تجمع لصاحبات البشره الدهنيه والمختلطه تجاربنا + اللي فادنا الدخول فقط

[ام خلوودي حبيبي]

حبيبتي انا بشرتي دهنيه وفيها مسامات الطريقه الي مرتاحه لها اغسل ويهي بالخلطه الصابونيه مالت مزيونه وشقره عدل مدل وبعدها تونيك نوع ترتاحله بشرتج وبعدها ارش رشه ماي ورد وبس ينشف احط مرطب وفوقه بودرة كنيبو وبسسسس واحس احسن شي مشى معاي هالنظام وبالنسبه حق المرطب استخدم مرطب من ايفا بالخيار والروب للبشره الدهنيه وايد ارتحت له رفيجتي يابته لي من مصر هذا بالليل وبالنهار عادي اي سن بلوك ترتاحين له وفوقه بودره الاساس واستخدم ماسك طين البحر الميت من ريفاج حلووو حييل خفف الدهون وصغر المسامات شوي و وقت النوم توني صارلي جم يوم استخدم كريم الكافيار بعد ماشفت خيره من شره والي عندها فكره عنه تفيدنااا؟؟

 

[g6awi]

الخلطه الصابوونيه وايد حلوه وتنشف وتنفع لنا

وبودرة كانيبو اول ما شريتها عجبتني عقب ما دري ليش قمت احس جنها رمل على الويه

بس كريم الكافيار ما جربته

 

[بنت الوفا]

اناااااااااضايعه كله اخبص بالكريمات

 

[g6awi]

اببببببببب

 

[wawiya]

اب اب

 

[g6awi]

جربتوا ال اوويل شييت ؟

oil sheet ?

 

[وردة سلفر]

قوة حبايبي تسلمين يالغالية على هالموضوع المفيد حييل وصح كلامج يمكن اكثر من 70% من البشرات من دهنية الى مختلطه وماطاح الا انبطح على قولتهم هههههههه .. الحمدلله على كل حال ولاتيأسون بنات ترى في فايده من بشراتنا على الاقل مايتجعدون بسرعة نفس البشرات الجافه بس هاااا اهم شي مانشيل الدهن لدرجة ان نقلب بشرتنا جاافة !! ترى موو زيين

انا بقولكم عنايتي من الى وان شالله يارب تستفيدون .. انا يابناتات بشرتي كانت دمار قبل دهن وحبوب وبشرتي باهته وصفرة بس هالكلام من سنتين بس الحمدلله الحمدلله الحمدلله الحييين موووووو انااا والله ! وهاذا كلام كل اهلي .. ولا ليش تروحون بعيد اخوي قام يتغزل في بشرتي هههههه كل يوم يحرجني يقولي يه يه يه شهالنور ويقول حق خواتي ان بشرتي احلى بشره فيهم :eh_s(22): وانا اقول في قلبي الف الحمد والشكر لك يارب وان يا اليوم اللي قمت اكتفي في الاي لاينر والماسكرا واستغني عن الفاونديشن

ادري طولت عليكم بس والله مستحرمه اشوفكم تعانون من نفس مشاكلي قبل وما اسوي شي .. بس اتمنى انكم تلتزمزن اذا صج حبيتوا توصلون لنتيجه خيالية ..

بسم الله :

اول شي بالنسبة للي بشرتها متروسه حبوب او اللي يسمونها مشكله ازلية .. انصحج وبشدددة بمجموعة برواكتيف .. هاي المجموعه يستعملونها مشاهير هوليوود بعد وهي حيل مشهورة في الدول الاوربيه .. عموما انا اتكلم عن تجربتي الشخصية والله العظيم ماعدل ويهي الا هالمجموعه تحصلونها بتيليسين وهاذا رقمهم 1808808 وسعرها ب 19 دينار

