تجمع لبنات الشريعه ^-^ ...

[**فراولة**]

شلونكم بنات
انا سجلت شريعة وان شاء الله يقبلوني ابي اسالكم اول كورس اجباري المواد ولا لأ ويصير اخذ انجليزي اول كورس وشنو اسهل المواد وكم جزء احفظ >> الله يعينكم على اسألتي ترى مادري شالطبخة ساعدوني الله يساعدكم
والله يوفقكم

 

[looty5]

هـلآ فيـج فرآولـهـ

رآح تنورينـآ ان شاء الله

ويـآرب تستفيدين وتستمتعيـن ,,

اي المواد اجبـآريـه للكورس الاول
واعتقد انها فقه 1
عقيده1
تاريخ التشريع الاسلامي
علوم القران
وتجويد 1 تحفضون جزء ونص من سورهـ البـقرهـ ,,
وانصحج تاخذين عند خالد الحيـص اذا منزل ..
اما عقيدهـ انا اخذت عند حسين السعيدي وعطى الشعبه تقريبا كلها a
فقـهـ انا اخذت عند دكتورهـ .. ليلي الشهاب
وعلوم القران اخذي عند سليمان معرفي ..
وتاريخ التشريع كيفج بس انا اخذت عند عبدالله العجمي ..

واي سؤال انا حاضـرهـ

 

[looty5]

بناآت ما رديتوآ علي ..؟ بالصفحه اللي طـآفـت .؟؟

 

[أصدق شعور]

تاريخ التشريع سجليها عند د.وليد الربيع

يهبل عجيب هالدكتور منظم لايطوفج يلخص المقرر بصفحات قليله واسئلته واضحة ومباشره وفوق هذا محاضرته ماتملينها معنها ساعه مااحس فيها وماودي تخلص ويضحك

اذا نزل ماده بسجل عنده والله يهبل حيل عاجبني

 

[أصدق شعور]

شذى حلو تعاملها وتشرح من قلب وتعطي مجال للاسئله بالمحاضره

بس تغث ماتعطي وجه وماترفع لو باقي درجه وترتفعين قريد ماتعطيج

بس يبيلها حضور يومي وسجلي كل كلمه تقول لأن كل شي توقعيه يجي
امتحانات مو سهله مو صعبه

 

[n-o-n-a]

السـلاآم عليـكم ,

بنـآآت تسجيـلي قـرب ,, اونا ف يسنهـ ثـآنيـهـ شنو تنصـحونـي اخـذ موآآد ,

انا ودي اخذ عـلوم حديث 1 بس ما اعرف الدكـاترهـ ( مستورهـ المطيـري _ شذى العبدالكريــم ) ايهي احـسن ..؟

وودي اخذ انجليزي ,, بس كمـ رقـم المقرر....!!

ماجربت لاشذى العبدالكريم ولا مستوره
حبيبتي شوفي المجر شيت وانتي شوفي شنو موجوود لج وشنو تخصصتي؟ الله يوفقج ان شاء ال ويسهل عليج


رقم الانجليزي 9988151

اتمنى لج التوفيق..

 

[n-o-n-a]

فديتكم والله

نونه .. ولمار .. الله لايهينكم


لمار قولي التخصصات المسانده

تسلمين حبيبتي المهندسه

 

[n-o-n-a]

اهلين بنوتات كيف حالكم بصراحه انا كويتيه ومن ولادتي وانا ساكنه بالسعوديه وبعدين يوم تخرجت من الثانوي درست اول جامعه بالسعوديه قسم دراسات اسلاميه وبعدين اخوي قال بيكمل دراسته بالكويت ف اظطرينا نجي كلما المهم جيت اسجل بالكويت طبعا قسم شريعه والحمدالله تم قبولي فوري لان نسبتي حلوه بس بصراحه انا مدري شلون نظامكم وماعرف شي ابد لان نظامكم يختلف عن نظامنا وحتى الدراسه تختلف ف ياليت تقولون لي سهل الشريعه والقران شنو اللي تاخذونها حفظ ( سوري على الاطاله يالغوالي

هلا والله حبيبتي نورتيناااا وهلا فيج بديرتج ...
:nbvppw:

مبرووووك على قبلوج بالشريعه وعليج بالعافيه والله انه شي مو قليل طلي العلم الشرعي .. عسى الله يوفقج يارب ويسر دروبج للخير اللهم امين .. لاتحااتين الشريعه سهله وبتصير اسهل على شطوره مثلج والا شراايج لأن اكيد عندج خبره عن العلم الشرعي ..عندنا اربعة اقسام في الكلية ( التفسير والحديث - العقيده والدعوه - أصول الفقه - الفقه المقارن والسياسه الشرعيه ) كل قسم عنده مواد لازم ندرسهل كمتطلب جامعي الزامي على كل البنات مثل عقيده 1-2 ودعوه 1-2 وكذلك تجويد القرآن 1-2-3-4 وعلوم القرآن والحديث .. ومادة الفقه 1-2 .. واصول الفقه 1-2-3
كل طالبه بالشريعه لازم تاخذ هذي المواد وطبعا في غيرها بس انا اعطيج مثال .. بعد ما تخلصين 30 وحده تتخصصين بأي قسم انتي تحبينه من الأقسام الأربعه وتصيرين بس تاخذين مواد القسم الي تخخصتي فيه ولازم تنهين عدد معين من الوحدات عشان تتخرجين ...

