تجمع : لأطفال الأنابيب والحقن المجهري ....

[شمسه]

بعد عمري والله

الله يآجرج على تعبج

وتبشرينا بحملج .... ويعوض تعبج وصبرج بخبر حملج يا رب العالمييييييييين

 

[^DanaH^]

هلا شمسه ياقلبي تسلمين ماقصرتي ....

الا بشريني عنج انتي شسويتي شقررتي ؟؟

 

[شمسه]

والله ليلحين يا أم عبد الرحمن

رحت عند أسامه صالحة وعطى أدوية حق زوجي وقال نشوف النتيجة بعد شهر إلى 3 شهور

قال إذا ما في تحسن .... نلجأ إلى أطفال الأنابيب .... وعلى الله

 

[^DanaH^]

الله يرزقج يا شمسه .... وان شاءلله العلاج يفيد زوجج ثلاث اشهر تمر بسرعه لان العمليه موووووو سهله .... شفت الموووت بعيوني ... الحمدلله على كل حال .... وليما الحين انطر النتيجه .... ووو الله كريم .....

 

[شمسه]

بعد عمري والله صج .... الله يحفظج

إن شاء الله كل هالتعب يروووح لمن تسمعين خبر حملج

 

[ألوي الكويت]

أم عبدالرحمن

انشاالله تنجح العمليه
كم جنين حطولك بالرحم

انا مفكره أسوي العمليه بس متردده
سويت تلقيح مرتين وما حملت مع ان تحاليلي سليمه انا وزوجي

الحمدالله علي كل حال

الله يرزقك ويرزق كل محروم بالذريه الصالحه

اللهم آمين

 

[اليمامه الحلوه]

الله يرزق كل محرومه ياااااااااااااااااارب

 

[^DanaH^]

ألوي الكويت .... حقنوا ثلاث اجنه ( الله يثبتهم يارب ) .. وقالي الدكتور موشرط كلهم بثبتون وممكن ولاشي يثبت ..

بس أملي بالله كبير ...انشالله عن قريب تحليل الحمل ... ياااااااارب ترزقني وترزق كل محروم بالذريه الصالحه ...

بس اختي شي غريب ان مافيج شي ولازوجج ؟؟ كم صارلك متزوجه ... وحاولي تقري صورة البقرة كااااامله كل يوم .....وبأذن الله تحملي وماتحتاجين لاتلقيح ولا بطيخ

 

[غموض الصمت]

أم عبدالرحمن الله يرزقج بالذرية الصالحة يا رب
تجربتي مع دكتور اسامة غزاوي فشلت وهذا الكلام من فترة طويلة
رحت الاردن و ما نجحت العملية
و الحمدلله على كل حال
المشكلة عند زوجي قله عدد + لزوجة عالية + و معظمها ميت
محتارة وين اراجع ؟

 

[^DanaH^]

غموض الصمت ... والله حاسه فيج .. لأنها نفس مشكلتي ... الأردن يمدحونهم ليش مارحتي مستشفى فرح عند دكتور اعتقد الكيلاني ؟....
والعمليه اللي سويتها حقن مجهري؟ ...

أهم شي لاتيأسين وخلي أملج بالله كبير... انا بنت عمتي سوتها يمكن خمس مرات عند كذا دكتور بالكويت وسبحان الله مافي نصيب ليين آخر شي سوتها عند د.محمد صلاح والحمدلله الله رزقها وعقبها ماشالله ورا بعض تحمل ....

عندي معلومه بقولها في نوعين من عمليات الحقن المجهري اللي اهي طفل الأنبوب ... في نوع يتم الحقن عن طريق المهبل ( يعني من تحت) وفي نوع ثاني وأهو الأضمن لانها نسبة نجاحه أكثر وهو من خلال فتحه بالبطن ويتم الحقن في قناة فالوب... وهذي مو أي دكتور يسويها ....

 

[غموض الصمت]

هلا ام عبدالرحمن
مشكورة يا عمري
رحت للدكتور الكيلاني بس ما صار تلقيح للاجنه
يعني ما سوا لي عملية استرجاع
بس اذكر انه صمم اني اعيد العملية
بس انا رفضت لانه حالتي النفسيه كلش تعبانه
وما كان فيني حييل اعيد العملية سحب بويضات
بس تدرين فيه شغله المفروض انهم يعالجون زوجي اول
و يختارون الحيوانات المنوية السلمية لانه الخلل عنده!
يالله .. الله كريم ......

 

[ألوي الكويت]

أم عبدالرحمن
الحمدالله انا حملت قبل بس خذيت كلوميد والحمدالله حملت
بس هالمره كلوميد وأبر منشطه وأبره تفجير وتلقيح صناعي بس سبحان الله ماحصل حمل
مع ان حجم البويضات ممتاز بس الله موكاتب أحمل
الحمدالله علي كل حال
انشاالله تبشرينه عن قريب

 

[^DanaH^]

شلونكم خواتي .......

حالتي النفسيه.............

طلعت نتيجه التحليل .................................














موحامل ................




الحمدلله على كل حال ..... ادعولي بالصبر.....

 

[جناش]

حبيبتي الله يعوض صبرج خير يارب وعسى ان تكرهوا شيئا وهو خيرا لكم
يالغالية لا تتضايقين وبالعكس سويها مرة ثانية وثالثة لما تصير بس ريحي اشوي
انا بنت خالتي في المرة الرابعة انجحت
بس حبيت اسأل انتي وين سويتيها؟

 

[^DanaH^]

هلا جناش .... الله يجبر بخاطرج مثل ماجبرتي بخاطري ..... سويتها عند طيبه كلينك ..... الصراحه مافيني شده اسويها ثاني مره.....تعبت

 

[غموض الصمت]

الله يرزقج بالذرية الصالحة يا رب
و شدي حيلج و خلي املج بالله كبير
قلبي معك

 

[شمسه]

لا حول ولا قوة إلا بالله العلي العظيم


يا رب يعوضج بالقريب العاجل ....حبيبتي لا تتعبين نفسج ... كل شي رزق من الله وإذا إن شاء الله كاتب لج الحمال بتحملين وبتيبين عيال حبيبتي ... بس انتي جربيها بعد ما ترتاحين في مكان ثاني ........

اللهم آجرها في مصبيتها واخلف لها خيرا منها

 

[^DanaH^]

غموض الصمت ...
شمسه ....
هلا فيكم ....
الله يرزقنا أجمعين يارب ....

 

[ألوي الكويت]

الله يعوضك حبيبتي

 

[أذكري الله]

الله يعوضج ان شا الله كل خير يا الحبيبية أم عبدالرحمن و يرزقج عبدالرحمن الولد الصالح التقي بإذن الله .. آنا حاسة باحساسج و بعد ما فشلت العملية يأست و قلت ما راح أسويها بعد ... بس رضخت للأمر الواقع ألحين جني بروح حق محمد صلاح و عسى الله يكتب اللي فيه الخير ان شا الله .