تجمع لبنات الشريعه ^-^ ...

[Babystyle]

السلام عليكم

بنات بغيت اسألكم اشراييكم بالدكتور شافي العجمي << علوم قران ؟؟

 

[صانعة المستقبل]

السلام عليكم بنات
أبيكم تفيدوني بأحسن دكتورة حق مقرر " التجويد "

 

[سوسو العصلة]

السلام عليكم ورحمة الله وبركاته ياطالبات الشريعه

شلونكم عساكم بخير

بنات ابي اسالكم اذا كنتو تعرفون الدكتورة جاسميه تخريج احاديث يليت تفيدوني لاني مسجله عندها

وبعد سالم طعمه الشمري حق دعوة 2 بنات فيدوني جزاكم الله خير لاني مسجله ووايد ناس قاعد يذمونهم بالدرجات طبعا مو بالشرح انا ابي شرح وعلم ولكن بعد الدرجات ابي
وبنات بعد ضروري عبدالعزيز القصار القضاء والدعوى والاثبات بنات افيدوني جزاكم الله خير

وربي يرزقكم الجنه


:s141: :s141:

افيدوني جزاكم الله خير

 

[سوسو العصلة]

السلام عليكم بنات
أبيكم تفيدوني بأحسن دكتورة حق مقرر " التجويد "

التجويد ياقلبي عندج عادل المسبحي يهبل حده ماشاء الله اذا لقيتي لاتطوفينه
ويسرى الصليلي هالدكتورة تهبل حدهاا حدها ماشاء الله عليها ههذيل لاتطوفينهم يهبلون حدهم وربي يوفقج

 

[صانعة المستقبل]

مشكورة حبيبتي " سوسو العصلة "
حبيت أفيدج بدكتورة جاسمية لتخريج رفيجتي
ماخذه عندها تمدحها تقول اتهبل وشرح سهل

 

[سوسو العصلة]

مشكورة حبيبتي " سوسو العصلة "
حبيت أفيدج بدكتورة جاسمية لتخريج رفيجتي
ماخذه عندها تمدحها تقول اتهبل وشرح سهل

تسلمين ياقلبي في ميزان حسناتج وجزاج الله خير

 

[بدلية]

بناات منو تعرف الدكتورة هدى رميض سالم فقه العبادات ؟

وشلوون المادة نقدر نضمن الa فيها؟

 

[سوسو العصلة]

السلام عليكم

بنات بغيت اسألكم اشراييكم بالدكتور شافي العجمي << علوم قران ؟؟

اول مرة ادري انه يعطي الطالبات كان ماينزل بس تراه شيخ دين كبير وصاحب علوم دين حييييييل ماشاء الله عليه
الماده سهله فلاتخافين وشافي العجمي انا شقت بتقييمه حيل مادحينه توكلي على الله واخذي عنده ياقلبي واذا تبين اسالي بعد لاني مااخذت عنده ربي يوفقج وييسرلج امرج

 

[أصدق شعور]

بسم الله الرحمن الرحيم ...

السلام عليكم .... صباحكم /مساكم رضا ورحمة وتوفيق..

كويتية فاصلة ... بالعكس الشريعة من أسهل مايمكن < تدرين ليش لأن دكاترتها يهبلون ... ومايقصرون .. هذا اللي أشووفه للحين .. انتي أي كلية ؟؟

وعلى فكرة نفس الكلام اللي سمعته يقولولي صعبه والكل يحوّل منها بس والله ماعندهم سالفه انا حولت لها بعد تفكير والحمدلله على كل حال ..​

أستغفر الله .. اللهم صلِ وسلم على الحبيب .. ​

 

[أصدق شعور]

سوسو العصلة .. انا ماجربت د.جاسمية شمس. بس بحطلج تقييمات الطلبة في موقع قيّم ...

انا مسجلة عندها الكورس الجاي عموما بحطلج التقييمات واقري على كيفج..​

 

[أصدق شعور]

د.جاسمية شمس الدين.

المختصر المفيد- معظم الطلبة يقولون
5/4.4
ان مستوى الاختبارات متوسط الصعوبة
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 13




التقييم ملاحظات الطلبة
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: علوم حديث 1 التاريخ: 2009-07-22
الطالب: شعله امل رقم التقييم: 18376

بصراحة المادة وااايد سهله عند الدكتورة
بس المادة أهية شويه دسمه بس سهله وشرح الدكتورة وايد زين و ما تعطي إلا واجب واحد و الإمتحانات وايد سهلة

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: علوم حديث 1 التاريخ: 2008-10-04
الطالب: LeLoOo رقم التقييم: 15615

السلام عليكم ورحمه الله وبركاته ..

