تجمع للبنات الي سوا عملية تجميل الانف فريش للتواصل

[غلا الجوري]

ريسان حبيبتي ياليت اتقولين لنا اكثر ديتيلز عن يوم العمليه وقبلها وشرايج نطلع نفس اليوم ولا احسن انبات كرعايه وبالنسبه للالم هل هو قوي ولا عادي وتاخذين مسكن ولا لا

 

[ريسان]

غلا الجوري حبيبتي هذي اي صيدلية الي قالولج ماكو لزقات و اي حبوب؟؟ ترا انتي نفسي انا بعد ما كان بسويلي حتى يوم دفعت قالي انتي مصرة قتله اي قال هوني قتله مابي دفعت قال انردهم لج قتله لا شكرا ما ابيهم بس اتوقع اهو ما كان بسويلي لانها ثاني عملية ما اعقد ان صج عاجبة خشمي

شوفي حبيبتي انا بقولج التفاصيل الي صارتلي انا قبل العملية اب 10 ايام اعتقد رحت دفعت و قالتلي صوري و اول ما يطلعون الصور تعالي و صورت و يوم اخذت الصور اهي دقت علي المغرب قالتلي انا ناطرتج عشان ادخلج على الدكتور فرحت و عطيتها الصور جان تقولي بتشوفين الدكتور و الا لا قتلها ليش يوم العملية ما راح اشوفه قالت لا قلت خلاص بشوفه و رحت و قالي شنو بسوي جذي جذي و قال انشا الله اشوفج يوم السبت الي اهو يوم العملية فيوم طلعت جان تعطيني ورقة فيها التعليمات حق قبل و يعد العملية و كتبتلي الادوية و قالتلي ان واحد منهم اخذة قبل العملية ابيوم و على طول نزلت الصيدلية و اخذتهم و قالتلي صومي الساعة 11 و اخذي الحبة و انا ادق عليج قبل العملية بيوم اقولج متى تيين المستشفى. و قبل العملية بيوم على الساعة 11:30 او 12 ترى نسيت بالليل دقت و قالتلي 7 خلج بالمستشفى و رحت طبعا ما وديت و لا شي و دفعت ال 300 و قالت اي شي يزيد تدفعونه بعد العملية و قاسو وزني و ودوني الغرفة فصخت كل ملامسي و لبست ملابس العملية و ويومها كنت بردانه فعروقي ما تبين و ايدي ورمت من الابرة عوروني قتلهم شيلوها بغرفة العمليات حطوها و الدكتور تاخر اذا ماني غلطانه الساعة 10 ودوني غرفة العمليات و بعدين جان ايني الدكتور جان اقول ابقلبي هذي قصت عليي قالت ما راح ايي المهم جان يقولي هوني قتله مابي جان يخطط خشمي و قالي بسوي جذي جذي جان يقولي لا تحاتين و بس ودوني داخل مكان العملية و حطولي الاشياء و دكتور البنج قاعد يقولي دعاء و يقولي اقري وراي و بس حطولي البنج طبعا الي يضحك ان بغرفة العمليات يلزقون صورج على الطوفة اهو قاعد يقولي و الله خشمج اينن يضحك الدكتور بس دكتور البنج دمه ثقيل الدكتور مال عمليتي الاولى كان يضحك المهم يوم قعدوني من البنج قاعدة اقولهم my nose is paining حطتلي دوا و خف العوار و يوم ودوني الغرفة مو قادرة انام لان الفتايل تخلي تشخرين و انا كنت منزعجة من صوت الشخير فما نمت بس مغمضة عيني و لساني كله ينشف لان تتنفسين من حلجج يعني لازم اييبونلج شوربة لوووول انا ماماتي يابتلي و بس انا قاعدة احن برد البيت فنطرنه لما يالي الدكتور الي كان ويا دكتور خالد بالعملية شال الفتايل ترى ما يعورون بس عينج ادمع و قالي نصايح شنو تسوين و شنو ما تسوين و شلون تستخدمين الادوية و عقب اسبوع اتروحين العيادة تشيلين الجبس الدكتور راح اعلمج طريقة اللزقة و يقولج اشتريها و استخدميها شهرين مع مساج و يعلمج طريقة المساج .

