تجمع للسافرات الي سويسرا واوربا ؟ شنو أحلى شي شفتيه هناك ؟ و أحلي موقف صارلك ؟

[omjasim]

:ada:عزيزاتي المسافرات الصيف الماضى واللي قبله لسويسرا الحبيبه شنو أحلى شي شفتيه هناك ؟ وأدري كلها حلوه !
وشنو أحلي موقف صادفك ؟ وأحلي لقطه التقطيها هناك ؟ ووين تنصحين غيرك يروحون الصيف الياي

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

نا طره ردودكم cooool

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

:0bee2e8d89:ليش محد شارك وانا كل وحده كنت اشارك بموضوعها:tek:

 

[Queen-q8]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

انا سافرت لسويسرا ودخلتها عن طريق المانيا بالمرتين مرة بسيارة ومرة بقطار

طبعا احلى شيء تاجرين سيارة بسويسرا

الطبيعه خيال ومن اجمل مناطق الارض طبيعه يالله الجنة
طبعا وايد تشبة طبيعه النمسا بس سويسرا وايد احلى واهتمام افضل بالسياحة

طبعا جنيف حلوة بس مو مال تقعدين فيها يعني تمرينها تتسوقين فيها بس بس مو شيء لان الزحمة فيها والناس اغلبهم خليطي يعني افارقة وايد هنود وقليل اهل البلد

طبعا وايد مناطق حوالين جنيف احلى وممكن كل يوم تطلعين رحلة منها

لوزان ومونترو وايد حلوين اذا بتسكنين فيهم وارقى وانظف وطبيعتهم حلوة ووايد كويتين فيها

وتطلعين مون بلان الجبل الابيض ومدينه شامونيه اللي يمه الفرنسية وهمن آنسي وايد حلو وهادية وراقية وفيها محلات باريسية
وطبعا ليون الفرنسية تبعد ساعتين ونص من جنيف بالسيارة وممكن اكثر بالقطار وحلوة سوقتها وايد

وطبعا اللي ما تتطوف اذا رحتي سويسرا ووايد حلو وطبيعتها مثل الصور اللي نشوفها بالمجلات جبل اخضر وراسه ثلج وشيء اهي انترلاكن
طبعا وايد ستايلها نفس استايل زل ام سي بس اهي شويا غير لانها مدينه بين بحيرتين ويمر فيها نهر يربط هالبحيرتين
وعندج منها تطلعين الجنفراوش اللي اهو اعلى جبل بأوربا من جبال الالب وتطلعين بقطر لما تصيرين بوسط الثلج
والبحيرة الزرقاء بلاوسيه وبحيرة اوشن سيه

شلالات تروميل باخ وجيسن باخ وبحيرة ثون

وبعد في كذا قمة يمها
وعندج المدن الحلوة والقريبه يمها لوزيرن وايد حلو فيها البحيرة كبيرة والجسر الخشبي ويمها قمم تطلعينها بالتلفريك بعد شي وحلوة ومنها التلفريك اللي يدور

وبعد عندج زيورخ وايد حلوة وانا غادرت مرتين من مطارها وايد راقي وحلو واهي مدينه تتسوقين فيها شارع تسوق يشابه اكسفورد ستريت بلندن كله مجمعات على يمينه وشماله اسمه بانهوف ستراسا واهو قبال محطة القطارات

وبعد عندج لوقانو حلوة وايد واستايلها ايطالي وتبد ساعة عن ميلانو بإيطاليا وعبارة عن بحيرة وراسية فيها جبال يعني طبيعه خيال بس شوي حارة بالصيف

وشنو بعد تبين تعرفين انا حاضرة

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

لا عزيزتي ما قصدت شذيه هذا شنه آنا راده على روحي نفس خط سير سفراتى وتقريبا نفس المناطق اللي سكنت فيها
انا اقصد موقف طريف صادفك بسويسرا أو حادث غريب ومغامره كل ماذكرتيها ضحكتى على نفسك فيه مثل انا في انترلاكن كنت مع عايلتى زوجى وعيالي الثلاث وبنتى:tomato2:صعدنا جبل كبير اسمه نيدرهورن قيه تلفريك وقطار معلق والقمه تطل على جمال بحيرات انترلاكن وقراها النائمه المهم صعدنا قطار لمدة 20 دقبقه ثم تلفريك 10 دقايق محطتين
:ggdw:كل شى زين وعادى شفنا غزلان وارانب واكواخ وتصورنا لكن اللي صار :0bee2e8d89:


اشفنا الناس تنزل الجبل من محطتنا ليما اللى تحتنا مباشره يأجرون سكوتر على شكل قارى والواحد ب11فرنك والثانى يعطونك اياه مجانا :ada:
عيالي وانا تحمسنا للفكره بقي ولدى الصغينون عزيزان 3سنوات ونص مايقدر يركب القاري ولا باتلقارى اصلا كرسي للقعدة الاوادم راكبينه وقوف حوالي ساعه كل وقافي :27d66a9c24b146327bfاكمل بعد ردودكم صارت معاي مغامره فلونه
بااااااي

 

[rawona]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

كملي حبوبه ..

انا ودي اشارك معاج بس للاسف مو رايحة لهالديره من قبل :eh_s(1):​

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

عفوا ما قصدت ازعل منك انا تشرهت عن اللى راحو سويسرا وما شاركو وياي :eh_s(14):
بس انتى لا ما ازعل منك يسعدنى اسولفلك عن مغامراتى في سويسرا :tek::tek:حقك
بس الحين انا برا البيت وما اقدر اسولف بعد ساعتين انشا الله :bye22:

 

[rawona]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

ناطره سوالفج .. متشوقه اروح سويسرا .. تصلح حق يهال 5 سنوات و 3؟؟ ​

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

انا من سنتين سافرت مع عيالي وخليت الصغير عزيزان بو سنه ونص قلت اخاف يغربلنى ويلعوزنا والقعده بالسياره جدام ممنوع للصغار وحزام امان والخرابيط هذه فخليته عند امى وسافرنا على اساس 4 اسابيع ؟؟؟:tomato2:
لكن مت من ضيقه الخلق وتأنيب الضمير وخوانه بكوا علينا ردونا لكويت نبي عزيزان ما نبي سويسرا
فقطعنا سفرتنا من اول اسبوع وقعدنا بس13 يوم وفلوس السياره راحت والسبه هالنتفه
والهمره سفرتنا هذه عزوز جدامنا واستانس حيل بسويسرا والانهار والبقر حتى السويسرين يحبون عيالنا لانهم حركين وسمر مو شقر مثل عيالهم الالعاب
ونصيحه لا تفرقين عيالك عن بعض وخففي جناطكم يعنى انتي مع واحد من عيالك بوحده وريلك مع الولد الثانى لان ماراح تلقون احد يشيل جناطكم من المطار للفندق وللتنقلات :ada:
واهم شى عربانه يهال خفيفه مو ثقيله علشان اذا خلصتوا منها تقطونها او تبرعو فيها للالبان المسلمين
واي استفساااااار ثانى حاضره:eh_s(7): ok

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

المهم في الجبل شلت عزوز علي كتفي والكاميرا بايدى انطر عيالي وريلى (عشتوا) ينزلون بالقاري مثل باقي الناس اللي معانا بالقمه
وقعدت اصور الورود والفراشات الحلوه والفراولات والتوت وانا انزل بدون ما احس على حالى انى بعدت عن المركز وواعده العايله انى اصورهما واهما ينزلون بالقواري وبعدين ارجع للتلفريك فوق علشان نلتقى تحت في المحطه الوسطيه :ada:
المهم احنا قعدنا نصعد للقمه بالكيبل ومن ثم التلفريك حول 20 دقيقه :aha: موقف لا ينتسى
اكمل بعدين

 

[Queen-q8]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

اختي ام جاسم

انا فهمت الموضوع على انه شنو الاشياء الحلوة اللي شفتيها هناك فعلى هالاساس شرحتلج

واذا على المواقف وايد بس ما اذكرها بالتفصيل يعني اكثر المواقف اللي اذكرها كانت مو بسويسرا
نفسها لان ما تقلنا بالقطار فيها فهذا الشيء بحد ذاته مريحنا

