تجمع فناتك المنقبات 2012

[كويتيه فرنسيه]

وعليكم السلام هلا حبيبتي
ارحبي
وينج قطعتي فجــأه ..
لج وحــشهـ ..~
بكم اخذتيها فديتـج ودي اخذها اللي سطحيتها زيبرا
وشسويتي بالتوقيع عسى شلتيه اللي على عبايتج ؟..

هلا حبيبتي

بالنسبه لعبايتي لا والله ماقدرت اشيل الكرستال من التوقيع فرضيت بالامر الواقع قلت يلا دامهم بس عالتوقيع يمشي الحال

شنطتي شريتها من تاجره كانت برااا وجابتها لي بسعر حلو 97 دينار بس

نفس هذي بالضبط

 

[Bloom]

موضوع حلو

 

[FDET NFSY]

ااااب

 

[فرس بيضا]

هلا حبيبتي

بالنسبه لعبايتي لا والله ماقدرت اشيل الكرستال من التوقيع فرضيت بالامر الواقع قلت يلا دامهم بس عالتوقيع يمشي الحال

شنطتي شريتها من تاجره كانت برااا وجابتها لي بسعر حلو 97 دينار بس

نفس هذي بالضبط

علييج بالعاافيه زوووغه الجنطه
وسعرها حلووو
ممكن أكاونت اللي طلبتي منها اذا لها اكاونت بالانستغرام

 

[فرس بيضا]

انا فصلت عبايه مدري حلوه مدري غبيه <<< المهم انها تصميمي طرت علي وانا بالمحل
فصلت عبايه جاينيز <<< ادري قديمه بس الجاينييز اكثر عبايه ارتاح لها
المهم فصلتها ساااااااده جاينيز ووسعتها وبطنت الكم من داخل باللون pink وفوقه دانتيل اسود من داخل الكم يعني اذا رفعت ولا تحركت تبين وصراحه طلعت حلوووه من وجهة نظري:eh_s(22):
عااااد مدري لحد الحين ما اخذت راايي احد لان اهلي مسافرين وماعندي احد :eh_s(16):<<< قصة حيااااتها

وسعرها ب 25 دينار <<< مناسب

عليييج بالعاافيه
قمت أتخيل عبايتج صرااحه مبيين انهاا حللوه الدانتيل مووضه والجاينييز رااقي
احسن موديل عبايه الجاينيز ما اغيره أبداً

 

[فرس بيضا]

مجنونة غلااي
للحيين تحوسييين
مايضيعوون العربيد والحمرا مول يم بعض


المغاتيير بعيد عنهم شوي
قليييله روحاتي للفروانيه عشان جذي ما ادل اماكنهم بالضبط بس مااايضيعووون

 

[Mjnont '3lay]

كويتيه فرنسيه عليج بالف عافيه حبيبتي :***

 

[Mjnont '3lay]

مجنونة غلااي
للحيين تحوسييين
مايضيعوون العربيد والحمرا مول يم بعض


المغاتيير بعيد عنهم شوي
قليييله روحاتي للفروانيه عشان جذي ما ادل اماكنهم بالضبط بس مااايضيعووون

لوووول ولا مره رحت لهم عشان جذي شوي اضيع فيهم
امس كنت مقرره الفروانيه بس رحت الدبوس بالفحيحيل ولااااااااااااااااعت جبدي ليتني مارحت :cxxxp::cxxxp:

الهنود نفسياتهم شيينه اللهم ياكافي اكاسرهم مايرضون ينزلون
وامس تهاااوشت مع الهندي اللي بالشرقيه بغيت اطب ببطنه :eh_s(14): وفصلت عباتين بس من ورى خاطري يعني سويت اي شي حق الدوام وبس حتى مااالي خلق اقول القياس وولا شي سويت اي شي عالسريع ومشيت
والدبوس على كثر ماكنت اموت عليه الا اني الحين كرهته ولاعت جبدي منه :0bee2e8d89:
الموديلات بس عالكم والملفع ساده ويقولج على 25 وفوق الله يرحم ايام قبل افصل عندهم عبايه متروسه شك ماتجي 20 والحين النفس شانت مالت عليهم وملفع ساااااااده يقولي ب6 قلت له مالت عليك انا اجيب لك ملفع بدينارين من بره على شنو بسته والخام طبي يلوع الجبد مثل وجهك
والعبايه كلها سيده مافيه قصات لا لا خلااااص انا كرهته عفتتتتتتتتتتتتته لاعت جبدي منهم امس ياحلات الفروانيه والواره بالجهرا عالاقل حتى لو تقطين 60 دينار بس النفسيه سنعه انا ماهمني السعر كثر ما تأزمت من نفسياتهم الخايسه مدري على شنو :eh_s(1): ومدري ليش حسيت انهم وهم يكلموني شوي وينامون مالهم خلق نفسهم عوذه .. ياحلات بدون اسم باجيال امس فديت اللي تشتغل عدلت مزاجي من بعد ماطلعت من الدبوس وانا معصبه اوف :eh_s(16):
آخرتي فصلت ببدون اسم عبايه ساده وعالكم دانتيل خفيف مع ملفع وتوقيع شحلاتها ب40 وفوق كل هذا اللي تشتغل نفسيتها عسل
واللي صدمني انه محلات الدبوس كلها ماعندهم نقابات :eh_s(1)::eh_s(1): انزين وبنات العاشره من وين يلبسون نقابات طالما كل المحلات اللي هناك ماعندهم نقابات اصدموني صدمة حياتي والله
مو هذا الدبوس اللي رحت له قبل سنه شحلاته شزينه الحين صار يجيب المرض يخيتج :eh_s(16):

 

[كويتيه فرنسيه]

 

[فرزاشيهـ]

مجنونةة غلاي

مو قلت لج لاتروحين الهنود اللي هناك معاتيه هههههههههههههههههههه

اقرا المشاركات عقب اقولكم شنو جديدي :$

 

[Mjnont '3lay]

تهبببببببببببببببببل الاخيره تصلح حق الدوام :eh_s(7):

 

[Mjnont '3lay]

مجنونةة غلاي

مو قلت لج لاتروحين الهنود اللي هناك معاتيه هههههههههههههههههههه

اقرا المشاركات عقب اقولكم شنو جديدي :$

ايه وجع يوجعهم بروحي امس متضايقه وزااادو ضيقتي :eh_s(16):
بس لا صج صج مااااتوقعت يوصل مستواهم لي الحظيظ جذي
نقابات ماكو :eh_s(1):
عبايات بس تطريز عالكم ب25 وفوق :eh_s(1):
نفسيات شينه عويذ الله منهم كنهم ماكلين فلفل:eh_s(1):
وفوق كل هذا يتكلمون وهم نايمين مالهم خلق نفسهم تقولين توهم متغدين وجايين على هالخمول اللي شفته :eh_s(1):
انا انصدمت امس صدمة حياتي شلي طقني على راسي وقالي روحي الدبوس لو رايحه الفروانيه ومفصله عند عميلتي ورب الكعبه احسن لي :eh_s(16):
والفروانيه والله العظيم عبايه مع ملفع والشغل بس عالايد والملفع ب15
والدبوس ب25 :eh_s(1)::eh_s(1): مالت عليهم من عذر المحلات طايحه بجبودهم والله لو تشوفين المحلات امس كلها شبه فاااضيه ابي اشوف حريم مااكو غيري انا
بس اللي رفع ضغطي صج امس الهندي اللي بالشرقيه مالت عليه
اتفقت معه على عبايه ساااده بس دانتيل خفيف عالكم وشوية عالجانب ب15 مع الملفع والملفع ساده قال اوك
يوم جت الهنديه بتاخذ القياس جان اقوله ترى مع ملفع ها قال لااا لااا لااا مع ملفع 22 :eh_s(1):
قلت له مالت عليك خل عباتك لك جاهل عندك انا مره تقول اي مره تقول لا
ويوم طلعت من المحل جان يقول يالله تعالي 18 ماكو مشكله قلت والله ما افصل عندك لو تقولي بدينار ويحمد ربه ماطبيت ببطنه :eh_s(14): امبيه فيني حررره لي الحين مرتفع ضغطي منهم
واللي فاقع مرارتي انهم مفهييييييييين ورب الكعبه
اقول حق الهنديه ابي احط الحزام بالعبايه واسوي كم جاينيز جان تقولي يعني تبين عبايه حزام وتبين عبايه ثانيه كم جاينيز بغيت اطب بمكاني واموت :eh_s(16)::eh_s(16):

