تجمع لسفر الي تايلند

[دلوعه ززوجي]

ممرحباً شلونكم أخباركم

1. أنا نويه اروح تايلند وأبي معلومات حلو عند كل شي فيه

[l

 

[$حبيبة عبودي$]

اااب لعيوووونج دودو

 

[shai6ona19]

ياحلوو تايلند ويازينها

تايلند من اجمل الدول اللي رحتلها وناسها حيل حبوبين والابتسامه ماتفارقهم(=

اذا بتروحين تايلاند قسمي روحتج على ثلاث اماكن

١- اول شي روحي(( بوكيت)) يازين بوكيت ويازين طبيعتها وجبالها
وبوكيت متروووسه اماكن حلوه مثل،،،
جزيرة البيبي
الفانتسي شوو وانصحج ماتطوفينه لان اللي يروح بوكيت ومايروحله ماجنه سافر
مصنع الكاجوو يم يم .. يورونج شلوون يصنعون الكاجوو وتقدرين تشترين منهم وعندهم كاجو اشكال الوان
رحلة ع ظهور الفيله بس نسيت شسم هالرحله
وعرض القرده monkey show يووونس
وشكثر في اماكن حلووه طبعآ غير الاسواق بس انصحج تشترين من بانكوك لان ارخص

٢- شنغماي ،،،، بصراحه مارحت لها بس حيل يمدحونها

٣- بانكووك وخليها اخر محطه وانتي راده ديرتج
وفيها اماكن حلوه مثل ،،،
سفاري وورلد واهي حديقة حيوان وفيها عرووض حيل حلوه وقيها رحلة سفاري تمشين بين الحيوانات بالسياره واهم بدون اقفاص يمممه مغااامره
وعندج مدينه ملاهي اسمها dreamworld. حيل ونيسه
طبعآ غير اسواق بانكوك العجيبه اشهرها mbk

وطبعآ تايلاند فيها اشياء وااجد واكثر من اللي قلته بس انا قلت اللي اعرفه فقط

ونصيييييحه:::: وانتي بالمطار مطار بانكوك في مكاتب حجز رحلات احجزوا كل رحلاتكم فيها
احنا حجزنا بمكتب حدده عجييب بس نسيت اسمه كان موجود بالمطار جزاهم الله خير نظمولنا رحلتنا وحطولنا جدول حيل منظم بالرحلات ويشمل المواصلات اللي تودينا وتجيبنا من وصلنا تايلاند ليما ردينا ديرتنا وبسعر حيل مناااسب

واتمنى اني اكوون فدتج
ورحله مووووفقه حبيبتي ^_^

 

[دلوعه ززوجي]

اااب لعيوووونج دودو[/quo
يسلموووووووووووووووو

 

[دلوعه ززوجي]

شكرًا حبيبتي ع المعلومات بس صج تايلند وسخ وتخرع انها شعب ما بحارون احد

 

[دلوعه ززوجي]

يخوف وأبي. احسن الفنادق

 

[shai6ona19]

شكرًا حبيبتي ع المعلومات بس صج تايلند وسخ وتخرع انها شعب ما بحارون احد

والله انا رحت تايلند. ورديت وماشفت هالاشكاال
نصيحه لاتطلعين بالليل وماتشوفين اشكال وصخه

بالنهار مافي شي

وبالنسبه للفنادق في بوكيت احلى شي الموفنبك اللي بشاطئ الكارون ترا هالشاطئ نظيف ومافيه اشكال وصخه وحيل عائلي
لاااااااا تروحين شاطئ الباتونق كله وصاااخه روحي الكارون احسن


وبالنسبه لفنادق بانكوك انا رحت فندق اماري نظيف وحلو وسعره رخيص
وفي فندق سكاي تايلاند يمدحونه وواهو حيل مشهور بس ماجربته

 

[دلوعه ززوجي]

والله انا رحت تايلند. ورديت وماشفت هالاشكاال
نصيحه لاتطلعين بالليل وماتشوفين اشكال وصخه

بالنهار مافي شي

وبالنسبه للفنادق في بوكيت احلى شي الموفنبك اللي بشاطئ الكارون ترا هالشاطئ نظيف ومافيه اشكال وصخه وحيل عائلي
لاااااااا تروحين شاطئ الباتونق كله وصاااخه روحي الكارون احسن


وبالنسبه لفنادق بانكوك انا رحت فندق اماري نظيف وحلو وسعره رخيص
وفي فندق سكاي تايلاند يمدحونه وواهو حيل مشهور بس ماجربته

يسلموااا ادري تعبتك. بس ابي اسالج هذي الفنادق قريبه من السوق

 

[الجووورى]

اب
اب
ومنكم نستفيد

 

[shai6ona19]

يسلموااا ادري تعبتك. بس ابي اسالج هذي الفنادق قريبه من السوق

لا حبيبتي ماكو تعب

لا موقريبه بس مو بعيده

احنا كنا رايحين شهر عسل فكان الغرض من الرحله استجمام عشان جذي ماخذينا قريب من السوق

واي سؤال انا حاضره:eh_s(15):

 

[om MaRyooM]

شوفي هالتقرير
http://www.q8yat.com/t862221.html

 

[دلوعه ززوجي]

يسلمواااا

 

[إم فهوديـﮯ]

