تجمع قروب passion لرجيم اتكنز المرحله (1)

[passion.666]

سلام يا حلوين شلونكم اليوم انشالله الكل ماشي عدل يلله هانت و بنشوف انتايج الي تسر اناظرين ​

انا اليوم اول يوم اسبوع مرور .. انا اول يومين لازم اشيا ساخنه و قرفه و عسل او تمر ​

اليوم كسرت البروتين بس ولله مشتهيهههههههه لحم و دجاج و تونه .. لانه وقت دورتي اشتهي بروتينات يمكن لانه عندي فقر دم خفيف ​

المهم تبوني اسدح يومي ولا لا ؟؟ طبعا هو ماله علاقه باتكنز لاكن خفيف مرررررره ​

:eh_s(17):​

حياج الله معانا ياقلبي

 

[passion.666]

خلاص بنزل يومي بس بليز لا تزعلين بشونه :eh_s(16):​

ادري انه تجمع اتكنزيات و بس لاكن اعتبره استراحه و راجعه بكره ​

و يلله تعتبر فكره لمن تاخذون يوم اوفف عشان تعرفون انه اوفف يعني مو نخربط بس عوضو بأشياء بسيطه بلمعقول بعدنا في اول المشوار ​

يومي انهرده ​

2 كوب ماء على اريق ​

فطرت 4 تمرات عجنتهم بقرفه مع قهوه عربيه شقرا اللــــــه على اتمر و القهوه مع هلبرد ساخنه دفت جوفي كله ​

280 كالوري ​

​

كنت ناويه غداي و عشاي بروتيني لاكن الامور اخذت منحدر اخر :eh_s(1):​

و اشتهيت مشروب ساخن و اكلت صمونه صغيره اسمر و جبنه لايت و شرايح خيار ​

و كوب شاي احمر بلمسمار ​

195 كالوري ​

​

كنت راح اتعشا لحمه بس خفت يكون ثقيله بما انو يومي مو بروتين صافي
.. بس جد كنت مشتهيه بروتينات ​

بما انو ما كنت جوعانه قلت بخليها سناك و بث ​

كوب كوفي 30 كالوري ​

قطعه شوكلت كيك من ويت واتشر فيها 80 كالوري ​

​

ادري فيكم ما تحبون اصوره من خلف الغطاء تبونها مفصخه :krkrkr:​

صغنونه" قوت لا يموت" على قولت جدتي .. بس تؤدي الغرض ​

​

الحمدلله ​

مفكره بكره بروتيني ما ودي اضيع وقت بس لازم قرفه على الاقل اول يومين من الحلوه ​

خلاص قررت بكره اشرب قهوه و اترسها قرفه و يومي كله انشالله بروتينات :eh_s(8):​

اشفيج قلنالج حياج الله ياقلبي اذا وسع المكان توسعلج عيوني

 

[dantella]

مع ان اشوف بيوميات ام انوسه انها تشرب ماي وايد

 

[passion.666]

السلام علبكم ورحمة الله وبركاته
هلا بنات شلونكم شخباركم
كوتون كاندي - ماشاء الله الله عليج بالعافية بس لاتصورين صموون خربطي بس لا تقوليلنه - ابروحي على طريف لوووول 0
مم شخباركم بنات

متى الميزان .؟ ومتى يوم اللأوف -
ممم مشيت اليوم 20 دقيقة الحمد الله والشكر -
وبس سلامتكم

حبيبتي اولا نظام اتكنز مافي اووف بس اذا نبون اعطيكم باجر اوف
والميزان يفضل باجر الصبح اول ماتقعدين وعقبها خربطي
20 دقيقه حلوين موفقه

صباح الخير بنات سامحوني موقاعده اكتب يومياتي لان صار معاي افلونزا قويه شوي وكله نايمه بالسرير
وقمت اشرب سوائل دافيه ومنها حليب دافي وادري ان ممنوع بس اتمنى ما يأثر عالنظام
اتمنى يومين واخف واقدر استأنف
كاندي حبيبتي سؤال
اشوف بتقريرج كيكه من ويت وتشر
هالشركه منتجاتها احبها وكنت اشوفها بلولو هايبر وفجأه نقطعت
بس ممكن اعرف انتي من وين؟
اذا من الكويت ممكن اعرف من وين خذتيها ؟

بعد قلبي ماتشوفين شر وسلامج وان شاءلله عدوج

وينكم بنات افا بس افا - وينكم صبايا - شكلكم شفتو الميزان وانصدمتو ....
اشتبون بعد قاعدة اكتبلكم بالألوان

