خيتوو لولي الكويت
هذا التقيم
مع الاخت همســــات
وصاجه بكل كلمة قلتيها
لو سمحتوا ياللي تقيمون
قيمو الدكتور مو درجتكم
انا نزل معدلي بسبة الماده
قريت تقييكم واخذت عنده وبالاخير !!!
صدمه الدكتور صراحه غريب
الظاهر يوزع الدرجات بالقرعه
نص الشعبه F
شسالفه والله لو ان احنا اغبياء ما صار جذي
ما انصح ما انصح ما انصح
***************
شقول شخلي
الصراحه دكتور فلاح
مايستاهل كلش ان الواحد يعذب نفسه وياخذ عنده
واي لو ينتفوني تنتف ما ارجع واعيد الماده لو شنو
صامه الامتحان وعارفه الاسئله مكرره
وحافظه الاجوبه حفظ واخرها D
اجل لو مو دارسه موليه شعطيتني
F- مثلا
نصيحه اللي يقدر ينحاش ينحاش
واللي ماقدر خل ينحاش من باب المحاضره
***************
السالم عليكم ورحمة الله وبركاته
والله استغربت لمن شفت تعليق الطلاب عن الدكتور
لان بصراحه الدكتور ما كان زين كلش وما انصح فيه
بالرغم من ان امتحانه الأول كان منزلي لكن الاغلبيه العظمى عطاهم صفر من 20
شرحه حلو بس ما كان من الكتاب ويصلح للخطب بالمسيد اكثر من الشرح بالكلاس
كانت اسئلته صعبه جدا جدا جدا
كل الطالبات تضايقو من الدكتور وايد ومن درجاته لهم
وندمت اني سجلت عنده بصراحه ونصيحه لحد يسجل
لان يلعب بالدرجات وماكو شي يهمه
وبسبته نزل معدلي حسبي الله ونعم الوكيل
وشكراً ..
******************
اول شئ السلاااام عليكم
ثاني شئ وبصراحه الدكتوووور مال درووس دينيه بالمسجد مو بالكلاس لانه مو حافظ شئ غير يقولنا انه شيخ المدينه والحديث انه الامه افتقت على 77 فرقه كلم في النار الا واحد
وغير هذا بالمحاضره يسبب فتن طائفيه يقول الشيعه البهيمه
وهذا مو من اخلاق الدين لان في طلبه اهلهم شيعه ف اهو شيخ المدينه شلون يسب
والمنهج كان ب 3 كتب
طبعا الكل مادحه الا انا وهذا رايي ولازم تعرفونه
ولو امووووووووووووووووووووت ما اخذ عنده ماده ثانيه
********************
الشيخ فلاح مندكار دكتور في قمة الروعة ..
تدخل المحاضرة و ما ودك إنها تخلص عن نفسي و الله انه كانت عندي بعد محاضرته محاضرة في الإداب كنت أتأخر عن المحاضرة ما أبي تطوفني و لا كلمة من محاضرته ..
كنا نحرص على تسجيل المحاضرة و ما عنده أي مانع في ذلك .. و نصيحة للي تبي تاخذ قريد ممتاز تستعين في أوراق عند جمعية الشريعة أو تصوير الشريعة .. موجودة نماذج من أسئلة الامتحانات حتى الفاينال ..
يعطي امتحانين ميدتيرم من 20 و فاينال من 50 ..
للحضور و الغياب درجة 10
يراعي جدا في الدرجات ..
الإمتحان الأول عطانا قال حلوه في البيت .. كان من 20
و الامتحان الثاني حليناه في الكلاس و أغلب الشعبة درجاتها متوسطة فخلاالدرجة من 10 بعد ما كانت من 20 ,, و صار امتحان الفاينال من 60 درجة ..
امتحان الفاينال طبعا كوم ثاني ..
حاولي تكتبين كل اللي تعرفينه لا تستعجلين و تطلعين ..
