&& تجمع للحوامل اللي ولادتهم في **اغسطس وسبتمبر** تجمع مميز جدا&&

[مبدعة]

عيل انا سامعة انه الزنجبل يطيح البيبي مثل الدراسين !!

حتى انا سمعت انه مو زين وحار على البيبي

 

[^kloOot^]

انا حامل واخر دوره 25_5 وانا الحين بشهري ومابقالي شيء انشالله
اراجع عن دكتوره ناهده العلي وبولد انشالله بدار الشفاء
هذا ثاني حمال لي عندي ولد والحين فينى بنت
الله يسهل علي ادعولي تعبت وايد وابي اولد وافتك

 

[++The DuchesS++]

بااااااااااااااااك لاحلى تجمع
اشلونكم اليوم وشخباركم ؟؟
انا الوضع اوكي والحمدلله
بس بطني يعورني شوي شوي

 

[ZajiL]

مساكم الله بالخير باكروشات صغار
انا اليوم وايد تعبانه وتعبت اكثر بالدوام متى الله يفكني من هالدوام

 

[الفنانه79]

اشلونكم بنات شخباركم

واي سكتوا انا النفسيه من سيئ الى اسوء حدي نفسيتي كلش

مالي خلق شي بالمره ولا لي خلق اطلع ومالي خلق اعيالي ولا ريلي وكله ازفه وكله اكلمه بدون نفس والله يكسر خاااااااااااااااطري بس غصبن علي

قالي امشي اطلعج مع اليهال اشوي طلعت طوووول الطريج امبوزه واذا كلمني ارد عليه بنزر صج صج مالي خلق


بتبوتا انا اليوم بعد ماقلتي عن الزبيدي سوينا غدانا ازبيدي وصورته لكم بعد ههههههههههه

[/url][/IMG]


المهم طمنوني عن احوالكم بنات ​

 

[Yasmin]

ام جوري1984 الله يسهل عليج ولادتج انشاءالله

^غفران^ بشري كليتي زبيدي والا لا :eh_s(6):؟؟ ولا هبيتي بشي يديد؟؟

@الياسمين@ والله ما ادري, انا ريضه على الرابع واول حمال, فما عندي خبره !!

*lulu* خير لولو؟؟ شلي متعبج؟؟ النساة الكريهه والا شي ثاني؟؟ والدوام اااااااااااااه لازم يعطونا اجازه طووووول فتره الحمال :0bee2e8d89: اوووووووف قمت العذا الصبح لما يدق المنبه

الفنانه وينج اليووم؟ مالح حس؟؟

 

[الفنانه79]

هلا ياسمين ياقلبي

انا مو جوده بس كلش كلش تعبااااااااااااااااانه الله المستعان

انتي اشلونج ؟؟؟​

 

[huda81]

علايه انا مثلك ودي تكون بنت

ام بنات مشكوره ياعمري الله يهون علينا جميعا

 

[Yasmin]

هلا ياسمين ياقلبي

انا مو جوده بس كلش كلش تعبااااااااااااااااانه الله المستعان

انتي اشلونج ؟؟؟​

هلااا هلاااااا هلاااااااااااااا

تعبانه من النساة؟؟؟ ااااااااه عالنساة, يالله انشاءالله بتهون بعد الشهر الثالث

شلون الديرم معاج؟؟ :dddds:

 

[الفنانه79]

وااااااااااااااااااااااااااااااي ياحلو الديرم​

:dddds:

 

[Maltesers]

صار ادمان ههههههههههههههههه


أمبيه بدعتي الفنانه بهالحمال


الفنانه .. بسألج انتي تقولين انج كله متنرفزه وبسرعه تعصبين وكله مبوزه .. الحال من بعضه وأخس يمكن .. مافي حل ههههههههههههههه احس ريلي وعيالي وخدامتي طقت جبدهم مني كله معصبه وبسرعه مثل الجبريت خل أحد يكلمني آآآآآكله .. وما سولف وايد .. أبي حل مو معقوله بقعد 9 اشهر على هالحاله وياهم اخرتها بينحاشون مني

 

[Maltesers]

أم بنات انه بعد تحوشني التهابات اذا قصدج التهابات جلديه .. رحت حق دكتورة أمل عبدالعزيز وعطتني كريمين أستعملهم ويا بعض والحمدلله صج وايد أرتاح لمن استخدمهم


انه الله يسلمج الكيرفري بالايام العاديه يسبب لي التهابات .. ومع الحمال ترد لي الالتهابات بدون سبب !! بس انتي حاولي تستخدمين غسول عشان يطهر الالتهابات ولازم تراجعين عشان تشوفين اشمنه


ياسمين .. لمن قلتيلي السوشي مو زين وانه طايحتله أنشوقه ههههههههههههه زفره بزفره الله لا يوريج عاد مادري بعد الانشوقه مو زينه ولا لا !!


