&&>>تجمع لاولياء امور طلبه مدارس المستقبل <<&&

[ryoonah]

ايه والله وينكم يابنات

 

[البيداء_77]

بنات انا ما تطلع عندي مشاركاتكم؟

 

[البيداء_77]

امبييييييييييييية ما تطلع عندي مشاركاتكم اكيد في مشكلة

 

[Future Schools]

متى شهادات الفضل؟؟ ابلاتنا بالفضل مالهم حسسسسسسسسسسسسسسسس

مساء الورد ..
بنات شلونكم ؟؟ شخباركم؟؟ من زمااااااااااااااااااااااااااان عنكم ..
من ناحية لاهين .. اي والله .. صج حدنا لاهين مع امتحانات اليهال و الكنترول و التصحيح ..
والله الواحد ماعنده وقت حتى انه يشوف ايميلاته ..
بالنسبة للشهادات والله ليلحين ماعندنا فكرة ..
بس أكيد أول مايصير عندي خبر راح أبلغكم ..
عموما شكرا على السؤال و ماقصرتوا ​

 

[البيداء_77]

هلا والله ابلة فيوتشر شخبارج؟؟



الله يعطيكم العافية وحسبي الله ونعم الوكيل على هالنظام اللي مالة معنى ولا اليهال شكووووووووو مع امتحانات فترة (الوزاره حدها تخبطط)

 

[Future Schools]

هلا والله ابلة فيوتشر شخبارج؟؟



الله يعطيكم العافية وحسبي الله ونعم الوكيل على هالنظام اللي مالة معنى ولا اليهال شكووووووووو مع امتحانات فترة (الوزاره حدها تخبطط)

اي والله صاجه ..
حرام التلاميذ يكسرون الخاطر ..
أول شيء يغيرون النظام كله .. وحطون الملف الانجازي .. والتقويم المستمر ..
عشان يوخرون رهبة الامتحانات عن التلاميذ .. وخففون من التوتر الي يصير حزت الامتحانات..
وألحين فجأة !!! امتحانات!!! وكنترول !! وظيم !!!
مايندره السنه اليايه شراح يسوون بعد؟؟!!؟؟!​

 

[لوكريسيا]

مساء الخييييييييييييييييييييييييير

اشتقت لكم

اسفة بنات من زمان عنكم ، صارتلي ظروووووووف حدها قوية و ما قدرت ادش النت .. الله يسهل

بيودة -----> شلونج و شلون ولدنا؟ انا بخير و بلشت أثقل .. بديت اصير مدورة
ريونة ----> الحمدلله على السلامة مقدما
فيوتشر سكول ----> هلا و غلا .. يعطيكم العافية بس لا تنسين تبلغينا متى الشهادات

باقي البنات ----> اين أنتم ؟

 

[فديتج]

أي والله نبي نعرف متى شهادات مدرسة الفضل
أنا ولدي برابعه والله يستر من النتايج جنه ثانويه مو بتدائي

 

[malekatsabaa]

انا الي حارني ليش عيال رابعه يمتحون فاينل؟؟؟
خامس بلعناها ..بس رابعه ..والله حرام وكل امتحان 5و6 صفحات...

حسبي الله عليهم..

انا خايفه ان السنه اليايه يمتحنون الي بثالثه والي عقبها الي بثانيه ..والي بعدها اولى

 

[المتالقه دائما]

مرحباااااااااا جميعا

اشلونكم ان شاء الله بخير

ريونه حمد لله على السلامه

خواتي بسالكم متى الشهادات ؟؟؟؟

تحياتي لكم

 

[لوكريسيا]

صباح الخير ..

شلوووونكم ؟؟

بنات مرت حماي بنتها في مدرسة اسماء و تقول اخر موعد للشهادات 28/1 و الله أعلم

 

[البيداء_77]

السلام عليكم شلونكم بنات ؟ شخباركم؟


لوكريسيا الله يعينج على الثقل وينقلج تمامة


والله ما عندي خبر متى النتايج ............نناشد ابلات الفضل يعلمونا متى الاختبارات

 

[ryoonah]

الله يسلمكم جميعا ؟؟؟

صج متا الشهادات يا جماعه الخير نبى انعرف مدرسه اسماء

 

[المتالقه دائما]

نداء الى ابلات مدرسة اسماء متى الشهايد ؟؟؟؟؟؟

حدي احاتي

تحياتي لكم

 

[البيداء_77]

نداء ثانيييييي لابلات الفضل


قلبناه من تجمع الى نداءات ههههههههههههههههههههههههههههههههه

 

[Bnt.Azmer]

مساء الخير بنات...
بنات ياريت تفيدوني بشغلة حييييييييييييييييييييييييييييل تهمني بنات انا حاليا عيالي بمدرسة خاصة وحابه ادخلهم هاسنة المدارس الي تكلمون عنها ((المستقبل)) بنات شلون طريقة التسجيل؟ واذا كنت مو على المنطقة شلون واذا بخلي عنوانهم على القصور ولا القرين يصير عادي؟ عفية ياريت تفيدوني باسرع وقت لأن ابي ابتدائي بنين وبنات ناطرتكم وبغيت اسأل اذا يبت واسطة ينفع؟

 

[noura1700]

بغيت اسأل اذا تدريسهم للغة الانجليزية قوي اكثر من المدارس العادية و وين مكان مدرسة المستقبل للبنات في العاصمة؟

 

[Bnt.Azmer]

شسالفة محد راضي يرد بشي!! اظاهر الموضوع تثبت حق جم عضوة للسوالف واخر الاخبار!!

 

[لوكريسيا]

مساكم الله بالخير . . و حياكم الله بنات

في البداية .. شفيج أم خالد كليتينا بقشورنا باسم الله انتي كاتبة سؤالج الساعة 10 الا ربع بالليل و تبينا حالا بالا نرد عليج الساعة 12 الا ربع الظهر .. الناس دوامات .. في ناس مرضى .. و في ناس عندهم اشغال الصبح .. و في ناس متلحفين بفرشهم و نايمين و دفيانين و الله يتمم عليهم هالراحة .. شي عادي ترى .. ساعات اكتب رد و محد يرد عليي او بالأحرى محد بطل الموضوع لمدة يومين ثلاث .. عادي شنو يعني .. هذا مو حكم اكتب رد لازم اقوم من النوم و اشوف العالم رادة عليي .. كل واحد و ظروفه

و بعدين الموضوع ان سولفنا فيه سولفنا بخصوص المدارس و ما نطلع عن الموضوع .. جيكي الردود .. و احنا مو جم عضوة .. بيناا أولياء أمور .. يمكن مدرسات .. يمكن اداريات بالمدارس .. يمكن ناظرات و يمكن وكيلات الموضوووووووع شاااامل

و كاني بر على سؤالج ------> يقبلون البنت او الولد على حسب البطاقة المدنية الأصلية (حسب العنوان ).. أو وثيقة البيت اذا كانت باسم الأبو (والد البنت أو الولد ) و الصراحة مادري عن الواسطات .. كل شي جايز بس هذا اللي انا أعرفه

بالنسبة لمستوى الانجليزي .. على حسب المدرسة .. و طريقة توصيلها المعلومة للطالب

و أتمنى تتقبلين كلامي بصدر رحب

 

[البيداء_77]

لوكريسيا كفيتي ووفيتي بس بضيف شغلتين اولا لو انة الاخت كلفت حالها وقرت اول الصفحات جان ما احتاجت تسألنا لانة احنا غطينا الموضوع كلة واما بالنسبة للواسطة فانتي وضميرج