تكفين سيمبلي عيني تعورني لون الخط فاتح وايد

هلا بالطش والرش والماي المرشرش والدهن العود هلا بدانتيلا لالالا سلامات يالغالية سلامات
عاد لا تصيرين وايد دقيقة -عادي الحليب - ان شاء الله ما يخرب الريجيم اهم شي صحتج ...
سلامات يالغالية سلامات

ماتشوفين شر سلامتج

باشن:
حبي نزلت الحمدلله بس خبصت يومين برجيم المصحه لانه جاتني الدوره تنفتح شهيتي بقوه بس الحمدلله نزلت ومازدت
بكره ببتدي برجيم اتكنز ومن انزل كم كيلو بجي بخبرك
بنات الله يوفقكم وتنزلون بصحه وعافيه

ممتاز وحياج الله
رجيم المصحه صعب ويبيله اراده قويه

 

[passion.666]

هاي بنات
باشن انا كنت بشترك معكم بس انتم قفلتوا الاشتراك
وانا باديه اتكنز دايت من الثلاثاء اللي طاف يعني الثلاثاء هذا يصير لي اسبوعين
مانزلت الا اول ثلاث ايام 3 كيلو لاني كنتم مسويتهم بروتين صافي
ومن بديت اضيف سلطه وخضار واجبان للدايت وانا موقف نزولي
شنو اسوي طفشت اوكي احس بطني داخل وشكلي متغير بس الفخوذ مكانك سر مااحسهم ضعفوا
وشرايكم اغير من الدايت اضيف شيء الغي شيء ؟؟؟؟

حبيبتي في المرحله الأولى الخضلر او السلطه تاكلينها بيوم واح فقط ياريوق ياعشا ياغدا
لأن الخضروات تحتوي على نشويات وتتحول سكريات بالجسم ومانعها لأنها فيها فيتامينات علشان جذي لازم يحتوي الخضار او السلطه من 12 الى 15 جرام يعني كوب واحد فقط باليوم
عيدي مره ثانيه لمدة اسبوع كله بروتينات والمشي لازم تتحركين على الأقل ساعه
لأن المشي وهو اللي يحرك الوزن وينزل الفخوذ لأن عليها شحوم متكدسه جربي وقوليلي
موفقه

 

[passion.666]

مع ان اشوف بيوميات ام انوسه انها تشرب ماي وايد

دانتيله شلونج ان شاءالله احسن
الماي مهم جدا هو اللي يطلع الأملاح من الجسم
انا طول عمري رجيم بس مايحوشني الأمساك الحمدالله
شربو ماي خلي البطل يومكم وشربو

 

[dantella]

دانتيله شلونج ان شاءالله احسن
الماي مهم جدا هو اللي يطلع الأملاح من الجسم
انا طول عمري رجيم بس مايحوشني الأمساك الحمدالله
شربو ماي خلي البطل يومكم وشربو

انا بخير يسلم قلبج انتي شلونج


انا احب الماي وباليوم لازم 3لتر ماي

 

[passion.666]

انا بخير يسلم قلبج انتي شلونج


انا احب الماي وباليوم لازم 3لتر ماي

الحمدالله ياقلبي
وزنتي ؟جم كيلو نازله

ممتاز الماي صحه وعافيه ينظف الجسم من السموم والتخربط اللي ناكله
الحين بنزل يومياتي مالت امس مانزلته

 

[passion.666]

بسم الله الرحمن الرحيم

اليوم التاسع

الأحد 9/10/2011

الريوق
ماتريقت لأن ملين من الجبن والبيض فشربن نسكافيه مع كوفي ميت

الغدا
دجاج مع حميسة بصل وعليهم كريمه وجبنة شدر

العشا

نفس شي دجاج الغدا تعشيت فيه

اما بالنسبه للرياضه الصراحه مامشيت لأن دراسة اليهال اخذ وقت مني
اخذت حبوبي وحطيت راسي ونمت
واشوفكم يتقرير اخر ان شلءلله​

 

[passion.666]

الحمد الله قست الوزن اليوم ونازله 8 كيلوات
وان شاءالله راح استمر بعد الشهر وادخل المرحله الثانيه علشان اثبت الوزن
وان شاءالله اذا وافق ابو الشباب راح انزل الصوره قبل وبعد بس جسمي طبعا

 

[dantella]