وفي مواد الزاميه من برا الشريعه مثل النحو والانجليزي والحاسوب ...

ونظام المعدل من 4 نقاط اذا تخصصتي يصير عندج معدل عام ومعدل تخصص...

اتمنى اني اكون وضحت لج وفدتج واكيد الكليه بتشرح لكم كل شي في اللقاء التنويري واذا في اي سؤال انا والبنات حاضرين تورتي كليتنااا وتجمعنااا وديرتنااا .. وحياج الله بينا اخت عزيزه وغاليه ..


الله يوفق ان شاء الله ويسهل عليج الدراسه ويأجرج على دراستج للعلم الشرعي ...اللهم امين:eh_s(17)::eh_s(17):

 

[بيشو!!]

هلا والله حبيبتي نورتيناااا وهلا فيج بديرتج ...
:nbvppw:

مبرووووك على قبلوج بالشريعه وعليج بالعافيه والله انه شي مو قليل طلي العلم الشرعي .. عسى الله يوفقج يارب ويسر دروبج للخير اللهم امين .. لاتحااتين الشريعه سهله وبتصير اسهل على شطوره مثلج والا شراايج لأن اكيد عندج خبره عن العلم الشرعي ..عندنا اربعة اقسام في الكلية ( التفسير والحديث - العقيده والدعوه - أصول الفقه - الفقه المقارن والسياسه الشرعيه ) كل قسم عنده مواد لازم ندرسهل كمتطلب جامعي الزامي على كل البنات مثل عقيده 1-2 ودعوه 1-2 وكذلك تجويد القرآن 1-2-3-4 وعلوم القرآن والحديث .. ومادة الفقه 1-2 .. واصول الفقه 1-2-3
كل طالبه بالشريعه لازم تاخذ هذي المواد وطبعا في غيرها بس انا اعطيج مثال .. بعد ما تخلصين 30 وحده تتخصصين بأي قسم انتي تحبينه من الأقسام الأربعه وتصيرين بس تاخذين مواد القسم الي تخخصتي فيه ولازم تنهين عدد معين من الوحدات عشان تتخرجين ...

وفي مواد الزاميه من برا الشريعه مثل النحو والانجليزي والحاسوب ...

ونظام المعدل من 4 نقاط اذا تخصصتي يصير عندج معدل عام ومعدل تخصص...

اتمنى اني اكون وضحت لج وفدتج واكيد الكليه بتشرح لكم كل شي في اللقاء التنويري واذا في اي سؤال انا والبنات حاضرين تورتي كليتنااا وتجمعنااا وديرتنااا .. وحياج الله بينا اخت عزيزه وغاليه ..


الله يوفق ان شاء الله ويسهل عليج الدراسه ويأجرج على دراستج للعلم الشرعي ...اللهم امين:eh_s(17)::eh_s(17):

امييييييييييييييييين
الله يبارك فيك
الله يعطيك العافيه مشكووره اختي وماقصرتي يالغلا

 

[بيشو!!]

طيب انا اخترت الدكاتره هذولي مندري وش رايكم فيهم

علوم قران = جميل المنيع
عقيده=فلاح السعيدي
فقه=سعاد المطوع
تاريخ التشريع الاسالامي=عادل المطيرات
اما التجويد يقولون للحين ماخصصو له دكاتره
اللي تعرف احد من هذول الدكاتره تقولي سهلين والا صعبين وشلون نظامهم بالدراسه

 

[لمار77]

***
التخصصات المساندة التي تطرحها الكليات الأخرى بالجامعة
ويسمح للطالب في كلية الشريعة بالتسجيل فيها..

أولا:كلية العلوم الإدارية:

تعرض الكلية العديد من التخصصات المساندة ويتطلب دراسة أي تخصص من تلك التخصصات المساندة
إتمام 24 وحدة دراسية منها متطلبات إلزامية تتراوح بين 15-21 وحدة طبقاً لكل تخصص والباقي وحدات اختيارية مما يعرضه القسم المختص وتتم بموافقة المرشد الأكاديمي للقسم.
ويشترط للقبول في تلك التخصصات المساندة ألا يقل المعدل العام عن نقطتين وأن يجتاز اختبارات القبول لكلية العلوم
الإدارية في اللغة الإنجليزية والرياضيات أو يجتاز مايعادلها من مقررات بتقدير (c) على الأقل.

