تجمع للبنات الي سوا عملية تجميل الانف فريش للتواصل

[بشوشه]

om faty

اثار الجرح تروووح يبيلها وقت لان عمليتي الاولى كان فيها و ما شاءالله ابد ماااا تبين الحين كلش بس لا تقطعين الدوا

 

[انت حبي]

بنات مرة علي 3 اسابيع وخشمي مو حلو شسوي

والعظمة الي من الجوانب الي صوب الخدود مازالت عريضه
​

 

[eLzain]

انا صارلي اسبوعين مسويتها امس شلت الجبيره شكله كان عاجبني بس قاالي دكتور منذر انه متفووخ وايد مع الوقت يفش بس اليوم تغير شكله حسيته انتفخ زياده ماااادري احس ضاق خلقي

انزين اللزقات اللي تقولون عنهم ما يابلي طاريهم اهوا اقوله عنهم وشنو فايدتهم ؟؟

 

[vogue grl]

mnoo-q8
الله يسهل عليج يارب لا تخافين وانشالله ماكو الا الخير
ترا العمليه ما تخووووف كلش وانشالله ماراح تحسين
واذا ع العوار بعد العمليه ترا بسييييط لا ومو عوار بس اذية الفتايل


vogue
حبيبتي بسالج
الاثار اللي بخشمج راحوا ولا بعد ؟
انا احط الكريم بس صوب اليمين خف بس اليسار شوي خف مو وايد
اهو قال احطه 3 شهور وانا الحين صارلي شهر وجذي
اخاف ما يروحون

ماعندي خيوط بره خشمي
العمليه خيوط داخل خشمي بس الحين مااحس فيهم
وخشمي احسه ماسك وجهة اليمين مخدره اما اليسار لا
اما اذ قصدج الزراق فا راح من زمان من 3 اسابيع من بعد عمليتي
انتي نطري مثل ماقالج استمري 3 شهور وبعدين حكمي توج شهر فريش

 

[سموالاميره2009]

يارب توفقنا بالخيره لنا .....

 

[ندىـا]

بنات ايش اللزقاات اللي تتكلمون عنهاا ؟؟!
انا لي اسبوعين من سويت العمليه
واثار الجرح من تحت لسه موجود
والحمدلله حلو شكله
مو كبير ولا صغير !!
بس علموني عن اللزقات : ) ويعطيكم العافيه حبايبي

 

[بشوشه]

بنات كل ما ييت ابدل اللزقات في حبوب على خشمي 3 حبات مثل حب الشباب حمر اخليهم و لا احط عليهم دوا شرايكم ؟

 

[ندىـا]

فيه كريم اسسمه اليكا ! هو حق الاكزيما بس كويس مررررا للحبوب
جربيه !

 

[داانه قطر]

انا الحين صار لي شهر وعشرين يوم الحمدالله احس خف من فوق بس للحين وارم من تحت وخصوصا ع الجنب اليمن اكثر واحس كل يوم له شكل

 

[سموالاميره2009]

بنات الخشم تقولون كل يوم له شكل يعني عالأخيييييير يصير مثل اول مره شفتيه او شلون.....وبالنسبه للمره تحطون عالخشم او لأ.....وترا يقولون مو تشربون مره بس مسح فوق الخشم....بس بعرف تجاربكم مع المره...

وتكفون الكمادات بعد العمليه بالماي البارد يعني من اول ما اطلع مباشره وانا بلمستشفي او متا من باجر مثلا

 

[داانه قطر]

سمو الاميره بالنسبه لي احس بين فتره وفتره احسه غير مره منتفخ ومره فاش والمره حبيبتي تشربين منها وتمسحين منها ع خشمج وااايد زينه وكمادات الثلج لازم بعد العمليه ع طول بستمرار ع الاقل اسبوع لين يخف التورم انا يوم طلعت من العمليه كانو حاطين لي

 

[ندىـا]

