&&>>تجمع لاولياء امور طلبه مدارس المستقبل <<&&

[البيداء_77]

اليوم رحت حفلة شيخان وطبعا اهم من الاربعاء يعني من امس بادييين بس صجججججججججججججججج حفلة من ترتيب ونظام ورئيسة القسم التربية البدني السمرة تلبس عباية فظييييييعة بأخلاقها وأفكارها بالحفل تخيلو يابنات أول يوم حفلة خامسة ملبسينهم زي الطيار ويدشون على صوت الطيران طبعا مع اغنية وااااااااي فظيعة وثاني يوم عاااد بجوووونا لبسو عيالنا اللي بصف الرابع لبس المغاوير مع اغنية وطنية وصوت الرشاشات والبنادق ودشو علينا فجأة مع صيحة وطنية والله يابنات لو أشرح لكم ماراح أعطيها الحفلة حقها ولا الناطرة اللي روحها وتعاملها معانا مثل العسل صج كان يوم عائلي بحت تخيلو رئيسة القسم البدنية كانت تبجي من كثر فرحتها باليهاااال كأنها أمهم مو معلمة بصراااحة صج يعطيهم العافية على هذا السنع وجزاهم الله خيراللي من كثر الوناسة ماودنا تخلص الحفلة على فكرة مديرة المدرسة اسمها فاطمة

الله يهنيكم يا رب ومنها لاعلى

 

[طبوشة]

حبايبي سواء أبله أحلام أو جميع المديرات لهم منا كل الاحترتم والتقدير لأن منهم تعلنا ومازلنا نتعلم فلك الحشيمة يا أبلة أحلام واختي فدك واختي فديتج طولو بالكم حبايبي وماصار الا كل خير ترا ما بقا شي على نهاية الدوام واختي فيوجر سكول وسعي صدرج جزاكم الله كل خير

 

[Um Hasan]

فدك ... فيوتشر سكوول... صلوا على النبي ما صار شي كل مدرسة فيها ايجابيات وسلبيات ..
ومثل ما قالت طبوشة .. ما بقى شي وتخلص المدرسة .. .
لوكريسيا ... شخبارج

 

[لوكريسيا]

هلا ام حسن .. لازلت صامدة .. اليوم مشيت مشي الله يستر

بنات حفلة ثواني حق مدرسة الفضل 26 مايو

 

[البيداء_77]

شالسالفة انا ويني من كل هالردود ؟؟؟؟


اختي فيوتشر .... منو قالج اني ارضى على الاهانة وعدم الاحترام؟؟

طبعا ما ارضى والطرح لازم يكون راقي .... وياريت الخوات اللي حطو الفاظ غير لائقة ما يحطونها مره ثانية لانه في فرق بين الانتقدا وبين الغلط والطنازه مع اني مو ملزومة باسلوب غيري


بس انا حابة ارد على شغله انه اذا انتي مخوله تردين عن مدرستج وادارتج لازم تردين على كل الانتقادات ...انا معاج انه لازم يكون الانتقاد بحدود ودون غلط لانه هذي سياسه المنتدى ...........لاكن انتي غلطانه لمن قلتي انه احنا حفينا على المدرسة علشان ندخل عيالنا بالعكس احنا اعيالنا مسجلينهم بصوره قانونية بس الاداره اهيا سوت واسطات ودخلت بعض الطلبة اللي مالهم الحق يدشون لانه لهم علاقة تربطهم بموظفات بالاداره (ما احب احدد ) وانا عندي اثباتات وادلة واييبلج اسماء هذول الصبيان مع انه السكن مو بالبطاقة المدنية على منطقة السلام وبعدين المدرسة من الحكومة اهي اللي حاطتها لنا ....ما يصير تذلونا عليها
واوعدج انه اكلم مشرفة القسم تعدل الردود​

 

[@ فدك @]

شتعدل الردود الله يهديج

وليش احنا سبينا ولا شنو ...؟

وكل وحده بالقسم لازم تتحمل النقد مثل ما تستانس بالمدح ...