الدكتورة جاسميه جزاها الله كل خير ..
من أفضل الدكاترة اللي مروا علي ..
دكتورة نفسيتها حلوه .. وتقدر ظروف الطالبة ..
يهمها وايد الحضور والمشاركة ..

واللي بتاخذ عندها نصيحه لازم تكون مركزه وتراجع اول بأول وان شاء الله تضمن الـ a ..

باختصار انصح فيها ..

ربي يوفقها ان شاء الله

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: تخريج احاديث التاريخ: 2008-10-03
الطالب: بلوغ المرام رقم التقييم: 15591

السلام عليكم

الدكتوره جاسميه دكتوره طيبه وحبوبه

لكن اول ما خذيت عندها كانت شديده شوي
وكان شرحها واضح بس اول ما تاخذين الماده ماتحسين انج فاهمه
او مرات تحسين انها شديده على الفاظي
بس بعد ما تمر الايام راح تثبت عندج انها من اروع ما يمكن
وان الماده سهله و حلوه ويبيلها دراسه و اهتمام

بصراحه الدكتوره وايد روعه و تهبل و عسل
تحسين انها شديده بوقت الشده و حبيبه وقت الضحكه


كنت ماخذه كل اختبار علامه كامله الا النظري شوي كان صعب من ناحيه شرحمضمون الكتب و طريقتها
فهذا اللي خسبقني
وخذيت بي بلس
يعطيها الف عافيه

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: F
لا ننصح به
المـادة: سيره نبويه التاريخ: 2008-08-10
الطالب: fofo رقم التقييم: 14949

ما انصح فيهــــا


- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: حديث موضوعي+علوم حديث التاريخ: 2008-02-17
الطالب: أبرارين رقم التقييم: 13370

دكتورة أكثر من رائعة و محترمة و خلوقة و تقدر الظروف
ابتسامتها دايما علة ويها
امتحاناتها سهلة
و الكلمات ما توفيها حقها

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: تخريح أحاديث ، سيرة نبوية التاريخ: 2007-09-16
الطالب: حقيقة رقم التقييم: 11731

باختصار أنصح فيها
تراعي الطالبات وتقدر ظروفهن
الامتحانات سهلة
والحضور مهم

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: سيره نبويه التاريخ: 2007-09-12
الطالب: fofo رقم التقييم: 11680

خوش دكتوره
اذا تبين a حضري يوميا وشاركي معاها
المشاركه مع الحضور ب 30 درجه
والتقارير 10
والقويز 10
والفايل 50
المحاضره مشوقه نظام قصص ومدام انها سيرة الرسول اكيد بتكون حلوه
الماده محتواها عجييب تحسين جنج عشتي مع الرسول عليه الصلاة والسلام وتحسين بمعاننته
كنت استانس لما ادرس
والدكتوره ماقصرت معانا كلش
وسوت فيني معروف كبير
الله يجزاها الف خير .....
انصح فيها

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: حديث موضوعي التاريخ: 2007-08-29
الطالب: Daffodil رقم التقييم: 11447

اتيننننننننننننننننننن وحبيت محاضراتها وايد ... وكنت كله أضحكها بتعليقاتي )))) راااااائعة

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: سيرة نبوية0910233 التاريخ: 2007-06-04
الطالب: asoom رقم التقييم: 9969

هي خوش دكتورة وأنصح فيها بشدة بس اهي عندها عيب واحد انها واجباتها واجد صج أنها سهلة بس واجد وكذلك لما تناقش الطالبات تحاول تنهي النقاش بسرعة بدون ماتغير فكرتها(وهذا يمكن لأنه فاهمة اكثر ودارسة بس هذا ما يمنع النقاش)وهي جبوبه واجد ...

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: حديث موضوعي التاريخ: 2007-03-05
الطالب: someone05 رقم التقييم: 8976

بصراحة خووووش دكتورة محترمة جدا جدا واثقة من نقسها شرحها حلو امتحاناتها اسهل اسئلة مباشرة وواضحة الله يوفقها ويجزاها الف خيربشوشة الغياب عندها بونص لو احتاجت البنت كيرف

- النجوم:
- المستوى: صعب
- الشرح: شرح جيد جدا
- حصلت على: D
ننصح به
المـادة: سيره نبويه التاريخ: 2006-06-10
الطالب: طالبه رقم التقييم: 5081

طيبه ومتفهمه وشرحها حلو

وتعطي من قلبها وملتزمه بالحضور

بس متشدده بالحضور وتحب الهدوء والمشاركه

وماتعطي درجات الا للي تستاهل

والدليل انا اخذت D



- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: علوم حديث التاريخ: 2006-06-07
الطالب: أبرار رقم التقييم: 4891

