&& تجمع للحوامل اللي ولادتهم في **اغسطس وسبتمبر** تجمع مميز جدا&&

[Yasmin]

هلا هلا هلاااااااااا بالفنانه >>>> ترحيب حار عشان تروح لعنة الخرفااااااان

لول انا اقول غيري اسمع التجمع لي تجمع الحوامل الاكليه "ماشاءاله علينا"

بدعتي بريلج , احلى شي مليق ودمه ثقيل وكاسر خاطري :dddds:



بساط الريح

هلا وغلا, وينج هالغيبه

مسكينه ما تنسيتي الا في بنتج :eh_s(6): هذي يديده علي, عادة اسمع يتنسون بريايلهم "وفي عندنا مثل واضح:eh_s(1): ما حددت منو" او يتنسون بريحه كل الريايل, حتا اذا كانوا خوانهم او عيالهم

جم عمر بنوتج؟؟ اي احسن مو تحسسينها بشي لا تكره البيبي من الحين. الله يخليها لج انشاءالله

 

[الفنانه79]

وااااااااااااااااااااااي ياسمينوووو شسوي صج صج قاااااااااااثني

بساط الريح اشلونج ياقلبي وينج عن التجمع طاااااااااااااااااااااافج

وعليه على بنتج بس انا اقول احسن ماتتنسين بريلج مثلي على الاقل بنتج صغيره ماتفهم مومثل الكبير ويبين انج كارهته ​

 

[الفنانه79]

يوعانه قمت قلت حق خدامتي ابي معكرونيه بولونيز وسوتها والحين قاعده اكلها لذيييييييييييييييييذه نفي هالصوره بالظبط

هذا فقع حق البنات بس سوووه حمسه

وهذا ورق عنب

وآآآآآآآآآآآآآآآآآآآآآآآآآآآآآآآخر شي حلو في العصمليه

وبالعاااااااااااااااااااااااااااااااااااااااافيه​

 

[Yasmin]

عادي عادي الفنانه يكبر وينسى, امي تقول كانتكله تتنسى بريحه ابوي حبيبي لي درجه عادي انها تروح ترجع, تقول بس كان يكسر خاطري واحاول ما ابين له وهوا مسكين مرات يطبح عليها :eh_s(6):

انزين ترا احنا بروحنا نتشش من نسمع طاري الاكل, هالمره حاطتنلنا الصور !!! ليش العذاب :tomato2:

احلى شي صوره السباجيتي, واااو اموت على الباستا

بالعافيه

 

[Maltesers]

لمن أشوف ردودنا أحسه موضوع بقسم المائدة والمطبخ مو بحمل وولادة

الفنانة الله يعينه ريلج مسكييييييييييييييين بس ان شالله أول أشهر جذي مو كل الـ9 اشهر يمعوده لا تطق جبده عاد الريااااييل ما يقدرون انسي ..



ياسمين .. لا ما اعتقد يبين الحين لازم بالرابع جنه .. أول اخر الثالث بس مو دايما الرابع أضبط


انه ليلحين ماراجعت عند دكتورة معينه كل مره دكتورة غير من دكاترة الهادي .. ودي أراجع عند معصومة مخصيد بس ما سألت تولّد بدار الشفا ولا لا .. ومدحولي معصومة السيد بدار الشفا يقولون زينه سامعين فيها ؟؟؟؟



تعشيتواا ؟؟ انه اشتهيت بطاط ودجز وتوني طحتله ودجز .. وقبلها سناك خفيف تفاحه خضرة والحين ياي دور اللبن

 

[Yasmin]

ههه, صاجه ام علاوي, قلبنا قسم المائده لا وبالصور بعد

يالله ننطر لين الرابع شورانا, بس فيني لقافه

د.معصومه مقصيد اختي كانت تراجع عندها, ووايد كانت مرتاحتلها, بس ما ادري عنها اذا تولد بدار الشفا والا للا؟؟ والثانيه ما ادري ما اعرف عنها شي

