&&>>تجمع لاولياء امور طلبه مدارس المستقبل <<&&

[البيداء_77]

السلام عليكم


عيدكم مبارك وتقبل الله طاعتكم ......


ريونه حبيبتي شلونج وشلون بنوتج ؟؟ اي والله لهينا بالعيد ... الله يجعل ايامنا كلها افراح يا رب



بنات باجر مدارس كل عام وانتو بخير الله يكون بالعون ويسهل على عيالنا يا رب

 

[لوكريسيا]

تقبل الله طاعتكم .. و عيدكم مبارك

ريونة -----> شلونج مع العيد و شلون البنوتات

البيداء -----> اليوم رحت المدرسة خذيت طبية حق ولدي و وديته الصحة المدرسية شلعوا ضرسه .. يا بعد قلبي صرخته تعور القلب .. هزت المكان هززززززززززززز .. بس صج كان يعوره و المكان يمكن ما مخدر عدل ..شلون ولدنا اليوم؟؟

 

[ryoonah]

اهلين يا الغاليات والله احنا تمام وبخير وماشى الحال الحين عاد بدا الجد

 

[البيداء_77]

لوكريسيااااااااااا عورتي قلبي حياتي والله جسوم ما يشوف شر عاد انا حاسه فيه لاني ما اداني طبيب الاسنان


والله اليوم حبيبي ضاري داوم وعطو واجبات باغلب المواد وكان حده دايخ لانه نومته ما تعدلت عقب العطله فاليوم بخليه ينام مبجر

الايه الي عليهم حفظ حدها صعبه ( العاديات)

 

[لوكريسيا]

صج ؟

واي انا اللي عندي ما يتحجى ما يقول عندي و ما عندي و طبعا كل ما اسأله يقوللي لأ .. و بعدين أكتشف ان عليه بلاوي واجبات و حفظ

أبلات العربي --------> سؤال يطرح نفسه .. شنو يعني نظائر للكمات التالية : عادل / سالم / شاهد .. ماني فاهمة؟؟

 

[البيداء_77]

هلا لوكريسيا ههههههههه عندي وعندج خير شدعوه الي عندي يتحجى بس ابله صفاء الله يعطيها العافيه كاتبه على كتابه القرءان انه الايه حفظ والله بهذلونا هاليهال الله يحفظهم


وبعدين شنو سالفت نظائر؟؟؟؟؟ امبيه هذا صعب على اليهال؟؟

 

[البيداء_77]

لوكريسيا تذكرت نظائر جمع نظير وانا اعتقد انهم يقصدون كلمات مشااااااابهه للكلام الي عندج اذا ما ني غلطانه

 

[لوكريسيا]

هلا هلا بيودة ..

أقول .. لي اي اية يحفظون العاديات؟؟ توني حفظته لي اية 6 و باجر بكملها له

و عن النظائر .. قصدج مثلا عادل ---> جاسم ، عامر ؟؟
انزين ليش كاتبين الكلمة اللي بعد لازم يكتبلها نظير سالم .. مو عادل مثل سالم ؟؟

مادري ماني فاهمة و الصبي داخ يبي ينام

 

[البيداء_77]

اي الي يحير الكلمات الي معطينه ايها


ما عطو ضروي جذي لانه ابلتهم معطتهم الحين حروف الجر ( من عن الى على )اذا بتنطريني لوكريسيا ترى طرشت مسج حق رفيجتي مدرسه عربي وانشاء الله ترد على

 

[لوكريسيا]

انا قاعدة .. اليهال ناموا من غير شر .. و فاضية حدي .. اذا لحقتي لحقتي و اذا طلعت من المنتدى مو مشكلة قوليلي هني و لا برساله خاصة و الصبح اول ما اقعد بجيك

يزاج الله خير .. تعبتج معاي

 

[البيداء_77]

هلا لوكريسيا جيكي على الخاص

 

[لوكريسيا]

thanks alot sis

 

[البيداء_77]

مساء الخير يا بنات التجمع

وينكم غاطين ؟؟ من زمان ما شفنا فيوتشرسكول ولا بنك دريم ولا ابله فاطمه عسا ماشر وين ابلاتنا ؟؟


بالنسبه لابلات الفضل بس عندي استفسار يا ريت توصولونه للناظره لانه ما عندي وقت اروح المدرسه .... بالنسبه للوجبه المدرسيه انا منعت الشبس والبفك عن ولدي بعد ما قالتلنا ابله احلام انه ممنوع وانها راح تسحب البطاط من الاطفال المخالفين لاكن ولدي محتج يقول يا ماما كل الصبيان ياكلون بطاط ومحد خذا بطاطهم فياريت تكلمون ابله احلام لانه حرام احس انه ولدي محتر

 

[Future Schools]

مساء الخير يا بنات التجمع

وينكم غاطين ؟؟ من زمان ما شفنا فيوتشرسكول ولا بنك دريم ولا ابله فاطمه عسا ماشر وين ابلاتنا ؟؟


بالنسبه لابلات الفضل بس عندي استفسار يا ريت توصولونه للناظره لانه ما عندي وقت اروح المدرسه .... بالنسبه للوجبه المدرسيه انا منعت الشبس والبفك عن ولدي بعد ما قالتلنا ابله احلام انه ممنوع وانها راح تسحب البطاط من الاطفال المخالفين لاكن ولدي محتج يقول يا ماما كل الصبيان ياكلون بطاط ومحد خذا بطاطهم فياريت تكلمون ابله احلام لانه حرام احس انه ولدي محتر

مساء الخير ..
شلونكم بنات ؟ تقبل الله طاعتكم و عيدكم مبارك ..
هلا البيداء .. اي والله غاطين من كثرة الشغل ..
والله ماعندي حتى وقت أشوف ايميلي ..
يدوب أفتح الكمبيوتر عشان اطبع أوراق العمل..
بالنسبة لملاحظتج حاضر .. راح أوصلها باجر انشاءالله ، تامرين ​

 

[ryoonah]

اهلين يا جماعه الخير والله الكل لاهى صح من تدريس هاليهاااااال


انشالله اتكونون كلكم بخير

 

[البيداء_77]

فيوتشر سكول مشكوره حبيبتي ويا ريت تقوليلي شنو قالت ابله احلام

 

[البيداء_77]

هلا ريونه حبيبتي شلونج احنا مو لاهين احنا غاطسين حدنا انا للحين نومتي مو راضيه تتعدل

 

[البيداء_77]

لوكريسيا بشري النظائر طلعت مثل ما قلتلج ولا غط مع اني متاكده انه صح لانهم الحين يدرسون المدووود

 

[Future Schools]

مساء الخير ..
اشدعوه حبيبتي ما سويت شي ..
عموما أنا كلمت أبله أحلام ، اهي اجتمعت مع المدرسات اليوم وبلغتهم ان من باجر
كل جناط التلاميذ راح تتفتش من الصبح
وراح تنشال كل الممنوعات :ggdw:
والأسبوع الجاي كله ماراح يكون في فترة متابعه ..
بس تفتيش الجناط ليمن ينتظمون اليهال :eh_s(6):
فلا تحاتين .. ماراح يحتر ولدج انشاءالله_03BA:​

 

[البيداء_77]

مساء الخير شلونكم بنات التجمع


ابلات الفضل ممكن تسولفولنا عن حفلت تكريم المعلمات اليوم بمناسبه يوم المعلم ؟؟