&&>>تجمع لاولياء امور طلبه مدارس المستقبل <<&&

[البيداء_77]

مو وايد ضعيف .. بالنسبة لي أحسه زوين

اهوا اللي يوم نادوا اسمه عشان التكريم و التصوير أبلة صفاء و قفت جدامه و قام يحرك ايده يمين و يسار مدة بعدين صور ،، شعره ناعم .. وطيب و حبوب و يدش القلوب

الله يحفظه يارب ويخليه لج

 

[لوكريسيا]

اي و الله رايتها بيضا أبلة صفاء و دايما أدعيلها ... صراحة وايد وقفت مع عيالنا و علمته كل صغيرة و كبيرة صح .. الصراحة ما تتعوض .. ياريت يكونون بثانية بنفس الصف و تدرس أبلة صفاء .. حبيتها

 

[لوكريسيا]

الله يسلمج يزاج الله خير

 

[البيداء_77]

وي يصير تدرس ثانيه؟؟ جان زين

 

[البيداء_77]

جيكي على الخاص

 

[لوكريسيا]

ويسلم قلبه و الله

 

[البيداء_77]

مشكوره يا حياتي


بس ما تحسين انه نظام الجنطه بالبيت ما تخليج اتابعين ولدج عدل؟؟

 

[البيداء_77]

اي والله الكويت اصغيره هههههههه


بس ما قلتيلي ولدج البجر ولا عندج اكبر منه؟؟

 

[لوكريسيا]

عدل انا معاج .. اول شي كنت اتضايق و احس ان انا و ولدي ضايعين بالطوشة ..

عقبها عرفت الخطة .. قمت لمل آخذه بالهدة أروح صفة و آخذ معاي أهم الكتب : العربي + دفتر العربي + الرياضيات أهم شي .. و بالبيت أعرف شنو خذا و شنو ما خذا و أحضرله دروس و أمليه

هني ارتحت .. ساعات لأبلة تقولهم اخذوا الكتب بس ولدي خبر خير ما يتذكر فأروح أسألها آخذ الكتاب و لا لأ
و في بدابة السنة خذيت من وحدة اعرفها كتب سنة اولى ابتدائي ملوت ولدها .. و استفدت من كتبه وايد

 

[لوكريسيا]

ولدي البجر .. و عندي أصغر منه عبدالرحمن بيدش أولى روضة هالسنة ان شاء الله

و انتي .. ولدج البجر؟

 

[البيداء_77]

اي والله اهو بجري يعني انتي نفسي اول تجربه

 

[البيداء_77]

الله يخليلج جسومي وحمني ويفرح نظرتج فيهم

انا والله لاني مدرسه فما اقدر اييبه كل يوم فاخلي ابوه ييبه

 

[لوكريسيا]

البيداء77-----> وين ادرسين؟؟؟

 

[مشغوله و محتاسه]

خوش تجمع ... كملو بنات عن سلبيات و ايجابيات هالنظام ..



افكر بالنقل له ..

 

[البيداء_77]

البيداء77-----> وين ادرسين؟؟؟

انا الله يسلمج ادرس بخيطان مدرسه بنات

 

[البيداء_77]

خوش تجمع ... كملو بنات عن سلبيات و ايجابيات هالنظام ..



افكر بالنقل له ..

تقصدين بتنقلين حق هالمدارس كمدرسه ولا حق ولدج؟؟

 

[لوكريسيا]

الصراحة ليلحين مافي سلبيات تذكر

الشي اللي مضايقني ان ولدي ينطق من الصبيان النزغ لأن مسكين وايد عاجل

بس السنة الياية يكون بسنة ثانية أتوقع بيخف الطق شوي بياكلونها ربع أولى

 

[Miss Spone]

بنت اختي بمدرسة اسماء اللي بجنوب السرة
بس في مدارس بالقرين؟؟ وين صايرين وشسمهم؟؟

بنت اختي مستانسة بهالنظام ودشيت صفهم وايد حلو وطريقة المجموعات احسن من الطريقة العادية

 

[لوكريسيا]

الصراحة مادري وين أكو منها بالقرين بس يمكن البيداء تعرف و ترد عليج

 

[البيداء_77]

مدارس المستقبل الي موجود بالكويت وعددها 6 مدارس

بمنطقه جنوب السره :

1- الفضل بن العباس بنين
2-شيخان الفارسي بنين

مبارك الكبير :

3- اسماء بنت عمير بنات
4- عبدالكريم السعيد بنين
5- اسماء بنت عمرو الانصاريه بنات

الدسمه:

6- ابن سينا بنين