 

[حظ من عنده انا]

 

[FDET NFSY]

اااااب

 

[دارسين]

روعه العبايه التيفاني هبة الموسم والشنطه عجبتني اافورلا

 

[دارسين]

عليكم بالعافيه بنات
جم تتوقعون اسعارهم الجناط

من تايلند التقلييد

والعبايه حظ روعه بجم ومن ويييين ؟

 

[الكيكه دندن]

هههههههههههه مجنونه الله يعينج صحيح الدبوس صاير مو شي انا اخر مره رحت قبل العيد وما افتريت وايد بس احس صايرين كلهم طمع قبل يازين المحلات تلقين العبايه بـ5 دنانير ليما 10

الحين حلمي تلقين بهالسعر انا لما رحت بالموت كاسرت ليما خذيت عباتين راس ب10 وكتف ب10 ولا كرهوني عيشتي لما رديت حصلته مغير العبايه ورديتله وفصلوا لي يديده انا شفت موديل عالكم عجبني قلت ابي مثله سوالي غير كاني لابسه نقانق على يديني كرهتها وعطيته اختي

والثانيه اوكي بسيطه وزوينه

ومحل الزمرد عباياتهم 35 لي فوووووق ولا اللي بالمحل كله يلبس بنطرون تكفى لا تطيح ههههههه الله يصلحهم

يؤيؤ مابي احش خخخ

 

[PO PO22]

مجنونة غلاي ضحكتيني وربي ههههههههههه
ماكلين فلفل عيل ههههههههههههههههه انتي عجيبه
انا دايم افصل عباياتي ساده ب 35 او ارخص شي ب 23 صدمتيني ان عبايه فيها شغل وتطلع ارخص من عباياتي @@

 

[Mjnont '3lay]

رووووووعه تهبل بس الموديل مو مبين عدل وفكرت اسوي عبايه مع لون قلت قويه امشي بالشارع كني لابسه دراعه :dddds: وتالي هونت وسويت عبايه بس عالكم ستان بيجي فاتح وفوقه دانتيل اسود حق الدوام والثانيه كلها اسود والكموم وعالجوانب دانتيل اسود فكرت ابطنه بلون ابيض بعدين هونت بس شيشتيني على اللون التيفاني يبيلي اسوي وحده :eh_s(9):

روعه العبايه التيفاني هبة الموسم والشنطه عجبتني اافورلا

ايه حلوه بس ماتصلح حق طلعه احس فشله الناس تخز مع اني امس شفت 3 خوات منقبات كانو بالمحل اللي كنت بفصل منه قاعدات جنب بعض لابسين عبايه عالكم كامل تطريز ذهبي مع اسود وعالملفع نفس التطريز وتوقيع حناين بس مدري شلون احس ملفت للنظر
وجنطة فورلا عجبتني والله بس استحرمت سعرها ماني ماخذتها لانها هبه والسنه الجايه تروح هبتها واقطها بالكبت او بيت الزكاة حرام

 

[Mjnont '3lay]

هههههههههههه مجنونه الله يعينج صحيح الدبوس صاير مو شي انا اخر مره رحت قبل العيد وما افتريت وايد بس احس صايرين كلهم طمع قبل يازين المحلات تلقين العبايه بـ5 دنانير ليما 10

الحين حلمي تلقين بهالسعر انا لما رحت بالموت كاسرت ليما خذيت عباتين راس ب10 وكتف ب10 ولا كرهوني عيشتي لما رديت حصلته مغير العبايه ورديتله وفصلوا لي يديده انا شفت موديل عالكم عجبني قلت ابي مثله سوالي غير كاني لابسه نقانق على يديني كرهتها وعطيته اختي

والثانيه اوكي بسيطه وزوينه

ومحل الزمرد عباياتهم 35 لي فوووووق ولا اللي بالمحل كله يلبس بنطرون تكفى لا تطيح ههههههه الله يصلحهم

