تجمع فناتك المنقبات 2012

[العصقولة]

بنات ليش طنشتوني

زين تحميل الصور مايصير عندي ودي انزززل صوور

 

[Princess 93&94]

تسلم صاحبة الموضوع ...
بس شنو احلى رسمة للحواجب اللي هابين فيها الصبايا و خطة الكحل ؟؟!

 

[Mjnont '3lay]

يعطيكم العافيه بنات كلكم فديتكم
ان شاءالله من اشبك من الاب ارد علبكم كاكم

 

[حرم_الغلا]

تسلــمين مجنونه غــلاي

خووش موضووع



اب


اب

 

[حرم_الغلا]

^^ عجبتـني حيل ناعمه

 

[غـلآوي ّ ~]

حياااااااااااااااااااااااااااااااااااااااااااااااااااااااااااااااااااااااااااتي غلاااااوي
نوررررررررررررتي وربي حياج الله تو مانور التجمع
ادخلي ادخلي بقهوويج :***

مشكوره يالغاليه الله يرفع من شانج دنيا واخره فديتج

كريم بوبي بكم اخذتيه وانا بشرتي حنطيه شنو احسن درجه تصلح لي
تصدقين بشكل عام الفونديشن من جميع الماركات اذا اخذت اللون اللي مايل عالبيج يصير وجهي جنه رمادي
واذا اخذت برونز اصير جني عبده شكلي يلوع الجبد
واذا اخذت بيج فاتح يطلع وجهي ابيييييييض عاد ايدي حنطيه ووجهي ابيض تخيلي واضحكي كلللش مو لايق ومو حلو
شنو تنصحيني فيه

وجيرلان بكم اخذتيه بعد ومن وين الاقي بوبي وجيرلان


والبيس جفنشني من وين اخذتيه وعلى كم
وشنو فايدته يثبت المكياج يعني ولا شنو
تدرين انا عقدتي الفونديشن لمن البس النقاب يبقع ويصير شكله فلم يفششششل
دليني على الحل

ومو تقاطعييييينا نورينا دايم بالتجمع فديتج :****

لبـئ والله قلبجّ

بوبي براون مآآذكر بالضبط بس شريته قبل رمضان من 360 فوق محلهم و روحيلهم اخذي المنآآسب لبشرتج عااديّ شحلآتهٌم هناك

ووو جيرلاان من زمااان عندي سعره مآدرئ بس مٌو رخيص والله روعه شريته من المركز الفرنسي بالبيرق

وو البيس الوردي مال جفنشي اي محل تجميل تحصلينه ترئ انا شريته من المركز الفرنسي بـ 14.750
والله حلوو قبل المكيآج مآيسيح ولاا شئ وِيحآآفظ علئ المكيآج مرتب احلئ مِن المرطب لمآآتحطينه

 

[غـلآوي ّ ~]

عشآآن افيدجّ اكثر هذآآ

رقم بوبي براون بـ 360 ووولهُـم محل بالأفنيو

25309647

وِهذآآ

رقم المركز الفرنسي فرع البيرق

23824119

 

[غـلآوي ّ ~]

العـبآآيه اللي فيهآآ حـزآآم روعه انا جآبتليّ رفيجتيّ هالعبآيه هديه مِن قطر شحلآآتهـآ باللبس

 

[m!ss mo0ony]

حبوبه الله يهديج حلات المنقبه عبايه ساده ما فيها شي و العبايه ستر مؤ فناتق
خلي فناتقج باللي تلبسينه تحت العبايه .. بدلات نفانيف تريننق سوت جينز اي شي

ارجو انج تتقبلين رأيي )

 

[Mjnont '3lay]

فرس

حياتي مقبوله ان شاءالله
اذا بتروحين هالسنه او السنه الجايه جيبي لي معج ونتحاسب ان شاءالله
لاني كلمت وحده من قريبات ابوي وقالت مو اكيد نجي السنه الجايه لانه عندهم اختهم الصغيره يحليلها بتتزوج بيجهزونها
عاد شوقتيييني عالملافع صار خاطري فيهم

وبالنسبه للملفع تصدقين امس طرت على بالي فكره لووول كنت قاعده جذي افكر شلوون يثبت الملفع ومن غير طاقيه
جان تخطر على بالي فكره جهنميه < يعني ام الافكار
المهم وقمت جربت وضبط
حطيت جلاب صوب الحنج ولفيت الملفع لفه وحده بس شديت اللفه مثل ماقلتي انتي
وضبط صااار يهبببببببببل


,,

العصقوله
حبيبتي قلت لج انا دامج تبين حمايه
روحي الصيدليه او المركز الفرنسي للتجميل
هم عندهم هالسوالف
قولي حق المره ابي كريم حمايه حق الشمس مع لون للدوام
يكون عملي ويصفي الوجه وقولي لها نوع بشرتج و اهيا تعطيج
لاني والله ولا مره استخدمت كريم حمايه مع لون دايما استخدم كريم حمايه عادي بدون لون
عشان جذي مقدر افيدج
ان شاءالله البنات يفيدونج فديتج
بس اذا مالقيتي جواب سوي اللي قلت لج عليه قبل الدوامات

