تجمع قروب(والله وتحقق منايا) لمده 3 اشهر من 90 الى 70 كيلوو

[غـــــزل]

مساكم الله بالخير كل العضوات والمشرفات وكل البنات


شلوووونكم يا عساكم كلكم بخير

بس حبيت اقووول لكم اجمعين كل عاممممممممممممممم وانتوووووووووا كلكم بخير بمناسبه العيد الوطني وعيدي يا كويت يا احلى بلد يا احلى بلد ويا كثر شوقي لج صج انتي احلى بلد وما في بلد مثلج :q8::q8::q8:


ويومياتي لليوم انا والحمدلله بديت ريجيم يديد قريت عنه هني بالمنتدى وان شاء الله التزم


اليوم كان ريوقي 2 توست اسمر وجبنه سلايس خالي الدسم

والغدا كان 2 توست مع نص علبه تووونه المفروض كامله بس ما قدرت عليها كلها دسمه ونص حبه طماط مع انها ما كانت بالريجيم بس التونه بروحه ما ينبلع

والعشا ان شاء الله بيكون 2 توست مع همبرجر مشوي وتفاحه


وبعدها بمشي مده ساعه مع اني اليوم الصبح رحت السوق ومشيت وايد بس ما ينحسب

بنات بسال معقوله الوزن يزيد من الدوره لاني انا صارلي يومين من بلشت الحلوه ؟؟ ابي اقص على روحي واقول هيه السبب ورا هالكيلوووو الي زدته :eh_s(22):

 

[shams2008]

مساء الورد يااحلي قروب

شلونكم شخباركم

مبروووووك احلي عيون علي الوسام الذهبي وان شاء تنزلين اكثر


وابارك حق باجي البنات علي النزول


بالنسبه لي مادري ليش وزني زاد ؟مو مخربطه !!!

يمكن ليش اكلت مرتين هلاسبوع توست !!معقوله يعني
رجيمي لازم كله قاسي وحرمان يالله اضعف

يومي
نسكافيه
من القهر اكلت برد باسكن روبنز

الغدا
صمونه من هارديز همبرجر بالمشروم

والعشا
سلطه

 

[shams2008]

غزل+شمس

لا تحاتون باذن الله تنزلون الاسبوع اليااااااااااااااااااي

واشوفكم سمبتيكاااااااااااااااااات

اي والله انصدمت من وزني علي وجبه وحده بس طول اليوم مصدعه من اليوع

 

[shams2008]

عايشة حياتها
شموسة
غزوول

ميخالف لا يضيق خلقكم وان شاءالله اتعوضونها الأسبوع الياي وتنزلون بصحة وعافية

الله يسمع منج يارب انزل يعني كنت مستانسه بوصل للسبعينات

 

[جنان2006]

مساء العسل اشلونكم حبيبات قلبي عساكم بخير؟


ضحكة

منا ومنج ياقلبي صالح الأعمال وعليج بألف عافية ان شاءالله


حلووومة

عظم الله أجركم يالغالية أسكن الله فقيدكم الغالي فسيح جناته


وحلاتي

الله يقويج يا هلا وعليج بألف عافية ان شاءالله وتسلم إيد الوالدة ربي يطولكم بعمرها ان شاءالله


أحلى عيون

هلا وغلا فيج ياقلبي وعسى ربي يسمع منج وننزل كلنا بعافية ونحقق حلمنا إن شاءالله



غزوولة

هلا وغلا عسى ربي يردج بالسلامة ان شاءالله
وعليج بألف عافية ياااارب وصج الدورة تحبس سوائل وتزيد الوزن اشوي


شموسة

لا ما أعتقد لأنج كليتي توست بس أتوقع لازم تمشين أكثر وتتمرنين أكثر من قبل لأن الوزن عقب فترة طويلة من الرجيم يتنح وماينزل انا أسبوعين ثابت ويمكن لأني ما مشيت بعد هذا السبب

وعوافي على قلبج ما كليتي

 

[جنان2006]

اليوم الحمدلله كنت صايمة وفطوري :

1 حبة معمول بالتمر + لبن خالي الدسم

وورا الصلاة أختي طالبة بيتزا واجباري آكل وكليت صج لذيذة من متى مو ماكلة بيتزااااا
وشربت جاي أخضرعقبها بساعة

وإن شاءالله من باجر برد أمشي وأسوي تمارين بإذن الله وبرد على رجيم محمد ربيع ويارب أنزل هالأسبوع ويتحرك وزني

 

[جنان2006]

بنات ان شاءالله هذا رجيمي هالأسبوع د. محمد ربيع
طبعا منقول من قسم الأنظمة الغذائية وجربته من 3 أسابيع تقريبا وإن شاءالله يتحرك وزني مرة ثانية ...


الافطار: كل يوم 3تمرات او تفاحة + نسكافية بالحليب او لبن خالي الدسم

الضحى : من 1-2 شريحة توست + جبن خالي الدسم او لبنه مع شاي بحليب خالي الدسم
ملاحظة: (شرب الشاي والقهوه بدون سكر او سكر رجيم)

الغداء:-
نصف دجاجه مشويه او بالفرن او علبة تونا او 2همبرجر مشوي+سلطة وربع خبزة ويكرر

المغرب: عصير برتقال او اناناس كي دي دي او 3تمرات

العشاء : 3افندي + 2تفاح اخضر+ حليب او لبن خالي الدسم

 

[أحلى عيون]

كل عام والكويت بخير وعسى ايامنا كلها اعياد وافراح ويبعد عنا الحساد اللهم امين


شموسه الله يبارك فيج يا قلبي ما عليه ان شاء الله الاسبوع الثاني ان شاء الله نازله وانتي بصحه وعافيه


جنونه بالعافيه عليج البيتزاااا يا قلبي

 

[جنان2006]

أحلى عيون

اللهم آمين الله يسمع منج ياقلبي ويحفظ ديرتنا وشعبها من كل شر ان شاءالله

والله يعافيج يااااارب

 

[shams2008]

جنان
صح كلامج صارلي فتره موماشيه كلش يبيلي حركه شوي

احلي عيون
تسلمين ياقلبي ماقصرتي



بالعافيه عليكم يابنات

 

[سيده سعوديه]

صباح الخير بنوتات كيفكم
وحشتوني زمان عنكم
معليش كنت مشغوله عند عرس الأسبوع الجاي
يومياتي كاسة ماي دافي بلليمون
الغدا لحم وسلطه
والعشاء كباب
فقط
طبعا هذا اليوم الوحيد اللي ماشربة فيه اي اعشاب لآني كنت بر البيت طول الوقت
وسلامتكم ياقلبي

 

[الحــــالمة]

صباااااااااااااااح الخير بنااااااااااااااات

شلونكم اليوووووووووم؟؟؟؟؟؟؟؟؟؟

 

[الحــــالمة]

امس ما كتبت يوميااااااااااااااااااااااتي

ريوق ما تريقت

غداااااااااااااااااي

لبن خاااااااااااالي الدسم

عشااااااااااااااااي

نخي+شوربة خضار+موزة وعرموطة

والحمدلله شبعت

 

[جنان2006]

صباح الخير والورد والجوري لأحلى خوات


يـارب .. في يوم الجمعة وعدت عبادك
بقبول دعواتهم فيه سأدعوا لقلوب قريبة لقلبي ..
اللهم ارزقهم مايريدون وارزق قلوبهم ماتريد
واجعلهم لك كما تريد !
اللهم قدر لهم ذلك قبل أن تأذن لشمس الجمعة
بالمغيب ...
آمين

 

[جنان2006]

شموسة

عسى الله يوفقج ياقلبي وتنزلين بصحة وعافية إن شاءالله



سيدة

صباح الفل هلا وغلا
عليج بالعافية ان شاءالله


حلووومة

صباح الورد هلا وغلا
بخير وعافية انتي اشلونج حياتي؟
وعليج بألف عافية ان شاءالله

 

[جنان2006]

انا للحين ماتريقت والغدا بخليه اشوي متأخر على حسب متى بتريق

 

[جنان2006]

*** للتذكــير ***

عن النبي صلى الله عليه وسلم : " صيام ثلاثة أيام من كل شهر صيام الدهر "

والأيام البيض تبدأ من الغد (( السبت + الأحد + الإثنين ))

اللهم أعنا على ذكرك وشكرك وحسن عبادتك

 

[ضحكة بريئة]

امس كان يوم مفتوح
وما خليت شي بخاطري
رحت سيتي سنتر وخذيتلي جم كاكاو
والساعة تقريبا 9 تعشيت برا وهم ما خليت شي بخاطري
والساعة 11 سويت رياضة تقريبا نص ساعة
وبس
جان زين طول الاسبوع ايام مفتوحة ويوم واحد رجيم وناااااااااااااسة

 

[جنى q8]

قوه بناااات
مبرووووووك احلى عيون

طبعا امس ماكتبت يومياتي لاني حدي مفتشله منكم

امس زوارتنا ونسيت اصلا ان في رجيم

عاد اليوم ان شاء الله
الريووق شربت شاي وحليب الصبح
وقبل شوي طليت بالثلاجه لقيت ملفوف امس كليت حبتين

والغدا ان شاء الله سلطه وبس
وبشرب ماي الزعتر
والحين برووح امشى بجهازي من زمااااااااااااااااااان مامشيت

جنونه حبيبتي تقبل الله طاعتج يالغاليه

حلومه شلونج حبيبتي

بالتوفيق لكل البنات


سي يو عشان اوافيكم بآخر التطورات

 

[ضحكة بريئة]

جنان
يزاج الله خير عالتذكير