يؤيؤ مابي احش خخخ

ايه شفتي شلون قطيعه تقطعهم والمشكله مو بالفلوووووس المشكله النفسيه شييينه عوذه استغفرالله يعني الحين بفصل بالمحل ابي اخذ راحتي اقوله الخامه واضيف شغلات واحذف شغلات بس الهنود قطيعه نظام ماله خلق بسرعه رسم الموديل من مزاجه وقال يالله قياس !! زفيته قلت له انت من كيفك ترسم انطر بقولك شنو ابي وبروح بعد كم يوم استلمهم وحسه عينه مخربهم والله لاخذ فلوسي واقط العبايه بوجهه انا قايلت له هالكلام قال لا تخافين مافي خراب قلت نشوف
لا لا المره الجايه الفروانيه وواره وبس والدبوس طل بعينهم افصل عندهم وانتي من صجج مخربها لج وماخذتها والله العظيم لو انا لو يموت ما اخذها واخليه غصبن عنه يرجع العربون انا هذا نظامي مع كل محلات العبي لانه الهنود اذا شافوج قويه وعارفه البير وغطاه مايقدرون يقولون شي اما استغبي عليهم يطمعوون فيج

مجنونة غلاي ضحكتيني وربي ههههههههههه
ماكلين فلفل عيل ههههههههههههههههه انتي عجيبه
انا دايم افصل عباياتي ساده ب 35 او ارخص شي ب 23 صدمتيني ان عبايه فيها شغل وتطلع ارخص من عباياتي @@

دوم الضحكه
حبيبتي انتي من متى تفصلين عشان اقدر اتفاهم معج !!
انا افصل من 10 سنين واذا مو اكثر وعارفه العباايااااااات عدددددددددل عدددددل واعرف حق هالهنود عدل واعرف كل الخامات واعرف الغالي والرخيص واعرف الطماع واللي صج يستاهل
وانا المسأله مو مسألة فلوس بس انا اقيم العبايه اشوف شنو الشغل الزايد اللي يستاهل هالسعر بتقولين خام بقولج الخام المتر اذا اصلي ب6 دنانير ولانهم محلات يعني ياخذونه بالجمله المتر ب3 دنانير بتقولين تفصال بقولج يالله يكلف 10 بتقولين كلف بقولج الكلف المتر على دينار لانهم ياخذونه بالجمله يعني عاااارفه وحافظه وصامه البير وغطاه مو غبيه الناس تستغفلني ولا تطمع فيني انا كلش ولا الطمع ماااااحبه ولا احب اكون غبيه والهنود يضحكون على غبائي
وعلى شنو عبايه ساده ب30 !! اقوولج ياخذوونه بالجمله المتر اذا كان بسته ياخذونه بثلاثه لانه بالجمله مو ربطه وحده والتفصيل بتقولين يفرق بالله عليج شنو اللي يفرق !! لا تقولين لي بعد ايلي صعب هو اللي مفصلها لج ترى كل اللي يفصلون هنود شنو اللي يفرق ؟؟
كلهم جذب بجذب وكلهم طماعين شافو هالمنقبات يدفعون بالهبل قامو يشوفون نفسهم ويرفعون بالاسعار
وانا ياما فصلت عبايات والله العظيم ما ازل عليج بكلمه متروووسه شوارفسكي وتطريز ودانتيل ب22 دينار بس والتفصال والخام من احلى ما يكون جاي هالهندي يقولي بس هالشغل الخفيف ب22 يقلب وجهه
شوفي فصلت عبايه ب20 وشغل خفيف بالدبوس واستحرمت فيه السعر لانه والله العظيم انا ادري ما تسوى 15 ووالله لو مو وقت دوامات وانا مستعجله عالعبايات جان مافصلت بهالسعر جان رحت الفروانيه وافتريت عدل وفصلت ثنتين كل وحده ب15
وبنفس اليوم رحت اجيال بدون اسم فصلت عبايه ب40 دينار فيها شغل خفيف عالكم وملفع توقيع
وكلللش ما استحرمت السعر
لاني اعرف الفرق عدددل بين المحلات المشهوره والكبيره اللي لها وكيل واحد بالكويت ومعروف وبين الهنود اللي شغلهم كله رخيييص وماخذينا مقصه