,,

احلى جوريه

مشكوره حبيبتي
بروح اخذ منه اجرب
حاليا استخدم فور ايفر خفيف وحلو بس تغطيته مو شي

,,

حياتي الكيكه دندن فديتج فقدناااج والله
بس زين انج معي بحملتي
بالنسبه للملفع ايه ثقيل يلوع الجبد وانا الحمدالله و الشكر بس قالت لي الهنديه عليه طلب قلت مع الخيل ياشقرا
المفروض اخليها توريني شكله
بس يالله كل طقه بتعلومه

وشنو عنايتج ببشرتج
انا قاطعه الفونديشن والبودر الحين بس احط مرطب وكحل وتاتو
لاني قاعده اعالج بشرتي
بس مافي مانع اقلدج واسوي نفس عنايتج

وياااااااااااااارب يصير وجهج بيبي فيس من غير مكياج
وبالنسبه للحر والرطوبه
انتي قبل لا تطلعين غسلي بغسولج اليومي
بعدين حطي كريم حمايه
انطري خمس دقايق
وحطي مرطب يمتص الرطوبه والعرق اللي بوجهج يهبببل
تاخذينه من الصيدليه
وابشري بالوجه اللي طول اليوم مافيه ولا نقطه عرق وولا رطوبه
هذي طريقتي
ولااا تقاطعين مرينا

,,

جذابه بنت ذايبه

هلا وغلا
نورتي حياج
حبيبتي انتي نفس ستايلي بس اناااا ما البس جوتي طبي تكرمين مااا اتحمل يكفي طنازة زوجي المره اللي فاتت يوم لبست جوتي رياضي حق السوق
كنت ابي اتشرى وكراااف وحزة صبح من بيشوف اللي برجلي بس زوجي الله يهديه عالطالعه والنازله يتطنز الله يخليه لي

وشنو المجمع الجديد اللي جنب نمران ماعرفه ؟؟ ونمران وين صاير ما ادله
ونقاب الشرقيه قصدج اللي بمكه ولا بالكويت ؟؟

,,

ام لطوووف

الراس انا جربت بدر خفيفه وطايحه تهبل بس تشف يبين كل شي لابسته تحت العبايه ماعجبني جذي
وجاري البحث عن خامه ثاانيه
بس البنات واجد يمدحون السعيد حق عبايات الراس
بالديره
روحي وشوفي
والنقاب والله انا ما افصل عشان جذي ماعرف
بس ان شاءالله البنات يفيدونا

,,

كيك وحلاوهـ

هلا والله مدري ما لاحظت
ياااحسره وانا اللي قلت بسويه وبكون مميزه يعني هبه جديده والبنات بيقلدوني
اثاري حتى بهذي البنات اسبقووني
انا والله مرح اسويه نفس السعوديات شطووله
انا بفصله نفس طول نقابي عشان البسه مع عبايات الكتف وبختار خامه خفيفه
لاني مره شريت جاهز طوله لي تحت الصدر والخامه ثقيييييييييله ومن قرادة حظي اول مره البسه كان الصبح بشمسنا العزيزه
وبغيت اموووت لدرجة ان فقدت اعصابي من هالحر وحطيت الحره بزوجي مسكين ما سوت عليه

,,

العصقووله
حياتي ماااا طنشناااج اصبري على رزقج صدقيني البنات مايطنشوون فيهم الخير والبركه بس اكثرهم يقرون بداية الموضوع ويعقلون ويطلعون مايقرون الصفحات كلها فديتج ولا تزعلين هذا انا رديت عليج

وبالنسبه لتحميل الصور حملي من موقع مخزن
اكتبي بقوقل مخزن واختاري اول رابط
وحملي الصور منه وانسخيه هني
هذا احسن موقع حق تحميل الصور
واذا ماضبط قولي لي

,,

برنسيس

هلا الله يسلمج

رسمة حواجب بالنسبه لي مره اسويه جاينيز ومره سيده ومره قصير ومره طويل
على حسب المزاج وايدي واللي تخطها
اما العين انا منقبه ما احب ارسم عيني واجد احس فتنه
يدوب احط كحله داخل عيني
وفوق الجفن ارسم خط ضعيييييييييييف لازق بالرموش عشان يوسع العين
ومرات ما احط كلش مالي خلق بس ارسم تاتو وماسكرا وكان الله غفور رحيم
بس ارجعي للصفحات اللي ورى الكيكه دندن الله يجزيها كل خير حاطه صور رسمات عيون ناعمه

,,

حرم الغلا فديتج حياتي
الله يسلمج لا تقاطعينا عاد وشاركينا بفناتكج

 

[Mjnont '3lay]