سسمو الاميره بقولك تجربتي
ماشاءالله انا بسرعه تعديت الزراق وخف الورم
ماعليك الا انك ترتاحين
يعني لاتقومين من السرير ولاتتكلمين كثير وكلي شوي شوي
بأول اسبوع لين يفك الجبيره
خلك على طول منسدحه ونامي بدري اهم شيييي عشان يخف الورم
بعد مايفك الجبيره حاولي تبتسمين وتحركين عضلات وجهك واضحكي كويس
وانا بعد العمليه استخدمت كبير وصفه الدكتور اللي هو كريم "ريبير" يعني اصلاح
احطه 3 مرات باليوم وبالليل احط فازلين !
اقوم الصبح انظفه بعود اذان ومويه وصابون جونسون
وراح النششفان الحمدلله بأسسبوع ! باقي ناشف شوي بس مو زي قبل
والورم هاذا انتفاخ مايروح بالمره !! يبيله وقت قرابه شهرين لين يروح
لأنه من الخياطه .
انا ماستخدمت المره خفت تأثر ع جرح الخياطه .
ومشيت ع كلام الدكتور والحمدلله
الحين جالسه استنى يعدي الشهرين
وشكل خشمي جدن طبيعي لاصغير ولاكبير منتفخ .

 

[vogue grl]

بنات الخشم تقولون كل يوم له شكل يعني عالأخيييييير يصير مثل اول مره شفتيه او شلون.....وبالنسبه للمره تحطون عالخشم او لأ.....وترا يقولون مو تشربون مره بس مسح فوق الخشم....بس بعرف تجاربكم مع المره...

وتكفون الكمادات بعد العمليه بالماي البارد يعني من اول ما اطلع مباشره وانا بلمستشفي او متا من باجر مثلا

الخشم ماتحكمين عليه من اول شهر يعني مثال انا كان خشمي حلو اول شهر ولا طلعت فيه العيوب بعد شهرين لمن دخلت بثالث طلعت العيوب وطبعا الخشم غير وايد عن اول شهر"
المره زينه تشيل الزراق والورم انا قطعتها وانتفخ خشمي بس ملاحظه لمن احط المره واسوي كمادات مره يضعف خشمي
المره اساسا معروفه مضاد يعني زينه
اخذي قطنه صبي شوي مره وبس مسحي خفيف على خشمج وبعدها خليه ينشف سوي جذي كل ماقعدتي من النوم وقبل ماتنامين
انا بعد لمن امسح مرات اخلي قطنه على خشمي القطنه الدائريه اذ تعرفينها
ولمن ينشف المره الي فيها لمن احس صار مومبلول وايد اشيله بس ماامسح خشمي اخليه المره الي على خشمي تنشف من نفسه"

 

[vogue grl]

بنات كل ما ييت ابدل اللزقات في حبوب على خشمي 3 حبات مثل حب الشباب حمر اخليهم و لا احط عليهم دوا شرايكم ؟

تعرفين كريم فيوسيدين هذا يشيل اي حبه

 

[unfaithful109]

الحمدلله رب العالمين احسن الخالقين

الحمدلله على سالمتكم

 

[اثير الدلع]

هااااي بنااات انا بنضم لتجمعكم امس سويت عمليتي عند الدكتور خالد الصبيح ويهي قبل شوي بلش يورم والله كريم

 

[بشوشه]

اثير الدلع

حبيبتي الله يتمم عليج و يسهلج حطي كمادات باااااارده كل شوي لا توقفين
في بالصيدليات مثل النطاره كماده تحطينها بالثلاجه تبرد و كل شوي حطيها صوب عيونج و خدودج

 

[اثير الدلع]

أهلين بشوشه قااعده احط كمادات مره لان ويهي صج بلش يورم صاار بصراحه يخرع

 

[بشوشه]

بنات الحين صار لي ١٠ ايام من العمليه هل ارجع انام على جنب عادي ؟
و اللزقات اظل احطهم طول اليوم و لا بس وقت النوم لان وراي دوام بعد ؟

 

[ريسان]

بشوشة اهو يفضل اتنامين على ظهرج عشان تضمنين ان خشمج ما يخترب