&&>>تجمع لاولياء امور طلبه مدارس المستقبل <<&&

[المتالقه دائما]

الله يعطيكم العافيه على الموضوع الجميل

وبصراحه يستاهل التثبيت الله يحفظكم


عندي سؤال بنتي تخرجت من مدرسه خاصه وحابه انقلها الى مدرسة اسماء بجنوب السره لانها يم بيتنا فاشلون طريقة النقل وشنو الاوراق المطلوبه والشروط اذا موجوده

ومديرة المدرسه متى تداوم ؟؟


اشكركم

 

[Future Schools]

حياج الله اختي المتألقه ..
أول شي هل سويتي أوراق نقل من الخاص لي العام في نهاية السنة؟ لأن على حسب علمي ان ماكو نقل من خاص لي عام ألحين .. الا اذا كانت بنتج بتروح الصف الأول فممكن تسوين لها تسجيل جديد. بالنسبة للمديرة أعتقد ان أغلب المديرات راح يداومون 17/8،
أما بالنسبة للتسجيل فلازم تكونين من سكان السلام ق1 أو, 2 أو 3 أو 4، تكون بطاقة بنتج المدنية على السلام أو ممكن وثيقة البيت، هذا بالنسبة للتسجيل العادي أما التسجيل الجديد من المنازل لازم أتأكدلج منه .. ​

 

[المتالقه دائما]

حياج الله اختي المتألقه ..
أول شي هل سويتي أوراق نقل من الخاص لي العام في نهاية السنة؟ لأن على حسب علمي ان ماكو نقل من خاص لي عام ألحين .. الا اذا كانت بنتج بتروح الصف الأول فممكن تسوين لها تسجيل جديد. بالنسبة للمديرة أعتقد ان أغلب المديرات راح يداومون 17/8،
أما بالنسبة للتسجيل فلازم تكونين من سكان السلام ق1 أو, 2 أو 3 أو 4، تكون بطاقة بنتج المدنية على السلام أو ممكن وثيقة البيت، هذا بالنسبة للتسجيل العادي أما التسجيل الجديد من المنازل لازم أتأكدلج منه .. ​

اشكرج حبيبتي بالنسبه لموضوع بنتي اخذت ملفها من الخاص بعد التخرج من الروضه ولا زم انقلها على عنوان البطاقه المدنية وما سجلتها بالحكومه وسكني السلام بجانب مدرسة اسماء ومو قادرين نقابل مديرة منطقة حولي التعليميه ؟؟؟؟؟؟ الله يهدي السكرتاريه اللي عندها وبصراحه ماودنا نغير البطاقه المدنيه علشان الخدمات والحين صعب تغير البطاقه

فممكن ناخذ استثناء من مديرة المدرسه لان بيتي يم المدرسه فحرام اوديها المدرسه اللي تابعه على عنوان البطاقه ؟؟؟

 

[Future Schools]

حبيبتي كونج ماسجلتيها في الحكومة هذا عادي و مافيه مشاكل، مثل ماقتلج ممكن اسجلونها تسجيل جديد، يعني جنها ما دشت الروضه، وهذا شي عادي وايد ناس اسوونه، خصوصا الي عيالهم كانوا بخاص.
بالنسبة حق النقل لا بد تكونين من قطاعهم، وناظرتهم ما تعطي استثناءات .. بس قتلج اذا كان البيت ملك، ممكن تودين وثيقة البيت فقط .. بصراحة ما أدري شقولج، يعني السكرتاريه مارضوا يعطونج موعد لمقابلتها؟؟ حاولتي مع مراقبة التعليم الابتدائي؟؟ .. شغلي واسطتج، والله يوفقج انشاالله

 

[golden tears]

في مدارس من هالمدارس بالمنطقه العاشره

 

[ryoonah]

منو فى مدرسة اسماء اتدرس الى بجنوب السرة وينج يا م. فطومة ما قمتى اتبينين

 

[Future Schools]

لا اختي ، مدارس المستقبل موجودة في : جنوب السرة 2 بنين و وحده بنات، الدعية مدرسة بنبن، مبارك الكبير مدرسة بنين و مدرسة بنات .. هذا الموجود حاليا

 

[ryoonah]

وينكم يا جماعه الخير
مدرسات مدرسه اسماء بجنوب السرة وينكم

 

[شباصة وردية]

مرحبا حبوبات
حبيت اسألكم عن اليونيفورم ؟؟ سمعت ان مدرسة شيخان الفارسي لازم يلبس قميص ابيض !! يعني ما يصير بولو شيرت !!

 

[ryoonah]

انا بعد عندى استفسار اشلون اكتب الاسم على بالطو العلوم وعادى اذا كان عليه رسومات

 

[pinkdreams]

السلام اشلونكم شنو اخباركم اعتقد ان كتابة الاسم على بالطو العلوم حلو يصير مطبوع علي شريطة و مخيط على البالطو و يمكن ان تطبعين رول شريطة كامل فقط 3 دنانير و الرول 20 متر الاسم فيها مكرر و تقدرين تستخدمينة حق اغراضه كلها بربط الشريطة على الاشياء

 

[مشغوله و محتاسه]

مراحب ..

ارائكم مفيده و مطلوبه هني

http://www.q8yat.net/showthread.php?goto=newpost&t=207864

من زمان متابعه تجمعكم هذا بس ما شاؤركت لان ماعندي شي يفيدكم ...وما يربطني بمدارس المستقبل الا التشجيع و تمنياتي لكم بالتوفيق وفكرت بالنقل لها

 

[ryoonah]

مشكورة حبيبتى بنك دريم ويعطيج العافيه بقيت اعرف مايطلبون دفاتر المدرسه واشترى جنطة حق بنتى والا ماتحتاج

 

[pinkdreams]

لا تشترين دفاتر راح يوزعون على جميع التلميذات و لا تشترين جنطة اشرى ملف صغير عشان الاجندة و ملف اوراق العمل تدللي بعد اي استفسار

 

[حرير]

السلام عليكم عندي استفسار احنا ان شاء الله راح ننتقل الى منطقة الزهراء....يقبلون اعيالي في هذه المدارس؟؟؟؟

 

[booba]

مرحبا بنات متى دوام الطلبه بشيخان الفارسي ؟

 

[Future Schools]

السلام عليكم عندي استفسار احنا ان شاء الله راح ننتقل الى منطقة الزهراء....يقبلون اعيالي في هذه المدارس؟؟؟؟

لاحبيبتي للأسف ..
لا شيخان و لا الفضل يقبلون سكان الزهراء​

 

[Future Schools]

مرحبا بنات متى دوام الطلبه بشيخان الفارسي ؟

مراحب ..
حبيبتي الصف الأول راح يداومون الأحد 7/9 انشاالله
أما باجي المراحل فراح يداومون يوم الاثنين 8/9 انشاالله​

 

[ryoonah]

تسلمين يا عمرى مشكورة والله وايد الواحد يسال لانى مو عارفه اى شي عن هالنظام

 

[Future Schools]

العفو حياتي ..
سألي الي تبين واحنا بالخدمة