&&>>تجمع لاولياء امور طلبه مدارس المستقبل <<&&

[@ الرسامة @]

Um Hasan

هلا والله حبيبتي
انا بعد رحت مذركير جم مرة ولما الحين مالقيت شي
قريت برد وحدة من البنات انها خذت من الايوب انا خذيت من لاند مارك قمصان

البيداء_77
حمدالله على السلامة
بحاول اني اكون مع ولدي على طول والكتب ملوت اولى كاهي عندي وقاعدة احاول ادرسه
بس بسالج عن جنطة الاكل من وين اخذ ؟؟؟ اهم نفسهم ملوت الروضة الصغار مع مطارتهم اللي القاهم بالمجمعات ؟؟

 

[Um Hasan]

البيداء .. ماكو الا أمرهم مرة ثانية
انا خذيت جنطة من GAP سعرها 10 دنانير ... هذا اللي حصلته ... في بالرياضي بعد بس وايد أغلى

حبيبتي Moony77 تقدرين تشترين من أي مكان .. حتى BHS عندهم .. بس انا احب اخذ من ماركس سبنسر أشياءهم جودة

انزين محد رد علي حق رابعة ابتدائي دفاتر الإنجليزي جم سطر؟؟

 

[البيداء_77]

شلونكم حبوبات
بغيت اسأل لبس الصبيان بس موجود في ماركس سبنسر مافي في المنطقة العاشره في فحيحيل

حبيبتي ملابس الصبيان موجوده في مذركير وادمز بس احنا قصدنا انا ماركسبسر اجود بضاعتة

 

[البيداء_77]

um hasan

هلا والله حبيبتي
انا بعد رحت مذركير جم مرة ولما الحين مالقيت شي
قريت برد وحدة من البنات انها خذت من الايوب انا خذيت من لاند مارك قمصان

البيداء_77
حمدالله على السلامة
بحاول اني اكون مع ولدي على طول والكتب ملوت اولى كاهي عندي وقاعدة احاول ادرسه
بس بسالج عن جنطة الاكل من وين اخذ ؟؟؟ اهم نفسهم ملوت الروضة الصغار مع مطارتهم اللي القاهم بالمجمعات ؟؟

اي حبيبتي جنطة الاكل العادية اللي يصير معاها مطاره وبكس صغير حق الصمونه خلية يختارالشخصية اللي يبيها من اي مكتبة



انا ذبحني ولدي يبي باكوجان وانتدنجام وسوالف مالها اول ولا اخر كلة من سبيس تون هبل اليهال

 

[moony77]

مشكورين بنات
ازهب الدوا قبل الفلعه خل اسجله بالاول في مدرسة عبدالكريم السعيد ادعولي بنات انهم يرضون يسجلونه

 

[@ الرسامة @]

السلام عليكم بنات


منو اتقولي اشلون مدرسة عبدالكريم السعيد ومنو احسن ابلاتها حق سنة اولى

 

[لوكريسيا]

صباح الخير ..

بيودة .. الحمدلله على السلامة تو ما نور التجمع ههههههه .. على طاري الملف اللي جنه جنطة ترى مو كل حجم يضبط لأن أغلب اللي بالمكتبات حجمهم اصغر من حجم الكتب .. فلما يدشش الصبي كتابه راح يتشقق و يتعفس .. انا يفتر راسي على ما احصل شي مناسب .. خذيتله ثنتين من ماليزيا السنة اللي فاتت .. استخدم وحدة و الثانية حق هالسنة ان شاء الله

الرسامة .. ملابس الرياضة اخذهم من النصر الرياضي غالبا .. و ساعات لي رحت محلات ثانية و حصلت شي عجبني خذيت .. مثل الأيوب .. و بالنسبة حق اللون .. شورت كحلي و ساعات يطلبون شورت أسود + تي شيرت أبيض يعني لا تشترين من الحين .. او اذا ما تبين زحمة السوق اخذي من الحين 2 اسود و 2 كحلي مع التي شيرتات

أم حسن .. بتصومون عيالكم هالسنة رمضان و لا لأ؟

 

[@ الرسامة @]

مشكورة حبيبتي على الرد والله يعينا على هاللوية

 

[البيداء_77]

الله يسلمج لوكريسيا حبيبتي


بنات انا كنت شاريتلة الجنطة اللي مثل الملف من مكتبة جرير عاد للحين ما مريتهم


الرسامة حبيبتي والله ما اعرف احد بمدرسة عبدالكريم السعيد بس معانا جم وحده بالتجمع من هناك ان شاء الله يفيدونج

 

[لوكريسيا]

العفو .. نعين و نعاون ان شاء الله

 

[@ الرسامة @]

السلام عليكم


والله انا ما ادري شسوي اجهز حق طلعتي من الاربعين والا حق مدارس عيالي والا اطهر ولدي والا حق رمضان وقرقيعان



واااااااااااااااااااااااااااي افتر راسي شسوي

 

[لوكريسيا]

الرسامة حالج من حالي انا بعد توني والدة .. ولدي عمره شهرين و نص و حوسة ماكو وقت .. لا تضغطين على عمرج ..لا تجهزين وايد حق الاربعين لأ ياينا رمضان .. مو مال طلعات و كشخة و راح تنحبسين مع البيبي بالبيت لأن بهالعمر مو مال طلعة.. و القرقيعان سويه جدا بسيط جياس سوليفان و لا علب و بس و الله فرحة اليهال بالحلاو و الككاو و جهزي حق العيد و لما تخلصين من القرقيعان و تخلصين من تجهيز العيد بلشي بالمدارس

 

[Um Hasan]

أمس رحت ماركس سبنسر ... لي الحين مو مطلعين بضاعتهم من الكراتين احتمال اليوم ..

لوكريسيا .. بحاول اصوم ولدي ... دام انه بالبيت خل يجرب الصيام أحسن

 

[@ الرسامة @]

مشكورة لوكريسيا

ابي اخلص شغل المدارس قبل رمضان مالي خلق لوية الزحمة
رحت الايوب خذيت بنطرونات كحلية
اللي مستعيلة خل تاخذ من هناك شكل ماركسبنسر مطولين

 

[لوكريسيا]

العفو الرسامة .. جربت السنة اللي طافت خذيتله بنطلونات من الايوب .. ماضبطوا عليه .. يا صغير مرصرص يا كبير مخبخب .. عشان جذي ناطرة الاخ ماركس سبنسر ينزلون باك تو سكول .. اهوا اللي مرتب على ولدي

 

[@ الرسامة @]

لوكريسيا


ولدج بيدش اي صف ؟؟

 

[أم حمودي]

بنات رحتوا فرع ماركس سبنسر في المجمع الجديد 360
يمكن يكون عندهم البنطلونات ؟

 

[Um Hasan]

أخيييييرا ... أمس مريت ماركس سبنسر وكانوا منزلين البنطلونات ...
لوكريسيا يلا روحي اخذي حق ولدج
حماتي تقوللي على هالحاله كل يوم رايحة ورادة تشوفين نزلوا ولا لأ ... جان خذيتي لهم حق هالسنة والسنة الياية بعد ;-)

 

[البيداء_77]

ام حسن انا خذيتله بنطرون من مارك سبنسر المره اللي فاتت بس اللي ما لقيته القمصان فيه ولا لا؟

 

[ك@و@ي@ت]

حبايبي شلونكم ابي اعرف اذا مدرسةالشايع الي بالشامية من ضمن مدارس المستقبل بلييزردوا علي