تجمع طالبات رابعة ثانوي مسائي 2011-2012 حياكم

[بنت فينا]

هلا هلا فيج :eh_s(9): الناظره اسمها سهام صح

ههههههههههه

اي اللي تلبس نظاره عدل؟

انا يديده عالمنطقه واول مره اشوفهاااا
اهي قالت لنا انها ناظرة الصباحي والمسائي
يممممه شديده حيييييييييييييييييييييييييييييييييل

كرهتني بالثنويه
والله ودي انتقل
وين تهقون ثنويات متساهلين مع طالبات المسائي
احنا داشين بس نبي معدل ما اتحمل احد يضغط علي جذي


لا والناظره اتقول والله والله الي اشوفها ماسكه تلفون لا اسحبه منها وما تشوفه لي اخر السنه @@

اي شي يهال احنا؟


وحدنا 3 استئذانات بالشهر
و3 غيابات بالشهر


بالله احنا موظفات وامهات وورانا قعده من الصبح نروح الدوام وبصمه وحالتنا حاله
ونطلع الظهر
مايمدينا نرجع البيت نريح شوي ونصلي الا نرجع نلبس ونروح المدرسه وما نطلع الا 9 او 9 ونص نوصل البيت الساعه 10


شلون يعني جذي تعاملنا الناظره بشده وقسوه اهئ اهئ




وسمعتيها لمن قالت الكل يلبس عبايه !!
والسفور يلبسون نفنوف مكسي فرنسي ماتبيهم يلبسون بنطرونات وجاكيتات قصيره حدهم نفنوف طويل @@

امبيه صج انها ناظره
حدها شديده شدعوه عليها ترى احنا حريم مو بنات ام 16 سنه !!!!



وقسما بالله الثنويات الثانيه
يطلعون من نص الدوام ويسحبون على المدرسه مايداومون الا مره او مرتين بالاسبوع وعلى المزاج
واعرف بنات حت دفاتر ماعندهم
واييبون درجات بالهبل
لانهم يعتمدون على التلخيص والغش لوول
والله بنات الثنويات الثانيه قسما بالله يحطون سماعات بالامتحانات وابلاتهم يغششونهم بالامتحانات وطبعا درجات الشفوي والدفتر كامله حتى لو ماعندج دفتر يعطونج درجات بالهبل وربي
مابي اسولف لكم عنهم لاني انا مابي اتبع طريقتهم مانبي مشاكل نبي ننجح ابمجهودنا
والله يعينا على ناظرتنا


بنجلط منها

 

[الله كريم @]

يمممما اي مدرسه انتي

 

[بنت فينا]

ايس موكا ابشري حبيبتي

 

[نحوله عسوله]

اخر يوم تسجيل تاريخ 13\10

وترى ناظرتنا حيل حيل حيل متشدده حيل حيل حيل
وهمن الابلات
وترى الغياب انحسب من امس الاحد 25\9\2011


الطلبات
2 نسخه من بطاقتج المدنيه
2 نسخه من شهادت ميلادج
2 نسخه من الجنسيه
2 نسخه من الجواز
2 نسخه من عقد الزواج لو كنتي متزوجه
2 نسخه من بطاقة ريلج لو كنتي متزوجه
كتاب معادله من المنطقه التعليميه لو كنتي متخرجه وحابه تعيدين رابعه عشان ترفعين نسبتج
واخر شهاده لج بالثنويه بتاريخ حديث
4 صور شخصيه 4*6
40 دينار لو كنتي كويتيه


تقريبا هذي الطلبات
ولازم من كلشي نسختين
والتسجيل يكون بالمدرسه نفسها

حبيبتي متي امتحان المعادله وصعب او لااا لاني انا بمعهد الديني وبحول عامه ؟؟؟

 

[بنت فينا]

يمممما اي مدرسه انتي

ثانوية الرابيه


قوانين الناظره وشروطها :-


1-اتحلف الناظره تقول والله والله الي اشوفها ماسكه تلفونها والله اسحبه منها وماتشوفه الا اخر السنه


2-واذا ثنتين تهاوشو افصلهم ثنتينهم وتحلف اتقول العام فصلت 2 من المسائي عشان تهاوشو


3- حدج 3 غيابات و3 استئذانات


4- اجازة الولاده 20 يوم فقط.


5-اذا كنتي عروس وليلة زفافج تصادف يوم الدوام لج اجازه اسبوع فقط.