انا قاعده اتعشى علج :eh_s(6): اشتهيت هوت شوكلت بس الحليب خالص, الثلاجه فيها مجاعه, ناطره ريلي يرد من الجمعيه

 

[Maltesers]

نفس الحاله يعني .. ناطره ريلي يفضى عشان نروح الجمعية ثلاجتنا حدها مجاعه .. ريلي دوامه شفتات وخااايس دوامه مسكين ماعنده وقت حق البيت كلش ملش .. عادي رضينا بس أهم شي تكون ثلاجتنا متروسه


ياسمين تعشي عدل تغذي .. العلج يهضم ما يشبع واكلي لج شي مع الهوت جوكليت .. يا كوكيز يا درابيل شابورة شي


اي معصومة مخصيد أذكر من ولدتني على ولدي قالوا ما تولد بعد بدار الشفا متناجره وياهم .. لأن دكاترة الأطفال عندهم مو شي .. وعلى بنتي راجعت عند ناهدة العلي وولدتني بدار الشفا

والحين مادري أراجع عند منو ودي عند معصومة مخصيد بس خل أدق عليهم أسأل .. عاد صج تهبل مريحة استانس عليها حتى ريلي يقولي راجعي عندها


اي صج لقافه فينا نبي نعرف بنت ولا ولد ..

 

[Yasmin]

والله شكلي بنام قبل لايرد, رايح حق اهله ياين من السفر

ترا انا وضع المصون ريلي مشابه للي عندج, انا يداوم شفتين, صبح وعصر, بس انشاءالله بس فتره مؤقته ونفتك, لانه صج ما عنده وقت كلش, ويوم اللي عنده دوام واحد تلقينه يبي يريح, وما الومه صراحه

انتي الا تبين د الشفا يعني, انزين د. ليلى اشكناني تولد بدار الشفا, وعيادتها قريبه من دار الشفا, اصلا نقول انها تفضل تولد هناك لانه قريب عليها وايد
انا اراجع عندها واشوفها زينه, تقدرين تجربين تروحين لها اذا ارتحتي كملي عندها
واللي احبه بعيادتها مو زحمممممممممه, لاني ما اطيق النطره

 

[Maltesers]

اي يقولون زينه ويايه أسألكم عنها .. أمي تراجع عندها

وااااااااااااااااااااااااااااااااااااااااااي مو لايق أقول أمي .. مو متعوده احسه غلط ههههههههههههههههههههههههههههههه


وبنت عمتي مدحتها لي وايد وتقول عيادتها مو زحمه وماتنطرين وايد .. بجربها عيل شكلي .. عندج رقمها !!

 

[Yasmin]

ههه, ام علاوي ضحكتيني

يالله سهالات انشاءالله

انزين يالله تمام عشان تروحون مع بعض, وانا اعرف اكثر جم وحده راجعوا عندها وولدتهم

هذا رقمها 2633311

جربي وقوليلنا شصير معاج

 

[Maltesers]

ان شالله بجرب اراجع عندها وأقولج .. مشكوووووووووووووورة حبيبتي ..


الله يتمم ويسهل ان شالله .. لسه الدرب بأولووووه

 

[++The DuchesS++]

الله يغربل ابليسكم
شهيتوني ورق عنب لا والفنانه حاطه صورته بعد
بالله وين القا بالحزه هذي مكان يبيع ورق عنب !!!!

 

[Maltesers]

هههههههههههههه غفران نطري لي باجر شنسوي بعد .. اخذيلج حق الغدا انه بجرب ديليزيا اللي قالوا عنه باخذ منه ورق عنب ..

