&&>>تجمع لاولياء امور طلبه مدارس المستقبل <<&&

[ryoonah]

انا بنتى فى مدرسة اسماء والطلبات وايدة حبوبة انتى شنو تبين اتعرفين

 

[أم مرزوق]

مشكووووووووووووورة واااااايد ماقصرتي

 

[المتالقه دائما]

انا بنتى فى مدرسة اسماء والطلبات وايدة حبوبة انتى شنو تبين اتعرفين

حبيبتي مشكوره على اهتمامج الحمد لله حصلت ورقة الطلبات :ggdw:

وخليني اشوفج في اول يوم دراسي راح اتشرف بمعرفتج

:e3:

 

[المتالقه دائما]

السلااااااااام عليكم حبيباتي ولهت عليكم لظروف صحيه انقطعت عنكم سامحوني اشتقت لكم


اولا مبارك عليكم الشهر لوكريسيا وريونه وفيوشرسكول وبنك دريم والمتالقه دائما وابله فطومه وكل وحده تدخل تجمعنا


ثانيا احب اجاوبج شباصه ورديه ترى عادي انج تدشين مع ولدج اول يوم وتشوفين صفه وتظلين معاه لين يخلص وتاخذينه لانه اول يوم لاولى بتدائي يكون ترفيهي يعني ما فيه دراسه

ام مرزوق حبيبتي بالنسبه للبس الطلاب قميص ابيض وبنطرون كحلى وتحصلينهم بمارك سبنسر وادمز ومذركير وحتى الايوب تحصلين فيه وحياكم الله باي استفسار

هلا والله مبارك عليج الشهر وعلى جميع خواتي وتقبل الله طاعتكم

واسمحولي مشاركاتي قليله علشان رمضان الله يعوده علينا بالعفو والعافيه

 

[Future Schools]

السلااااااااام عليكم حبيباتي ولهت عليكم لظروف صحيه انقطعت عنكم سامحوني اشتقت لكم


اولا مبارك عليكم الشهر لوكريسيا وريونه وفيوشرسكول وبنك دريم والمتالقه دائما وابله فطومه وكل وحده تدخل تجمعنا

السلام عليكم ، شلونج؟
الحمد الله على سلامتج، و ماتشوفين شر انشاء الله ..
مبارك عليج الشهر .. و على كل العضوات .. ​

وتقبل الله طاعتكم

 

[لوكريسيا]

صباح الخير

مبارك عليكم الشهر بنات

البيداء --- > سلامات يالغالي سلامات .. أجر و عافية

بغيت أسألكم .. ترى حدي فاضية .. متى دوام اولى روضة باي تاريخ ؟؟ و متى دوام عيالنا ثانية ابتدائي بالفضل ؟؟

 

[سمسميه]

لوكريسيا
اشلونج شخبارج ؟ واشلون الياهال؟

بنات باسالكم باجر بنتي دوام ابتدائي الساعه جم يطق الجرس الصبح؟

 

[ryoonah]

مرحبا الجمييييييييييييييييييييييييييييييييييييييييييييييييييع

 

[البيداء_77]

السلام عليكم شلونكم بنات ؟؟


شفتو الجو شلون صاير ؟؟


والله انا كنت رايحه العمره وتوني رديت امس الاثنين اول يوم دوام لعيالنا وما خليته يداوم ....... فياريت ابلاتنا العزيزات ابلات ىالفضل يعلمونا شلون الدوام وشنهي نسبت الحضور ؟؟


لوكريسيا حبيبتي اكيد عرفتي انه الدوام كان امس وديتي ولدج ولا لا؟؟

 

[م فطومه]

ريونة يالغالية ياحلو بنيتج شفتهاااا ههههههههه

طبعا اهي مو بصفي بس ترى ابلاتها وايد زينين واي شي تبين قوليلي

 

[ryoonah]

اهلييييييييييييييييييييييييييييييييين م فطومة مت وابى اعرفج ماعرفتج بنتى فى صف 1/3 وضاق خلقي انها مو معاج بس عاد وصى عليهاااا وانا حدى ضايعه بالنظام

 

[م فطومه]

بنتج نتفه ههههههههههه انا عرفتج افا علييج بس استحيت اييلج لوووول


انشالله لاتوصين حريص ترى ابلتهم العربي شطووورة واايد

 

[البيداء_77]

بنك دريم وفيوشر سكول وينكم لا حس ولا خبر ؟؟؟؟؟؟؟؟



لوكريسيا غميظه ولدج مو معه ولدي



انا ولدي ب ثانيه خامس وفرحت حيل لانه لقيت ابلاته نفسهم الحمدالله

 

[لوكريسيا]

