&&>>تجمع لاولياء امور طلبه مدارس المستقبل <<&&

[x.swar]

ان شاءالله ولدي السنه اليايه في مدرسه الفضل بن عباس -----------بس اسمه غلط المفروض يكتبون ابوالفضل العباس

ههههههه سفرجل ضحكتيني يوم قلتي اسمه غلط ..
هالاسم من الوزارة .. مو غلط​

شوفي حبيبتي ..​

ابو الفضل بن العباس هو العباس نفسة عم الرسول صلى الله عليه وسلم >> الأب​

أما الفضل بن العباس فهو الفضل >> الابن ​

الفضل ( الابن ) + العباس بن عبدالمطلب ( الأب ) = الفضل بن العباس

اي هو ابن عم رسول الله صلى الله عليه واله وصحبة وسلم ...

واهو اخو عبدالله بن عباس الذي أكثر في رواية الحديث ..​

أدري انتي راح بالج لصحابي ثاني هو العباس بن علي بن ابي طالب(ابوالفضل بن العباس) .. امه ام البنين .. الملقب بأبو الفضل ..​

بس مو هذا الصحابي اللي مسمين المدرسة عليه​

بكتب نبذه عن سيرته العطرة للي بمدرسة الفضل ومايعرف منو الفضل بن العباس ......:ggdw:​

اللهم لك الحمد .. اللهم ارزقنا جنتك واجمعنا بها بالرسول و بالفضل وبجميع صحابة الرسول (صلى الله عليه وسلم) وزوجاته واتباعه...قولوا امين​

الفضل بن العباس الهاشمي​

(… ـ 18 هـ)​

هو الفضل بن العباس بن عبد المطلب بن هاشم بن عبد مناف القرشي الهاشمي، ابن عم الرسول صلى الله عليه وسلم، أبوه العباس بن عبد المطلب شيخ قريش وزعيمها، وأمه أم الفضل لبابة بنت الحارث الهلالية العامرية أخت أم المؤمنين ميمونة بنت الحارث زوج النبي صلى الله عليه وسلم، وكنيته أبو محمد وأبو عبد الله، وهو أسنّ ولد العباس( أي أكبرهم)، وكان العباس يكنّى به(اي يكنى ابوالفضل).​

شهد مع رسول الله صلى الله عليه وسلم فتح مكة سنة 8هـ، وغزا معه حنين، وكان ممن ثبت مع رسول الله صلى الله عليه وسلم من أهل بيته وأصحابه فيها، حين ولّى الناس منهزمين، وشهد مع الرسول عليه السلام حجة الوداع، وأردفه الرسول صلى الله عليه وسلم وراءه من جُمع (المزدلفة) إلى منى، فيقال له: رديف رسول الله صلى الله عليه وسلم. (عندما كان حديث السن).​

كان الفضل جسيماً وسيماً، وكان يقال: من أراد الجمال والفقه والسخاء، فليأت دار العباس: الجمال للفضل، والفقه لعبد الله(عبدالله بن عباس فقد روى 1660 حديث عن الرسول)، والسخاء لعبيد الله، وللفضل ذكر في كتب الحديث، فقد روى الفضل عن الرسول صلى الله عليه وسلم أربعة وعشرين حديثاً( 24حديث)، وروى عنه أخوه عبد الله، وأبو هريرة وربيعة بن الحارث، وعباس بن عبيد الله بن العباس وغيرهم . ​

أنجب الفضل ابنة واحدة هي أم كلثوم بنت الفضل، تزوجها الحسن بن علي بن أبي طالب ثم فارقها فتزوجها أبو موسى الأشعري. ​

شهد الفضل موت رسول الله صلى الله عليه وسلم وشارك في غسله وهو الذي كان يصب الماء على علي بن أبي طالب. ​

اختلف الرواة في تاريخ وفاته، وأصح الروايات في ذلك، أنه خرج إلى بلاد الشام مجاهداً، وتوفي في طاعون عمواس من نواحي الأردن سنة 18هـ في خلافة عمر بن الخطاب، رحمه الله ورضي عنه. ​