 

[Maltesers]

تعالوا صج جني انه سابقتكم يعني أول وحده راح أولد ولا في أحد قبلي ولا وياي ؟؟ موعدي بين 16-8 لي 20-8 لأن دورتي كانت معتفسه

 

[ام غايب]

السلام عليكم الصراحه خوش تجمع وحبيت انضم لكم وعسى ان شاء الله القى قبول




**متى كانت آخر دوره ؟؟
ماادري والله لان انا حملت بعد نفاسي باربع اشهر ماكنت اكل موانع وكنت ارضع بنتي لان قبل بنتي ماحملت الا بعد سنتين خفت اكل حبوب وتعطيني مناعه وانا ماحملت الا بعلاج فسبحان الله ربي رزقني بسهوله وادعولي يثبت هالطفل يارب



**وين اتراجع ؟؟
كنت عند منصور العرف بس الحين ماادري وين براجع ليما الحين مو عارفه



** شنو تاكلين الحين خلال الحمل من اكل مفيد؟؟
كل شي بخاطري اكله بس قاعده اكثر من الحليب قد مااقدر



** اشلون تعتنين بنفسج وفي بشرتج وجسمج خلال الحمل ؟؟
عادي بس مو حيل لان فترة الحمال يصيبني بروووووووود مو طبيعي مالي مزاج لشي


**هذا اول حمال لها ؟؟ ولا عندها اعيال ؟؟ وجم ياهل ؟؟
هذا ثاني حمال لي




** اشتغلت عليها النساة ولا بعد؟؟ وشنو تنست فيه؟؟
حييييييييييل متعبتني شي مو طبيعي اكثر من حمالي الاولي




**شنو العلاج اللي قاعده تاخذه الحين ؟؟
فوليك اسيد ونافيدوكسين مرات اذا حسيت بلوعه




** سوتي سونار ولا بعد؟؟
سويت علشان بس اتأكد من الحمال لان سويت جم تحليل مو مبين حمل وبين ولله الحمد جيس الحمل صغنطوط

 

[Maltesers]

هلاااااااااا أم غايب .. حياج الله معانا ..


انتي الحين يعني بالشهر الثاني .. الله يتمم عليج ان شالله


عادي كلنا مالنا خلق روحنا ومانهتم يصير فيننا برود ..

 

[Yasmin]

ام علاوي

انتي قبلي باسبوعين تقريبا, انا موعدي 30/8


ام غايب

مبروك الحمال, والله يثبت انشاءالله حمالج وحمالنا

 

[ZajiL]

شخباركم بنات ان شاء الله بخير شفتوا الجو يلوع الجبد ولدي تنك سدره ومن الصبح وديته الطبيب وعطوه كمام وقالوا
ابدا مايطلع واذا طلع لازم كمام الاطبه على خشمه وحلجه شهالحظ

 

[Yasmin]

شخباركم بنات ان شاء الله بخير شفتوا الجو يلوع الجبد ولدي تنك سدره ومن الصبح وديته الطبيب وعطوه كمام وقالوا
ابدا مايطلع واذا طلع لازم كمام الاطبه على خشمه وحلجه شهالحظ

وااااااي الجو بديع, المشكله احنا بفصل الربيع وغباااااااااااااااار, الله يستر على الصيف
اختي تقول قايلين بالاخبار باجر الغبار ازيد من اليوم :0bee2e8d89:

يالله الحمد الله على كل حال

ما يشوف شر وليدج, بعد شتسوين حطيله كمام, لاحول ولا قوة الا بالله

انا فيني حساسيه الله يعين !!

 

[بتبوتااا]

ههههههههههههههههههههههه ضحكتيني الفنانه عاد انا عكسج ودي اجابل ريلي 24 ساعه وان تأخر سويتها مزعله
ولما يراضيني اقول له يب لي شي حلو معاك

وام علاوي انا بولد قبلج اخر موعد لي 20/7

باجي البنات شخباركم وشعلومكم اليوم ؟

انا احس بطني بدا يتيبس علي ويخنقني وانا نايمه واحس اعصابي فل عاليهال
امس مسكت ولدي مسكين طقيته طق اول مره اسوي فيه جذي

لو يدري بو العيال جان علووم خخخخخخخخخخخخخخخخخ ومسكين ولدي الثاني ماوديته الروضه هالاسبوع يحن يبي يروح
واعيز اوديه

ابي قهوه تركيه