف اولى ابتدائي و الحين بتروح ثاني ابتدائي انشالله
وفي امتحانات حق اولى ابتدائي انا اول اختي كل تقول حق امي يمه درسيني علينا امتحان ويعطونهم املاء وانتي كل بطلي جنطته وشوفي دفتر العربي يمكن الابله ملزقه ورقه صغيره بره الدفتر وكاتبه علي راح يكون عندنا املاء تاريخ جذي يعني و اول يوم المدرسه انتي روحي معاها المدرسه في مساابقات و يعوطونهم هدايا و يوزعون الكتب ويرحون......

و اي شي قوليلي انا حاضر:eh_s(7)::eh_s(7):

اي وي صج كل يوم ابلة الرياضيات تعطيهم رقم تنسخه بدفتر الرياضيات و العربي كل يوم تعطيهم اوراق عمل

واي شي انا حاضر

 

[ام البراء 2011]

السلام عليكم ...بعد قلبي خواتي انا بنتي بتروح اولى ابتدائي في عندي سؤالين يااليتكم تفيدوني لان بسجل بنتي بالابتدائيه حكومه هالاسبوع ان شاء الله لانها كانت بخاص ...لو سمحتوا بس احد يقدر يفيدني شنو افضل مدارس الحكومه العاديه ولا النموذجيه ، شنو الفرق بينهم؟؟

السؤال الثاني ؟؟
ابي لبس الرياضه شنو اسود وابيض ولا كل مدرسه غير؟؟

 

[بقلبي انت]

اخيرا تجمع لاولي ابتدائي ....

وانا بعد معاكم ولدي اولي هالسنه والحين مدخلته القاعده الحلبيه تأسيس ثلاث ايام بالاسبوع عربي وانقليزي

وصاجه الورده المكنونه لاتشدون عليهم بالدراسه لانهم متفوقين اخر السنه بس الاهم يعرفون المعلومه ويحفظون صح وخلكم
وراهم بالدراسه اول بأول

 

[بقلبي انت]

والله البراء انا ماعرف شنو الفرق احس نفس الشي ماكو فرق لانهم حكومه ان شاءالله يفيدونج الامهات

ولبس الرياضه المدرسه تطلبه لون معين نطري لسجلتي بنتج بالمدرسه يعطونج الطلبات اول يوم دراسه

 

[لوزين]

الفائق غير المتفوق ترى


الفائق يكون اعلى درجات ويكون صج ناجح بجهده مو نفس الباجي ناجحين وبس

 

[ام البراء 2011]

الصراحه كأني انا اللي بدخل الابتدائي موبنتي خايفه واحاتي مع اني اسستها الحمدلله ،بس والله ودي ادخلها مدرسه زينه من اداره ومدرسات ، انا بمبارك الكبير مادري وين اسجلها باي مدرسه ،وااايد احاتي الله يعين
في مدرسة اسماء بنت عمرو الانصاريه النموذجيه احد سامع فيها ؟؟؟

 

[ام مريووووم]

السلام عليكم
انا بنتي هالسنة اولى مريوم وانا خابه عمري والله جنها ثنويه عامه ماخليت شي ما سألت عنه
اهم شي اني الحمدلله تعبت عليها يعني متعوده على القلم وحافظه قصار الصور وبعض الكلمات الانجليزيه ولله الحمد
انا معاكم بأذن الله اول بأول نساعد بعض
والي سألت عن لبس الرياضه شورت اسود والفانيله حسب الابله
والمدارس الحكوميه والله انها افضل من الخاص مليون مره بس لازم متابعه

 

[ام البراء 2011]

اي والله ام مريوم لازم انتساعد ونكون مع بعض اول باول..الله يعيننا امهات اولى ابتدائي

 

[ام مريووووم]

هذا اخر اسبوع ياليت تعطونهم اقلام يكتبون اساميهم ولو بالتنقيط والله يعين اللي اساميهم طويله مثل عبدالرحمن وعبداللطيف وفي شغله قريتها بموضوع من مدرسه كل وحده تجيب طوابع صغار حيا وتكتب اسم الطفل عليها لان الطاولات مشتركه ويتهاوشون على كل شي حطيهم على المساحه البرايه المقص حتى الالوان لوم لون واللي تتذكر شغله لاتبخل علينا ولها الاجر

 

[شيهانه شماليه]

وانا بعد معاكم 

اول تجربه لي بجري ولدي اولى ابتدائي

حيييييل خايفه عليه واحاتيه وامشي واسال واستفسر 

مشكله الصبيان يخرعون واهو هادي وعاقل

يلا خلونا نتعاون ومع بعض اول باول

انا بروح اليوم باذن الله اشتري اغراضهم لان مدرستهم نظامها توزع الطلبات مع الشهايد اخر السنه واخذت الورقه من رفيجتي

ولاتنسون تدعون لهم

انا بصراحه ماحاتي الدراسه لان ع قولتكم الكل متفوق باولى بس احاتي الصبيان اللي معاه يخرعووون
بس بستودعه الله

 

[شيهانه شماليه]

اي وحفظت جم صوره من التسطيير والتزيين لدفاترهم وودي ازين ملف كل ماده بشكل الماده عشان يحفظهم بسرعه

طالبين بالطو علوم ووبالطو فنيه مادري صراحه اذا اهما واحد والا غير

 

[ام مريووووم]

بالطوا فنيه مادري انا اعرف بس للعلوم
ويعدين ياخواتي الله يهديكم لوكام الكل متفوق يعني اخلي ولدي يطلع مو فاهم شي او حده حده
لا خايه يتعود ان هو متمير ومتفوق وينجز
واعوده على كلمة انت شاطر انت ذكي ازيد ثقته بنفسه وفيني مو من الحين يتعود انجح وبس

 

[بقلبي انت]

شيهانه مادري اول مره اعرف فنيه لها بالطو بعد وتصدقين حتي انا خايفه علي ولدي لكني متفائله خير
وقاعده اعلمه لايروح عند الكبار يقعد مع ربعه وبصفه او يلعب بعيد عنهم والله الحافظ

انا اسوي مثل ماقالت ام مريوم احط طوابع علي اغراض ولدي والبالطو للعلوم اكتب اسمه وصفه بعد
والحين مدخله ولدي القاعده الحلبيه يتأسس واهم شي مسكة القلم عشان لايتعب وباجر بعلمه يكتب اسمه

 

[مطلقه وأفتخر]

موفقين خير يارب


ولدي سنه ثانيه

اول اسبوع الاطفال يتعلمون اساميهم وعقب يبلشون بـ امل فراشة بيضاء
واملاء نهاية كل اسبوع تقريبا بلشوا معاهم وخلوكم وراهم اول بأول
واي خدمه انا حاضره بإذن الله


والله يوفق وليدي وعيالكم يارب