في آخر محاضرة حضرنا مع ان أغلب الدكاترة عطلوا و أغلب الطلبة ما داوموا .. لكن من كثر حلاوة المادة و طريقة شرح الدكتور تحس انه حرام تضيع عليك محاضرة للشيخ فلاح .. و كان الحضور جدا طيب .. غير اللي يحضرون للاستماع مو اكثر
حريص جدا على تصحيح المعتقدات الخاطئة التي تعلمناها و مازالنا نسمعها ... حريص جدا على التمسك بالعقيدة و قالنا في آخر محاضرة هذا الكلام ..
أب و معلم فبارك الله فيه يارب
و رزقك الله و إيانا الفردوس الأعلى يارب العالمين ..
*******************
والله يا جماعة اني انا اقل مستوى من اني اتكلم عن الدكتور فلاح
اخواني , هذا الدكتور بس تسمعه يتكلم خلاااااااص ( تحس نفسك عايش بحلم ما ودك تقوم منه )
الدكتور فلاح غير فيني اشياء كثيره وقناعات خاطئه كانت عندي من قبل ( واهم شي اني فهمت الدين صح )
الله يجمعنا كلنا مع الدكتور فلاح بالجنه انشاالله
*********************
ياجماعه الدكتور فلاح من افضل الدكاتره لكن وايد يتعب الطلبه انا طالب هندسه خذيت عنده اختياري عقيده الامتحان الاول سؤالين وتكلم عن صعبيييين وماكو كتاب محدد كل المحاضرات بره الكتاب اول شهر بعدين يحدد الكتاب تبي تاخذ عنده a نصيحه اذا سويتها راح تاخذ ما سويتها ما راح تاخذ سجل محاضراته بتسجيل قوله ابي اسجل وماعنده مانع رد البيت اكتب كل كلمه وبس خلااااص الامتحان الثاني قالنه اخذو البيت وحلو ورجعو واللله العظيم فسما بالله اني قعدت اكثر من 7 ساعات اكتب على ما طلعت الكتب واخر شي يبيك تلخص كتاب صج الدكتور يتعب الواحد ينشفه بس خوش دكتور ومحترم لاتنسون تسجلون محاضراته كلها والله الامتحان ما يطلع منها الكتاب لاتشتري وتضيع فلوسك قسما بالله ان درسته مرح تستفيد شي بالماده سجل محاضراته واسمعها بالبيت واكتبها وبس
**************
الشيخ السلفي الدكتور فلاح اسماعيل مندكار حفظه الله
نسأل اللهأن يجزيه عنا خير الجزاء و ينفع بعلمه و يزيده علما
شيخ تتعلم منه الطيبة و الأخلاق قبل العلم ،أنصح به كل الطلبة ،و خصوصا طلبة العلم فهو بحق والد السلفيين بالكويت بارك الله بعلمه.
********************
السلام عليكم
خذيت عنده A وانا مستجدة اول كورس
الصراحة كرهت التخصص وكرهت المادة
اهيا سهلة بس وايد يصعبهاا
الكتاب بصوب واهوا يشرح بصوب
وعطانا كتاب نلخصه واشرطة نرد عليهم طلعوا روحي
والله تعقدت من هالمادة ماكنت ادري شلون ادرسها ولا شلون أحل أسئلته
طلعت من المادة بتقدير A لكن انشقيت نصين وما احس اني استفدت واستمتعت بدراستها
******************
دكتور ما شاء الله عليه عنده علم ..
اذا كنتى بتستفيدين من المادة اخذي عنده ويفهم
وطريقته يعطي بحوث عبارة عن عدة اسئلة بس صج تستفيدين منهم وترجعين لمراجع تفيدج
وامتحانه الفاينل كان سهل
والله يكثر من امثاله وينفعنا بعلمه .
**************
هذوول البعض
يعني ناس تمدح وناس تذم !!
وانا اللي اعرفه يقولون مو شي والاف والدي عنده سهل
ان شاء الله فدتج
مابي منج الا دعوه حلوه من قلبج
وسلام
