@@ تجمع للأمهات اللي اعيالهم السنه اليايه بالروضه @@ تفظلوا حياكم

[الفنانه79]

السلام عليكم


حبيت أطرح هالتجمع للامهات اللي اعيالهم السنه اليايه اولى روضه


نبي انتكلم عن الروضات ومستواهم ووين سجلتيهم ؟؟؟

وهل كانوا اعيالج بحضانه قبلها ولا لأ ؟؟

وشنو تتمنين بالروضه اليديده اللي ودج اعيالج يكونون فيها ؟؟

واذا سجلتيهم ليش هذي الروضه بالذات ؟؟؟

وبعد راح نستفيد من خبرات الأمهات ومن تجاربهم اكيد مع اعيالهم بالروضات الزينه سواء كانت خاصه او حكوميه

وشنو استفاد الطفل من الروضه وشنو كانت انشطتهم ؟؟

واشلون معاملة الروضات وادارتهم مع الاطفال وطرق تعليمهم ومناهجهم ؟؟

واكيد الموضوع راح يكون مفييييييييييييييييييييد للامهات اللي لحد الحين ماسجلوا اعيالهم بالروضه انهم ياخذون خبره ويفكرون وين يحطون اعيالهم بالمكان الصحيح

وانا بصراحه واتوقع كلنا ان اهم شي عندي مستقبل اعيالي احي التأسيس يكون من قبل الروضه ولا انتوا اشرايكم ؟؟؟

ناطرة تفاعلكم امهات :tek:​

 

[أم نونة]

هلا الفنانة أنا ان شاء الله بكون أول المشاركين بهالتجمع أنا بنتي السنة الجاية أولى روضة وبنسجلها ها الاسبوع وماني عارفة الطريقة وين نروح وشنو راح نسوي وهي ماكانت بحضانة قبل .سمعت ان الطريقة اننا نروح للروضة اللي نبي نسلجها فيها وهم يقولون لنا شنو نسوي وشنو الاوراق اللي يحتاجونها .الله يسهل على عيالنا ويبلغنا فيهم آآآآآمييين

 

[الفنانه79]

حياج الله يالغاليه (ام نونه )

امممممم شوفي روحي الروضه واهم يعطونج الاوراق اللي يبونها


انا بعد سويت جذي

 

[ريماا]

هلا فيج الفنانة
انا ولدى بالحضانة السنة الجاية بيكون بالروضة ان شالله
سجلتة بنفس المدرسة اللى اهو الحين فيها اهى فيها حضانة وروضة وابتدائى بس كل مرحلة مفصولة عن الثانية
واخترتها الانها ثنائية اللغة ومنظمة وتعاملهم حلو واالاهم انها قريبة
اممممم نشاطات مدرستة وااايد وممتعة ودايما فى بينا تواصل يبلغونى بكل شى ومنهجهم واااايد ممتاز وبسرعة تعلمو اعيالى منهم
وبنسبة للتأسيس مااييد يكون بس بالروضة فى وقتنا هذا مدارس الحكومة فاااااشلة ومافى رقابة كلش على الاطفال
فناوية ادخلهم لما المتوسط واذا اقدر بعد لى الجامعة ان شالله

 

[الفنانه79]

حياج الله ريما

بس ولدج بأي مدرسه ؟؟؟؟

انا اعيالي في ((الانجلش بلي قروب )) حضااااانه

بس سجلتهم الحين في ((مدرسة الكويت الانجليزيه )) حق اولى روضه السنه اليايه بأذن الله

 

[&(^_^)&smile]

اخت ريما اي مدرسه اعيالج

 

[القلب الأبيض]

انا ولدي ان شاء الله السنه اليايه يدخل الروضه وسجلته بالتكامل ويوم الاحد باذن الله مقابلته

 

[al_gardenia]

انا متغربه وبردعلى شهر سته وبنتي بتدخل الروضه هالسنه
متى اسجلها ومتى يسكرون باب التسجيل
مشكروين على هالموضوع لان توني تذكرت

 

[لوكريسيا]

نبي انتكلم عن الروضات ومستواهم ووين سجلتيهم ؟؟؟
بسجله ان شاء الله بروضة النسمة ، حكومية و قريبة بفريجنا بجنوب السرة السلام

وهل كانوا اعيالج بحضانه قبلها ولا لأ ؟؟
دخلته حضانة بيبي جاردن و بوقف اشتراكه بعطلة الصيف عشان يعطل مع أخوه اللي بالابتدائي

وشنو تتمنين بالروضه اليديده اللي ودج اعيالج يكونون فيها ؟؟
أتمنى انهم يصبرون على ولدي شوي لأنه عنيد و يتأتأ اذا عصب او انحرج

