تجمع للبنات الي سوا عملية تجميل الانف فريش للتواصل

[مييريآ]

^^


الحمدلله على السلامة حبيبتي ، وانشالله تعجبك النتيجة

 

[om-s3oodi]

شلونكم بنات ؟؟

شلون خشومكم ألحين ؟ يعني بعد مرور تقريباَ شهرين !

آنا مشالله حييل حلو .. اللهم أشوي وارم من الأطراف
يعني يوم أشوي وارم .. يوم فاش !

بس الدكتور يقول عاادي .. و من تجارب البنات بعد أنه شي طبيعي

حتى الخيوط اللي داخل .. طاحوا و أفتكيت منهم الحمدلله

أحسّ يبهتي ليلحين شادّة أشوي لووول

يعني ما أقدر أرفع حواجبي حييل فوق !

آنا اللي عاجبني بالنتيجة .. أنه طبيييييعي
محد ملاحظ أنه مسوية شي

الحمدلله

 

[مييريآ]

^^

الحمدلله على السلامة

انا خشمي ما تغير وايد عن اول ما شلت الجبيرة ، اللهم شوي نزل لانه كان مرفوع وايد

الارنبه للحين صلبه ، والبشرة صايرة دهنية ، مرات اشوفه يضعف وايد مرات عادي

بس عموما حلو ولايق على ملامحي .

 

[m!ss sara]

شكلي رح أنضم معاكم =$

قبل 4 أيام سويت عمليتي ..

في ألم .. والغرز يضايقون ..
متفوخ .. ومرفوع

يعني ليلحين مستقبلي مجهول لووووول :x

 

[مييريآ]

^^

سلامات ههههههههههه

كلنا كان مرفوع وايد والحين عادي حتى التورم والالم عادي


انتي شنو مشكلتج ؟

 

[STILL G L A M ~]

طوني نصااااااااااااااااااار منو مجربه شرايكم فيه يسوي خشم صغير ؟؟

 

[مييريآ]

^^

ما اعرفه ، انشالله البنات يفيدونج

 

[om-s3oodi]

^^

الحمدلله على السلامة

انا خشمي ما تغير وايد عن اول ما شلت الجبيرة ، اللهم شوي نزل لانه كان مرفوع وايد

الارنبه للحين صلبه ، والبشرة صايرة دهنية ، مرات اشوفه يضعف وايد مرات عادي

بس عموما حلو ولايق على ملامحي .

الله يسلمج يارب

آنا كل يوم له شكل ,,
و صح نزل عن قبل / و الأرنبة بعد قامت أتفشّ

و بشرتي دهنييييييييية
و الورم يوم يفش ويوم يرد


الله يسهل يارب:eh_s(17):

 

[m!ss sara]

^^

سلامات ههههههههههه

كلنا كان مرفوع وايد والحين عادي حتى التورم والالم عادي


انتي شنو مشكلتج ؟

الله يسلمج مييريا أي والله أكثر شي مضايقني أنه مرفوع ههههه

مشكلتي كنت بضعفه أبيه دقيق وأبي كيرف بسيط .. والحاجز الانفي شوي منحرف خلاه سيده .. وبس

ومازلنا بانتظار مرور الايام :eh_s(4):

 

[تووفه]

قرب موعدي وحدي خايفه ام سعووووووودي حدج ونستيني بتجربج الانه دكتوري نفس دكتورج وانشالله يضبط خشمي ويعجبني والله يسهل ويوفقكم و تعجبكم خشومكم

 

[om-s3oodi]

قرب موعدي وحدي خايفه ام سعووووووودي حدج ونستيني بتجربج الانه دكتوري نفس دكتورج وانشالله يضبط خشمي ويعجبني والله يسهل ويوفقكم و تعجبكم خشومكم

سهااالات بإذن الله , لا تحاتيين كلش
آنا كنت متصرقعة , الله وكيلج قبل مادش غرفة العمليات , الله قطّ عليّ ضحك لوووول

الدكتور مشالله شاطر .. أنتي أهم شي توكلي على الله .. وكل شي سهالات :eh_s(7):

 

[STILL G L A M ~]

ام سعودي خالد الصبيح يسوي خشوم صغيره ولا بس طبيعي !!

