&&>>تجمع لاولياء امور طلبه مدارس المستقبل <<&&

[Um Hasan]

مشكوره حبيبتي ما تقصرين , توني أشوف ردج خلاص ألحين راحت علي باجر أدق عليهم .
بغيت أسالج اذا أبي أكلم المدرسه يصير بالتلفون والا لازم اييه شخصيا , ومشكوره مره ثانيه

مادري والله ...اللي اعرفه ان المدرسة الأولى مايصير مادري ليش ؟؟؟
بس اذا مدرسة الصف عادي يصير .... الأحسن ان تاخذين من المدرسة نفسها رقمها وتتواصلين معاها ..

 

[الرياش]

مشكوره أم حسن بتصل عليهم وأشوف

 

[Um Hasan]

بغيت اسألج الرياش ... عيالج مداومين اليوم ؟؟؟ امس وديت ولدي بس 4 طلاب في الصف ؟؟؟ صراحة مادري ليش الأهالي مغيبين عيالهم ... انا بعد اضطريت اني اغيبه اليوم ؟؟؟

 

[الرياش]

أم حسن سوري توني أشوف سؤالج , والله أمس وديته وقالي بس 4 غايبين واليوم بعد امداوم قالي بغيب زفيته وراح أتا ضد الغياب قلبا وقالبا .صج عيزت وانا أدق عالمدرسه محد ايشيله والا مشغول بطوا جبدي مالي خلق أروح المدرسه وماأحصل الأبله .

 

[Um Hasan]

انا مثلج ضد الغياب ... بس شسوي ؟؟؟ يقول حتى الأربعة اللي مداومين باجر بغيبون ... والله حدي متضايقة انه غايب بس شسوي ؟؟؟

 

[الرياش]

ما عليه أم حسن أذيتج بالأسئله وأي أحد عنده علم ايقولي , انا ولدي بأولى والحمد الله شاطر بكل المواد الا ذاك اليوم اييبلي امتحان الانجليزي
وهو كذا اورقه كل اورقه عليها درجه الحمدلله ماخذ كامل الا ورقه وحده ماخذ 15 من 20 والغلطه تافهه ومتأكده ان ايعرفها أصلا من الحضانه وهو ايعرف الأرقام , السؤال كان listen and tick وهو غلطان بال 4 انا انصدمت وقلتله ما تعرف الفور قالي ما شفت الورقه الأبله واقفه ابعيد ؟؟؟؟؟؟؟؟؟؟؟؟ أهو مو listen اشدخل الورقه بالموضوع ما أدري عنه ولدي بس انا متأكده انه ايعرف حتى الأبله تدري عنه شاطر ومستانسه منه . ألحين بعرف هل يأثر على تقديره والا لأ لأني جد منقهره اموديته ستتين حضانه نجليزيه وسنتين روضه انجليزيه والكل ايمدح فيه واخرتها يغلط هالغلط التافه . أدري بتقولون وايد شاده حيلي شسوي أول ولد لي وسويله نفس ما كنت أسوي حق روحي بالمدرسه أحتر عالنص درجه .

 

[الرياش]

أم حسن ترى اليوم دوامهم للساعه 1,5 توه السايق راح اييب ولدي وقالوله

 

[Um Hasan]

أم حسن ترى اليوم دوامهم للساعه 1,5 توه السايق راح اييب ولدي وقالوله

ما كنت ادري ... رحت المدرسة اخذ له ورقة مرضي ولا يقولون انه الدوام لي وحدة ونص ... بس في اولياء امور يايين ياخذون عيالهم لأن الطريج راح يتصكر وهم مو ساكنين بالمنطقة ؟؟؟

اما بالنسبة حق ولدج الله يخليه لج انشالله ... مادري والله شلون تحسبه الأبلة الدرجات بس انتي كلميها احسن اذا تدري انه ممتاز احتمال كبير ما يأثر عليه وتحطله امتياز انشالله .. تأكدي احسن
بس حتى لو ... الشهادة الياية انشالله اهم لأن على اساسها يحددون الطلبة المتفوقين وانشالله ولدج يكون منهم

 

[الرياش]

مشكوره أم حسن كلمت اليوم الأبله وقالتلي ما يأثر على تقديره وان شاء الله امتياز وهي نفسي مستغربه منه اشلون يغلط هالغلط .
الله يوفق اعيالنا ان شاء الله

 

[Um Hasan]

الله يوفق ولدج يارب وانشالله دوم من المتفوقين

 

[الفنانه79]