هذا والله أعلم ​

ملاحظة : الكلمات بالخط الصغير من تعليقي​

أي شي بالسيرة سألوني .. أعجبكم بهالسوالف .. وحياكم الله ..​

 

[Um Hasan]

ام حسن وام حمودي شخباركم اليوم مع التدريس
ام حسن ولدج خامسة شنو انشالله مع عيالنا
وولدج اللي بثالثة شخبارة
انا ولدي اللي بثالثة موهامة شي جنني الله يهديهم

هلا أشرقت .. انا مثلج اللي بثالثة أمس يقولي عندي واجب علوم بس نسيت الدفتر بالمدرسة .. بس حفظ سورة البلد من 1 -10 وطول اليوم لعب ...
واللي بخامس الله يهديه مادري شفيه هالسنة مو راضي يدرس هالعلوم مادري شسوي ؟؟ بس حل واجباته وقام ... انا يعني قايلة بخلي يعتمد على نفسه هالسنة ... الله يستر

 

[SayCheese]

رد : &&>>تجمع لاولياء امور طلبه مدارس المستقبل <<&&

اشلونكم يا حلوين بليز امهات الي اولادهم ب 4/1 اليوم ولدي عليه رياضه ولبسته ملابس الرياضه يقول الابله زفتني مالت المواد العلميه قالت لا نلبس جذي انزين شنو يلبس اذا الناظره قالت يلبس بلوزه بولو وبنطرون كحلي !!!! ما ادري شنو يبون وسالته لعبتوا العاب قال ايه فحدي منقهره !!! ويقول ابله العربي تبي دفتر دفتر شنو نيب اذا اهم عندهم الاجنده ما يكتبون شنو يبون !!!! ودي اروح المدرسه باجر اكلمهم لانه الصارحه ماادري شنو يبون الابلات وما يدرون انه هذيل ياهال ما يركزووون عدل ومو كلهم يلقطون كل الي يقولونه الابلات فالمفروض يعطونهم ورقه طلبات

عشان نعرف شنو لنا وشنو علينا ..... ويقول ابله العلوم تبي دينارين ما ادري حق شنو !!!!!!!

 

[Um Hasan]

SayCheese الله يعينج ... حرصي على ولدج انه ييب الأجندة كل يوم .. ومافي جدامج يا انج تروحين المدرسة باجر أو كتبي ورقة حق الأبلة وكتبي فيها اللي تبينه وهي راح ترد عليج انشالله ..

 

[SayCheese]

رد : &&>>تجمع لاولياء امور طلبه مدارس المستقبل <<&&

حبيبتي ام حسن الاجنده موجوده بس فاضيه ما يكتبون فيها شي كاتبه بالاجنده والله واقوله عطها حق الابله يقول ابله وحده تقراها الي اهي ابلهرالعلوم والي ابيها تطل فيها ولا تدري عن الاجنده انا باجر بروح المدرسه بنطرها بالصف لين تي لانه اذا بروح اقابلها اكيد بقولونلي موعد وطواله وانا دمي حار ما اقدر انط

 

[x.swar]

رد: رد : &&>>تجمع لاولياء امور طلبه مدارس المستقبل <<&&

حبيبتي ام حسن الاجنده موجوده بس فاضيه ما يكتبون فيها شي كاتبه بالاجنده والله واقوله عطها حق الابله يقول ابله وحده تقراها الي اهي ابلهرالعلوم والي ابيها تطل فيها ولا تدري عن الاجنده انا باجر بروح المدرسه بنطرها بالصف لين تي لانه اذا بروح اقابلها اكيد بقولونلي موعد وطواله وانا دمي حار ما اقدر انط

الله يعينج ..
دشي معاه المدرسة الصبح قبل 7 ونص وكلميهم ..