روعة روعة روعة شرحها ممتاز طيبة و تراعي بالدرجات و حقانية

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تخريج احاديث التاريخ: 2006-04-19
الطالب: الخنساء رقم التقييم: 3587

دكتوره ممتازه جدااااا

الصراحه اهم شي عندها الحضور والغياب

الي بياخذ عندها لازم يدرس عدل للامتحان و يحافظ
على هدوءه اثناء الشرح

هي احسن دكتورة لتخريج

لان تخذ البنت راحتها وهي دور الكتب على عكس الدكتور فهي تنحرج عنده لو تطيح العبايه عن راسها مثلا

الق ينقال خووووووووووش دكتوره
​

 

[أصدق شعور]

د.سالم طعمة الشمري.

المختصر المفيد- معظم الطلبة يقولون
5/4.7
ان مستوى الاختبارات متوسط الصعوبة
وشرح المدرس شرح جيد جدا
والأغلبية حصلو على تقدير A
بإختصار ننصح به
عدد الطلبة الذين شاركوا في التقييم 23




التقييم ملاحظات الطلبة
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافة اسلامية التاريخ: 2009-08-28
الطالب: المشتاقة الى الجنة رقم التقييم: 18723

السلام عليكم و رحمة الله و بركاته

انا خذيت مادة الثقافة الاسلامية هالصيف و بصراحة هي اللي بردت و خففت علي تعب الصيف و حره.
الدكتور جدا جدا محترم و تعامله راقي مع الطالبات و حيل طيب هو ما يحب الغياب و يأخذ الحضور نهاية كل محاضرة و هذا حقه لأنه مثل ما تعنى و جا من كيفان يوميا عشان يدرسنا فيبي التزام بالحضور،و المحاضرة ترى مو مملة و تستفيد منها وايد و المقرر سهل و اغلبه معلومات قديمة و احنا دراستنا كانت من مذكرة الدكتور مجمعها من مجموعة كتب هو اختارها، بالنسبة لامتحاناته عبارة عن امتحان اول اذا جبت فيه 30 من 30 او 29 او 28 فانت في بر الامان و ال A
في ايدك و الدكتور ما يطالبك تمتحن الامتحان الثاني اما اذا اخذت اقل فانت مطالب تمتحن الاختبار الثاني و هالحركة بالدرجة الاولى عشان يساعدنا نطلع بقريدات مرتفعة.
و اسئلة الامتحان خصوصا الاول راح يقولكم اياها حتى سوالنا يوم مراجعة
اما الامتحان الثاني فراجع معانا عالسريع لأن صيفي و مافي وقت لكن كان مستوى الامتحانين بصفة عامة سهل واذا درستو عدل و حضرتو كل المحاضرات و كتبتو معاه تضمنونهم.
بالاضافة الى ان اول كل محاضرة نأخذ حديث من الاربعين النووية الاحاديث سهلة و مو مطالبين بحفظها بس الفهم و الشرح اللي يقوله و تدش بالامتحان و في 10 درجات اما تسميع 10 احاديث او سورة تبارك و الدكتور يرفع اللي ما يغيب ولا مرة و ما يدقق بالاجابات في الفاينل لاننا مو طلبة شريعة كنا اغلبنا علوم و هندسة ولأنه هو حريص ان اغلب الشعبة تأخذ A
فجزاه الله الجنة و انصح الجميع فيه

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافه إسلاميه التاريخ: 2009-08-20
الطالب: 1flower رقم التقييم: 18645

السلام عليكم ورحمة الله وبركاته...

أول شي ودي أقولكم نبذه عن دكتور ( حلوه نبذه صح )

دكتور قمه في الأدب والإخلاق والروعه..

محترم - خلوق - يخاف من الله - يسمعلج/ـك - يحترم إلي جدامه

مادته حتى لو كانت صعبه يسهلها لك/ـج

الماده : قمه في السهوله يعني أشياء درسناها في الثانويه ومتوسط بس بالتفاصيل سهله سهله لا تفكر/ين إنها صعبه بس يبيلها شويه فهم وحفظ وإذا فهمتيها مو محتاجه تبطلين الكتاب بس مو طنش/ــين

الغياب: يقول 5 درجات بس مو دايما يحسبها - وإلي ما يغيب عنده بالمحاظره يرفعه من جريد لجريد بس مو دايما لأن رفيجتي غابت شكثر عنده بس رفعها من جريد لجريد لأنها شاطره طبعا وتستاهل

الواجب: أقل من نص صفحه تكتب موقف من مواقف صحابه إلي يطلبه منك وتكتب رايك فيه ( في أسهل من جذي ؟ ما أعتقد )

