&&>>تجمع لاولياء امور طلبه مدارس المستقبل <<&&

[لوكريسيا]

شفيهم من قرار لي قرار ما يهيعون شوي .. شالسالفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من عمر و هذي مدارسنا و تخرجنا و الحمدلله اهنا الظاهر بيطلعون عيالنا من الابتدائي عباااااااااقرة و دكاترة و مهندسين .. استغفر الله

بنات بقولكم .. على ايام ولدي اللي الحين بثالثة كنا مختارين مدرسته الابتدائية من الروضة . . دزولنا لنا ورقة و كتبنا اختيارنا و خلصنا .. يوم رحت باخذ ولدي بالهدة و لا القا ورقة مكتوب عليها بدأ التسجيل .. يوم سألت قالولي لازم تسجيل عند شؤون الطلبة حق اللي بيدشون أولى ابتدائي زز و رحت مالقيت احد لان نهاية الدوام .. منو يعرف شقصدهم؟؟

 

[أم عزيـز]

ام عزيز اهي يت على المناهج ؟؟

كل شي يغيرونه بسرعة البرق دون سابق انذار التربية بخطر


انا عن نفسي قاعده ااسس ولدي بروحي يعني مو خابه نفسي مع المدرسة لاني اسسته بالعربي والحين شغاله بالرياضيات وعقبها بتفرغ للانجليزي

صاجه والله
انا ولدي بعلمه جدل الضرب من الحين لأنه بثانيه ابتدائي ولما يروح ثالثه راح يعطونهم جدول الضرب
ةالأبلات شرحهم الله بالخير

مساكم الله بالخير

البيداء .. الله يسلمج حبيبتي .. و الله ما يندرى عنه .. جسوم اللي مخرب عليه هالسوالف و الهذرة اللي بالصف قاعدة تأثر على مستواه .. ننطر الشهادات و كل شي يبين

أم عزيز .. الاسبوع اللي طاف جنه قابلوا د. غازي الرشيدي .. فعلا يقول التربية في تخبط مستمر و الله يستر من الياي

اي انا شفت المقابله وفعلا قال ان المدرسين اهم اللي يحتاجون تأسيس
ونظام مدارس المستقبل ناجح لكن قاعد يتطبق غلط للأسف

الدكتور غازي كان مدرسني وهوه صاحب نظرة ما شاء الله عليه .......


عموما الحين الدوام بيصير لين 3 العصر عيالنا كارهين المدرسة من اساسه هالمرة بيخلونها لين الساعة 3؟؟؟

امبيه من صجج !!!!! عيل وعليه متى يتغدون متى يرتاحون يمهم نصه طاير في المدرسه؟
ما ادري عبالهم اذا خلوهم يطلعون الساعه 3 راح يصيرون بروفوسورات !!

 

[لوكريسيا]

صباح الخير

رحت سألت عن الوورقة اللي معلقينها المدرسة و كاتبين عليها بدأ التسجيل .. طلع التسجيل حق اللي بييون من مدارس خاصة

 

[البيداء_77]

هلا لوكريسيا


يا حلو حمني بيروح الابتدائي؟؟

 

[البيداء_77]

ام عزيز شخبارج؟؟

 

[البيداء_77]

السلام عليكم


كييييييييييف اصبحتوا؟؟



شخبار عيالكم؟؟

 

[قمر وخدودها عسل]

السلام عليكم 000 بغيت أسأل عن رسوم المدرسة 00 لأن ولدي بسجله روضة للسنة الياية 00

وشرايكم بالروضة مالتهم زينة؟؟؟ وهل فيه مواصلات؟؟ والمواصلات معاهم أبلات لليهال؟؟ وشكرا00 أبي رايكم الله يعافيكم

 

[البيداء_77]

السلام عليكم 000 بغيت أسأل عن رسوم المدرسة 00 لأن ولدي بسجله روضة للسنة الياية 00

وشرايكم بالروضة مالتهم زينة؟؟؟ وهل فيه مواصلات؟؟ والمواصلات معاهم أبلات لليهال؟؟ وشكرا00 أبي رايكم الله يعافيكم

هلا اختي ..... المدارس حكومية يعني من غير رسوم واذا شفتي اول التجمع احنا حاطين اغلب المعلومات عن هالمدارس

 

[قمر وخدودها عسل]

مشكورة أختي البيداء_77 على التوضيح0

 

[البيداء_77]

مشكورة أختي البيداء_77 على التوضيح0

حياج الله حبيبتي :bye22:

 

[البيداء_77]

وينك

 

[أسيرة قلبه]

اهلييييييييييييييييييييين بنات شو اخباركم

انا ولدي نقلوه نقل اجبار ي من الفضل بن العباس لي شيخان الفارسي

حضرتهم توهم ينتبهون ان ولدي تبع قطعة اربعه

 

[البيداء_77]