 

[سفرجل]

مشكوره حبيبتي امبييييييييييييي توني ادري
فشللللللله
عاد ان شاءالله اذا الله رزقني بولد كنت ناويه اسميه فضل احب هالاسم

 

[مجبوس]

رد : &&>>تجمع لاولياء امور طلبه مدارس المستقبل <<&&

مساء الخير على احلى كويتيات بهذا التجمع الحلو اللي يفيدنا ويفيد اعيالنا اشلونكم بنات :aha:

وحش الريم انا بناتي وأسماء عندي بثالثه وثانيه اشفيج حبيبتي ليش متأزمه.......طريقتي في تدريس بناتي ان الورقه اللي

يعطونج اياها اللي اهيا الخطه الاسبوعيه انا اعتمد عليها اشلون اقولج ......الانجليزي حاطيلج كل شي مفصل انا احفظبنتي

الكلمات ومعناهم وانسخها اياهم جم مره لا اتكثرين .... العربي تنسخ الجزأ اللي خذوه من الدرس وتقراه ونحل الواجب

اليومي اللي اهيا اوراق يعطونها اوكي .....الين يقولولج الأيه فتحفضينها بنتج اهمه كل يوم جزأ وانا احفظها ازياده علشان

يوم التسميع اتكون زاهبه بس ها حرصي بنتج اتييب كتبها العربي والانجليزي يوميا للبيت علشان اول باول اتابعينها

وباجي المواد اذا فيهم شئ الابله اتقةولهم ياخذونهم وووووووووووبس سلامتج قرقت واااااااااايد

صج بسألج بنتج باي صف ؟؟ وبعدين عطوها الاجنده؟؟؟ :balo:

 

[<<لمار>>]

بنات لبس الرياضة يلبسونة تحب لبس المدرسة اللى اهو القميص والبنطلون وتحتة تى شيرت وشورت اسود وسلامتكم هذا بالنسبة لمدرسة الفضل

 

[SayCheese]

رد : رد: &&>>تجمع لاولياء امور طلبه مدارس المستقبل <<&&

بنات لبس الرياضة يلبسونة تحب لبس المدرسة اللى اهو القميص والبنطلون وتحتة تى شيرت وشورت اسود وسلامتكم هذا بالنسبة لمدرسة الفضل

حبيبتي لمار اللقاء التنويري الي سوته الناظره قالت خل يلبسون بنطرون كحلي طويل وبلوزه بولو عشان ما يقعد يفصخ اهدومه وتضيع وقالت بتسوي ورقه وتوزعها عل هل الاساس قاعدين نلبس عيالنا مثل ماقالت. وللحين الياهال ما عندهم جدول والله انا قاعده اذكر اهو متى قال عنده رياضه وقاعده البسه بس حدي مضايقه لانه ابله العربي يديه صارلها يومين ومغيره مكانه حاطته اخر واحد بالصف واحنا رايحين من الساعه 6ونص اول يوم عشان نحجز المكان انا باجر راح انطرهم بالصف لين يون .....

 

[SayCheese]

رد : رد: رد : &&>>تجمع لاولياء امور طلبه مدارس المستقبل <<&&

الله يعينج ..
دشي معاه المدرسة الصبح قبل 7 ونص وكلميهم ..

حبيبتي اكسسوار انا باجر من النجمه اهناك

 

[SayCheese]

رد : رد: &&>>تجمع لاولياء امور طلبه مدارس المستقبل <<&&

الحمدلله .. ماشين .. احنا ثانية ليلحين مابدا الدوس ..
وبالعافية على قلوبكم الغدا .. مطرح مايسري يمري

انا وصلني المسج توقعت حفلة .. وقلت شالطاري ؟!!!!
بس عقب استوعبت من كلام لمار انه شريط الحفل ..الدنيا راحت بأهلها ..
مشكورة لمار ..

