تجمع للبنات الي سوا عملية تجميل الانف فريش للتواصل

[$نرجس$]

انا بسأل دكتور بشار يخلي الخشم اصغيرون ولا عادي ودي خشمي ايصير اصغيرون بس هذا تخصص دكاتره ايران بس الاوضاع اتخرع اهناك ودكتور ايلي ترددت اروح يمه لا ن في عضوه خرب خشمها

 

[REMI]

roma88
انا مثلك بالضبط , كانت الارنبه تجنن بعد العمليه وبعدها بإسبوع انتفخت لكن الحين بدت تخف
باقي شوي واكمل شهر تقريباً .. صديقاتي يقولون ماراح يثبت الشكل النهائي الا بعد شهرين او ثلاثه , هم مجربين قبلي عشان كذا تطمنت

بالنسبه للجبيره هي تثبت العظم من فوق , حتى لو حسيتي انها تتحرك لا تلمسينها وانتظري تكملين اسبوع ويشيلها لك الدكتور بنفسه

نرجس

انصحك تروحين للدكتور مجرب وعنده خبره طويله لا تغامرين بنفسك

 

[غلا الجوري]

ريمي من قلتي الجبيره اتحرك صرت اجيس مالتي واحركها صرت اوسوس

 

[REMI]

ريمي من قلتي الجبيره اتحرك صرت اجيس مالتي واحركها صرت اوسوس

حبيبتي لا تحركينها ولا تلمسينها , انا قلت لـو حسيتي انها تحركت لا تلمسينها ابداً هي ثابته عالعظم ومستحيل تطيح بنفسها

 

[غلا الجوري]

من كثر ماتنفس من حلجي احس اسناني حسسوا

 

[REMI]

كم راح على عمليتك ؟

 

[غلا الجوري]

ماكو على قولتهم حدي فرش سويتها قبل امس ١٤/٦

 

[REMI]

الحمدلله على سلامتك
المفروض من ثاني يوم تتنفسين من انفك طبيعي بعد ما ينظفه لك الدكتور
الايام الاولى هي المتعبه اكثر شي تحمليها

 

[$نرجس$]

مشكور ريمي على النصيحه بس وين الدكتور الشاطر بشار يمدحونه وايلي يمدحونه بس طلع مخرب خشم وحده والله محتاره

 

[ملقوووفة]

بنات بغيت اسألكم عن احمد لاري ...

اذا في احد مسويه عنده او سامعه عنه ..

شلون شغله ..

لان ناويه اسوي بس متردده سمعت جم وحده قالوا عنه بس حبيت اتأكد اكثر واعرف اذا في احد مسوي عنده ..

 

[roma88]

ريمي

طمنتيني !؟

طيب متى قدرتي تطلعين للناس بعد كم يوم من عمليتك ؟

بالنسبه للجبيره احسها طااااااايره مدري كيف ثابته؟

 

[REMI]

نرجس
ما اعرف الدكاتره في ايران ولا اعرف احد قد جربهم بس اللي عندنا اعرف الدكتور بسام الحواري صديقاتي ثنتين مسوين عنده وانوفهم مره تجنن وصغنونه كأنها طبيعيه ماشاالله وانا غرت منهم وسويت عند نفس الدكتور لوول , مشكلته الوحيده هي المواعيد زحمه وبالتعب الواحد يحصل له موعد

روما
بعد اسبوعين ما يصير فيه اثر الا الانتفاخات
والجبيره يتهيأ لك انها طايره وهي اصلاً ماسكه زين لا تخافين

 

[غلا الجوري]

ريمي انا اساسا عندي مشكله بالتنفس والحجاب الحاجز والدكتور قايلي بعد اسبوع تقدرين اتنفسين عدل لان هاذا اهو السبب الي خلاني اسوي العمليه وعمليتي مثل ماقال منضار داخلي بس الحمدالله كل يوم احس اهون من الي قبله بس بلعومي متجرح من البنج يعوني ومشكلتي لما انام انشالله هالفتره اتعدي على خير

 

[غلا الجوري]

سمو اشصار عليج طمنينا عنج ريسان وين غاطه فديته ياليت بنات تتواصلون معانا علشان انعدي على الفتره بخير

 

[$نرجس$]

ريمي بسام الحواري وين اهو بالضبط وعندج موقعه الي يحط فيه صور قبل وبعد

 

[ريسان]

هاي بنات اشلونج غلا الجوري حبيبتي انا عندي تعليق على التنفس انا بالعملية الاولى و الثانية ما تنفست من خشمي الا بعد ما شلت الجبس و بفترة و ثاني شي لا تحركين الجبس اهو ثابت انا وايد عجبني الجبس ان ثابت عدل الي قبل كان ما ادري اشلون صاير خرطي يتحرك

 

[درب السنع]

الاخت الي تسال عن لاري نصيحه لوجه الله بعدي عنه والله ثم والله انتي شفت وحده بعيوني خشمه متشوه بالمره وربي لك الحمدالله جنها مسويه حادث لما سالتها قالتلي مسويه خشمي عند لاري لا و ب 3000 بعد قبل سنتين وشوهه لها من الداخل والخارج والحين مو عارفه شترقع فيه لانه شايل كل الغضاريف وجنب نازل وجنب صاعد وغير الجلد الخارجي مو متساوي محفر وشكله مو حلو
هذي نصيحتي وانتي سالي بعد صدقيني بتسمعين بلاوي في تجارب اهني بالمنتدى حق بنات مبدع فيهم لاري ​

 

[REMI]

غلا الجوري
سلامتك ما تشوفين شر والله يصبرك على هالكم يوم

نرجس
ما ادري عن موقعه أنا أول كنت ابحث قبل العمليه وملقيت !
لكن اول ما قابلته ارتحت من كلامه حسيت انه متمرس في شغله وثقته عاليه بنفسه , واللي شجعني اروح له هي التجارب اللي شفتها بنفسي عالواقع وعجبتني
هو موجود عندنا في الرياض بمستشفى دله
اذكر اول ما دخلت غرفة العمليات صور انفي من كل جهه وبعدين وراني الصور وقال لي راح اسوي كذا وكذا
والحمدلله لله النتيجه اعجبتني في النهايه
إذا تبين تتطمنين على نتيجة اي دكتور شوفي تجارب واقعيه صارت لأي احد تعرفينه بعدين اقرأي عنه اكثر في النت وقرري

 

[غلا الجوري]

اهلين ريسان من زمان عنج لا الجبيره ماتحرك. بس ريمي قالت اتحرك جان اقعد اجيسها اتاكد بس تعبت جد بالنوم كلش لما اكح واعطس ماساة احس مثل النار بخشمي النوم امتعبني حيل ريسان الخشم يبين وانتي حاطه الجبيره ولا لا لان احس مافيه اختلاف كبير حتى خواتي قالولي نفس الشي تذكرين لما قلتي لما انام اسمع صوت خشمي اقعد مخترعه هاذا الي يصير معاي والله اقعد تعبانه بس اتذكر كلامج واضحك. ويعطيج العافيه ريمي

 

[ريسان]

غلا الجوري لا ما يبين انا خشمي صار نفي بنوكيو ارتفع وايد يوم كنت حاطة الجبس
لووووووووووول اي شفتي اشلون يالله مو مشكلة كلشي في سبيل الجمال يهون عاد لما قلت حق الدكتور هالكلمة قالي ليش اشبتصيرين ملكان قتله لا بصير مس ليبانون قال قصدج مس كويت لووول بس ليش اتحسين نار شنو حاطلج جبس داخل خشمج بعد؟