الإمتحان : واحد إجباري والثاني إختياري حق إل مو مسوي/ــه عدل بالإمتحان وناوي يرفع درجته/ــا

طريقه الإمتحان : مقــالــي والله أحسن شي . لأن بعض المرات الموضوعي يكون صعب أو تشك بإجابتك. أسئله واضحه واضحه ما تخربط أحسن من بعض دكاتره الإختياري عبالهم مادتهم فيزيا يحطون الأسئله من بين سطور . وأهو قال نفس الحجي قال: أنا لما كنت أحط صح ولا خطأ وصحح الإجابه دايما يحطون إجابه إلي ما أبيها وتضيع درجتهم فجذي حطيت مقالي ... نصيحه" إكتبواااا كل شي كل شي تعرفونه بالإجابه وحطوااا أدله " علشان تبفهمونه إنكم فاهمين لأن الماده سهله وإحنا عارفينها بحياتنا في القصص أو الأدله عارفينها مو محتاجين نذاكرها

صدقوني الماده عن جد سهله مو صعبه وهذي الماده إلي تنقال إختياري ..
يعني تاخذون الجريد A وإنتم مغمضين من دون تفكير

وإنشاء الله أكون شرحتلكم إلي تبونها وأكون كفيت ووفيت
وبالتوفيق إنشاء الله - وإنشاء الله تحقق أحلامكم وطموحاتكم

(( إدعولي ^_^ ))

(( 20 ))

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: ثقافه اسلاميه التاريخ: 2009-06-18
الطالب: flake رقم التقييم: 17526

الدكتور سالم جدا محترم بتعامله مع الطلبه ويقدر ضروف الطالبه وانسان قمه في الاخلاق ...

الشرح :-
ممتاز يشرح كل شيئ بضمير يخلي الواحد يفهم الماده غصب ويستانس من شرحه لانه ممتع وقوي شرحه الصراحه .
يشرح الاحاديث الاربعين النوويه شرح مفصل ثم يشرح المذكره .

الامتحان :-
انا مع الامتحانات المقاليه طبعاً لانها تبين مستوا الطالب وماتضلم كلش . لان اي غلطه يمكن ننقص نص ربع درجه اما الموضوعي تغلط غلطه راحت عليك الدرجه .
امتحاناته مقاليه يبيلها تركيزحفظ طبعا وفيها فهم الصراحه واشياء نعرفها عن الدين طبعا.

الدرجات :-
مايظلم ويرفع ويساعد الطلبه .

ويعطيه الف عافيه على المجهود الي يقدمه لنا . وعسى الله يكثر من امثاله

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافة اسلامية التاريخ: 2009-02-02
الطالب: memoh رقم التقييم: 16395


خوش دكتور
ياخذ الغياب عقب كل محاضرة
اممم طريقتة كالتالي :
-امتحان أول
-امتحان ثاني (اختياري)
ياخذ احسن درجة (يعني إلي إييب درجة كاملة بالامتحان الأول ماله داعي يمتحن الامتحان الثاني)
-امتحان فاينل (مو كل الكمية)
-يعطيك يا آية أو 10 أحاديث حفظ (انت تختار واحد من الاثنين) ويكون عليهم 10 درجات
-يقول الحضور عليه درجات ، بس انا غيابي مو شوية و مع ذلك ما نقصت !
أغلب الشعبة كانت ماخذه A لأن أساسا المادة سهلة(ثقافة)

الامتحان مقالي

ويطيه العافيه ما قصر،،،،،



- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: ثقافة اسلامية التاريخ: 2009-02-01
الطالب: j_87 رقم التقييم: 16323

الدكتور شرحه وايد حلوو
محاضرته حلوه ما تملل
و النوت ماله وايد حلو و مفيد بس يمكن الشي اللي ما راح تحبونه فيه انه امتحاناته كلها مقالي
يعني تكتب كل شي كل شي تعرفه و ما تعرفه P: عشان تاخذ علامه زينه بس طبعا يحب تبين له انك فاهم

احسن طريقة انك تلخص المنهج في اوراق من عندك على اسلوبك وايد تساعدك بالدراسه لانه مرات الكمية تكون وايد

بالاضافخ للمنهج يطلب منك شرح بعض الاحاديث في الامتحان

و يعطيك 10 درجات على تسميع سورة الملك او تسميع 10 احاديث

و الامتحان ياخذ احسن درجه


- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: الثقافة الاسلاميه التاريخ: 2009-01-31
الطالب: LoNeLy Boy رقم التقييم: 16269

الله يعطيه العافيه دكتور ممتاز وحبوب ..
شرحه سهل ويقدر الكل ..

