&&>>تجمع لاولياء امور طلبه مدارس المستقبل <<&&

[SayCheese]

رد : &&>>تجمع لاولياء امور طلبه مدارس المستقبل <<&&

حبيبتي الرياش انا ولدي ياي من مدرسه خاصه والحمد لله يعرف يكتب بس المشكله الي ما يعرف وياي من حكومه وثاني شي الكلمات كبيره مهما علمتي بالروضه الابتداائ غير انا ولدي مدرسه ثناائيه وبالعطله كان بالقاعده الحلبيه بس هم مو جذي يدرسون انا كنت مدرسه واعرف نظام التدريس طريقه الابله في التدريس غلط لانها معتمده عل البيت

 

[دلوعه وكيوت]

بشري لقيتي ابلتهم اليوم وماتدرين متي عندهم رياضه

 

[SayCheese]

رد : &&>>تجمع لاولياء امور طلبه مدارس المستقبل <<&&

اي كلمت رائسه القسم اليوم يايتهم ابله يديه اسمها ياسمين كانت اجازه وضع اليوم الخميس مداومه اليوم راح تمسكهم وانصدمت من الواجبات الي معطتهم ياه وشافت الكتاب مال العربي وقالت هذا المفروض ينحل بالصف مو بالبيت بس الحين ارتحت قلتلها الياهل ماكملت ٦سنين وهذي هاريتهم مساكين

 

[وحش الريم]

السلام عليكم........
وحشتوني امهات ,,,,,
واااايد شغلات طافتني عنكم ,,,,,,طبعا صفري وامراض الله يشافي الكل وماتشوفون شر انتوا وعيالكم
مجبوس وفوفو بعد روحي ما قصرتوا علي السؤال وسويت لبنتي مثل ما قلتوا مشيت علي الورقه اللي عطوهم مال الاسبوع
بس ,,,,,,,,,,,مريت بظرف صعب بس الحمد لله علي كل حال
اللي عيالهم باولي رابع........ولا زالت معاناة اللغة العربية مستمرة وعيالنا ضايعين وانا ملاحظه كل واحد يقول شي غير....
سي جيز عسي الله يبشرج بالخير,,,,,ان شاء الله معلمتهم الحين تكون افضل ,,,,,,
عموما ......احبكم كلكم ,,,,,,والله ييسر امورنا واموركم

 

[SayCheese]

رد : &&>>تجمع لاولياء امور طلبه مدارس المستقبل <<&&

حبيبتي وحش الريم ما تشوفون شر انا سالت عنها قالت الانله الابله قديمه بالمدرسه وقتلها تمر على الي خذو لانه كان بس نسخ ما يدرون شالطبخه وانشااللله خير

 

[x.swar]

اشلونكم أمهات كلكم وجده وحده
saycheese انتي هارين ولدج بالواجبات وانا ولدي بثانيه أبيه يعطونه واجبات وللحين بالعربي ما كتب كلمه وحده بالدفتر والكتاب الأبله اتحل معاهم ما أدري يمكن ليش أهم للحين فتره تنشيطيه , اكسسوار حبيبتي اشلون ولدج يعطونه واجبات ؟
وبغيت أسأل الي اعيالهم كانوا بثانيه الانجليزي فيه املاء كلمات ؟

هلا الرياش .. هلا والله بالوول بيبر كله :dddds: .. حبتج العافية
العربي يعطونا واجبات .. جملة الدرس نكتبها بدفتر الواجب
وورقة خارجية على موضوع الدرس
وورقة خارجية تدريبات على الحروف عامة ..
بدزلج اياهم عالخاص .. شوفيهم

بس كلهم زي بعض .. يعني كل يوم نفس الطريقة ..
واحنا كتاب العربي مفقود :eh_s(12):

والرياضيات والعلوم والباجي من جلدناهم بعد ماشفناهم ..
ماندري شحالين شموحالين .. بس أسألة يقول نكتب فيهم بالصف ...

الانجليزي .. إيينا ساعات .. اشوفهم يحلون فيه شوي شوي ..

 

[لوكريسيا]

السلام عليكم كللللللللللللللللللللللكم

عشتار .. الحال من بعضو حبيبتي ولدي بأولى رابع بالفضل و سخن الاسبوع اللي فات غاب الثلاثا و الاربعا و الخميس بس الحمدلله يا رب اليوم داوم حبيبي فديته العصل .. و مثل ولدج ضاااااااايع بأم الطوشة يكسر خاطري . . خبره في أمل فقط لا غير

ساي جيز .. اليوم الصبح وديته مالقيت أحد .. و طلعت قبل الجرس ب5 دقايق .. فرحتيني يوم قلتي ان غيروا ابلة العربي .. ان شاء الله تكون ابلتهم اليديدة أفضل بوايد

وحش الريم .. االه يكون بعونج فقدناج من غير شر .. شلون ولدنا؟؟

سؤال حق اللي عيالهم الله يحفظهم ب1/4 كتاب العربي لي اي صفحة واصلين . . اليوم وصيت اخوه اللي برابعة راح قشلي كل اللي باللوكر و يابه و لا شنووووووووووووووووووووو كتب الدنيا ما ادري عنها و كتاب العربي الظاهر حالف ان ما يفتحه و الله مو مجيوس

 

[سفرجل]

بنات تكفوون طمنوني صج بيشيلون النظام عن هالمدرسه السنه اليايه؟؟
وابي عنوان المدرسه
ومتى التسجيل علشان انقل الاوراق

 

[قلب عشتار]

السلام عليكم........

