تجمع لبنات الشريعه ^-^ ...

[صانعة المستقبل]

بنات عفيه ابي اسألكم اليوم علوم قران عند
د. صلاح عبدالله الساعة : 12 وزع الامتحان وسجل غياب ولا لا

وبغيت طلب صغيرون ؟؟؟
* شرايكم بالدكتورة : فاطمة الرشيدي ،،، حق فقه 2
* الدكتورة : سارة الهاجري ،،، حق اصول فقه 1
ياليت اتوضحون يعني ( شلون امتحاناتها ، وشرحها ، كمية المقرر كتاب
ولا مذكرة ، شلونها مع الغياب والدرجات )

* سامحوني على طول الكلام *

 

[looty5]

سبحان الله وبحمده واشهد ان لا اله الا الله

 

[بدلية]

ضروووووري بنات الي تعرف عن هدى حمد فقه العبادات يبشرني لاني خااايفة

 

[الصيدلانيه]

المهندسه
جزاج الله خير...تدرين...شي يضحك...الي ابيهم بالصفحه الي مو موجوده عندج...لوووووول...يالله مو رزقي...خيرها بغيرها...وتعالي بالنسبه لاسباب الجمود الفكري اهو عطانا بس رؤوس الاقلام وقال التفاصيل انتو اقروهم ولخصوهم ومطالبين فيهم بالمتحان...فهل عندج التفصيل ولا لا؟؟...اتمنى الجواب اي
غيرتي شي من جدولج؟؟...مساع قاع اجيك ع الشعب اليديد الي افتوحوهم ولا اشوفهم مغلق

صانعه المستقبل
لأ ما وزع...وأخذ الغياب...وعسى ماشر ليش ما حظرتي؟؟

 

[أصدق شعور]

افاا عليج صيدلانيه انا اتوقع اني مصورتهم من بنات لان المنهج كله موجود عندي بس ادور الورقه اذا لقيتها انا حاضرة فديتج

شوفي اسباب الجمود واثارها اللي مطالبين بتفصيل لهم موجوده بالكتاب انا عن نفسي قريتهم وفهمتهم .. واذكر ومتأكده ماجابهم لنا يعني ضيعت وقت ع الفاضي .. مااقولج لاتحفظين انتي احفظيهم واهما ماراح ياخذون من وقتج بس لو تقرينه كافي عليج ...

لا ماغيرته ... مو مفتوح لي التسجيل .... واحتمال بغير سيرة بس محتارة ....

 

[بدلية]

شدعوة

معطيني بو لباس

 

[نويرة]

بنات منو تعرف الدكتور دهام الفضلي ؟؟

خذيت عنده مادة الاسلام وقضايا العلم والتكنلوجيا شلون المادة بعد شنو فيها؟؟؟؟؟

 

[أصدق شعور]

حبيبتي بدلية مو مطنشين ... البنات فيهم الخير .......

انا قريت مشاركتج بس ماعندي خبر ...... والا جااوبتج افاا عليج .........

احنا هني عشان نفيد بعضنا ...........

 

[نووونتها]

صباحوو حبايب قلبي بنات كليتي العزيزه ​

حبيبتي صانعة المستقبل آنا ألحين ماخذه عند ساره الهاجري بس أحوال شخصيه 2 مو أصول فقه بصراحه اهي حدها زينه بس دقيقه دقيقه دقيقه عالحضور والغياب بشكل مو طبيعي يعني تشوف الساعه 10 ضبط يلا تروح تاخذ غياب وحتى عالتأخير بعد تسجل يعني اللي تأخر تنادي أساميهم آخر المحاضره وتسجلهم تأخير بس ترى تعطي بونصات يعني للحين عطتنا امتحانين قصيرين وكلهم بونص لا والأخت درجتها زفت 16 من 30 وماحضرت ولا واحد فيهم .. غبت الأحد اللي طاف وتحسفت :eh_s(2): عالعموم أن شاء الله أعوض بالفاينل والله يوفقج يارب

 

[أصدق شعور]

صباحج خير نونتها ......،، بالنسبة لـــ . د.سارة الهـاجري ... جم البونس عندها ...،،

ماظنتي باخذ عندها بس يمكن انحد وعساني ماانحد ..

