السلام عليكم
انا عضوة يديده بهالمنتدى داشة عشان أرد على هالموضوع
طبعا في وايد اشياء ببالي ان شاء الله اني أفيدكم
انا الحين خلصت أول سنه و رايحة ثانية شريعة طبعا خذيت فكرة عن وايد دكاترة منهم خذيت عندهم و منهم قالولي رفيجاتي عنهم
انا صراحة كنت قاعدة ادور أحد اسإله عن دكتور عقيدة زين و ما يكدش
قالولي دكتور سلمان العنزي زين و سجلت عنده و انصددددمتتتت !!!! تخيلي يعني نسخنا كتيب 132 صفحة بخط اليد و حفظنا قصيدة 30 بيت و غيرها قصيدة ثانية من 48 بيت بالكتاب و كله يقولنا انا مخفف عليكم بس انتوا ما يعجبكم شي بس الامتحانات اييبها سهلة الحمد لله صراحة انا خذيت عنده a بس طلعت من جبدي يعني تكدييييش صراحة و الطرد عنده على أقل شي أصلا البنات من كثر ما ينطردون صار عندهم شي عااادي و الله العظيم هذاك اليوم ابتسمت بويه رفيجتي و كان قاعد ياخذ الغياب يعني مو تقولين قاعد يشرح و انا حمد لله و الشكر ما أعرف أشوف وحده اعرفها بعينها و ما ابتسم خخخ و طردني !!!
المهم الحين الدكاترة الزينين والله وايد بس ابي أكثر ثلاثة عجييييييبييين
د. عادل مطيرات بس بحثه يعني بحث على أصوله مو لعب
د. عادل الدمخي عجييييييييييييب و هااااادي خذيت عنده مادة مصطلح حديث جنه اسمها ؟! اللي فيها الحديث الضعيف و الصحيح ...إلخ
د. علي الراشد بونصاته بالهبل أصلا يوم امتحان الفاينل قاعده أحاول أخوف نفسي ماني قادرة كااااك
صج صج صج عجيبين
و الدكاتره محمد المحمود و ياسر النشمي و عواد العنزي حدهم روووعة بس يقولون راح ياخذون تفرغ
حسااافة
و د. عروب المطوع تعطي تجويد عجيبة بس دكتورة يسرى يقولون بعد أحسن مع اني ما جربتها بس الكل قالي
د. سارة الهاجري خذيت عندها اصول 1 حددددهاااا ابداع بس الله لا يوريكم يعني تكدش خصوصا اذا كنتي ما تحبين تنزلين عن الa
عن نفسي أبدا ما أفضل آخذ عند حريم لأنه ماكو تعاطف أبدا
د. فاطمة الرشيدي خذيت عندها فقه 2 بس نوعها تعطي كممممييية و اللي درسناه بالتيرم ترجع تمتحنياه بالفاينل خصوصا انه زكاة و حج و زكاة الابل و مادري شنو و المحاضرة وايد تنوم
منو بعد إي في دكتور أهوا بالآداب خذيت عنده هالصيفي عجيييييييييييييييييييييييب حضروا عنده حتى لو استماع والله ما تندمون يعطي نحو اسمه د. حسين بو عباس هالصيفي أصلا ثلاترباع طالباته بنات شريعة وااااايد استانست عليه هالصيفي و الله كان صج يونس خذيت عنده و د. علي الراشد يعطي شرح احايث عالعموم طالبات الشريعة النحو عندهم مقرر إلزامي 1 و 2 ان شاء الله يعجبكم
د. طارق الطواري بعد آنا ما جربته بس أبوي يعرفه و أخوي يقولي تحطين الa بمخباتج
د.سعود الدوسري قالولي زين و د. ابراهيم السبيعي قالولي بس ما جربتهم لحد ألحين
تعالوا في دكتور اسمه أحمد العبد الله احد يعرف شلونه ؟ الظاهر لأنه يديد سألت بنات خريجات ما عرفوه ؟!
وووو في دكتورة بعد عجيبة خذيت عندها فقه 1 د.سعاد المطوع تعطي كمية وايد بس امتحانها أبيييييييي ابتدائي إيننننن و حدددها طيبة
د. سليمان معرفي عجييييييييييييييييب مع انه قال عني بالكورس الاول فلبينية بس مسامحته ميخالف لووووول
حده يشرح من قلب خذيت عنده علوم قرآن و هم يعطي سيره اهوا ان شاء الله آخذها عنده
هالكورس مادري شراح أسوي الشعب كلها مغلقه !!!!!!!! ماكو دكاترة حتن مواد التخصص مع ان تخصصي فقه مقارن ألحين ما ألاقي إلا د.الشايجي و قالولي البنات لا تاخذين عنده مادري شرايكم ؟ اصلا الحين خلص التسجيل و ما سجلت الا 3 مواد بس عشان ما يسحبون جدولي ماكو الا اسجل تسجيل متأخر لأني حاطة المواد بس جذي و لا حتى رفيجاتي وياي !! بس اذا تعرفون دكاترة زينين يزاكم الله خير قولولي
و مبارك عليكم الشهر و لا تنسوني من دعواتكم أصير دكتورة
^^
عذرا عالقرقة الزايدة ...