اهلييييييييييييييييييييين بنات شو اخباركم

انا ولدي نقلوه نقل اجبار ي من الفضل بن العباس لي شيخان الفارسي

حضرتهم توهم ينتبهون ان ولدي تبع قطعة اربعه

امبيييييييييه من صجج توه ينقلونههههههه ؟؟؟؟؟؟؟؟؟؟؟؟؟؟؟؟؟؟



عموما لا تزعلين ياكم الفرج انشاء الله انا ولدي بعد نقلوه من بداية السنة والحمدالله وايد مرتاح وافتكينه من ادارة الفضل اللي كلها صرااااااااااخ شيخان وايد احسن وناظرتهم تهبل محترمة ووكيلتهم انا اعرف
ها شخصيا كانت وكيلتي

 

[أم عزيـز]

البيداء صبحج الله بالخير حبيبتي

شخباركم بنات

بنات بنتي في مدرسه اسماء بنت يزيد
تصدقون امس معطينهم كتاب الحاسوب اليديد ؟؟
ليش بعد تعبوا نفسهم خو كلها شهر ونص وتخلص المدرسه !!

والحين الرياضيات في صف ثالثه ابتدائي قاعدين يعلمونهم زوايا واضلاع حرام عليهم والله
يهال اشعرفهم بهالسوالف شوي شوي عليهم ضرب وقسم وهندسه شنو باقي !!
خو عطوهم كيميا وفيزيا مره وحده

 

[البيداء_77]

البيداء صبحج الله بالخير حبيبتي

شخباركم بنات

بنات بنتي في مدرسه اسماء بنت يزيد
تصدقون امس معطينهم كتاب الحاسوب اليديد ؟؟
ليش بعد تعبوا نفسهم خو كلها شهر ونص وتخلص المدرسه !!

والحين الرياضيات في صف ثالثه ابتدائي قاعدين يعلمونهم زوايا واضلاع حرام عليهم والله
يهال اشعرفهم بهالسوالف شوي شوي عليهم ضرب وقسم وهندسه شنو باقي !!
خو عطوهم كيميا وفيزيا مره وحده

اااااااااااااهههههههه ان حجيت حجيت عيبي وان شقيت شقيت جيبي

 

[البيداء_77]

ام عزيز انا ولدي حده ظااااايع انا عندي الهندسة اهون من القسمة والضرب ....... انا بفهم شلون يعطونهم جداول الضرب كلها والقسمة بفصل واااحد ؟؟؟؟؟

 

[لوكريسيا]

صباح الخير

خلوها على الله بنات

عيل مدرسة العلوم تكتبلي بالاجندة يوم الاحد ان باجر الاثنين اختبار علوم من صفحة 8 لي صفحة 51 شالسااااااااااااااااااااااااااااااااااالفة .. جونقر مو أم .. ليش ما تقول من يوم الخميس على الاقل عندنا ويك اند ندرس عيالنا لأن المادة دسمة و ثقيلة و فيها تعاريف .. ما يصير تقول قبل الامتحان بيوم خاصة ان الكمية وايدة لو شوية قلنا يالله ... لازم يحسبون حساب يمكن انا الاحد تعبانة و لا الياهل تعبان شلون يروح و دارس لازم يحسبون حساب هالشي .. سكتوا و الله هالسنة حدي منغثة و لايعة جبدي ... و اكلم ابلات ولدي عن الاجندة ان لازم تكتبون فيها طنااااااااااااااااااااااااااااااااااااااااااااش من قلللللللللللللللللللللللللللللللللللللللللللللللللللللللللللللللللللللب اللي تكتب بس العلوم و الرياضيات

الله يسهل و يخلص الكورس على خير

 

[البيداء_77]

السلام عليكم شلونكم بنات ........


انا طولت عن التجمع بس كنت مشغولة بملجة اختي الفال حق كل البنات )


الاسبوع الي فات حضرت ورشة بمدرسة ولدي شيخان الفارسي وكانت روعة واهي عن كيف تعلم ابنك جدول الضرب دون حفظ واستفدت منها واااااااايد بصراحة انشطة مدرسة شيخان واااااايد حلوه والادارة وايد يحترمون اولياء الامور ويشركونهم بالانشطة بصراحة فرق على من نقلت ولدي )

لوكريسيا احنا عيالنا اختباراتهم عباره عن اختبارات مهارات يعني المفروض انج ما تعرفين موعد الاختبار نهائيا ويعتمد الطالب على شرح المعلمة بس الظاهر انة المعلمة تبيهم اييبون درجات اكثر

 

[لوكريسيا]

البيداء .. مبروك ملجة اختج و الله يهنيها يا رب .. تقدرين تشرحينلي بشكل سريع شلون احفظ ولدي جدول الضرب بسرعة ؟؟

و عن الامتحان .. و الله مادري شالسالفة يمكن على قولتج تبيهم اييبون درجات عالية

 

[البيداء_77]

الله يبارك فيج يا عمري شلونج وشلون اليهال ؟؟ ولهانييين عليكم وشخبار الوالدة ان شاء الله بخير ؟


والله الورشة معطيني اياها على سي دي وايد حلو علموني شلون انزلة لكم يصيررررر؟؟؟؟؟؟؟