 

[الصيدلانيه]

المهندسه
يفداج الكون يا قلبي...ومشكورة حبيبتي...وان لقيتيها قولي لي...اتصدقسن عاد كان عندي احساس انه مارااح ايبهم...ع العموم انا ما قريتهم...بس دامج اتقولين انهم سهلين ومفهومين بقراهم ان شاء الله...احس هالفصل صعب
ونصيحتي لج لاتسحبين السيره الا بعد ما تظمنين لج ماده غيرها لان كل الشعب السيره مغلقه وععلى فكرة افتحو شعبه حق معرفي وصكرت وما لحقت عليها

نويره
الماده وايد يمدحونها والدكتور يقولون انه زووين

 

[أصدق شعور]

اهئ اهئ ......... طبعا مابسحبها .. انا نيتي ابدلها عند معرفي ......... مجربته زين ........ وغير جذي كلام البنات يقولون اسهل من المطوع .......... جربت المطوع بالسيرة وعلوم القرآن ومعرفي جربته بتفسير ت. .. عموما انا عارفه نظامهم ومعرفي اكيد لو عطى السيرة نفس الشي ماراح يغيره ......... وفي فرق بينهم ان معرفي يغيب اما المطوع ناااادر مايغيب ...........

اقول صيدلانيه لاتخلين الفصل الاخير بالفاينال ترى اكثر الاسئلة جت منه وتوهقنا ....... وترى الامتحان سهل بس من النوت .....

 

[ضحاوي الديره]

اللهم بارك التجمع صاير اول شي
يالله منها للاعلى ان شاء الله

 

[looty5]

بنات انا اخذت تفسير تحليلي عند معرفي .. ؟

شرايكم فيه ..!!

اللي ماخذه عنده تقولي بالتفصيل ..!!


وجزاكم الله خير

 

[نووونتها]

هلا والله بالمهندسه
والله مادري حبيبتي لأني كنت غايبه أول الأيام ورفيجتي اللي قالتلي عن نظامها بدون ماتقولي جم بونصها بس اللي أسمعه دايم انها تونس حيل بسالفة البونصات لأنه يرفع
وحبيبتي اللي تسأل عن سليمان معرفي آنا ماخذت عنده بس رفيجاتي ماخذين عنده صراحه صج لما يقولولي سوالفه ومواقفه أفصل من الضحك بس شنو هذا حيل يضغط لحد الإحراج بس يمدحونه بالقريدات يعني دايم يقولولي صج يهزئج بالمحاضره ويفشل بس ماعلينا منه أهم شي بالأخير شيطلعنا فيه

 

[w0o0dy cullen]

بنــــــــــــــــــــات احد يعرف دكتـــــــــــــور سالم الكنــــدري عقيده اسلاميه

وبسأل انا بالاداب وبحول تربيه عربي مساند اسلاميه وابي ماده تفسير تحليلي ليش تطلع عندي غير مستوفي الشروط ؟؟؟


واللي يسلمكم الحين احد يرد علي ضرووووووووووووووووووووووووووووووووري

 

[..نواره..]

بنات

بغيت اسالكم عند دكتور فهد الخنه ماده علوم قران الدكتور زين ولا لا

الماده سهله ولا ....

 

[كيلوبترا2010]

بنات منو يعرف الدكتور عبد العزيز القصار منزل قضاء ودعوى

 

[نور اهلها]

السلام عليكم يا حلوين
looty5 وايد يمدحون هالدكتور واشوف القريدات ما شاء الله اغلبها A

والحلوات اللي يسألون ما عرف والله بس برفع الموضوع

 

[أصدق شعور]

لوتي لحد الحين كل شي تـمـام ........ بس نشوف القريدات ............ امتحاناته سهله واجاباتها قصيرة مايحتاج شرح وتفصيلات ..... والامتحان مايطلع من شرحه .......... بس يحتاج تكتبين معاه كل اللي يقوله ........ وماادري يعطي مذكره او لا احنا للحين ماعطانا اعتمدنا على شرحه ومشى الحال .... احتمال يعطينا مذكرة على نهاية الدوام للفاينال .......... وطلب منا تقرير 5د ....... وياخذ الغياب يوميا ببداية المحاضرة ......... ويحب يعلق على البنات :eh_s(6):........ هذا كل شي اعرفه واسألي اذا عندج شي وعموما الدكتور زين لاتطوفينه