1-في مجال إدارة الأعمال:
*تخصص مساند إدارة الأعمال/إدارة ونظم.
*تخصص مساند إدارة الأعمال/تسويق.
*تخصص مساند إدارة الأعمال/تمويل ومنشآت مالية.
*تخصص مساند إدارة الأعمال/إدارة العمليات والطرق الكمية.
*تخصص مساند إدارة الأعمال/نظم المعلومات الإدارية.


2-تخصص مساند في مجال المحاسبة.
3-تخصص مساند في الإقتصاد.
4-تخصص مساند في الإدارة العامة.
5-تخصص مساند في العلوم الإدارية.

ثانياً: كلية الآداب:
1-اللغة العربية
2-اللغة الإنجليزية.
3-التاريخ.
4-الفلسفة.


ثالثاً:كلية العلوم الإجتماعية:
1-علم النفس.
2-العلوم السياسية.
3-علم الإجتماع.
4-الجغرافيا.
5- علوم المكتبات والمعلومات.
6- الإنثروبولوجيا.

***

وعذرا وعدتكم أمس وانشغلت..

صيفي ومشتركة بدورة إنقلش مكثفة عالنت..

 

[لمار77]

السـلاآم عليـكم ,

بنـآآت تسجيـلي قـرب ,, اونا ف يسنهـ ثـآنيـهـ شنو تنصـحونـي اخـذ موآآد ,

انا ودي اخذ عـلوم حديث 1 بس ما اعرف الدكـاترهـ ( مستورهـ المطيـري _ شذى العبدالكريــم ) ايهي احـسن ..؟

وودي اخذ انجليزي ,, بس كمـ رقـم المقرر....!!

أنا جربت شذى زينه ويزاها الله خير ما أنسى موقفها معاي كنت ملخبطة بموعد اختبار الفاينل وماحضرت وتفهمت وعاد الاختبار لي..

لكن مجربتها بتخريج أحاديث وحديث تحليلي1..

لو كنتي مجبرة على وحدة منهم شذى أفضل بوايد..

 

[لمار77]

طيب انا اخترت الدكاتره هذولي مندري وش رايكم فيهم

علوم قران = جميل المنيع
عقيده=فلاح السعيدي
فقه=سعاد المطوع
تاريخ التشريع الاسالامي=عادل المطيرات
اما التجويد يقولون للحين ماخصصو له دكاتره
اللي تعرف احد من هذول الدكاتره تقولي سهلين والا صعبين وشلون نظامهم بالدراسه

د.فلاح السعيدي شديد ما أنصحج فيه..
جربت عقيدة عند الدكتور سلمان العنزي سهله لكن يطلب 4 تلاخيص ما أدري إذا غير طريقته..
والباقي ما جربتهم..
لكن تاريخ التشريع منزلها الدكتور وليد الربيع وهو ممتاز..
وعلوم قرآن صلاح يعقوب وعبدالعزيز المطوع عندي أفضل من جميل المنيع.

 

[بيشو!!]

يعطيك اعافيه اختي لمار ومشكوره وماقصرتي

 

[**فراولة**]

هـلآ فيـج فرآولـهـ

رآح تنورينـآ ان شاء الله

ويـآرب تستفيدين وتستمتعيـن ,,

اي المواد اجبـآريـه للكورس الاول
واعتقد انها فقه 1
عقيده1
تاريخ التشريع الاسلامي
علوم القران
وتجويد 1 تحفضون جزء ونص من سورهـ البـقرهـ ,,
وانصحج تاخذين عند خالد الحيـص اذا منزل ..
اما عقيدهـ انا اخذت عند حسين السعيدي وعطى الشعبه تقريبا كلها a
فقـهـ انا اخذت عند دكتورهـ .. ليلي الشهاب
وعلوم القران اخذي عند سليمان معرفي ..
وتاريخ التشريع كيفج بس انا اخذت عند عبدالله العجمي ..

واي سؤال انا حاضـرهـ

يعطيج العافية اختي ما قصرتي الحمدلله الحفظ شوية وسليمان معرفي يمدحونه مشكورة مرة ثانية

 

[أصدق شعور]

يعطيج العافية حبيبتي لمار ماقصرتي

 

[looty5]

يزاآكم الله خيـر ..

انزين انا ودي اخذ علوم حديث بس ما ودي اغامر عند شذى
والحين بدخل 2 سنه شتنصحوني اخلي هالماده لبعدين والا اخذها يمكن ينزلون دكاتره زينين بعدين ؟؟

 

[أصدق شعور]

لاتاخذين عندها انطري ينزلها دكتور ثاني

انا اخذت عندها بي بس المشكله فيني انا مادرست الفاينل عدل درست النص وبعدين اسئلتها مومباشره
عاد انتي كيفج

 

[غايتي الجنه]

يعطيج العافبه

 

[غايتي الجنه]

شلونكم بنات منو عنده موقع د.فهد الرشيدي