واذا سجلتيهم ليش هذي الروضه بالذات ؟؟؟
لأني صليت استخارة و ارتحت لها و كنت قبلها محتارة بجم روضة و السبب الثاني انها زينة من ايام ولدي البجر .. ادارتها و ابلاتها عسسسسسلللل

وبعد راح نستفيد من خبرات الأمهات ومن تجاربهم اكيد مع اعيالهم بالروضات الزينه سواء كانت خاصه او حكوميه

وشنو استفاد الطفل من الروضه وشنو كانت انشطتهم ؟؟
أكيد استفاد .. بس أنشطتهم كانت عادية مو مثل أنشطة الخاص .. يعني بشكل عام ماشي حالها

واشلون معاملة الروضات وادارتهم مع الاطفال وطرق تعليمهم ومناهجهم ؟؟
المعاملة رووووووعة .. و طرق التعليم عادية بس الحلو انهم يشركون كل اليهال في الأنشطة

و مشكورة فنانتنا على الموضوع و ان شاء الله نستفيد أكثر و أكثر

القاردينيا ----> أتوقع آخر موعد للتسجيل تاريخ 31 - 5 - 2008

 

[الفنانه79]

ياكم الله يالغاليين وانطر باجي الامهات

نبي التجمع بصير متروووووووووووس

 

[N.springflawer]

أنا للحين ما ادري بصراحه سجلتها بالكويت الانجليزيه وحاطينها على الويتنج وفي ناس انصحوني بالباكستانية الدوليه وجدا محتاره ساعدوني بليز لأن عندي ولدي السنه اللي بعدها .

 

[الفنانه79]

N.springflawer

هلا بالغاليه ليش الكويت الانجليزيه على الويتنج ؟؟؟

انا سجلت اعيالي فيها ودفعت الرسوم وسوولهم اختبار بعد والحمدلله

لانها اتهبل اتهبل اتهبل واااااااااااايد مستواها قوي حيل وممتااااااااااااازه

بس الباكستانيه ماادري عنها وبصراحه مااحب المدارس الباكستانيه ولا دراستهم ولا شي

 

[al_gardenia]

تسلمين بعد قلبي لوكريسيا
مافي عندهم تسجيل متاخر اخاف اتاخر بالرده

 

[لوكريسيا]

القاردينيا .. اليوم استلمت ورقة طلبات الروضة و كاتبين فيها اخر موعد للتسجيل تاريخ 29-5-2008

و راح أسأل لج عن التسجيل المتاخر و طلبات روضات الحكومة كالتالي:

* شهادة الميلاد الأصلية للطفل و عدد 3 صور عنها
* البطاقة المدنية الأصلية للطفل و عدد 2 صور عنها
* البطاقة المدنية الأصلية للأب و عدد 2 صور عنها
* الجنسية الأصلية للأب و عدد 2 صور عنها
* عدد 12 صورة شخصية للطفل قياس 4 في 6
* وثيقة تملك بيت أو عقد إيجار في حالة عدم تغيير العنوان في البطاقة المدنية


و سلامتكم

 

[الفنانه79]

حياكم الله يالغالين

وين باجي الامهات ؟؟؟؟ ماكو احد

 

[Dalo3a in Texas]

هلا الفناانه

الbsk بسلوي بس ترى الانجاش سكول يزيدونه سنه عن الامريكيه يعني اذا ولدج kg2 بالامريكيه

بالانجليزيه يصير graed 1اللي بقوله ان المدارس الانجليزيه يبدون من 3 سنوات والامريكيه نفس الكويت من 4 سنين

والله يوفق الجميع

وترى ال bsk وكويت انجلش سكول من احسن المدارس الانجليزيه بسلوى بس اللي عجبني ان الbskعندهم

انشطه رووووووووعه العصر كلللللل شي كراتيه وسباحه سكيتنق بس كل شي بحسابه

شفت هالاشياء بسايتهم

والله يوفقكم

 

[^ام البنات^]

[B]مرحبا[COLOR="Purple"
]انا بنتي بسجلها بالامريكية للبنات بس للحين باجر اختبار اختها الكبيرة باولى ابتدائي اذا نجحت راح ادخلهم[/B][/COLOR]

 

[الفنانه79]

عسى الله يوفق اعيالنا يارب ويصلحهم


وينكم امهاااااااااااااااااااااااااااااااااات ؟؟؟

 

[Miss_Tiger79]

هلا والله بالفنانة

انا انشالله ولدي بيدش الروضه السنه اليايه وسجلته بالتكامل لانها قريبه يم بيتنا وثانيا عشان اخوه فيها فشفت مستواها وايد حلو وزين وانشالله يداوم فيها هالسنه

 

[Dalo3a in Texas]

اي صج الامريكيه للبنات شلونها وشلون مستواها