تايلند تهبل شوي عليهآ
عجييييبهـ انا حاليا فيها صار لي اسبوعين
من احلا الدول اللي زرتها الصراحهـ

اذا تبين وناسه وطلعات وطبيعه
روحي بوكيت بتستانسين وتصلح حق يهال بعد

واذا تبين سوووق روحي بانكوك عجيبه
سوقها شي مو طبيعي بس ترى تايلند مو رخيصه ولا غاليه​

 

[dantella]

توني راده من تايلند الحين الحين
وانا رايحه لها 5 مرات قبل هالمره
تايلند تغيرت ياجماعه حييييييييل تغيرت
صارت غاليه حيل وبانكوك حييييييييييييييييل زحمه يبيلج ساعتين بالتكسي عشان توصلين من مجمع لي مجمع الي قبل ماياخذ 5 دقايق
والتكاسي صايرين يرفضون يشغلون الميتر يبون اهم الي يحددون السعر وتعال تالي كاسر معاهم
والاسواق قبل رخص رخص الحين انسو الرخص
بس مع هذا ونييييييييسه وشعبهم يهبل وتعاملهم مريح وامان

 

[دلوعه ززوجي]

تايلند تهبل شوي عليهآ
عجييييبهـ انا حاليا فيها صار لي اسبوعين
من احلا الدول اللي زرتها الصراحهـ

اذا تبين وناسه وطلعات وطبيعه
روحي بوكيت بتستانسين وتصلح حق يهال بعد

واذا تبين سوووق روحي بانكوك عجيبه
سوقها شي مو طبيعي بس ترى تايلند مو رخيصه ولا غاليه​

يسلمواااا ترجعين بسلامه ابي احسن الفنادق وتكون رمانسيه و قريبه من كل شي هههه طمعه

 

[دلوعه ززوجي]

توني راده من تايلند الحين الحين
وانا رايحه لها 5 مرات قبل هالمره
تايلند تغيرت ياجماعه حييييييييل تغيرت
صارت غاليه حيل وبانكوك حييييييييييييييييل زحمه يبيلج ساعتين بالتكسي عشان توصلين من مجمع لي مجمع الي قبل ماياخذ 5 دقايق
والتكاسي صايرين يرفضون يشغلون الميتر يبون اهم الي يحددون السعر وتعال تالي كاسر معاهم
والاسواق قبل رخص رخص الحين انسو الرخص
بس مع هذا ونييييييييسه وشعبهم يهبل وتعاملهم مريح وامان

يسلموو هههه أموت ع المكاسر

 

[H&M love]

انا رحت شهر العسل تايلند
اذا حلوة شوية عليها
طبيعة و مغامرات و سوق و كل شي
من وجهة نظري احلى من اوروبا

انا رحت بوكيت و بانكوك
و ناطرة اولد بالسلامة و اروح لها مرة ثانية للحين اتحلم فيها جني مو شايفة خير

انا قعدت فيها اسبوعين 8 ايام في بوكيت و 5 ايام في بانكوك

و اذا بروحها مرة ثانية بروح اكثر من اسبوعين و بانكوك حدها 3 ايام مو اكثر لأنها كلللها سوق

و عن الفنادق ... بوكيت كنا ماخذين منتجع في باتونج بيج اسمه بلو مرين وااايد حلو و الفيو مال غرفتنا عجيب

اما بانكوك ... فندق هوليدي ان ... و انصدمت مو نفس الصور اللي حاطينها بالسايت يوم سألنا جان يقولون في 2 هوليدي ان
جان نسوي جيك اوت و نروح هوليدي ان اللي نبيه بوسط السوق لان اول واحد كان بعيد و اللي بنص السوق حده عجيب

و عن الرحلات مارحت رحلات في بانكوك لأني رحنا تقريبا كل رحلات بوكيت
بيبي ايلاند و منكي بيج و جمس بوند و رحله بحرية يومين و دايفنق و حديقة الحيوانات عزج الله
و مصنع الكازو و مصنع العسل و مصنع الولو و الفانتازي و الرافتنق احلى احلى رحله حبيتها لان فيها اكثر من آكتف و ركبنا عالفيل و تمشي فينا و قطينا نفسنا من قمة الجبل و تحتنا نهر
صج صج مغامرات عجيييبه و فش مساج
و فوت مساج
و اهم شي السبا اللي بالفندق ياويلي حدددده مريح رحت حق ريلي دايخة

و وااايد اشيااااء ابيييي ارووووووووووووووووح

 

[دلوعه ززوجي]

يسلمواااا حبيبتي والله توني ارتاح قريت من منتديات ثانيه انها تخرع وما تصلح واشيا كثر بس انتي و البنات مقصرتوا ع المعلومات المفيده ً 

 

[دلوعه ززوجي]

وان شالله تولدين بسلامه وتروحين

 

[حلمي اكون ام Q8]

انا ماعمري جيتها لكن حييل يمدحونها اختي ومرت اخوي ... وحدي تشوقت

حجزت لها بعطله عيد الاضحى ان شالله واذا رجعت بكتب تقريري بالتفصيييل

حجزت على الكويتيه اخذتها 170 دينار كان وقتها عرض ..
والحين ارتفعت حيييل ..

والنيه بقعد في بوكيت 7 يام وبانكوك 5 ايام وماني رايحه شغ ماي لاني ما احب الطيران واجد ..

اذا حجزت في بوكيت بقولكم ..​