&&>>تجمع لاولياء امور طلبه مدارس المستقبل <<&&

[ryoonah]

الصراحة يا م فطومة الاجندة مايكتبون فيها شي الا وين ووين وحتا الاملاء بس مجرد انه فيه املاء ماكو يوم معين وحتا الرياضيات والاجندة ماشوفها الا يوم واحد بالاسبوع يمكن وماكو شي مكتوب

 

[المتالقه دائما]

الله يعطيكم العافيه بنات اشلونكم

بصراحه انا عن نفسي مااعرف اذا بنتي عليها امتحان ولا لأ ؟؟؟؟؟؟؟؟؟؟!!!!!!!!!!!!!!!!! احس اني ضايعه

 

[Om_NasseR 2002]

انا ولدي في مدرسة شيخان الفارسي بس للاسف مو فاهم ولا شي ؟؟
ولدي في اولى ابتدائي ؟
وانتي يا بوبا ولدج اي صف ؟

 

[Om_NasseR 2002]

شباصه شلونج وشلون ولدج مع المدرسه ؟
ولدج بأي صف ؟

 

[أسيرة قلبه]

البيداء لوكريسيا شلونكم

انا بتيت سابقا يمكن ناسيني

و لدي في الفضل بن العباس سنه ثانيه بصف ثانيه رابع


انا توني والد و حدي حايسه مع البيبي اليديد لدرجه ان ما عندي وقت اجابل دروس ولدي نفس قبل


حدي احل معاه الواجب و خلاص

 

[لوكريسيا]

أسيرة قلبه -----> هلا و الله .. حياج الله

ولكم باك

الحمدلله على سلامتج و مبروك النونو

حتى انا ولدي ب2/4

 

[أسيرة قلبه]

هلا والله بلوكريسيا


تدرين حدييييييي استانست يوم عرفت ان ولدج بصف ولدي



انا ولدي شالع قلبي هالسنه مو مثل السنه اللي طافت كان وايد سهل اتابع مع ابلاته هالسنه غييييير ما كو اهتمام نفس اولى



زو هو بعد ما يقصر دايم يضيع اوراقه و كتبه


تخيلي الخميس اللي طاف كان عندهم املاء عدل ؟؟؟ توه امس اييبلي الورقه لووووووول ... شعقبه؟؟؟

 

[لوكريسيا]

واي لا لوووووول حتى انا شفت الورقة مالت املاء الانجليزي يوم الخميس العصر

مادري شهبب .. الله يعينا و يعينهم .. بصراحة أحسهم هالمرة اليهال كير ليس

 

[البيداء_77]

السلام عليكم شلونكم بناتتتتتتتتتتتتتت ولهت عليكم

اسفه انقطعت عنكم شوي بس صج مشغووووووووله حدي دوامات ودوره وتحضير ومحاظراتتتتت واااااااي لويه الله يكون بالعون


المهم لوكريسيا شلونج حبيبتي وشخبارج ؟؟ ضروي حده معصب لانه ما يشوف جسومي بالمدرسه يقول الابلات ما يخلونهم يطلعون


يا ريت تعطوني فكره عن اختبار الانجليزي لانه ما ييب طاريه كلششششششششششش


بتيت شلونج حبيبتي الحمدالله على سلامتج ومبروك ما ياج يتربي بعزكم


ام ناصر والمتألقه حياكم الله معانا تفيدونا وتستفيدون ان شاء الله

 

[بنت بن فهد]

اسماء بنت عمير بجنوب السرة حبيبتي
وتغير لاسمها لاسماء بنت يزيد الانصارية
انا مدرسة فيها ( مواد علمية)

حبيبتى انا بنتى سنه اولى ابتدائى عندكم ياريت بس اعرفج علشان اتواصل وياج
واتمنى ان بنتى تكون عندج
:eh_s(6):​

 

[om_israa]

يعطيكم الف عافية على الموضوع الشيق والمفيد


بغيت اسأل هل في مدارس مستقبل في الزهراء في جنوب السرة؟؟

لاني انا ساكنه بالزهراء والسنة اليايه انشاللهاولى ابتدائي علما بانها الحين في روضة خاصة


انتظر ردودكم

تحياتي

 

[المتالقه دائما]

مرحبا بنات كيف حالكم ان شاء الله بخير

بصراحه بنتي وايد مستانسه مدرساتها ممتازين وبالذات ابلة الرياضيات لما حضرت لها الحصه كان اداءها ممتاز وتشرح من قلبها والصف وايد مرتب وابلة الانجليزي روعه الله يعطيهم العافيه والله يبذلون مجهود والمنهج صعب واهم يبسطونه للتلميذات

انا عن نفسي استمتعت معاهم وماكان ودي اطلع من الصف جزاهم الله خير

 

[ryoonah]

انا حضرت مع بنتى الضراحة ابلتها العربي اكثر من رائعه والشرح مالها عجيب وحتا ابله الانجليزى بس العيب فيه بنتى تستحى وماتشارك

 

[المتالقه دائما]

انا حضرت مع بنتى الضراحة ابلتها العربي اكثر من رائعه والشرح مالها عجيب وحتا ابله الانجليزى بس العيب فيه بنتى تستحى وماتشارك

مرحباااااااااااااااااا :33_1185028183:

بنتج اي صف ؟؟

 

[البيداء_77]

يعطيكم الف عافية على الموضوع الشيق والمفيد


بغيت اسأل هل في مدارس مستقبل في الزهراء في جنوب السرة؟؟

لاني انا ساكنه بالزهراء والسنة اليايه انشاللهاولى ابتدائي علما بانها الحين في روضة خاصة


انتظر ردودكم

تحياتي

هلا وغلا وحياج الله معانا


بصراحه ما في مدارس مستقبل بالزهراء بس بالسلام مدرستين صبيان ووحده بنات:eh_s(8):

 

[لوكريسيا]

صباح الخير و النوير

شلونكم أمهات أبلات إداريات و كل اللي انضموا لنا

سورييييييييي .. انقطعت عنكم فترة و رديت لكم حدي مدي مشغولة

انتوا شمسوين مع المدارس ؟؟

 

[ryoonah]

بنتى صف 1/3

 

[البيداء_77]

صباح الخير و النوير

شلونكم أمهات أبلات إداريات و كل اللي انضموا لنا

سورييييييييي .. انقطعت عنكم فترة و رديت لكم حدي مدي مشغولة

انتوا شمسوين مع المدارس ؟؟

هلا وغلا تو ما نور التجمع شلونج ابله لوكريسيا

 

[لوكريسيا]

منور بوجودج بيودة

انا الحمدلله بخير .. شلونج و شلون ولدنا؟

جاسم ناسي الكتب بالمدرسة و مو يايب الا كتاب العلوم العملي و النظري و المهارات الحياتية وووو دفتر العربي بس .. و على كلامه انه قدم زين باملاء الانجليزي .. مايندرى عنه ..

ودي اخذ موعد و اقابل ابلاته العلمي و الادبي و الانجليزي بس ماكو وقت .. مادري شسوي؟

 

[لوكريسيا]

ابي استفسر عن شغلة بالمدرسة .. اذا ممكن من الاداريات و لا المدرسات يفيدوني فيها

ليش بالفرصة ما تخلون التلاميذ يطلعون يلعبون بالساحة؟؟ بس قاعدين بالكافتيريا