انصحكم فيه ..

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: ثقافة اسلامية التاريخ: 2009-01-28
الطالب: Al-Qahtani رقم التقييم: 16185

امممممم ... الدكتور سالم حاله وااااايد حلوه مرت في حياتي الجامعيه .. لانه صراااحه دكتور حبّوب ويشرح من قلب ويقط قطات حلوه بالمحاضره .. ويعلّق على ملابسنا ... خصوصاً انه علق مره على شعري وعلى لبسي ..

1- الشرح :
عالي والعالي الله سبحانه .. يعطي يشرح بشكل يخلي الاثول يفهم .. ولكن اهو يشرح عن الحديث اللي ناخذه من الاحاديث الاربعين النوويه حوالي نصف ساعه .. وربع ساعه عن المذكره .. وبنهاية الكورس ياخذ حوالي 25 حديث من الاربعين ويكون شارحهم .. وعيبه في الشرح انه مايعطي المذكره حقها .. يعني في خلال ربع ساعه يشرحلك ممكن حوالي 5 او 6 صفحات .. ولكن مايشرحهم الا ونت فاهم ..

2-الاختبارات:
العيــــــــــــب الوحيد اللي شفته منه .. يعني الاختبارات مقاليه .. يعطيك 4 اسئله ويقولك جاوب على ثلاث .. والفاينل نفس الطريقه .. وكل سؤال فيه حوالي 3 او 4 اسئله ..
واللي يدرس صح راح يتعب بالاجابه .. لانه السؤال باب اجابته وسيع .. ويلزمك تكتب شغلات وايد عن السؤال .. لدرجه ان الفاينل استغرقت ممكن ساعه و45 دقيقه اكتب شكل متواصل بدون انقطاع .. حتى ايدي انخدرت ..!! .. فلازم تدرس بشكل دقيق عشان تجاوب على جميع الاسئله بشكل مرتب ومنظم .. والامتحان بشكل عام صعب .. ولكن سهل حق اللي يدرس دراسه متعمقه للمذكره ويفهمها صح ..

3-الدرجات:
الدكتور نظامه اعطيك حقك .. بالاضافه انه يعطي بونص حق الطالب اللي مايغيب ولامحاضره .. واعتقد يرفع الطلبه جريد لان رفيجي خذا D ورفعه وعطاه C- .. والدكتور مومتساهل بالتصحيح .. يعني يبيك تكتب حجي وااااايد عن اللي يبيه .. ولكن بشرط ان كلامك مايطلع عن اللي في المذكره .. يعني زبدة الحجي جااااوب ع السؤال بس كثر حجي .. وان كان عندك دلائل من آيات او احاديث حتى لو مو بالمذكره حطها عشان تبين للدكتور انك فاهم ..


بالنهايه .. انا عطيت الدكتور 4 نجوم .. لانه له عيبين .. الاول انه يشرح حوالي ربع بس للمذكره وباجي الوقت عن الحديث في الاربعين النوويه .. والثاني انه امتحاناته مقاليه بشكل بحت تتطلب منك حفظ المذكره حفظ .. وان ايدك راح تتخدر مثلي من كثر ماتكتب

وبالاخير انصح فيه لانه من خيرة الدكاتره تعاملاً وشرحاً ..

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: ثقافه اسلاميه التاريخ: 2009-01-27
الطالب: super-Architect رقم التقييم: 16141

دكتور سالم الشمري

هذا الدكتور .. رائع من حيث الشرح .. وشرحهه كله مهم .. وكله ايي بالامتحان .. لا تدرس النوت بس ادرس الكلام الي انت سجلته من المحاضره ودش الامتحان و ادعيلي ..
انا كنت اكتب كل كلمه .. وكل شي كتبته شفته بالامتحان .. وطلعت منها اي ماينس .. كنت استاهل اي .. بس الغياب .. انذار واحد نزلني ..

امتحاناته .. وايد من الطلبه مامدحوها .. لأن وايد يبي كلام يبي الواحد يكتب كل شي .. واسئلته متداخله فبعض .. يعني مثلا .. ماهي اسس الشريعه وما اهدافها و ماالذي جعل المسلمين متمسكون بها ... الخ ..

يعني انت لازم من نفسك تقسم السؤال عشان تجاوب و تفي بالمطلوب ...