بس المواقف اللي تلزق بالذاكرة الخبة والتنقل بالقطارات وهذي محطتنا لا مو هذي واللغة الله يسلمج بروحها تلعوز يعني تقربينها للانجليزي يالله تفهمينها

بس بالسيارة وايد اريح وخصوصا مع النافيجيشن وايد وناسة نضيع شوي بس بعدين نوصل

تذكرت بالاوشن سيه البحيرة لما صعدنا بالتلفريك كان التلفريك ابو كراسي يعني مكشوف وبنتي يمي الصغيرة متيمدة من الخوف بس بنفس الوقت مستانسة وتبي الرحلة كلها تصعد بالتلفريك
المهم لما وصلنا فوق النظر خيالي وكاتبين ان البحيرة على بعد 20 دقيقة مشي وانا كنت عارفة هالشي على بونا تمشي بس طلعت تذبح وتطلع الروح وما كان موجود الحنطور فنمشي ونمشي ومرة يصعد الطريج ومرلاة ينزل يعني هلكنا وبنتي الصغيرة تعبت وريلي شالها ومسكين تعب زيادة والكبيرة تتحلطم من التعب ما الومهم بس وصلنا الا فاج حيلنا

كان في فندق يم البحيرة قعدنا بالكافي ماله وطلبنا شبس للبنات وكيك وقهوة وريحنا وبالردة شفنا الحنطور وركض عليه خو بعد ما يبيله بعد المشي اللي طلع روحنا لا ويومها الشمس شوي حامية
بس كانت تجربة وايد متعبة مع ان المنظر والبحيرة تستاهل

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

:ssssso:حلو نفس الوهقه مالتى
بس هالمره انا بروحى والصغنون اللى فوق كتفي هلك من العطش ويبى ماي انا سبقتهم تحت ليأجرون قواري لكنهم طولوا ليمن رد زوجى علي يفقدنى وييييييييييييييييينك :eh_s(1):
وانا تحت اصور الفراشات وجداول الماي الصغيره وصوتها العذب والاكواخ اللي بروحها كل بيت عنده حظيره بقر وحصان مع عربانته وكلب لاسى وقطوه منتفخه بذيك الحسبه لا وكل كوخ يسويله مجري ماي حق بيته بكيفه بدون بلدية او فرقه ازاله (ربعنا )
0000000000:ceaf32e183:عيالهم يلعبون محد يخوفهم لا سياره مقحصه ولا وحش حولي ولا بنغالى يخزهم طبيعتهم حواليهم ونهرهم يمهم يصيدون ضفادع وسمك صغار شى شى وماتبونلى انسى ربعي واتعمق في طريجى
المهم طلع عيالي ما اجرو قواري كان زحمه جدامهم وما يبى ابونا ينطر الدور فقرر يرجع بالتلفريك وبعدين
ما عندي وقت اكمل بعدين الصغير مريض:0bee2e8d89::0bee2e8d89::ssssso:

 

[rawona]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

كوين تخيلت موقفكم صج تعب وخاصة لليهال لووول يالله صارت ذكرى الحين ..

وام جاسم مايشوف شر الصغيرون ناطرينج ..

كوين انا من سوالفكم وصور شربوته قاعده اتحمس لهالسفره تهقين جم تكلفنا انا وريلي وبناتي؟؟ مع التذاكر والسكن والسياره والمصرف؟؟

وهم حبيبتي كوين باتعبج اشوي بس ياريت تقوليلي خط سير الرحلة بالطياره والمناطق اللي امرها بالسياره نفس اللي دويتيهم لي بس كخط رحله مو تفاصيل لان للحين عندي رسايلج اللي فيها الاماكن والرحلات بس ابي خط سير رحله من الكويت وابي انهي السفره بفرنسا ياريت اتفيديني علشان اضبط الطيران والفنادق وابي اسامي المناطق بالانجليش ماعليج امر علشان اشوف الحجوزات ..