زين ما يطردوني من المنتدى كتبت قصة حياتي و الله يوفقج حبيبتي و تشوفين النتيجة الي تعجبج

 

[اسرار الورد]

ماقصرتي كل التفاصيل دكرتيها

 

[$نرجس$]

يعطيكم العافيه ام فاتي & vogue girl

 

[*ReMas*]

بنااااات انا صارلي شهرين واسبوعين وخشمي كللللللش مو عاجبني ما تغير الا شوي مو حلو بس راحت العظمه والارنبه ما تغيرت ارتفعت شوي شووووي! حاسه بأكتئاب مو طبيعي =(


يقولون لازم انطر 6 شهور عشان لشكل النهائي بس انا مافيني صبر يعني مر شهرين وماتغير! شلي بتغير في 4 شهور =((

افكر اسوي عمليه ثانيه عقب 4 شهور لاني مو مقتنعه بخشمي نهايئا مو عاجبني ومضايقني بليز شسوي تكفون ساعدووني كل يوم ابجي ومتحسفه اني سويتها لان التغير شوي كل الي يشوفوني يقول الي تغير ان العظمه راحت وبسسس وانا كنت ابي الارنبه تتغير بعد لانها نازله حيل وكبيره =( الي صار انها ارتفعت شوي بس للحين كبيره ونازله =(

 

[$نرجس$]

بنات اشرايكم انسوي تجمع ونطلب من واحد من مستشفيات الخاصه إلي عندنا اتيب لطفي زاده زيارة للكويت عشان انسوي اخشومنا اشرايكم بما ان ما نقدر انسافر ايران ولا الدكتور شيروواني اشقلتو

 

[غلا الجوري]

يعطيج العافيه ومشكوره ماقصرتي انا سالت صيدليه خالد وحده جنها سوريه حامل قالت من وين انتوا اطلعون هالسوالف مافي شي اسمه لزقات. وبالنسبه لللصور بفوتوكينا جم يبيلهم ويطلعون لان انا للحين ماصورت وعمليتي بعد يومين. بعدين خالد قال انتي محتاجه للغضاريف والحجاب الحاجز انتي صج ماتعرفين معنى التنفس اما تجميل لا قلت انا ابي قال انا مابي حرام عليج شسويلج اكثر قلت اي شي صغره شوي قال مايصير خشمج ينطبق عليه مواصفات الجمال بالنسبه لللشكل والارنبيه والطول قلت بس مو العرض قال مافيه عرض قلت اوك ضعفلي العضمه قال والله مايحتاج حرام عليج قلت دكتور انا اول مره بحياتي بسوي عمليه سويلياها دام بنج واحد قال لا مو لازم قلت انا مانطرك شهرين علشان اتشوفني واتقولي لا جان يضحك قال كيفج احس وقعلي وماله خلق ودفعت عند نبيله قالت صوري وهاتيهم معاج يوم العمليه مع الاشعه المقطعيه وراح ادق عليج يوم الاثنين

 

[غلا الجوري]

امانتا بنات خواتي اثنين سووا بايران عند علي بوري على ماعتقد السنه الي طافت وحده من خواتي صج خشمها مو حلو العضمه حيل عريضه طلع خشمها حلو حيل حتى بين معالمها اما الثانيه مافيها شي وسوت احس مافيه فرق ولا كانها مسويه شي ونفس الدكتور واختي الي صار خشمها حيل حلو ليه يومج هاذا اتقول يعورني واي شي يطلع دم وطبعا بعد العمليه لاتشوفين شكلها اعيونها كلها دم ونقطه سوده بالنص غير الكدمات شكلها يخوف اقعدت شهر يالله تعدل وجها وبعدين يقولون مستشفياتهم جنها حكوميه وغرفة العمليات بينهم ستاره ومو تدخلين بسرير لا تمشين وانتي لابسه لبس العمليات ومعاج المترجمه وتقعدين على السرير لا اشعه لا تخطيط ولا شي والله اختي اتقول مت من الخرعه قلت مابي بطلت اتقول والله اشم ريحه الدم جنها مجزره والي تسمعينه يموتج خرعه

 

[ريسان]

انا هذي الحامل احسها نفسية انا يوم رحت كنت توني طالعة من الدكتور خالد فقلت بس جذي بمر الصيدلية بطريجي قلت حق بابا ليش اعنيك و نروح بوتس فالهندي قال هذي لزقة مالت دكتور خالد و اذا بتتاكدين اكثر سالي الدكتور خالد. و بالنسبة للصور ليش للحين مو مصورة وايد متاخرة جنه يوم واحد و يطلعون نسيت و الله . و اذا خشمج حلو حرام لا تسوين فيه شي انتي الظاهر فيج ضيق بالتنفس؟؟ يالله حبيبتي الله يوفقح و انشا الله يعجبج خشمج اليديد بس بقولج شي انتي اذا مصرة ان اتضعفين عظامج يوم العملية اكدي على الدكتور لان انا لاحظت ان الدكتور ما يسوي الا الي اهو مقتنع فيه و بس