الدكتور .. يراعي الطالب بس مو دائما

احس وايد ينسى .. يعني طلبه مو راضين على موعد امتحان معين ... يقولهم ماكو تأجيل لموعد الامتحان

بعدين بعد الامتحان يسألنا .. ليش درجاتكم جذي .. ولمن نعطيه انه السبب من موعد الامتحان .. يقول جااان قلتولي عشان اغيره .. @@

وفي طلبه .. لاحظو عنصرية الدكتور في بعض الاشياء ... وهو حط الامتحان في يوم .. كانو فئه من الناس بيصومون فيه وفئه اخرى بيحزنون فيه .. يعني ماراعى الطلبه في هذا الامر ..

.. وعند دكتور سالم 3 امتحانات .. الاول اذا قدمت فيه زين مايحتاج تدخل الامتحان الثاني..

وشكرا و يعطيك العافيه استاذ ...

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: ثقافه اسلامية التاريخ: 2008-12-31
الطالب: نونه العنونه رقم التقييم: 15839

شهادتي بالدكتور مجروحه بس دكتور محترم لابعد الحدوود و تعامله مع الطلبة وايد محترم و متفاهم و طييييييييييب و ما ادري شقول بعد هالدكتور عسل عسل بأخلاقه العاليه ما اقول الا الله يوفقه و جزاه الله خير دنيا و اخره امين يا رب العالمين

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: ثقافه اسلاميه التاريخ: 2008-10-27
الطالب: blonde_girl رقم التقييم: 15678

اينن الدكتور فوق انه امتحاناته سهله و عادي تضيف له الاشياء الي متذكرها من الثنوي المتعلقه بالماده
يعيد الامتحان للي مايابو قريد بدل المره مرتيين
جان زين كل الدكاتره نفسه

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافه اسلاميه التاريخ: 2008-09-17
الطالب: manal رقم التقييم: 15391

السلام عليكم ورحمه الله وبركاته....
هذا الدكتور قمه بالشرح والاسلوب ويعطي كل واحد حقه الله يجزاه الف خير .....
ويشرح بضمير .بس لازم تحفظون الايه (كانت سوره الملك) ولازم تلتزمون بالحظور والغياب وتعالو مبجر وما يحب اللي يدش بعده وبالامتحان اترسوا الصفحه كلام كل شي تعرفونه اكتبوه عشان تاخذون FULL MARK.
والله يوفق الجميييييييييييع ان شاء الله.....

- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: ثقافه اسلاميه التاريخ: 2008-09-12
الطالب: nono_alaz رقم التقييم: 15310

خوووووش دكتور
جزاه الله خييييييييييير

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافه اسلامية التاريخ: 2008-03-30
الطالب: مدمن^قز رقم التقييم: 13519

دكتور محترم جدا
شرحه قوي
امتحاناته مقاليه بس اكتبله بالاجابه كل الي تعرفه وتقدر((عب له الورقه حبر))
ابشر بقريد طيب
ملتزم بالغياب في كل محاضره
ولاتنسون حفظ السورة الي يعطيكم اياها
احنا عطانا سورة الملك سهله
وسلامتكم

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: الدعوة الى الله 2 التاريخ: 2008-02-15
الطالب: طالب مثالي رقم التقييم: 13348

ما شاء الله تبارك الرحمن على الدكتور ممتاز فيالشرح و تحسه فاهم الماده و محضرها و امتحاناته متوسطةو عطي بحوث و يهتم فيها حتى يخليم\ك تعرف شلون تبحث بين الكتب و مهتم بالياب حيل و يقدر اللي يحضرون و اذا كنت حال بالمتحان زين و حضورك جيد يعطيك A حتى لوما تستاهلها بأختصار أنصح به

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافة اسلامية التاريخ: 2008-01-25
الطالب: Yasser رقم التقييم: 12827

وحش
المادة سهلة والامتحان سهل والشرح ممتاز

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافة اسلامية0900102 التاريخ: 2007-06-04
الطالب: asoom رقم التقييم: 9970

دكتور ممتاز جداً في شرحه ومنظم وامتحاناته كانت مقالية بس كانت سهلة وهو يخيرنا في الحفظ ما بين 10أحاديث أو سورة من القرآن...وباختصار أنصح فيه بشدة..

