اسمحيلي يعني صرااااحه ملييييت من النقاش بهالموضوع انتي اخر وحده بنااقشها بهالموضوع لاني ماني مستعده امشي وافهم العالم اللي تفسر على كيفها @@
اولا هل لاني منقبه معناته البس اسود باسود ؟؟ ليش انا بعزى كل يوووم اسووود ؟؟؟
وهل لاني منقبه معناته البس نعال بيت تكرمين ودراعه منقطه ام دينار ونص وجنطه مالت سنة الفرااعنه منتفه ورايحه فيها ؟؟
وهل لاني منقبه معناته ما اكشخ ولا اكون ذربه ؟؟
وشاللي دخل الستر باللون والكشخه والذرابه ممكن تفهميني ؟؟؟
ابيج تذكرين لي ايه قرآنيه تدل على انه الله ربط الستر باللون ؟؟
الله سبحانه وتعالى قال لا تشف ولا تبين مفاصل الجسم وانا ربي لك الحمد عباياتي كلهاا سوووده بس جناطي وشوزاتي تكرمين ملونين ليش انا بعزى كل ابوني اسود باسود شاللي دخل ستري ونقابي باللون ؟؟
دام لبسي محتشم ومايشف ولا فيه زييينه ولا يبين مفاصل جسمي ياربي لك الحمد انا راضييييه ربي ومقتنعه بهالشي وثاني شغله انا ماحب بنت تجي تعلمني الحلال من الحرام كووني مره مصليه مسميه واعرف الحلال والحرام
مثلا النمص حرااام والحمدالله ما انمص وما احط عذر للحرام واسويه
والوصل حراااااام وانا اعرف هالشي هم ما احط عذر على بو بكشخ ومدري شنو واسويه
يعني انا اعرف الحرام ومبتعده عنه ماتجي مره تقولي هذا حلال وهذا حرام وتقلل من شاني وكنها تقول انها هي اللي تعرف وانا معرف وهي احسن مني لا بالعكس انا اعرف الصح من الغلط ما احتاج احد يعلمني اياه
وبعدين انا اكشخ لرجلي ماحب اطلع معه مبهذله وكلي اسود باسود وهو عينه تطير على ام الضيق والقصير بتقولين لي البسي له بالبيت اوووك وشالمانع لو متعت عيوونه بالبيت وبره البيت طالما لبسي سااتر
وبالنسبه للجاكيت فعلا الاسود ارتب واحسن شي موووو عشااان منقبه بس بشكل عام مو حلو عبايه والوان فاقعه عليه يصير هلاقه
واتمنى ما اشوف هجووم ولا كلام فاضي لاني ما احتاج فتاوي وكلام فاضي انا بمعهد ديني ربي لك الحمد وداااارسه الحلال والحرام عدل ما احتاج وحده تعلمني اياه
وبالنهايه كل وحده تنام على الجنب اللي يريحها وبدال القيل والقال سوو شي ينفعكم بالاخره