قوة بنات

وي وي و ي سالفتي سااااااااااالفة .. و من اول يوم دوام و احنا طايحين بلوووووووووووية و تونا خالصين منها

سالفة شطوووووووووووووولها ااا لي شبكت بالليل بإذن الله بكتبها لكم

سمسووووووووووومة .. من طول الغيبات .... <-------- شوفي من يتحجى

 

[ryoonah]

مرحبا الجميع ولهت عليكم

م فطومة زعلانة منج عرفتينى وماييتى ابى اشووفج ونتعرف ومن ناحية ابلاتها والله والى يقولج انى حتا ماعرف اساميهم بس مبين انه ابلتها العربي شاطرة والله كريم وايه صح بنتى نتفه لووووووووووووووووووووول

 

[البيداء_77]

لوكريسيا يا حافظ ما رديتي على ؟؟


وعسى ماشر شنو لويتكم هذه؟؟ ---------->ناطرينج تسولفينلنا ؟

 

[م فطومه]

ريونة لي الشرف والله وانالله بنتعرف

اذا بتمرينا سالني عن ابلة 1-1 وناديني وانا راح اييلج

 

[ryoonah]

لالا خلاص ماراح اناديج لووووووووووووووووووول

 

[لوكريسيا]

السلام عليكم

بيودة ----> سوري سوري سوري و الله ما انتبهت على سؤالج سوري مرة ثانية مسحيها بويهي

الله يسلمكم يا بنات يوم الأحد تاريخ 7 سبتمبر قاعدة احوس بالمنتدى بشوف متى دوام الروضة و الابتدائي و نطرت شوي محد عطاني اجابة اكيدة .. قلت لازم ادش موقع وزارة التربية بالنت و اكيد بحصل التواريخ .. دشيت و لا حظي مو مغيرين تواريخ 2007 رديت سكرت النت و افكرررر شسوي

كانت الساعة 12 الا ربع .. قمت بسرررعة لبست و قلت بمر مدارسهم اتأكد بنفسي أحسن قبل لا المدرسات يطلعون .. رحت اول شي الروضة لأنها بفريجنا ... أشوة قالولي يوم الثلاثا 9 سبتمبر دوام أولى و ثانية روضة الحمدلله

طلعت و رحت مدرسة ولدي .. دشيت و لا ألاقي وسيلة معلقينها داخل المدرسة و مكتوب فيها أسماء الطلبة المنقولين الى مدرسة شيخان الفارسي اجباريا !!!!!! و اول مرة اصير ملقوفة و اقرا الأسامي و كنت متأكدة ان ولدي مو معاهم شكوووووووووووووو ينقلونه

و انا اقرا الأسامي و لا منو ناقلين ؟؟؟؟ جسومي !!!!!! طبعا ويهي علامات تعجب و استفهام مادري اضحك مادري اعصب مادري شسوي !!

دشيت عند السكرتارية قالولي بطاقتكم مو السلام عشان جذي نقلناه !! انزين احنا معطينكم صورة عن وثيقة البيت باسم عمي ابو زوجي اللي اهوا جد الطالب .. قالوا روحي حق الناظرة .. دشيت قالتلي .. لازم بطايقكم السلام أو وثيقة البيت باسم الأب مو أب الأب يعني الجد !!! أول مرة اسمع بهالقرار .. المهم مني مناك مني مناك قالت اذا غيرتوا البطايق ردوه الفضل

و كان الدوام ثاني يوم على طول ما يمديني اسوي شي و الوقت تأخر ما نقدر نروح نغير البطايق لازم ننطر لي باجر

ثاني يوم وديته شيخان الفارسي و دوام .. بس حبيببي ضايق خلقه بروحه ربعه مو معاه .. و يدزون لنا ورقة طلبات من المكتبة .. و شرينا الاغراض على ما ننقله مدرسته الأولية

و اللي زادر الطين بلة .. الموظفة اللي تبي تغير لنا البطايق حطت عنواناااا الرووووووضة مو السلام .. حطيت على بطاقة عمي مووو وثيقة البيت

و ننطر لي ثاني يوم و لا الموظفة مو مداومة و ماراحت اتيي الا اليووم اللي عقبه ... واي قلبي مت من الحرة

الزبدة ما تغيرت البطايق الا يوم الأحد و رديته مدرسته الفضل يوم الأثنين ..

بس بقولكم شي .. شفت الفرق بين المدرستين .. شيخان الفارسي احلى بوايد .. و فيها تقنيات أحدث من الفضل .. و حتى ناظرتهم تهبل .. بس حسافة ولدي ما يبي يقعد فيها يبي ربعه

و الحين الحمدلله استقريت .. و خفت لويتنا ... لوية المدارس

الحمدلله على كل حال

 

[لوكريسيا]

البيداء -----> جاسم بصف 2/2