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافه التاريخ: 2007-05-04
الطالب: العلوم رقم التقييم: 9627

ماشاء الله عليه

دكتور بمعنى الكلمه ..طيب واسئلة الامتحان سهله

جزاه الله كل خير

- النجوم:
- المستوى: سهل جدا
- الشرح: شرح جيد جدا
- حصلت على: A
ننصح به
المـادة: ثقافه اسلاميه التاريخ: 2007-04-26
الطالب: alpacino رقم التقييم: 9483

الدكتور سالم شمري جيد ولكن محاضرته مثل خطبة الجمعه مالك راي بالمحاظره كلامه أهوا إلي ماشي بس الإمتحانات سهله والتقدير حلو

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: ثقافه اسلاميه التاريخ: 2007-04-18
الطالب: afnan رقم التقييم: 9297

الصراحه الدكتور ينن والله خوش خوش دكتور ومتفهم مع ظروف الطلبه والصراحه محاضرته مممله ويحب الطالب بالامتحان يكتب وايد بس والله وايد خوش دكتور يعني باختصار ذهب

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: ثقافة اسلامية التاريخ: 2007-02-03
الطالب: black52angel رقم التقييم: 8725

الصراحة هالدكتور
ما قصر معاي ابدا
هالكورس
قصتي معاه
اني تأخرت عن الفاينل ساعة تقريبا والسبب والله اني كنت مفكر ان الامتحان الساعة 10 وراح علي الامتحان كلمته بعد الامتحان وما وافق
بصراحة حزتها صكرت بويهي الدنيا وطلعت من المكتب
بس ما يأست وانا ادري انه انسان طيب ويقدر الناس
رحت كلمته باجر وكان يوم خميس ووافق ولله الحمد والمنه
كلمه شكرا للدكتور ما توفيه حقه
له مني كل التحية

ملاحظة :: دكتور سالم حل محل الدكتور عبدالناصر اللوغاني
والدكتور عبدالناصر ذهب للعلاج في الخارج مع والده
الله يردهم بالسلامة

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
لا ننصح به
المـادة: دعوه 1 دعوه2 التاريخ: 2006-04-07
الطالب: كلمة حق رقم التقييم: 3196

الدكتور ممتاز ومحترم جدا
يحط A لكن حق اللي يستحقها بجدارة ..
يعني اهوا يراعي بالغياب اذا الواحد عنده ظروف
لكن شديد جدا بالبحث ومو أي بحث يعجبه ..
تطلع عين الطالب بالبحث عنده بس عقبها يشعر بالانجاز وبقيمة البحث
امتحاناته سهله لكنها وايد طويله يحب الكلام الوايد
يعني كراسة اجابة الفاينل تنترس إجابات وعقبها تاخذ A
ومحاضرته ممله نوعا ما لكنه فاهم ومتمكن

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: دعوه الى الله1 التاريخ: 2006-02-17
الطالب: الأصوليه رقم التقييم: 2432

دكتور يقدر الطالبه لأبعد الحدود ....شرحه رائع جدا ولديه فن الإلقاء

اختباراته سهله ويؤجل لمن أراد

وبالتهايه يعطي A

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: الدعوة الى الله 1 التاريخ: 2006-02-17
الطالب: بوالحسن رقم التقييم: 2425

ماشاء الله دكتور رائع واسلوبة وايد قوي او واضح
اومتمكن من المادة

اويهتم وايد بالمحاضرة اوعنده ابتكارات حلوة في الشرح
ويهتم وايد بالببحوث ويتابعك فيها
ويراعي ظروف الطلبة
لدرجة ان عاد الامتحان اكثر من اربع مرات بالكورس
​

 

[أصدق شعور]

اللهم ارحم موتانا وموتى المسلمين .
اللهم اشفِ مرضانا ومرضى المسلمين

اللهم صلِ وسلم على الحبيب
أستغفر الله العظيم وأتوب إليه

لا إله إلا الله .. الحمدلله .. الله أكبر .. سبحان الله ..

أستغفر الله .. أستغفر الله ..

لاحول ولا قوة إلا بالله ..

أستغفر الله لي لكم ..​

 

[أصدق شعور]

صانعة المستقبل ...

نصيحة وعن تجربه ... اخذي عند أ. يسرى الصليلي .. تراها روعه ..

 

[كويتية فاصله]

بسم الله الرحمن الرحيم ...

السلام عليكم .... صباحكم /مساكم رضا ورحمة وتوفيق..

كويتية فاصلة ... بالعكس الشريعة من أسهل مايمكن < تدرين ليش لأن دكاترتها يهبلون ... ومايقصرون .. هذا اللي أشووفه للحين .. انتي أي كلية ؟؟

وعلى فكرة نفس الكلام اللي سمعته يقولولي صعبه والكل يحوّل منها بس والله ماعندهم سالفه انا حولت لها بعد تفكير والحمدلله على كل حال ..​

أستغفر الله .. اللهم صلِ وسلم على الحبيب .. ​

آآنا آآآآخر سنه بس تصدقين جني بغير رايي من كلامج كل يوم لي راي تدرين آآنا مشتهيه جامعه مو شديده حيل ويقولن الشريعه صعبه ورفيجاتي بيروحون أحس إني محتاره عشان إذا بروح الشريعه بشد حيلي فهمتيني بس والله كلامج يريح إدعيلي آخذ النسبه الزينه وأدش مافيه خير لي

