تجمع لبنات الشريعه ^-^ ...

[مجبوس دياي]

بنات

انا الحين مسجله بالتربيه الاساسيه توني مستجده اول كورس

وبحول للشريعه اقدر اقدم اوراقي للجامعه وانا ادرس بالتربيه الاساسيه ؟!

والا لازم اسحب اوراقي من هناك ؟؟!

ومتى التسجيل تاريخ جم ؟!

 

[مجبوس دياي]

وسمعت ان الدكتور مايدش القاعه ويشرح

لا يقولون يشرح من ورى شاشة العرض صج هالكلام؟

 

[miss E!]

اهلين اختي مجبوس دياي حياج الله

بالنسبة حق استفسارج الاول ما ادري والله ، بس انصحج تروحين حق التسجيل و القبول او تدقين عليهم و تتاكدين

اما ان الدكتور ما يدش القاعة ، هذي بس بمحاضرات التعليم عن بعد ، يكون الدكتور موجود بقاعة الطلبة و الطالبات يتابعونه بالشاشة بالصوت و الصورة و على فكرة ترى الدكتور يتابع بعد بالصوت و الصورة، يعني انتي تختارين وقت التسجيل اذا تبين محاضرة تعليم عن بعد والا محاضرة عادية اللي يكون الدكتور موجود فيها

و الله يوفقج ان شالله انتي وكل بنات كلية الشريعة :eh_s(17):​

 

[مجبوس دياي]

يعطيج العافيه عزيزتي

انزين جم رقمهم علشان ادق عليهم استفسر ..!!

 

[مجبوس دياي]

اي صج ونسيت اسألكم

في نظام شرح للطالبات ؟ يعني الدكاتره يخلونا نقوم ونشرح مثلا فقره معينه ؟؟!!

 

[miss E!]

السلام عليكم
شلونج اختي مجبوس ديااي

هذا موقع عمادة القبول و التسجيل راح تحصلين فيه ارقامهم http://reg.kuniv.edu.kw/

و على الشرح مو كل الدكاترة يطلبون ،انا من اول ما دخلت الكلية بس دكتور واحد طلب منا نشرح

واذا تبين شي لا تستحين قولي

 

[مجبوس دياي]

يعطيج العافيه عزيزتي ماقصرتي

بس بسأل اذا سجلنا في مقابله شخصيه والا لا ؟؟ّ

 

[مجبوس دياي]

وفي متحان قدرات ؟!

 

[صراع اللحظات]

مجبوس دياي يعجبني حماسج =)

لا مافي امتحان قدرات ,, ممكن بس تحديد مستوى ,, بس مو طالبين او شي اساسي !

و انا مستجده الى الان محد قابلني مقابله شخصيه !! :$

 

[miss E!]

اهليين اختي

لا ما في مقابلة شخصية ولا في امتحان قدرات

 

[صراع اللحظات]

حباري ايييي قاريه هالقصيده و الموقف يعوور القلب

انا من الحين مشتاقه للكليه و انا ما شفتها

ابي اشوفها ابي اداوم

 

[دلوعه ابوها 2]

.


سلام عليكم

لا حبايبي ماكو مقابله شخصيه

والدراسه بالشريعه حلوه وسهله مو صعبه حييل

وحلو إنج تتعلمين شي يفيدج دنيا وآخره


إذا تبون مساعده أنا بالخدمه > خريجه شريعه : )



.

 

[n-o-n-a]

وهلا وغلا بدلوعة ابوها2


شلونج حبيبتي بعد الشريعه ؟ تصدقين اان باقيلي سنتين ان شاء الله واتخرج ومن الحين احاتي شلون بفارق الكلية والبنات والله ان الشريعه غيييير اليوم لاتشوفين نفسيتي بدون الكلية يااااااااي والله متعسرة ومالي خلق لو يحصل لي ادااوم كل يوم ... ماشاء الله يمكن لأن جوو اللقاء في الكلية حلوو ودوم عامر بذكر الله والبنات نفس الشي ودكاترتنا الله يحفظهم والله في قمة الروعه .. ودي اذا تخرجت اشتغل هناك بدل توجيهنا وارشادنا الحلووو بس ابي اشتغل في مبنى 400 مو 600 ....

مبروك على التخرج والله يحفظج يارب ويسهل عليج دروب الخير اللهم امييييين انتي خريجة هالصيفي؟

 

[miss E!]

دلوعة ابوها مبروك التخرج و الفال لنا ان شالله

n-o-n-a تصدقين نفسي ما احب مبنى 600 احس يجيب الكآآآآبة

 

[n-o-n-a]

اي والله كأنه مستوصف المبنى قديم وموحلووو والحمدلله ان نادر يصير عندي مواد هناك


يا الله متى نداااااااااوم

 

[أصدق شعور]

مرحبا حبايبي شلووونكم


فديتكم

... القصيدة مؤثرة يانونه المزيونه ..

بنات فهد الكندري يرفع والا يعطي كل ذي حق حقه ..

 

[الفرحة اليتيمة]

نونا تقطع قلبي عالقصيده وعليا عليها
شفتوا سوء الظن يابناااات وين وصله

 

[إحساس العروبة]

حياكم الله خواتي...المعرف مو حقي حق اختي ...انا طالبة بكلية الشريعه بجامعة الامام محمد بن سعود الاسلاميه بالرياض..
أبي أعرف وش المواد الي تدرسونها؟؟؟
حنا ندرس ....الاساسيات ومعنا طول ماندرس(الفقه من حاشية الروض المربع كل مستوى ندرس مجلدين+روضة الناظر وجنة المناظر<<اصول فقه..
تفسير<<الجامع لاحكام القران...
حديث<<سبل السلام...
نحو<<الفية ابن مالك...
عقيده<<العقيده الطحاويه...
وكل مستوى ماده (تاريخ فقه.........استشراق وتنصير.................مناهج بحث............علم نفس تربوي.........اقتصاد....مقومات فكر...
وفقكم ربي...
انا مستوى خامس ...ودراستنا بعد مدارس التعليم العام باسبوعين يعني(27_10هـ)وافتخروا بطلب العلم الشرعي لان ابن باز يقول(العوام هوام)_<<اي غير علماء العلم الشرعي)...تحياتي...

 

[إحساس العروبة]

حنااااااااااااا مستحيل يكون فيه استاذ بس من خلال شبكه حتى صورته ماتطلع بكل الجامعات عاد وشلون الشريعه؟؟؟!
بس يتابع من خلال الصوت....
وكانه ماده تتطلب شرح تطلع الصبوره ويد الاستاذ..
معليش بنات حاولوا تغيرون من هالشي...

 

[صراع اللحظات]

ترا اذا غلطت بالاسامي و شفت شي وقلت شي عادي عطله و مخي مقفل
قصدي ثانكس نونا عالقصيده =)
إحساس العروبة ادخل الكلية واقولج شنو ندرس ان شاء الله =)

مبرووووووووك التخرج دلوعة ابوها

لووووول نونا خرجتي عمرج و وظفتيها بالكلية لا و بالمبنى الي تبينه بعد ؟ لاحقة لاحقة حياتي

انزين على طاري المباني ؟ بعاد عن بعض ؟ انا محاضرة 4 و محاضرة 6 رايحه راجعه عليهم !