تكفوووووووووووون

امهااااااااااات ابيكم اتقولولي عن الفضل بن العباس اشلوونها

وماعندهم مشاكل مثل سوالف حمامات جنسيه اساليب وسخه

واشلون النظام عاجبكم حلووو ولااا لا


تكفوووون ابيكم اتفديووني بكل عن المدرسه

بحول اعيالي السنه اليايه وتعبت ابي معلوومات اتبرد قلبي واللي يخليلكم اعيالكم

ردوا علي وابي نصيحتكم

انطركم

 

[الرياش]

حبيبتي انا ولدي بمدرسة شيخان الفارسي وايد عاجبتني ومرتاحه منها وما أدري عن الفضل بن العباس ان شاء الله البنات ايفيدونج

 

[الفنانه79]

يعطيج العافيه الرياششش

ياليت ايردووون علي الامهاتتتت

 

[Um Hasan]

حبيبتي انا بعد ولدي بشيخان ....
بنات اللي عيالها ب ابو الفضل ترد ..... رفع ..... رفع

 

[gaboOo6a]

السلام عليكم ورحمة الله وبركاته
تقبلوني اخواتي الفاضلات بأول مشاركه معكم طبعا انا ابله قبوطة من كثر ما احب القبوط ههه

المهم اجاوب أختي الفنانه 79 واطمنها الحمدالله وبفضل من الله وبدون مديح لانها مدرستي اطمنج ان المدرسة خاليه من اي مشكله من المشاكل التحرش الجنسي وخصوصا في دورات المياه وخصوصا ان نظام المدرسه يفصل بين مراحل 1 و2 و3 وبين مراحل 4 و 5 حيث ان لكل قسم مكان مخصص يعني المراحل الثلاثه الولى لها الطابق العلوي بحماماتها ويمنع نزول الطلبه الى الدور الارضي كذلك توقيت الفرص يختلف بين المراحل الثلاثه الاولى عن 4 و 5 وطبعا ما اقولج ماكو مشاكل بين الطلبه لانه شئ عادي ويحصل بكل مدرسه وخصوصا الأولاد

وزياده طمئنينه اذا حابه تزورين المدرسه الاداره ما تمانع ابد

اتمنى اني افدتج بشي وشكرا

 

[لوكريسيا]

السلام عليكم .. حياج الله الفنانة معانا و حياج الله أبلة قبوطة .. انا مثلج أحب القبوط و الحسو و العصيدة

الفنانة .. حبيبتي كتبت لج رسالة شطولها و حزتها كان ايرور بالسيرفر فمادري وصلتج و لا لأ .. و سوري طولت عليج لأن توني من يومين رادة من السفر

أبلة قبوطة : أبي جواب لسؤالي ما عليج أمر : ليش صف 3/2 صارلهم يمكن اسبوعين ماعندهم مدرسات ما غير البدنية و الفنية و الحاسوب وين راحوا مدرسات الادبي و العلمي و الانجليزي .. ترى توهم هالاسبوع ياتهم مس الانجليزي ؟؟؟؟؟ ابي اعرف شالسالفة

 

[ساندريلا]

يا جماعه انا ولدي بهالمدارس واااايد ستاااااانست لمن شفت تجمعكم
لاني ضايعه بالطوشه ماني عارفه نظامهم وانصدمت اليوم من الشهاده للعلم ولدي كان بخاص وماشالله كان شاطر ومن الاوائل ومني نزل مستواااه
شلون ادرسه ماني عاااااارفه واهو باولى يعني تاسيس
شرايكم بمدارس المستقبل زينه والا لا ؟؟ قعد افكر انقله من القهر والحره

 

[ساندريلا]

بناااااااات همن انا بابو الفضل الله يخليج لوكريسيا دزيلي نفس رساله الفنانه لوووووول
لاني ضايعه بالطوشه واحس ان المدرسات مو ذاك الزود
في ناس تمدح هالمدرسه وناس تذم نوروا طريجي الله ينور عليكم بالدنيا والاخره

 

[لوكريسيا]

الفنانة و سندريللا ... جيكوا على الصفحات الأولى بالموضوع و راح تعرفون كل شي .. لأن في كلام و في نقاش و وجهات نظر .. يعني ما اقدر انا بروحي اقيم مدرسة الفضل او اي مدرسة ثانية بس بالنسبة لكم لما تقرون راح تشوفون شنو اللي يناسبكم و شنو اللي مايناسبكم عدل

 

[ساندريلا]

البيداء ولوكريسيا عيالكم باي مدرسه؟؟
ومنو هذي ابله صفاء وقتوني ابيها تدرس ولدي ههه