اللي عيالهم باولي رابع........ولا زالت معاناة اللغة العربية مستمرة وعيالنا ضايعين وانا ملاحظه كل واحد يقول شي غير....



حبيبتى انا كنت طوال اسبوعين اروح له بالهده ما احصل ابلته العربى كله مالت العلوم الحامل :gr4uu: وسألتها عن العربى ما اشوفها قالت انها تطلع مبجر لانها بالخفجى
حسافه يوم شفتها تقريهم القرأن ماسألتها راح عن بالى انها مواد أدبيه (عربى -دين -قرأن ):krkrkr:
وسؤالى عطوكم جدول ومتى البدنيه ؟؟؟ وكتب عيالكم وياكم بالبيت ؟؟
ووين وصلو بالقرأن ؟ والعلوم اول مره اشوفه ؟اى صفحه حلو ؟؟

 

[SayCheese]

رد : رد: &&>>تجمع لاولياء امور طلبه مدارس المستقبل <<&&

السلام عليكم........

اللي عيالهم باولي رابع........ولا زالت معاناة اللغة العربية مستمرة وعيالنا ضايعين وانا ملاحظه كل واحد يقول شي غير....



حبيبتى انا كنت طوال اسبوعين اروح له بالهده ما احصل ابلته العربى كله مالت العلوم الحامل :gr4uu: وسألتها عن العربى ما اشوفها قالت انها تطلع مبجر لانها بالخفجى
حسافه يوم شفتها تقريهم القرأن ماسألتها راح عن بالى انها مواد أدبيه (عربى -دين -قرأن ):krkrkr:
وسؤالى عطوكم جدول ومتى البدنيه ؟؟؟ وكتب عيالكم وياكم بالبيت ؟؟
ووين وصلو بالقرأن ؟ والعلوم اول مره اشوفه ؟اى صفحه حلو ؟؟

السلام عليكم ياحلوين انا توني طالعه من الدوام فما شفت عيالي اليوم فديتهم والحين على ما ارد نايمين بس كلمت ولدي بالتلفون وقالي

نبدي بالاخبار الشينه ابله جميله لحين ما غيروها الظلهر بسكتونه بس ماراح اخليهم انا باجر رايحه اتهاوش صج لانه صارلهم اسبوع يسكتون فينه وعقب الحجي الي قالو لي ياه اليوم عنها مستحيل درسهم على قولته رئيسه القسم اهي بس بتمشي بالمنهج مو هامه فهمو ولا لانه لانها تبي تطلع وعطتهم كلمه اسراء واجب والعربي واصلين لي صفحه 60 !!! واليوم درست يديد ما ادري اي صفحه ... والعلوم حالين الكتاب العملي لي المقارنه بين الكاائنات الحيه والغير حيه الي بالتربه. والاعاب يقول الابله قالت كل احد لبسو لبس الرياضه بس باجر هم عندهم لاني ادري انه كل اثنين عندهم العاب ابله الانجليزي اتينن ماعليها حجي والرياضيات الله يعينها ماسكه الصف بروحه والقران يقول صارلها اسبوع باول سطرين من الفاتحه بس ابله العربي ابداع !!!!!no commment

 

[لوكريسيا]

ساي جيز .. اي كلمت ولدي يقول ابلتهم العربي ماغيروها ... احسهم طايرين باليهال و ولدي قعدت معاه لي طاحت ايده حل اليوم من اول الكتاب لي صفحة 54 .. احس المعلومات مو راكزة بعقله قاعدين يركضون بالمنهج .. الله المستعان .. المشكلة لما اروح ما أحصل أحد و لما اخذهم بالهدة نفس الشي عندج ايميل الاستقبال .. على الاقل احط موعد عند ابلة العربي اكلمها عن حمني انه متأخر وايد عنهم الحين بعلمة فراشة يعني باقيله شي و شويات

 

[أشرقت]

ام حسن وام حمودي والأمهات اللي عيالهم بشيخان الفارسي وينكم مالكم حس
بتغيبون عيالكم يوم الثلاثا ؟
وشخباركم مع قواعد العربي طلع العن من الرياضيات والعلوم

 

[SayCheese]

رد : &&>>تجمع لاولياء امور طلبه مدارس المستقبل <<&&

لا والله حبيبتي ماعندي ايميلهم بس باجر انا رايحه تخيلي كاتبتله بدفتر الواجب اكتب بخط احلى من جذي تبي خط خطاط اهو زين منه والله ابدااااع

 

[الرياش]

هلا الرياش .. هلا والله بالوول بيبر كله :dddds: .. حبتج العافية
العربي يعطونا واجبات .. جملة الدرس نكتبها بدفتر الواجب
وورقة خارجية على موضوع الدرس
وورقة خارجية تدريبات على الحروف عامة ..
بدزلج اياهم عالخاص .. شوفيهم

بس كلهم زي بعض .. يعني كل يوم نفس الطريقة ..
واحنا كتاب العربي مفقود :eh_s(12):

والرياضيات والعلوم والباجي من جلدناهم بعد ماشفناهم ..
ماندري شحالين شموحالين .. بس أسألة يقول نكتب فيهم بالصف ...