بسألكم .. عيالكم بالفضل ممكن يروحون بملابس الرياضة بروحها عادي ؟؟ والا لااااااااازم لبس المدرسة فوقها ؟؟
يعني ممكن مرة يلبس جذي ومرة جذي ؟؟ والا منوع يروح بملابس الرياضة بروحها؟

حبيبتي اكسسوار الناظره باللقاء التنويري قالت يلبس الطالب بلوزه بولو بيضه مع بنطرون كحلي طويل مال رياضه ماله داعي يلبس فوقهم شي بس شرط بنطرون مو شورت

 

[دلوعه وكيوت]

رد: رد : رد: &&>>تجمع لاولياء امور طلبه مدارس المستقبل <<&&

حبيبتي اي لبس للرياضه بنطلون كحلي وتيشرت وكلمت الاداره قالت مو الكل يدري وراح يوزعون أوراق للبس وكتبوا بالعربي الآسم وآمل واليوم واجب فراشه كان الصف يكتب ولدي مايكتب ليما دريت دفتر مع ان كلمتهم وقالو راح ند ز ورقه بالطلبات*

 

[احلى عواشة]

Say cheese
انا كنت بالجتماع واحريت من الموضوع اللي قالته ابلة احلام

بس الحمد لله نصرها رب العالمين كلمتها وطمنتني انه ما راح يوقفون نظام الممستقبل وان شالله راح يفتحون اربع مدارس السنة الجاية
2 بافروانية و 2 بالاحمدي

 

[SayCheese]

رد : &&>>تجمع لاولياء امور طلبه مدارس المستقبل <<&&

انا ما حطيتله لما اهي تطلب ليش ما تكتب بالاجنده شنو تبي ولا عيزانه يعني ما ندري بجم ورقه تبي وجم واحد انا باجر بروح اكلمها ويصير خير المشكله اني يومين اكتبله بالاجنده قولي ترد علي ماكو ..... وشلون يخلون الياهال يكتبون على طول بسم الله الرحمن الرحيم المفروض شوي شوي في ياهال ما يعرفون يمسكون قلم ..... الي يقهر ولدي يقول الابله كتبته الكلمه عل اللوحه وقالت نقلوها وخلوا امكم تعلمكم عيل اهي شنو وظيفتها !!!!! شي يحر ......


دلوعه وكيوت باجر ترى عليهم رياضه نلبسه لبس الرياضه ولا لآ?

 

[SayCheese]

رد : &&>>تجمع لاولياء امور طلبه مدارس المستقبل <<&&

احلى عواشه ما فهمت شنو قصدج بهل الجمله

انا كنت بالجتماع واحريت من الموضوع اللي قالته ابلة احلام
يمكن ليش فيها بدليه

 

[*سكون*]

بنات باجر مدارس المستقبل لي 1 ونص ولا 2 ولدي اليوم غايب عفيه منو عندها خبر ترد علي ؟

 

[لوكريسيا]

مساء الخير عليكم

بليز ساي جيز اذا رحتي و باجر 1/4 و لقيتي ابلة استفسري عن كل شي و بلغيني .. انا اوديهم من الصبح بس ما اقدر كل يوم متأخرة عن دوامي و السبة انطر الابلات متى يداومون ...شرايج ان ولدي ما يدري متى عليهم بدنية ... ؟؟؟؟ و اليوم رادلي و الجنطة فاضية طرق النوت و المقلمة !!!! و هذي مو سالفة يقولون لبسوا اليهال بنطلون و تي شيرت و نلبسهم و ينزفون و السبة الورقة ماوصلتهم .. ترى لي يومج مالبسته بدنية لأن مادري متى و ماني قادرة احصل المدرسات ..

اتصل على المدرسة محد يرد امس و اليوم شكلت على التيلفون و محد رد

اكسسوار .. اتوقع بس اولى لأنهم صغار يلبسون لبس الرياضة في يوم الرياضة يعني ما يلبسون فوقه لبس المدرسة بس باقي المراحل .. يلبسونه تحت ملابس المدرسة

 

[احلى عواشة]

حبيبتي انا اقصد اجتماع ثاني مو اجتماع الصف الاول
قالت ابلة احلام انه في توجه لالغاء مدارس المستقبل والحمدلله انها قدرت توقف الفكرة هذي واقنعتهم انه يستمر النظام

بالنسبة للدوام ما بلغو العيال بشي

 

[لوكريسيا]

سكووووووووووون .. شلونج و شخبارج

الصراحة مادري .. الناظرة تقول ماراح تطبق و اليوم ولدي يقوللي الابة قالتلنا باجر تنهدون الساعة 2 !!!