 

[كويتية فاصله]

بس تدرين بعد شنو غاثني يقولون على حسب الدكتور إيلج دكتور تقاريره صعبه وكتبي من كتاب فلان الفلاني أو من أسلوبج وآآنا ماعندي أحد يعرف بهالسوالف لا أبوي ولا أمي فهمتيني يعني أبوي مايعرف بسوالف الكتب وآآنا بدخل الشريعه يعني وايد يطلبون مني هالأشياء ومنو بيساعدني ؟؟؟؟ هذا أكثر شي أفكر فيه إدعيلي آخذ النسبه إلي أبيها وأدخل الشريعه

 

[سوسو العصلة]

بس تدرين بعد شنو غاثني يقولون على حسب الدكتور إيلج دكتور تقاريره صعبه وكتبي من كتاب فلان الفلاني أو من أسلوبج وآآنا ماعندي أحد يعرف بهالسوالف لا أبوي ولا أمي فهمتيني يعني أبوي مايعرف بسوالف الكتب وآآنا بدخل الشريعه يعني وايد يطلبون مني هالأشياء ومنو بيساعدني ؟؟؟؟ هذا أكثر شي أفكر فيه إدعيلي آخذ النسبه إلي أبيها وأدخل الشريعه

حبيبتي الشريعه سهله حيل والله وانا بعد ماعرف واذا على التقارير والبحوث ياقلبي انا قتلج ماعرف بس النت راح يساعدج ورفيجاتج تتعاونون الشريعه في جنبها مكتبه عامه وصدقيني بتسهل عليج وموكل دكتور يطلب الاكثر يطلبون تقارير والله لاتخافين مافي اسهل من الشريعه يعني سهل تاخذين A مومثل الجامعات الثانيه والله بنت خالي ذابحه عمرها ومحد عطاها Aماينس تقول وواهي ماشاء الله شاطرة حيل توكلي على الله وشنو احلا من علوم الله احسن من علوم ماتستفيد منها هاذي العلوم بتتآجرين لما تتعلمينها وشلون راح تقتدين بالرسول صلى الله عليه وسلم ياقلبي انا انصحج تدخلين كلية الشريعة والله انها مااااااااااااااي سبحان الله بس خلي نيتج انج تدرسين شرع الله ياقلبي وربي يوفقج ويهنيج بحياتج ويليت كل البنات مثلج

:aha: يابعد عمري توكلي على الله وتعالي انضمي لنا كلية الشريعه والله ماكو اكثر من اهمالي وماشاء الله الA شكثر خذيتهم لا اله الا الله ماشاء الله تعالي انضمي لنا ياقلبي انتي

 

[سوسو العصلة]

اللهم ارحم موتانا وموتى المسلمين .
اللهم اشفِ مرضانا ومرضى المسلمين

اللهم صلِ وسلم على الحبيب
أستغفر الله العظيم وأتوب إليه

لا إله إلا الله .. الحمدلله .. الله أكبر .. سبحان الله ..

أستغفر الله .. أستغفر الله ..

لاحول ولا قوة إلا بالله ..

أستغفر الله لي لكم ..​

اللهم آآآآآآآآآآآآآآمييييييييييييييييييييييييييييييييييييييييييييييييين

وجزاج الله خير انا بعد ماخذه عندها الكورس الجاي ان شاء الله نتعرف على بعض وانا اعرف الموقع مال التقييم وقريت اللي حاطته ياقلبي ماقصرتي وبتوكل على الله وبخليهم بس سارة الهاجري بسحبها ان شاء الله وربي يوفق الجميع

 

[أصدق شعور]

.
.


اول شي دعواتي لج بالتوفيق .. وان شاءالله تاخذين النسبة اللي ترفع راسج ...

شوفي حبيبتي .. اذا انتي تبين الشريعه وحابتها ادخليها وتوكلي على الله ... صدقيني دكاتره الشريعه من أحسن مايمكن بس انتي واختيارج ... وكلهم فيهم الخير ...
واذا تبينها بعد حطي ببالج انج تستفيدين من اللي راح تاخذينه مو بس تحصلين درجات وخلاص .. لأن اذا فكرتي بطلب العلم راح تحسين بمتعه وتطلعين بفايدة كبيرة ..

وعلى التقارير مافيهم شي انتي اعتمدي على نفسج لحد يسويلج وترا سهالات واهما بعد مايصعبونها ...

وبالتوفيق ... وننطرج بالجامعه ... مانبيج اقل من جذي :aha:​

​

 

[قلب أبيض]

للرفع