تجمع للبنات الي سوا عملية تجميل الانف فريش للتواصل

[vogue grl]

هلا بنات
اليوم حاسه بخشمي عوار والانعواج ليما اللحين
واذا رحت للدكتور قالي حلو خشمج مافيه شي
ليش يعني!! احسه يبي يقنعني واسكت
انا ثالث اسبوع ليما اللحين
قالي الارنبه اخر شي تفش،، مرات اقول يمكن من الغبرة والحساسيه مادري
انا سويت العمليه علشان يتعدل الخشم وبالاخير يصير عوي !؟

بسالكم عن الجل شيطلع هذا ومن وين اشتريه؟!

صوري خشمج خل نشوف يمكن يتهيألج

 

[ام غمازهـ]

فديته ...يمكن من ضربه صار عوي تاااكدي
ووحده من بنات قالت دكتور قال لاتسوي تمارين حتى انا دكتوري يوم رحت له ماجاب لي طاري تمارين..........

 

[فديته]

والله مادري بنات ،،، موعدي بعد اسبوعين

بحاول اصور والله ،، بس واضح خواتي لاحظوا

 

[ام غمازهـ]

اوكي حبيبتي نزلي صور ونشوووف


اممم اتركي المراايه انا من قمت اناظرها وسواس يلعب بي

 

[سمات 2010]

حبيتي أم غمازه بأي مستشفى بالسعوديه سويت العمليه
وشنو اسمه الدكتور
لأن انا مثلج مابي اصغر الفتحات بس العظم اللي بخشمي
مابي يبين حيل انه تجميل

 

[ام غمازهـ]

انا سويتها عند دكتور اسمه عبدالله السلماان ......

 

[سمات 2010]

مشكوره حبيبتي أم غمازه
بأي مستشفى سويتيها وكيف كانت المواعيد
انا خالتي ساكنه بالخبر يعني سهلتيها علي حبيبتي
بس حبيت أسألج اذا ممكن احجز عند الدكتور قبل ما ايي السعوديه
وذا ييت عندكم كم يوم وخلص عمليتي حمستيني حيل

 

[ام غمازهـ]

رديت عليك على الخاص

 

[لؤزْ و سُكّرْ]

فديته موعد حق شنو الي بعد اسبوعين

 

[فديته]

صباح الخيرر

شلونكم اليوم ،،،

لوزز ،،، موعدي مراجعه

بنات شنو الجل اللي يخفف الورم ؟! واحسن لزقات
تشيل الدهون !؟

 

[ثلجة ساخنة]

ما سويت ولا عندي نيه اسوي

 

[sosa2004]

اختي فديته
روحي سوي اشعه وتاكدي ان الحاجز اوكي ما نعوااا

فديته وريساان تنصحووون بخالد الصبيح يعني

انا عندي انحرااف على حرف الاس بالانجليزي و المنطقه اللي تربط الغضرووف بالعظم صاير الغضروووف بارز من جهة اليمين واليساااى وعندي كسره خفييفه
بس
يعني ما ابي اصغر ولا اكبر واقصر ولا اصغر ولا ابي ارفع او انزل
يعمي ما ابي اغير شكل خشمي
اللهم العيوووب تروح
لان حيييل مضايقتنتي نفسيااا

تنصوحوني بخالد او لا​

 

[Air Bag]

فديته الجل اسمه فولتارين تلاقينه بلصيدليه وهو خاص للإنتفاخ والعوار
مو خاص للخشم ,لا لكل أنحاء الجسم

 

[ريسان]

sosa اي انصحج فيه و الله ماكو احسن منه و الحلو فيه ان ما يقولج و الله بيصير اينن و ما ادري شنو لا اهو يقول الصج و في وحدة فيها اعوجاج قالها ما راح اصير سيدة 100% فيعني ما يقص عليج يقولج بالضبط شنو متوقع يصير
مو نفس نيشو الي يمدح شغله و خلاني اتامل و الله عبالي بصير ملكة جمال العالم من كثر ما قص علي

 

[فديته]

مشكورة اير باك،، واللزقات ماتعرفين اسمهم؟
ودي انظفه مو قادره

وحدة من رفيجاتي قالت عادي الانعواج راح يتعدل مع الوقت مثل ماصار معاها

الله كريم

 

[ام غمازهـ]

soso اختي كان فيها لحميه وسوت عمليه وتوقعت ماراح يتغير الانف وتغيرررر مره كان قبل العمليه احسسسن

انتي قوولي لدكتور واصري عليه انك ماتبينه يتغيررررر.....



ريساان ..وش التغيرات الي صارت في خشمك وماعجبتك......

 

[ام غمازهـ]

فديته نظفيه بعواد اذن من الداخل واذا حسيته يعور حطي شويه فازلين بعواد الاذن واذا كنتي مزكومه انثري بخفه يعني لاتمسكي الانف واذا تبي تنظفيه من خاارج خذي قطنه وحطي فيها تونر انا استخدم حالياا تونر من اولاي حلو وينظف الانف.....


واالانوعاج راح يتعدل ان شاءالله ويمكن يتهى لج

 

[vogue grl]

فديته نظفيه بعواد اذن من الداخل واذا حسيته يعور حطي شويه فازلين بعواد الاذن واذا كنتي مزكومه انثري بخفه يعني لاتمسكي الانف واذا تبي تنظفيه من خاارج خذي قطنه وحطي فيها تونر انا استخدم حالياا تونر من اولاي حلو وينظف الانف.....


واالانوعاج راح يتعدل ان شاءالله ويمكن يتهى لج

لاتحطون عود اذون لاتعبثون انا قبل سالت دكتوري حذرني وقالي ماتحطين شي داخل خشمج غير الغسول الي وصفه لي

 

[سمات 2010]

مشكوره حبيبتي ام غمازه
جااااري الأستفسار

 

[Air Bag]

فديته والله ماعرف اللصقات شنو اسمهم لأن أنا للحين ماشلت اللزاق
وترا صج يمكن يتهيألج خشمج مافي شيء
والله أنا تركت المنظرة لأن صج الواحد يتهيأله شغلات عجيبة ويقوم يتوهم
ترا خشومنا يبيلها فترة وراح تتغير للأحسن ان شاء الله
الله كريم