 

[غلا الجوري]

ويه عاد اهو مو مقتنع كلش. انشالله خير اي اهو قالي في ابر بعد العمليه اذا خشمج ودج اتصغرينه انا قلتله بس انا قلتله ابي الاين الي انحط عليه الشيد والعظمه بس لا غير جذيه مايقدر يسوي شي انشالله خير عاد اهو كلش مو مقتنع

 

[غلا الجوري]

ودج يوم العمليه يقولي قصيت عليج ماسويتج الا حق التنفس ههههههههه ريلي يقول احس بيسويلج جذيه

 

[آنهار]

السلام عليكم

شلونكم بنات .. بنات انا مابي اغير بخلقتي لاني ادرى انه حرام وماكو احلى من خلقه ربي

بس انا مشكلتي خشمي من فوق من بدايته في عظمه بارزة يعني مو مثل الخشم الطبيعي اللي صاير سيدا

مادري اشلون اشرحه ههههههه يعني مثل مطبه من البدايه وبعدين صاير سيدا بس مو معيبني واللي يدقق حيييل ينتبه عليه

مادري بنات يحتاج اعدله واضبطه صارلي عمر عايشه فيه جذي وما عندي اي مشكلة !! وعرسي بعد 10 شهور واختي تقولي سويه

بس انا وااااااااايد متردده لاني حاسه ما في دكتور بيعدله فقط بدون لا يلعب فيه

 

[غلا الجوري]

روحي للدكتور وساليه اهو بصراحه مايقصر ويشرحلج كل شي واذا انتي محتاجه بيسويلج ويعلمج بكل التفاصيل

 

[ريسان]

لا اهو ما راح يقولج قصيت عليج اتوقع يسوي نفس الي سوالي ان انا كان نيشو ناسي يشيلي العظمة الي عاليسار فقلت حق دكتور خالد ابي اشيلها و ابي حتى الي عاليمين تبرده زيادة بس ما كان بسوي فيوم العملية يوم يا يخطط خشمي قالي يالله احنا شنو قلنا بنشيل العظمة و حط خط جان اقوله دكتور عفية ابي اهني بعد قال انزين بعد احنا ما نقدر نقولج لا بس يوم شلت الجبس قالي خل اقولج شنو سويت فيوم شرح ما ياب طاري اليمين بس انا قتله حتى اليمين ضعفته مو ؟ جان يقول اي بس ما ادري صج و الا لا

 

[داانه قطر]

بنات انا اليوم صاار لي شهرين وماحس خشمي تغير وايد للحين وارم وع جهه اكثر من الثانيه بنات طمنوني بتغير وهذي النتيجه مبدئيه ولا لا

 

[رمشْ الحَيآ]

انا بعرف هذا مو منتدي للسيدات فقط ؟؟

 

[ام غمازهـ]

هلا بنات كيفكم وحشتوني
وكيف النيو لوك جديد

انا كنت اتابع بصمت لان ماعندي جديد

انفي ماتغير مازالت جهه يسرى منتفخه واحس الارنبه نزلت شوي صار لي الان شهرين و3 اساابيع واخر زياره لي للدكتور من فتره وقال راح يتغير لان مازال منتفخ........

 

[رمشْ الحَيآ]

Uppp

 

[REMI]

السلام عليكم

كيفكم بنات ؟
انا كنت متابعتكم من فتره قصيره وسجلت بالمنتدى عشان اشاركم ^^
انا سويت عمليه بأنفي قبل 3 اسابيع واحس الانتفاخات خفت شوي بس ما ادري كم بياخذ وقت على ما ياخذ شكله النهائي
وانا بالمستشفى بعد ما طلعت من العمليه شفت كيف شكل انفي من الطرف والارنبه كانت عاجبتني لأن ما كأن مبين شي من انفي بسبب الجبيره
وبعد اسبوع من العمليه رحت للدكتور وشال الجبيره لكن الشكل تغير بسبب الانتفاخات
تتوقعون بيرجع شكل انفي مثل ما كان أول ما طلعت من العمليه ؟
كان عاجبني وتمنيت ما يتغير

 

[رمشْ الحَيآ]

ريمي الحمدلله ع سلامتك