وميرسوووووووووو :tek:​

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

عاد اقول رحت اكمل طريجى مو حاسه بالوقت الا نازله منخفضات وصوت جداول الماي الصغينونه وحفيف الشير شنه يناديني "]تعالى 0000كملي [/][/U]:edbf4317b9: وبعدين تعبت من المشى والحلو شايلته فوق كتفي يون من العطش والنوم والخوف بعد لانه يتحلطم علي ماما ليش رحتى عنهم ؟:tomato2:
عصب زوجي لاني كملت طريجى رافضه اصعدلهم لانى بينى وبينكم استانست بالمكان وعيزانه اصعد فوق مدة نزلتى اللى كانت حوالي 17 دقيقه 0000فلهذا السبب الله سبحانه وتعالى عاقبنى لانى عصيت كلام زوجى ورفضت الصعود لهم
تميت ضايعه احوس بالجبل 3 ساعات من 11.30 ليمن الساعه3.30 الظهر وانا شايله الولد اللى مارضى يمشى على ريوله ولا دقيقه كل يبكى شيلينى ما بي امشى والخريطه بيدى ما افهم شي منها وزوجى يتصل ها وين صرتى وانا اقوله كاني بالغابه :eh_s(1):وهو يصرخ شوفي الخريطه وعدى كم كوع طفتى وانا اقوله مادري كم واحد طفته :tongue22:
المهم الخريطه سهله للى يفهم لها بس المهم ما في شمال ويمين بس لفات من فوق لي تحت فتوكلت علي الله ومشيت وتدرون شاللي ساعدنى ورفع معنوياتى وخلانى اكمل و ما حطيت ولدي وقعدت ابكى وياه شنى خبله هاها
انتو ا حزرو فزرو وقولولي بردودكم :gathering:[/B]

 

[rawona]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

لوووووووووووول كملي وبعدين اشصار؟؟​

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

احناالعرب متعودين علي الكسل والربادة بس نركب سياره وننزل من الثانيه وما نمارس المشى الا بالشتا لا وعالممشي
بعد :ada: المهم مشيت وانا تعبانه وشوي خايفه لانى تخيلت يطلعلى حطاب سكران من الغابه ! او واحد شايب منعزل عن البشر ويكره الاوادم ومعاه الفأس يلحقنى تخيلات من كثر ما اجابل الافلام الاجنبيه :eh_s(2): شي شي مو طبيعي
المهم 000 كان معاي بالطريق بصراحه محد ؟؟؟
3 ساعات اطحس بروحى وعزيزان ذايب من التعب وحنكه يطق نافوخى كان قليل ما تمر علي نماين من الناس مره عوايل راكبين سكوتر ؟ ومره ناس تهرول ؟ او سيارات عاديه لانه بالجبل قرى منثره واكواخ فيها اوادم وحياه طبيعيه
لكن اللى شفته وخلانى اكمل طريجى بثقه وحولت مسأله الضياعه الى نزهه ممتعه هو =================
انى لقيت ازواج وحريمهم صاعدين للجبل زين (مو نازلين مثلي ) لا والحريم شايلين علي ظهورهم عربانه وسرير البيبيات ملوتهم لا والعرق يصبصب على ويهم اللى شابه نار من التعب لا وشنو قاعدين يصعدون يعنى عكس الجاذبيه الارضيه يعنى تعب اضعاف اضعافي لا والعربانه اللى شايلينها شنها تابوت فيها كل شى مجهز بس بقي الحمام (تكرمون) عصير حليب شمسيه مظله كمبل العابه بعد شفت حول اربع او خمس مثلهم فأنا عاديه بالنسبه لهم يعنى شالمشكله ezzyاي والله :cxxxp:فا تعوذت من ابليس ومشيت شنى بممشى السره (بس بدون ابو البوظه ) ليمن لقيت ولدى الكبير الله يحفظه يدورنى بالكوع الاخير مال الجبل فنزلت من فرحتى بشوفته وكان بينى وبينه حقل حشيش اخضر ومرعى بقر والله ركضت ماهمنى البقر وشنى البنيه مالت ليتل هاوس اللي تركض بالمسلسل القديم وهو ركظلي وقطيت اخوه عليه وااااي بخفف الحموله شان يقولي يما عاد خلاص حركات بباي مابقي مغامرات هايدى وفلونه الا وسويتيها تكفين نبي نروح البيت نتغدى عفيه :eh_s(1):وووووشرايكم حلو الموقف قعدت 3 ايام ظهري وريولى يعوروني صج مشي مو خرابيط :ggdw:

 

[rawona]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

تعيشين وتاكلين غيرها ​

 

[Queen-q8]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

يا حليلج ام جاسم

عاد انا اقول مواقف مواقف اثاريج ماكلتها عدل ؟؟؟

يا عيني عليج ماخذه راحتج على الآخر وناسية نفسج بس اعتقد حرمتي بعدها للللووووللل

لا يبا انا ما مر علي مواقف جذي كلش يعني اخش محترمة واخرق محترمة وبالطابور وما احبش اباعد ابدا خالص مالص يعني على المزبوط وحياتك

بس في موقف صار لخالتي وولد خالتي ومرته بالنمسا مو بسويسرا تعرفين في تلفريكات واحيانا يكون في ممشى اللي يبي يصعد مشي والا يبي تلفريك وهمن التذاركر تلفريك صعدة ونزلة والا صعدة بس وتنزلين مشي طبعا اهما عادي حاجزين ذهاب واياب تلفريك بس قعدوا يتمشوووون لي تحت ونسوا انفسهم والا تظلم الدنيا يمرون على سكن عمال مال التلفريك وتوهقوا لم وصلوا محطة تلفريك ثانية غير اللي كانوا عندها وكانت مسكرة فاضطروا ينزلون مشي بس صج كان موقف معتبر


انا خوافة حدي واقوى موقف يصير انا نضيع الطريج ونقعد نفتر ونفتر ليما يروح الوقت وبأخر الوقت نطيح على المكان واذا بالمطار دايما تكون مشكلة النقل بين القطارات وماكو وقت يعني ابو خمس دقايق وقت تبديل ركض وتجرر بهالجناط عاد الله خير اثقال وجناط ملوت اقامة شهر مو اسبوعين او 20 يومين وريلي يقعد يتحلطم ويقط الاغراض باقرب عربة للقطار ونروح احنا بين العربات ندور مكان من عربة 1 الى 2 ومعاي جنطة هاند باق ترولي وبيد بنتي وبالايد الثانية بنتي الثانية


ولا مرة موقف يا قلبي [اخر سفرة وكنت نفس السالفة وقاعدة ادور مكان نقعد القطار كله فل وانا وبناتي بصوب وريلي بصوب وطبعا اثنينهم فاتحين المناحة وين بابا وبجي والكبيرة تصير معاها حالة هستيرية بالقطارات تقعد تمسك البيبان تخاف يروح عنا القطار او عن ابوها

المهم واحنا ننتقل من عربة للثانية تدرين في باب سحب وبعدين باب ثاني واحيانا تفتحين الاول وعلى ما تفتحين الثاني يسكر الاول وكل بناتي يبون نمر مع بعض وهذا مستحيل لان جنطة وبهالايد الكبيرة والثانية الصغيرة والمشكلة الكبيرة خوافة مووووت والا من الخووف تركض بنتي الكبيرة تبي تفتحلي الباب الاول ومن العيلة دشت ايدها بالسحب بي جزئين الباب انا اخترعت قلت راحت ايديها بس اشوا مع نظام سيفتي ويساعدني واحد من الموجودين ونفج ايدها والله واطقني ام الركب لما وصلنا وطبعا احنا بصوب وريلي وباجي الجناط بصوب ونزلت بروحي مع بناتي وكان في جنود بالجيش النمساوي يحليلهم شكلهم مجندين والا يساعدوني اللي ينزل بنتي واللي ينزل الجنطة الهاند باق الاولى واللي ينزل الثانية

