لعيون الغاليه مسك ..
موديلات حق الساري < اذا تبين تسوين هالموديلات مالج الا خدامتكم تضبطج فيه او تروحين تحطين مكياج بالصالون والهنديه هناك تضبطج عددل لانه طريقته شوي معقده وصعبه والهنديات يعرفون له عدل يضبطونج فيه
وستايل بنجابي اذا تبين تفصلين الساري اللي عندج سويه بنجابي رووعه والكم علاق مربع او طويل او بف او مشبك على راحتج مو شرط يكون كم طويل انتي سوي اللي تبين < واذا تبين رايي البنجابي بالنسبه لي احسن من الساري لانه مريح بالحركه والقومه والقعده اما الساري نظام لف ودوخه والله بس انتي سوي اللي يريحج فديتج
الحين بوريج الاكسسوارات حق الشعر صدقيني الستايل الهندي مايكمل الا بالاكسسوارات يطلع فضيع وروعه
عاد بنفس المكان بالتراث الهندي تاخذينه
اذا بترفعين شعرج كله حطي اكسسوار اما اذا بتحطين قذله سيده او عالجنب ماله داعي لانه مرح يطلع حلو
واذا جبهتج كبيره سوي قذله سيده اما اذا جبهتج صغيره انصحج ترفعين القذله بف خفيف وفوقه الاكسسوار مال الشعر رح يطلع رووعه
والحين اخر شي بوريج التسريحات اللي تصلح حق الستايل الهندي انا بالنسبه الاول يكون ستريت وبف وهالتسريحه تناسب اللي شعرها قصير ووسط وطويل وبكل الحالات حلوه وطبعا مع البف اكسسوار الشعر
والتسريحه الثانيه جديله حلوه وتهبل بس تناسب اللي شعرها طويل لين نص ظهرها واطول عشان تبين عدل شكلها
واذا بتسوينها بهالحاله انصحج ماتسوين قذله بس تخلين شعرج من قدام مفرق بالنص ومرتخي مو مشدوود واكسسوار الشعر بالنص صدقيني بتطلع زوغه
وبالنهايه السموحه حبيبتي اذا قصرت معج واتمنى اكون افدتج ولو بشي بسيط والسموحه اذا كانت الصور كبار شوي لاني سويت كوبي بيست علطول ماصغرتهم بالفوتوشووب < ضاق صدري من ردود بعض البنات الله يهديهم
واي شييي تحتاجينه لايردج الا كيبووردج يالغاليه وهاللي حطيته لج اذا عندج مناسبه بسيطه سوي نفس الفكره اللي قلت لج عنها بس مكياجج خليه سمبل ولا تكثرين اكسسوارات
اما اذا عرس او حفله ثقلي مكياجج شوي خليه سموكي احلى شي مع ستايل الساري وكثري اكسسوارات وهالله هالله بالحجول والكعب العالي وانا حاسه بتطلعين زوووغه
بس بقول نقطتين الاولى اذا كان خامج فيه نقوش واجد خلي مكياجج ناعم على فخم يعني خفيف وفخم واكسسواراتج تكون هنديه بس ناعمه مو اشياء ثقيله
انا اذا كانت نقوش خامج خفيفه ثقلي مكياجج وابرزي ستايلج بالاكسسوارات الهنديه الثقيله رح تطلعين زوغه
والنقطه الثاني اذا بتسوين بنجابي وحابه تلبسين حجول خلي البنجابي يكون طوله فوق كوع الرجل بشوي عشان الحجول تبين مع الكعب