http://img101.herosh.com/2009/09/25/669775101.jpg

وهي عبارة عن غسول وتونك وكريم وماسك .. استعمالهم مرتين باليوم بس نصيحتي ان الكريم ماتستخدمونه الا بالليل وبالنهار لأ لأنه يسمر مع الشمس اما الغسول والتونك الصبح والليل قبل النوم ، وبالنسبة للماسك بناااات اينن اينن اينن شوي عليه ، تحطون منه على كل حبه تطلع وحتى مجرد ماتحسين بالم الحبه قبل لاتشوفينها حطي على مكان الألم والله العظيم تختفي قبل لاتطلع برى .. انا اتعب وامدحه هالماسك ومرة بالاسبوع ادهن منه على كل ويهي ويسحب كل الدهن . وحيييييييييل اقتصادية المجموعه على فكره (لكن) وتحتها 50 خط :eh_s(13): مو تملووون !! انا عقب ثاني مجموعه شريتها خفت مشكلة الحبوب حييييييييييييل لكن بعد ثالث مره انتهت خلااااص وتخيلو تكودوا عندي الكريمات والماسكات لأن اهم اخر شي يخلص من المجموعه فحيييل وناسه حتى يوم تقطعين المجموعه يظل عندج جم ماسك وجم كريم وتكملين عليهم كوقايه :ggdw:

امااااا بعد هههههه وهالنظام للجميع للي تعاني من الدهون بس او اللي تعاني من الحبوب الطفيفه مال الدورة واللي عالجت مشكلتها وخلصت مع برو اكتيف بقولكم بكل امانه كل شي استعمله بالحذافير :O_SHH_:

1- استخدمت فترة غسول من قيرلان اينننن حق البشره المختلطه صج صججج حلوو بس ب 10 سعره يعني صرفية ههههه


والحين استخدم صابونة من العطار اسمها الذهب الاسود واايد حلوة بعد وتشيل الدهن بس ماتجفف الويه انصحكم فيها

2- (مااااااي الورد) لو اظل ليين باجر امدح فيه محد بيصدقني احطه في قوالب ثلج واحط بعد في بخاخ بالثلاجه .. وكل يوووووم الصبح بعد ما اغسل ويهي ادلك بشرتي بثلجه لااااازم .. وبعد كل وضوء ارش من البخاخ واصلي يعني يصيرون من 5 مرات او اكثر وطبعا 3 كافي لكن احببببه احببببببه احببببه صججج .. وعلى فكرهانا بشرتي صارت حقل تجارب والله قطعت استعماله بالعماله تقريبا شهر عشان اعرف .. والله العظييييم ويهي رد صوفر .. ورجعتله والحين مستحييل اتركه ، بنات ويهج يصير منور ومورد وفي روح واللي بشرتها فيها جفاف عند الخدود رااح يرووح سبحان الله يخلي بشرتج طرية وتهبل ، والحبوب قمت ما اشوفهم الا وحده عن حلفة الله قبل الدورة ومرات بعد ولا شي يطلع ألف الحمدلله .
بالنسبة للثلجه بتسألوني ليش ماا اكتفي بالماي بس؟؟؟ اقولكم ما فكني من مشكلة المسامات الواضحه عند الخدود الا هالثلجه والله شاهد علي .. بس هااا انا صارلي قريب ال 6 اشهر على هالنظام ولاتركته بس طبعا ويهي تغير بعد شهرين تقريبا .

3- وهاااذي نقطه مهمه صدقوني .. مرهم فيسودين اللي فيه خط برتقالي .. هاذا الكريم انتي اخذي المرهم خطه لونه برتقالي

http://www.drugexp.jp/images/medicine/Fucidin_2_Cream_5gm.jpg

شنو تسوييين ؟؟ قبل الدورة باسبوع تقريبا كل يوم قبل النوم دهني ويهج من المرهم ونامي كل يوووم لين اتيي وتروح يعني من قبل لاتيي باسبوع لين اتيي وتخلص وانتي تحطين بالليل . هاذا مضاد حيوي ونتييجته خيااالية وراح تتفاجأين ان ماطلعت لج حبة هالشهر :eh_s(9): وان طلعت بتكون صغييييره وتروح يعني مو من النوع اللي يترك اثر


اما ترطيب فانا ما ارطب بشرتي بصراحه الا ناادرا قبل الميكب مثلا او قبل النوم واستخدم (سائل التجميل) من اولاي لأني غير دهني وخفييييييف عالويه . وبعض المرات عشان لا ادهنها كلها احط نقطه وحده من كريم بيبانثين بس على خدودي اذا شفت فيهم شوي جفاف لأنه مال حساسية وحييل خفيف .