اوووو تذكرت كانوا جنطتين هاند باق


بس كانت الرحلة الاخيرة لي بالقطار مع تنقل جناط واكثر رحلة تعبت فيها وما راح تتكرر صج صج صج كانت مأساة من قلب

 

[Queen-q8]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

عاد اقول رحت اكمل طريجى مو حاسه بالوقت الا نازله منخفضات وصوت جداول الماي الصغينونه وحفيف الشير شنه يناديني "]تعالى 0000كملي [/][/u]:edbf4317b9: وبعدين تعبت من المشى والحلو شايلته فوق كتفي يون من العطش والنوم والخوف بعد لانه يتحلطم علي ماما ليش رحتى عنهم ؟:tomato2:
عصب زوجي لاني كملت طريجى رافضه اصعدلهم لانى بينى وبينكم استانست بالمكان وعيزانه اصعد فوق مدة نزلتى اللى كانت حوالي 17 دقيقه 0000فلهذا السبب الله سبحانه وتعالى عاقبنى لانى عصيت كلام زوجى ورفضت الصعود لهم
تميت ضايعه احوس بالجبل 3 ساعات من 11.30 ليمن الساعه3.30 الظهر وانا شايله الولد اللى مارضى يمشى على ريوله ولا دقيقه كل يبكى شيلينى ما بي امشى والخريطه بيدى ما افهم شي منها وزوجى يتصل ها وين صرتى وانا اقوله كاني بالغابه :eh_s(1):وهو يصرخ شوفي الخريطه وعدى كم كوع طفتى وانا اقوله مادري كم واحد طفته :tongue22:
المهم الخريطه سهله للى يفهم لها بس المهم ما في شمال ويمين بس لفات من فوق لي تحت فتوكلت علي الله ومشيت وتدرون شاللي ساعدنى ورفع معنوياتى وخلانى اكمل و ما حطيت ولدي وقعدت ابكى وياه شنى خبله هاها
انتو ا حزرو فزرو وقولولي بردودكم :gathering:[/b]

هلا والله برووونا

عاد انا طرشتلج يمكن 7 او 8 رسايل شرحتلج خط سير الرحلة المقترحة بس بدون كتابة الاسماء للمناطق بالانجليزي وعلى فكرة هناك قليل تلاقين انجليزي يعني لغتهم بس تدرين انا عندي لكل منطقة تقرير وهذا مسويته من قبل جم سنة عن افضل الفنادق والاماكن السياحية والمطاعم والاسواق بس يبيله ايميلج

عموما انا توني اشوف شنو تبين بالضبط اذا في شيء ناقص دزيلي على الخاص وسوري ترى يمكن مو كل اللي تبينه بالملي موجود عندي بس باحاول افيدج باللي اقدر عليه وانا شارحة هالشي بالخاص

اذا بعد بغيتي شي او تحسين في معلومات ناقصة عن اي شيء سالي ولا يردج الا كيبوووردج

وحاضررررررييييييييين للطيبين

 

[omjasim]

رد: تجمع للسافرات الي سويسرا ؟ شنو أحلى شي شفتيه هناك ؟ و أحلي موقف صارلك ؟

سالفة القطارات ما اشتهى اذكرها بسبة ولدى العود سنه 2000 كنا بفيينا وما خذين راحتنا من الفندق للاندر قراوند للسوق ما اشتراوس المشهور اهو ينراح له مشى بس العيارة مالتنا نبى نريح عمرنا ونكشخ بالقطار لا وبعد بدون تذااااااكر لانى شفتهم ما يفتشون عنهم _03BA: شان اخذ راحتى رايحين رادين وراهم وراهم
المهم كان عندى ايامها 3 عيال ما يانى عزيزان الغالى :tomato2: اخذت الكبير واخوانه ورحت السوق مع عيال حماتى وكان زوجى ما خذ امهم للدكتور والوعد بالحديقه اللى يم السوق مالت البلديه بين المتحفين المعروفين المهم
بعدين اكمل برووووح اتغدى مجبوس دياي
وانا سوتيه لزوم الريجيم :tek::