الانجليزي .. إيينا ساعات .. اشوفهم يحلون فيه شوي شوي ..

مشكوره اكسسوار شفت أوراق العمل والله الأسئله مو هينه شنو يحولون من مفرد الى جمع مو جنه تو الناس , احنا تعطيهم أوراق عمل بس ايحلونها بالصف واليوم الواجب صفحه بس من الكتاب ودالدفتر مو جايسينه كلش وللحين ما بدينا بالدرس الأول وباقيلهم اشكثر تمارين بعد بالكتاب متى يخلصون الفتره التنشيطيه ما أدري ودي باجر أروح المدرسه وأشوف اشسالفتهم , رفيجتي بالدوام بنتها بثانيه خلصوا الدرس الأول وعطوهم فيه املاء , أنا خايفه بعدين تركض فيهم ركض وخصوصا المنهج دسم ضمائر وأسماء اشاره ويقولون الكورس الثاني اسم وفعل
بالنسبه للعلوم الواجب يرسم المصطلح العلمي بالدفتر ويكتب تعريفه مثل الأوراق , الجذور والرياضيات تعطيهم واجب بالكتاب ومو كل يوم بين كل ثلاثة أيام تقريبا والانجليزي للحين ما في واجبات بس أوراق عمل حالينه بالصف. ايه صج بغيت أسالج الانجليزي في املاء كلمات ؟

 

[الرياش]

رد: رد : &&>>تجمع لاولياء امور طلبه مدارس المستقبل <<&&

لا والله حبيبتي ماعندي ايميلهم بس باجر انا رايحه تخيلي كاتبتله بدفتر الواجب اكتب بخط احلى من جذي تبي خط خطاط اهو زين منه والله ابدااااع

أمبيه أبلتهم صج ابداع لا يكون عبالها أولى متوسط:s142:

 

[قلب عشتار]

وااااى مو صج انا ما عندى كتاب العربى وانتو واصلين 60 باجر اشرايكم نتيمع الصبح نشتكى شنو كل الصفوف والا بس صف عيالنا 1\4

 

[SayCheese]

رد : &&>>تجمع لاولياء امور طلبه مدارس المستقبل <<&&

انا ماعندي مانع والله انا تعبت اليوم رحت مع صديقتي وكلمنا الوكيله اتيييين وخذت الملاحظات وكلمنه رئيسه قسم المواد الادبيه بس عمك اصمخ انا حفظوني من كثر مااروح بس يشوفون ويهي يدرون يايه اشتكي

 

[Um Hasan]

ام حسن وام حمودي والأمهات اللي عيالهم بشيخان الفارسي وينكم مالكم حس
بتغيبون عيالكم يوم الثلاثا ؟
وشخباركم مع قواعد العربي طلع العن من الرياضيات والعلوم

هلا أشرقت .. صراحة مالي خلق التدريس هالسنة .. بس قعدت وياه بالويكند على العلوم شوي وبس .. بخلي يعتمد على نفسه .. انا حايسة مع اللي بثالثة منهج رابعة مال العربي منزلينه حق ثالثة .. مأساة ... الأبلة تقولي انا مادري ليش يطورون هالمناهج ؟؟؟ خل يخلونهم مثل ما هم ليش يسوون جذي ؟؟؟... والله وهي صاجة .. المناهج بالنازل .. لا المدرسات عارفين شلون يدرسون ولا الطلاب مستوعبين شي واحنا اللي ذابحين عمرنا وما كلينها ..

 

[الرياش]

أم حسن حبيبتي قبل فتره قلتي انك كان في اجتماع أولياء أمور بالمدرسه , انا ما رحت لأن ما دزولي مسج فقلت يمكن امقسمينهم كل مرحله بروح , انتي يوم رحتي كان فيه اجتماع حق ثانيه ؟ عيزت أدق عالمدرسه ما يشيلونه والا مشغول

 

[Um Hasan]

هلا الرياش .. آنا لما رحت ما في اجتماع حق الكل .. الظاهر دازين مسج حق كل وحدة ساعة غير عن الثانية انا رحت 8 الصبح قلت حق اللي بالإستقبال ان دازيلي مسج عشان اقابل المدرسات سألتني أي مرحلة قتلها عندي بثالثة و بخامس .. جان تقول المسج حق اي مرحلة قتلها والله مو محددين ؟؟ المهم يتني بس مدرسة الرياضيات اللي تدرس ولدي اللي بخامس والرياضيات حق اللي بثالث .. العربي ما شفتهم بس كلمتها بالتليفون ...
صراحة انا حسبالي اجتماع بالصالة واروح حق ابلات الصف .. بس طلع غير جذي ..