بالنسبة للميك اب الحمدلله الحمدلله انا من تحسنت بشرتي استخدم موس حييل خفيف من ميبلين واايد حلو بس حق البشره اللي عيوبها جدا خفيفه وتبي بس لوك ناعم ومخملي حق الطلعه وانا بيضه واستخدم 3 light يعطي لون حيل طبيعي مو جني حاطه شي .. وسعره ب 4 ونص بس .

http://up.arab-x.com/Jan10/eV315284.jpg

والشي العجييب اللي ما استغنى عنه .. كونسيلر من لانكوم teinte 03


http://www.lancome-usa.com/images/product/packshot/990578_l.jpg

طبيعي طبيعي طبيعي اتعب اقول طبيعي حق تحت العين والاثار .. ومرات احطه على جم اثر واطبطب بصبعي وبسسسس بدون اساس ولا شي تخيلو يعني شكثر لونه طبيعي وخفيييف ومع هاذا تغطيته تينن صججج اموت عليه انصح الكل فيه ، وحتى اللي عندها عيوب وتبي تغطيهم ولا حق الهالات ترى وااايد عجييب . مو عشان انا بشرتي مافيها عيوب ، حتى اختي ويهها تعبان من الاثار وكله تبوقه وتحط وتقول اهو الوحيد اللي يغطيهم يعني بصراحه :icon30::icon30:
وعلى فكره انا عيزت وانا انصح اختي تستعمل نفس برنامجي عشان ويهها يتعدل بس انفخ بجربة مقظوظه ملوووله وماتحب الالتزام :/



هاذا برنامجي كاااامل وعليكم بألف عافية واتمنى تستفيدون منه

 

[Maryomah_q8]

مشكووووورين بنااات ماقصرتواا والله

 

[g6awi]

يالله تشفي امها وابووها وامهات وابهات المسلميين كلهم اللهم اميييييييييين

 

[kebria2^namla]

صبااااح الخير جميييعا ... موضووووع حيييل عجبني وفادني واستفدت منه وااايد عسساكم عالقوة كلكم والله يعطييكم العافيه وماقصرتو واولهم صاحبة الموضوع فدييتهااااااااا الهي ترزقها كل اللي في بالها

الصراحه انا معاناة بالميك اب وخاصة الفاونديشن تعبت وانا اشتري واقط ما ظل شي ما شريته والحين قاعده اجرب فاونديشن ماك و نيفيا يعني زوينين وبعدين صابونه الكافيار ترا عجيبه مرت عمي تمدحها وخاصة الكريم للويه صج صج منتجاتهم روعه حق كل شي ... بس هذا اللي عندي وبجرب الغسول والمرطب اللي قلتو عنه وتسلمون عالنصايح الحلوة

 

[الجنه امنيتي]

مرحبا مشكورين صبايا على احلى تجمع
انا بقولكم قصتي -خلصي ياام قصه هههههه
انا قبل ماستخدم غير صابونة بابايا شي اغسل قبل النوم علما بان بشرتي مختلطه مائله للدهنيه وماحط مرطب بعد الصابونه وفيه زيوان بانفي بس بعدين قلت لازم اهتم شوي احس من العصر الحجري صابونه بس
المهم وانا اتمشى بالحمعيه الا اشوف منتجات همالايا قلت خلني اجرب ووش وراي علما بان بشرتي مايطلع فيه حبوب مره بس تزيت منطقة الانف والجبهه والذقن
المهم خذيت من همالايا غسول النيم والكركم وخذيت مرطب بالكرز الشتوي غير دهني وصرت الصبح اغسل وجهي بالغسول بعدين امسح بثلجة شاي اخضر وليمون وانتظر لين تنشف واحط المرطب
طبعا ماصارلي على هالطريقه الا اسبوع واحس بحياه في بشرتي والحمد لله بستمر واشوف النتايج
وافكر اخذ قناع الطين من همالايا واخذ لي سنفره للوجه حلوه بس محتاره بافضل سنفره
هذي طريقتي وان شاء الله القى نتيجه حلوه يارب

 

[تبيني آرضى عليك]

آآآآب

 

[وليفة الروحي]

عندى مشكلة انا بشرتى مختلطة



استخدم اكريم اساس hdفوايفر ومع بودرة مضغوطة


تطلع لية من بره قشور مرة كثيرة ابي حل الى القشور وبهتان واطر امسح مكياجى بنات ان

 

["* حلا *"]

رفع

 

[ميمي@]

لي عوده للموضوع ان شاء الله