ومشكورين كلكم

 

[حلم الطفولة]

بسم الله الرحمن الرحيم وبه نستعين ..
خواتي الأمهات في تجمع مدارس المستقبل .. أتمنى منكم الحفاظ على اللباقه أثناء المشاركه بالملتقى واحترام وجهات النظر والرأي الآخر.,, وانتقاء الألفاظ حين الرد ...
وإذا شافت وحده فيكم رد غير لائق فالأفضل لها بدل ما ترد بالمثل أن ترجع للمشرفه وتخبرها برساله خاصه عن المشاركات المخالفه ..
أما أنكم تقومون برد التطاول وتستخفون بعمل الإشراف فهذا غير مقبول .

المشرفات بشر مثلكم .. وآنا عضوه حالي حالكم ,, أمرض .. يصير لي ظرف .. يخترب كمبيوتري .. أتعطل عن الدخول للمنتدى لسبب أو لآخر ,,
الإحترام واجب بين الكل : مشرفات وعضوات..
فإن كان لكم ملاحظه فأبلغوني عنها : فجل من لا يسهو ,,
أما عن المشاركات فما شوف فيها شي .. ومع ذلك سأقوم بتعديل ما أساءكم وآذاكم من بعض الردود .. والله ولي التوفيق.

 

[حلم الطفولة]

..................

 

[البيداء_77]

يعطيج العافية حلم الطفوله حبيبتي

 

[لوكريسيا]

الله يعطيج العافية مشرفتنا و عساج عالقوة يا رب

 

[@ فدك @]

يعطيكم العافيه بنات

بس حبوبات منو فيكم سألت او تعرف شي عن حفلة الفضل...؟

 

[لوكريسيا]

هلا فدك ... الله يعافيج .. حفلة ثواني يوم الثلاثا الياي 26/5 ان شاء الله

 

[@ فدك @]

هلا فدك ... الله يعافيج .. حفلة ثواني يوم الثلاثا الياي 26/5 ان شاء الله

معقوله

ولدي يقول مادربوهم ولا شي
يعني معقوله عيالنا مو متفوقين ...؟
مع ان ولدي يايب امتياز
بس تكفين ياقلبي اذا ولدج بثانيه سألي وشوفي دربوهم ؟
واكون شاكرتلج ياعمري

 

[لوكريسيا]

شلونج فدك .. ولدي يقول قاعدين يدربونهم .. بس مو أتوقع ما يدربونهم كلهم بنفس الوقت عشان لا يصير زحمة و عشان يركزون على كل صف .. مادري أتوقع جذي

ولدج ماخذ بالثلاث فترات امتياز؟؟

 

[البيداء_77]

هلا والله فدك ......... لازم ولدج يكون يايب امتياز بثلاث فترات يعني بثلاث شهادات هذا قانون مدرسة الفضل فقط

 

[لوكريسيا]

بنات .. بسألكم صج عيالنا راح يداومون لي بعد الحفلة يعني لي اول شهر 6 ؟؟؟؟؟؟؟؟؟؟؟؟؟؟؟؟؟؟

 

[البيداء_77]

الدوام الرسمي لين


4-6 بس المناهج تقريبا شطبناها يعني اغلب الطلبة بغيبون من الاسبوع الياي


وتأكدي احسن من ابلته

 

[حلم الطفولة]

شلونكم خواتي الأمهات .. ان شالله الكل بخير ؟؟

 

[البيداء_77]

شلونكم خواتي الأمهات .. ان شالله الكل بخير ؟؟

والله كلشي تمام وماشي الحال .........

والله لا يحرمنا هالمرور الحلو

 

[لوكريسيا]

بيودة .. خلاص بسأل أبلته

حلم الطفولة ---> احنا بخير دامج بخير