ماشاء الله تبارك الرحمن نزولج حلو لانج ملتزمه اكلج مافي لخبطه وحركتج حلوه
عليج بالعافيه صبرتي ونلتي
انا نازله 3 كيلو بس
بس ماراح انحبط وراح استمر

 

[وشلون مغليك]

الف مبررروك علي نزول الوزن....انا انشاءالله بكرره اشوف الوزن

 

[passion.666]

ماشاء الله تبارك الرحمن نزولج حلو لانج ملتزمه اكلج مافي لخبطه وحركتج حلوه
عليج بالعافيه صبرتي ونلتي
انا نازله 3 كيلو بس
بس ماراح انحبط وراح استمر

بالعكس 3 كيلوات حلوين ونعمه استمري وانا معاج

الف مبررروك علي نزول الوزن....انا انشاءالله بكرره اشوف الوزن

الله يبارك فيج ناطرينج يارب نازله مثلي واكثر بعد

 

[passion.666]

بنات حبايبي بستشيركم بشغله شوفي بعض ملف اللصور وعطوني رايكم

بنات هذا كله شغلي صورته العام لأن انا حب الطباخ وبالأخص السلطات والمقبلات افنتك وبالسلطات وخاصة الصلصات انا اسويها واضيف عليها نكهات ابي رايكم شلون الشغل
هذا مشروعي كنت ببلش فيه بس كنت خايفه ان الهي عن البيت والعيال والدراسه مع ان كل شجعني بس انا اخاف
حبيت استشيركم شرايكم بصراح​

 

[dantella]

الصور ماشاء الله عجيبه
بس ممكن اسئل شنو نوع كامرتج؟
الصور بروفشنال

 

[ام أنوسه و رنود]

اول شيئ بقول يومي
الفطور 2بيض مقلي ومويه
ماتغديت لان عندي موعد في المستشفى مع دكتور عظام وضيق صدري الله يهديه لان قالي لازم تلبسين الحزام
العشاء تعشيت قطع دجاج وسلطه وكملت مويه وبطلت من مشروبات دايت
(حبيبتي باشن بالعكس اشرب مويه كثير زي ماقالت دانتيلا بس حبيبي الامساك يمكن من فوار الكالسيوم)
(والحمدلله نزلت 3.3) وتمنيت ان الدكتور يقولي عادي تسوين رياضه بس منعني حتى الصلاه اصليها وانا جالسه ليه 4 شهور ونص على هذا الحال واتمنى دعواتكم لي بالشفاء لان نفسيتي الله العالم فيها

 

[دبه موت]

الصراحه كلمة فنانه قليله عليج صدقيني مشروعك ناجح مئه بالمئه مشاء الله تبارك الرحمن
ربي يحفظج

 

[passion.666]

الصور ماشاء الله عجيبه
بس ممكن اسئل شنو نوع كامرتج؟
الصور بروفشنال

بنت عمي مصوره هي صورتي الصور طبيعيه على ضوء الشمس من فلتر ولافلاش
كنت اوديلها الأطباق الظهر علشان تستغل الضوء الشمس بتصويرها

 

[passion.666]

اول شيئ بقول يومي
الفطور 2بيض مقلي ومويه
ماتغديت لان عندي موعد في المستشفى مع دكتور عظام وضيق صدري الله يهديه لان قالي لازم تلبسين الحزام
العشاء تعشيت قطع دجاج وسلطه وكملت مويه وبطلت من مشروبات دايت
(حبيبتي باشن بالعكس اشرب مويه كثير زي ماقالت دانتيلا بس حبيبي الامساك يمكن من فوار الكالسيوم)
(والحمدلله نزلت 3.3) وتمنيت ان الدكتور يقولي عادي تسوين رياضه بس منعني حتى الصلاه اصليها وانا جالسه ليه 4 شهور ونص على هذا الحال واتمنى دعواتكم لي بالشفاء لان نفسيتي الله العالم فيها

الحمدالله رب العالمين يارب 3,5 موشويه نعمه
واتمنى من الله ان يشفيكي ويعطيج كولة العمر والصحه ميخالف الحمدالله ولايضيق خلقج دخلي المنتدى وسعي صدرج

 

[passion.666]

الصراحه كلمة فنانه قليله عليج صدقيني مشروعك ناجح مئه بالمئه مشاء الله تبارك الرحمن
ربي يحفظج

جزاج الله خير بس مشروعي راح يتأجل لما اتخرج ان شاءلله اخر 12 متخرج بعدين راح ابلش من جديد