 

[om-s3oodi]

أرفيجتي كان خشمها حييل عود
و ناط ليين جدام

سوّاها لها أصغير بس على طبيعي أيننن مشالله

أهوا يعتمد ع قصّة الويه , و عالمشكلة اللي بالخشم

عموماً أهوا قبل ما يسوي العملية , بيراويج أصلاً أشلون بيسوي خشمج !

 

[STILL G L A M ~]

أرفيجتي كان خشمها حييل عود
و ناط ليين جدام

سوّاها لها أصغير بس على طبيعي أيننن مشالله

أهوا يعتمد ع قصّة الويه , و عالمشكلة اللي بالخشم

عموماً أهوا قبل ما يسوي العملية , بيراويج أصلاً أشلون بيسوي خشمج !

انزين صراااحه خشمج طلع نفس الصوره الي سواها لج بالفتوشوب
ولا شوي غير ولا كلش مو نفسها ؟؟؟
وايد بنات يقولون يسوي خشم عوووي مادري ياربي احترت احس راسي
انتفخ من التفكير x-(

 

[caramil]

متابعه ردودكم و اضحك لوووووووووووول شدعوه مخترعين وحالتكم حاله
ترا سهالأت جم بووووووم وانتي أمسؤيتها وصايرلج سنه

 

[مييريآ]

ام سعودي ، بسألج عن الجرح ، للحين باين ولا راح ؟


مس سارا ، انشالله بينزل ، من هنا لين شهرين لاتفكرين بشكله لانه كل يوم بيتغير


بالتوفيق ^_^

 

[مييريآ]

متابعه ردودكم و اضحك لوووووووووووول شدعوه مخترعين وحالتكم حاله
ترا سهالأت جم بووووووم وانتي أمسؤيتها وصايرلج سنه

طبيعي قبل العملية لازم نخاف

حتى واحنا بالجبيرة نخاف ، بس عقب بنتذكر ونضحك على نفسنا هههههه

 

[غرور 9]

قوة بنات مبروك التجمع

يارب تطلع خشومنا حلوة يارب ياكريم
بنات الارنبة ملوعه جبدي صارلي اسبوع من سويته عمليتي
متئ رح تفش يعني بدايه انها تفش بعد جم يوم بليز بنات طمنوني تكفون
وشنو تحطون عليها سمعت ان في بنات تحط كمادات ثلج أنـْْ♡ـْْا قاع احطلها كمادات مره
تكفون بنات لاتخلوني جاوبوني تكفون

 

[مييريآ]

^^

تو الناس


يبيلها 3 شهور عشان تخف ، وعقب 6 شهور بتبان النتيجة

 

[om-s3oodi]

انزين صراااحه خشمج طلع نفس الصوره الي سواها لج بالفتوشوب
ولا شوي غير ولا كلش مو نفسها ؟؟؟
وايد بنات يقولون يسوي خشم عوووي مادري ياربي احترت احس راسي
انتفخ من التفكير x-(

90% نفسه
شدعوة خشم عوي ؟؟
أخاف كانت خشومهم عويه من قبل أصلاً ؟!
ليلحين الحمدلله كل شي تمام

كلنا كنا متصرقعين ترى
بس عقب بتضحكين على نفسيج
استخيري أنتي ,, و أن شاء الله ماكو إلأ الخير :eh_s(17):

ام سعودي ، بسألج عن الجرح ، للحين باين ولا راح ؟


مس سارا ، انشالله بينزل ، من هنا لين شهرين لاتفكرين بشكله لانه كل يوم بيتغير


بالتوفيق ^_^

آنا عموماً الجرح حيييل صغير كان ,,
ألحين أثر خفييييييييييف حيل , يبيله تلصقين بخشمي عشان يبيّن لوول
الحمدلله ..

قوة بنات مبروك التجمع

يارب تطلع خشومنا حلوة يارب ياكريم
بنات الارنبة ملوعه جبدي صارلي اسبوع من سويته عمليتي
متئ رح تفش يعني بدايه انها تفش بعد جم يوم بليز بنات طمنوني تكفون
وشنو تحطون عليها سمعت ان في بنات تحط كمادات ثلج أنـْْ♡ـْْا قاع احطلها كمادات مره
تكفون بنات لاتخلوني جاوبوني تكفون

بييييييه توّ الناس
بتفشّ الأرنبة أشوي أشوي
خشمج بتملين منه
كل يوم له شكل

توّ الناس عالنتايج .. :eh_s(7):