بدوره .. جنه انته وياي ولادتج بس الفرق بسيط بيننا الله يتمم عليج ويسهل علينا جميعا

 

[++The DuchesS++]

ياسمين

لا والله للحين ما كليت بس باجر لازم لازم اكل
كنت ناسيه انتي ذكرتيني لووووووووول


الفنانه

ويييييي تعوذي من بليس ياااااامره والله مساكين هالرياييل
مبتلشين فينه بكل شي دوره ولاده حمال نفاس
الله يعينهم والله لوووووووووول


لولو

اي والله الدوام مأساه الله يعينج
حاولي تريحين نفسج كثر ما تقدرين



بنات ديروا بالكم من الزنجبيل سمعت وايد انه موزين للحامل

 

[Yasmin]

أم علاوي سؤال يطرح نفسه.... شنو اهيا ال" الانشوقه" :080402ask_prv: هههه, مو تضحكين علي بس جد ما عرفتها!!!!

^غفران^ بتبوتااا سوت ازمه... توني اشوف حتى الفنانه سوت الزبيدي وحطت صورته :dddds:

 

[علايه]

ما عرفنا

بالمنتديات و المواقع الطبيه اقولون ان الزنجبيل زين حق لوعة الحامل

بس انتو سامعين انه مو زين

ليش هالمواقع يكتبون شي مو متاكدين منه

الحين لو وحده شربته وصار لها شي ابذمة منو اكون

 

[علايه]

بنات حايشني عوار تحت البطن عرفتو وين

ما ادري اهو من الحمال و لا التهاب

فيه احد صارله جذيه

 

[مبدعة]

صبحكم الله بالخير يا بنات التجمع :68_asmilies-com:


شلونكم اليوم ؟ انا من قمت وحايشني صداااااااااااااااااع بالأحرى طول الليل عندي صداع مادري شفيني

والنفسية زفت تحت الصفر

ويا علايه حتى انا احس عوار في بطني الله يستر حدي احاتي مادري شنو نفس عوار الدورة بس خفيف

تتوقعون شنو ؟


الله يتمم لي ولكم على خير يارب

 

[بتبوتااا]

الياسمين انا الحين احس بحركه خفيفه بطني ونغزات وساعات وانا نايمه على ظهري احس بتكور يخنقني لووول

والله يعافيكم حبيباتي

وكتكوته حطي بالج حبيبتي خلج مرتاحه وانا هم نزل علي دم بني على بنتي وبخاطري بنوته ادعولي انشالله

ومتابعتكم حبيباتي

 

[++The DuchesS++]

ابشركم
طلبت زبيدي
قلت اليوم لازم لازم اكل زبيدي
بتبوتاا ست ازمه زبيدي بالتجمع لووووووول

 

[Yasmin]

علايه صاجه انا بعد قريت بالنت عن الزنجبيل واستغربت لما البنات قاموا يقولون مو زين :eh_s(10): ومو متأكده اذا كنت قاريه هالمعلومه بكتاب والا بس بالنت :080402ask_prv:
وسلامتج حبوبه... انشاءالله ما فيج الا العافيه... اذا العوار وااااااايد دقي سألي دكتورتج واهيا تفيدج


مبدعه سلامتج يا الغاليه... انا بعد وايد يحوشني صداع, انا بالاساس راعية صداااااااع, بس بالحمال ما اقدر اخذ الا بندول عادي, جربي وريحي روحج وانشاءالله ماتشوفين شر

غفران زين واخيرا :dddds: عليج بالعافيه


شوفوا بنات اذا وحده مره ثانيه اشتهت اكله وششتنا عليها تكون مسئوله انها تطلب لها تطلب لكا بنات التجمع... والكلام لج يا بت..و...تااااا :s141: