تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

[مدام فاشن]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

يااااااااااااااارب كل سنه تعودونه

جنه الموضوع مبجر بس في ناس تحب تخلص شغلها مبجر

بحط لكم موضوعي مال قرقيعان بنتي نور اول سنه لها
http://www.q8yat.com/t862008.html

وبعدها بحط لكم قرقيعان بنتي العام لمن صارت سنتين

وهل سنه هم بسويلي فنتق حلووو

عندي جم فكره وان شاء الله احصل اللي فبالي

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

مدام فاشن
منورة
والله يخلي لج نور يارب وتفرحين فيها عروس

انا اقول دايما كل واحد يسوس اللي خاطره فيه لاتخلون بخاطركم شي

دانسينج كوين
حياج حبيبتي وتابعينا انشالله البنات يفيدونج عاد انا كلش ماادل وانسى بسرعه
اليهال يستانسون عالشخصيات تفرحهم

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

مدام فاشن قول لي لنا المعارض الله يوفقج
حسافه طافنا اللي بشهر ٣

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ام الحوراء
شوفي فكرة قرقيعان مدام فااشن حق بنتها نور
وايد حلوة فكرة علب ام علي وماتروح موديل هالتوزيعات وراقيه وشكلها فنتق

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

فاقدة حنان ابوه
و برديس
حياكم الله

 

[بقلبي انت]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ليمونه حلو الموضوع عشان نستفيد للقرقيعان ونفكر ونخطط مبجر بس طبعا مو بتكاليف زايده ولا مبالغه فيها
شي بسيط وسعره رخيص

انا صارلي سنتين ماسويت قرقيعان بس ناويه هالسنه عليه بسوي مافي فكره ببالي للحين بشوف ردود البنات الصور
وعندي صوره مسيفتها لبس قرقيعان لبنتي بيكون عمرها سنتين بفصله لها وولدي دشداشه وصديري وطاقيه

 

[Lulu_Perla]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

خوووووووووووووووووووووش موضوغ
انا بعد مفكرة اجهز من الحين..

يبيلة ردة
عقب ما اقوم من النوم برجعلكم
اقرا كل شي و اقولكم شنو في بالي

 

[أم لطووف]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

فكرتي يا محفوظين السلامه
اول شي انا لااازم ورقه وقلم اكتب جم بيت بعطي ما شاء الله اهل ريلي واايد الله يحفظهم تعبت القرقيعان اللي فات..
وبعدين ..
بروح اشتري سلال سود واذا ما لقيت بشتري اي سله وصبغها بصبغ رش اسود بتكون السلال بعدد معين كل بيت سله..
وبعدين ..
وبشتري علب كووود احجام مربعه بس هذيلي مدري وين احصلهم ؟؟؟!
و بروح حق مطبعه بخليه يطبعلي ايقونات الايفون ..
وتالي الزقهم على العلب ..

بيصير شكل السله جنها ايباد كبير ..

شورايكوون ..

وعندي فكره ثانيه ..

بشتري قحافي كووود من لمباركيه
وباخذ شماغات بخلي الخياط يقصصهم خيوط ويعجفهم ويطرزهم >>اتمنى اطيح على خياط شاطر يسويها واللي تعرف تبلغني الله يعافيكم ..

وبحط الحلاو بجياس داخل القحافي وشبكهم من فوق بلخيوط وحطهم بسلة سدوو والبسها شماغ حمر ..

*هذي الافكار اللي في بالي الحين

 

[أم لطووف]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

اي في بعد قبل اسبوع شفت بسوق الموعد اللي بالفروانيه مباخر ع شكل عيوز لابسه برقع وهم ع شل ريالل لابس شماغ وااايد يازولي وشكلهم فنتق حسافه ما سمتهم بجم
هم فكره اخذهم وحط فيهم جياس حلاو ..


جني تحسفة قتلكم اخاف تخلصونهم :q

 

[ملاك ^ الحب]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

انا بعد قاعده ادور فناتق


اعطيكم افكار الي سويتها انشالله تستفيدون


حق بنتي كان عمرها جم شهر سويت قلاصات عليها صورتها وحطيت القرقيعان داخله شكله كان واو

طبعا وديتها صورتها عند استوديو هوم والبس من عندها

واول سنه سويت التركيب الفلين الي عند بو 100 ركبتهم سويتهم مربعات وحطيت داخلهم القرقيعان وسويت من نفس البازل

وثاني سنه انا واختي حطينه كل وحده 100 دينار وشرينه من الشركه علب الماكنتوش صغار والعلب الجواهر صغار ووزعناهم كل عايله علبه ماكنتوش وعلبه جواهر

وثالث سنه صرنا شراكه انا وخواتي وحريم خواني كلنا مع بعض تقريبا كل واحد طلع عليه القرقيعان 30 دينار لان شراكه

شريت حصالات على اشكال من المكتبه الي يكون داخلهم طين وحطيت داخلهم قرقيعان وجم حبه طين كان وايد حلوو

وحق الكبار شريت صندوق من رامز صغير وحطيت فيه دهن عود من رامز وبخور من امل الكويت كان وايد حلوو

بيت يدي اتفقنا كلنا البنات ماشاء الله احنا وايد اتفقنا كل وحده تييب صنف واحد سواء كاكاو او حلاو او بطاط او مكسرات وكل وحده توزع صنفها والكل يحصل من كل الكاكاو


وهالسنه مادري قاعده افكر

 

[مواصله]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

حلوو

متابعه الموضوع من اول مانحط وتابعت ردود البنات صراحه افكاركم حلوه

ان شاءالله ربي يبلغنا رمضان واحنا وحبايبنا بصحه وعافيه

انا اشوف كل ماكانت الفكره بسيطه وهادئه كانت راقيه وفخمه


شوفو صور الافكار اللي اقصدهم:


سلال صغيره تعبينهم حلويات ولعبه صغيره وتقدرين تكتبين اسم ولدج او بنتج عليها

او انه تكون طريقة توزيع قرقيعانج فكرتها مميزه وشغل ايدج:

او انج تضيفين بالونه مع كل سله:

عجبتني حيييل هالفكره واحس الجهال بيتشققون من الوناسه لما تعطينهم خخخخ

<<ناويه عليها ان شاءالله

 

[فاقده حنان ابوه]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

اعجبتني حركه البالونه انج تتفخينها وتعبين القرقيعان داخلها
ويصير علي البالونه الهيليوم صوره بنتج او ولدج

 

[ام الحوراء زينب]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ونااااسه بس قريت اخر صفحه مواصله ببوق فكره البالونات ههههههههههههههههههههههههههه
ليمونه الحين ادش على رابط مدام فاشن واقرا اللي طافني وارجعلكم

 

[ام الحوراء زينب]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ماشاءالله الله يخليج نور يارب
عجبتني فكره ام علي



صبايا باخذ رايكم بشي ضروري

الحين القرقيعان اتسون حق منو ؟؟
يعني اهل امي واهل ابوي واهل ريلي ورفيجاتي الدوام ورفيجاتي وكل الناس اللي اعرفهم لوووووووووووووووول
يبيله معاش سنه كامله

صج صج حق منو توزعون خصوصا اني اشتغل بمدرسه يعني لو بعطي حق فلانه علانه بتزعل وت اي دو هيلب مي بليز

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

بقلبي انت

حلت دنياج ياقلبي
كل شي موجود بالسوق الرخيص والغالي
تبين رخيص تلقين اكياس شفافه على شخصيات ومعاها التسكيرة مالتها وكميات متوفرة على طول اخذي مبجر قبل لايزيدون الاسعار
وماادري بع شنو في افكار وايد مثل اكياس او تسوين قرقيعان عائلي شي واحد معتبر وكل عائله لها واحد

وصح البنات يشوقون للتفصال والصبيان يا حلو الدشداشه عليهم



بريق الماس
يا هلا فيج ونوم العوافي


ام لطوف ولكم باك
الله يحفظكم لبعض يارب
حلوة فكرة السلال
العلب المربعه يمكن تحصلين عند بو اميه او بياع الورد او ريم مول
اللي فهمته منج ان ك لعلبه مربعه عليها شكل ايقون واحد والسله العوده اهي لونها اسود فيصير ايباد جامبو
والله فكرتج جهنميه حلوة و حقوق الطبع محفوظه

جوووووو وايد حلوة وفنتق
تقدرين تطبعيهم بالبيت اتوقع اوفرلج

والفكرة الثانيه همن حلوة سوي نمونه ووديها لخياط قوليله ابي نفسها وخليه يسوي جم حبه وشوفيهم اذا اوكي كملي معاه

حلوة افكارج بلشي فيهم وزهبي ولفي طالعي طلباتج

المباخر حلوة بعد بس ديري بالج من الثقل اذا صاروا مجموعه يعني اخذي كميه صغيرة حق ناس معينه

لاتتحسفين على نياتكم ترزقون


ملاك الحب

يسلمو علافكار
حلوة ويديده


مواصله
انت يالحلوة يا قلبي والصور حلوة
التوزيعا تمهم تكون بسيطه خصوصا اذا كميه كبيرة والبالونات فنتق صراحه وايد حلوة الفكرة حتى انا ودي اسويها


فاقده حنا ن ابوه
شنو هالابداع فنتق الفناتق

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ام الحوراء زينب

هلا والله

شوفي كل عايله ونظامها سألي اختج او اهلج القراب كل سنه حق منو يوزعون يعني في ناس تحتفل وناس لا
بالنسبه لنا احنا نحتفل مع القراب اهلي وخالاتي وعماتي
بيت اهل ريلي القراب
وبالدوام انا بعطي صديقاتي القراب وعلى حسب ميزانيتي بشتري شي لايق لانهم دايما يسوون شي بسيط ومرتب
وبسوي لهم اهم شي مثل فازة او صحن ينحط بالمكتب

وبعطي حق خالتي جم وحده زياده لرفيجاتها بالدوام توزعهم راح تستانس

انتي من تحطين الاسامي والعدد حددي الميززانيه لكل فئه جم بتقطين عليهم وعلى اساسه اشتري
يعني لاتشترين شي غالي وكميه كبيرة يعني وازني الامور

 

[ام الحوراء زينب]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

:eh_s(11)::eh_s(11)::eh_s(11)::eh_s(11)::eh_s(11)::eh_s(11):
ليمون الحمدلله عطله ماراح اوزع حق المدرسه
بس الباجي ماشاءالله شكثرررررررهم
بس حطيت اهل امي طلع تقريبا 45 او اكثر
وباقي الباجي

ههههههههههههههههههههه ريلي يموت عالتوفير يقولي زبيل وحطي فيه مخلط ووزعي كااااااك

بروح اشوف بسوق الجمله اللي بالديره يااارب احصل شي سنع

 

[بقلبي انت]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ليمونه حياتي اعرف الجياس سويتهم قبل بس الحين ابي شي جديد

انا ناويه علي علب ام عمار الخشب لامي و عمتي وام زوجي احط داخلهم زينه وعود ومخلط وبخور وشوي كوكاو واغلفه
تغليف مرتب واحط اسامي عيالي علي العلب او اشتري مباخر واحط داخلهم حلاو واغلفهم مادري الف فكره براسي

اما الجهال طبعا عيال خواتي وحمواني وعيال اخواني وعيالي بعد ماشاءالله الله يعين عالتكلفه هههههههههه
بسوي لهم قسمين للبنات والصبيان

البنات بشتري علب او سلال او جناط صغيره عند بوميه واحط داخلها حلاو وشباصه واكسسوار قلاده او اسواره

والصبيان نفس الشي بشتري جناط صغيره علي شخصيات كارز وسبايدرمان وسبونج بوب وبن تن واحط حلاو وساعات او لعبه

هذا مفكره فيه الحين بس يمكن تطلعلي فكره ثانيه لما اشوف ردود البنات والصور

 

[ملاك ^ الحب]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

انا اقول روحو رامز قبل كل شي الي باسواق القرين وراح تلقون سوالف تطلعون منها فناتق


عندهم سوالف دهن العود عجييييييييييييييييبه انا على طول اشتري منهم شعر العلبه 2,400 وعندهم غراش صغار فاضيه اشتري ابره من الصيدليه

وعبي الغراش الصغار وعندهم بخور اسمه بخور زينب هذا عجييييب تشموت ريحته اول ماتفتحون العلبه حطوه مع دهن العود هذا حق الكبار

وحق الصغار من بو 100 شوي حلاو وكاكاو وبطاط وتلوين يستانسون

 

[ليمون ونعناع]

رد: تجمع قرقيعان وقرقيعان ٠٠٠تعالي قولي لنا شنو فناتقج للقرقيعان ٢٠١٢

ام الحوراء
ريلج الظاهر مثل ريلي مايدرون شالسالفه همن يقو لي مو القرقيعان يحطونه بزبيل واليهال يبطلون جيستهم وياخذون قلت له هذا يامي وايامك الحين اللي محد يسوي جذيه

اي صح كلامج راح يصير القرقيعان شهر 8 ماكو مدارس

انا قطاع خاص فمداومه مافرقت


بقلبي انت عادي لو الفكرة مكررة بس شخصيات يديده
ترى الجنط مو رخيصه وخصوصا اذا بتشترين كميه
وانشالله تحصلين اللي باطرج

ملاك الحب
براي مااحط بخور وعود بقرقيعان القرقيعان اكلللل نمممم نممممم

وكل واحد وطريقته واللي متعود عليه