غلآوي

فديتج حبيبة قلبي مشكوووره ان شاءالله باجر بدق وبشوف :***

والعبايه الحزام اي وحده قصدج
؟؟

اللي مخصره ولا اللي كم جاينيز

قلبي صويبك حطت ثنتين كلهم عجبوني
بس المخصره تخيلي بس اطلع فيها بره لوووووووول جان رجلي يسوي لي اعدام
وفشله صراحه من ورى الخلفيه تبرز اكثر وكل من هب ودب يشووف حلاته حق زواره اذا تبين تزورين ناس ما تمونين عليهم وبتقعدين بعباتج تسوينها وتضيفين لها شوية كلفه ملونه تطلع روووعه وفوقها عادي البسي عبايه راس ومن تدشين عند الباب تقطينها
انا دايما اسوي جذي اذا بزور ناس ما امون عليهم ما اقط عباتي بس افنتك بالعبايه وفوقها عبايه راس ساده

 

[Mjnont '3lay]

حلوه بس مخصره من ورى وتحت الرجول طالعه تصلح حق زواره حريم

هذي رووووووووووووووووووعه بسوي نفسها

الاخيره حلوه بعد بسوي مثلها بدانتيل اسود


مشكوووووووووره حبيبتي عالصور لا تحرمينا من الفناتك الجديده

 

[عزوتي خمس صقور]

صج المنقبه ماتلبق لها موديلات العبي زي المتافات
وام حزام وجيه بعني وايد صعبه بنات ياليت تفيدونا بالصور
وابي محلات عبي بالدمام تكون عدله واسعارها معقوله غير بو
حليقه وحاتم مابيها فوق ال300

 

[Mjnont '3lay]

عزوتي خمس صقور
هلا والله
حلو نكج

انا اموت واعرف شهالتفرقه
يعني المنقبه مايصلح لها ولا شي تموت احسن

بسس المتحجبه عادي تلبس بنطلون لويست وليقنز وتطلع كل مفاتنا

والسفور عاد هذي عاااااااااااادي تتفصخ بكبرها ماتقولون شي سبحان الله

قسم بالله قمه بالتناقض انتو

وبعدين المنقبات واااجد

في اللي التزام وفيه اللي بحكم عادات وتقاليد وفيه اللي بحكم اهلها او رجلها غاصبينها عليه
وفيه اللي بحكم تلبس عشان تسوي بلاويها ومحد درى عنها

انتي اي وحده تقصدين ياترى !!

اذا قصدج عني تراني لابسته عن قناعه وستر مو التزام
بس مو قصدي مو التزام يعني البسه واقطه لاااا قصدي مو نظام اللي دسوس ويدوب عيوني مبينه
بس لابسته ستر والحمدالله لبسي محتشم سواء فيه نقش ولا مافيه المهم انه ناعم ومحتشم

وبعدين يا بنات الله يهداكم ترى لاعت جبودنا وحنا نعيد ونزيد انه كل واحد عقله براسه يعرف خلاصه
بدال ما مناشبينا روحو ناشبو اللي حاطه قطعه تغطي فيها راسها ومن تحت فخوذها ورجلها وايديها وزندها وبطنها وظهرها كله بارز

وانتهىىىىىىىى النقاااش اتمنى ما القى ردود ترفع الضغط واللي عندها اي شي عندها قسم المناقشات الجاده وقسم الاسلاميه تروح تقوله هناك
غير جذي رح اكلم المشرفه تتصرف وياها

 

[كويتيه فرنسيه]

 

[Mjnont '3lay]

كويتيه فرنسيه ماشاءالله تهبل
بسوي نفسها بس بالنص بدال الابيض احط اسود بس خام ثاني يمكن اسويها بالشتى واخلي اللي بالنص مخمل ناعم تطلع حلوه
او اذا عندج افكار فيديني

والحزام زووغه بس عاد وين نلاقي حزام ابيض !!
ما ظنتي الاقي

واحلى مافيها واسعه ماحب حزام وضيقه من ورى وقدام احس الشكل بيطلع غلط

 

[العصقولة]

ياقلبيي مجنونة غلاج ماقصرررتي بروح اشوف يضبط ولالا التحمييل

برب

 

[Mjnont '3lay]

^
^
ايه قلب روحي جربي
بس اكيد يضبط اجل شلون انا احمل صور من الموقع

 

[Mjnont '3lay]

بنات بقوول شغله اللي تبي تسوي عبايه الحزام
في طريقه حلوه
عشان ماتطلع العبايه مخصره
انتو سوو العبايه على مقاسكم حلو بعدين قولو حق الخياطه او الخياط يخلي الحزام منفصل يعني مو داخلي
والسبب اذا كان داخلي كل ماجريتي الحزام تضيقت العبايه والخلفيه برزت اكثر

عشان جذي الحزام خلوه منفصل احلى واحسن
والشغله الثانيه بعد بوقت الغسيل تقدرون تشيلون الحزام عشان الطربوشات ماتخترب مع غسيل الغساله

 

[العصقولة]

مجنونة مايصيييرررررررر