6- اذا اخوج ياي يبي ياخذج من المدرسه او اختج من غير ما ولي امرج (ابوج) يعطي اذن واقرار للثنويه ومن غير مايكون مسجل تعهد انهم ياخذونج.. راح تدق الناظره على الشرطه عشان يطردون اخوج من المدرسه .


7- محد ياخذج من المدرسه الا ابوج او امج او زوجج..
واذا ابوج كتب اقرار ولامانع ان اخوج ياخذج من المدرسه اهني يسمحون له.


8- اذا تبين تستأذنين وانتي اصلا تسوقين ويايه الثنويه بسيارتج لازم اتيين مع ابوج تاخذين الطبيه لازم الطبيه تاخذينها مع ولي الامر..

وقالت مابي اشوف ولا وحده تييب طاري زوجها او اخوها بالمدرسه نهائيااااا وياويلها اللي تتكلم بخصوصياتها بالمدرسه.. تبي كل وحده عينها بالورقه الي جدامها ماتبي سوالف لابالحصه ولا بالفرصه...!


9- اجازة السفر للظروره مثلا مسافره مرافق مع مريض لاقدر الله\\\ او مسافره حج او عمره لازم تييبين لها جواز سفرج تشوف الخروج والدخول من الدوله.


10- اذا زوجج يبي يستلمج من المدرسه لازم يكون معطي عقد الزواج وبطاقته المدنيه للمدرسه... وما تستأذنين من المدرسه الا زوجج ايي المدرسه يدخل داخل عند الاداره ويعطيهم بطاقته ولويه طويله عشان تستأذنين...

11- واذا تبين تستأذنين من المدرسه لازم تستأذنين لعذر قهري..


12- واذا في شي ناسيته انتي بسيارتج وتبين تاخذينه مااااكو مثلا ناسيه دفتر قلم فلوس ماكووو طلعه حتى لو سيارتج سافطه عند باب المدرسه والي تعدي باب المدرسه اثناء الدوام الرسمي تعتبر هروووب ههههههه..

13- الساعه 4 ونص تبدي الحصه الاولى \\\ الساعه 5 الا ربع يسكر باب المدرسه ولا وحده تدخل عقب ما يسكر الباب..!


14- الكل يلبس عبايه عبايه عبايه... عبايه حشمه
والسفور مافي بنطرونات ولا توينزات قصيره ولا بلايز لي الـ...(قصيره)
حدهم نفنوف مكسي فرنسي لازم لازم طويييييل لي كعب الريل
ماتبي اي نفنوف لي الركبه ابدا...ههههههههههه


15- اللي تغلط علي اي ابله لها عقوبه ثانيه اولها مالها اي درجه ولها عقوبه ثانيه لوول.










وقوانينها وشروطها وايد والله انقمت قلبي منها
شدعوه شنو معسكرررررررررررررر؟؟؟

 

[بنت فينا]

حبيبتي متي امتحان المعادله وصعب او لااا لاني انا بمعهد الديني وبحول عامه ؟؟؟

حياتي انتي كتاب المعادله هذا مو امتحان


ورقة (مثل لمن يهمه الامر) تفيد بأنج متخرجه من الثنويه وتبين تعيدين سنه وحده لاجل رفع المعدل



هالورقه تروحين تطلبينها من المنطقه التعليميه ماتاخذ وقت 5 دقايق وانتي واقفه يطبعون لج الورقه (اسمها كتاب معادله)



وسلامتج وبالتوفيق

 

[ام مشعل المطيري]

هههههه هذا نظام تطفييييييييش بس تبين الصراحة ماتنلام في بنات الله يهديهم ماخذين المساءي لعي

 

[بنت فينا]

امبيه لا انا ما اتحمل احد يضغط علي جذي والله انقمت قلبي

احنا بنات كبار وفي منا حريم وفي امهات عيال وموظفات وتعودنا شورنا بأيدنا
وبعدين لازم الناظره اتراعي ان احنا متزوجات وعندنا بيوت لها حق علينا
وكثر الله خيرنا ان احنا موظفات الصبح نخدم بلدنا ونخلص بعملنا وقاعدين ندرس


وهمن عندنا طموح ان نحسن وضعنا الوظيفي ودشينا مسائي
عشان يساعدونا مو عشان يزيدون الهم همين




بالذمه انتو شنو نظام ثنويه سولفو لنا
وسولفو عن ناظراتكم وابلاتكم
اذا عجبتني ثنويتكم بنتقل لكم
لاني مفكره اروح ثنوية الفروانيه او الاندلس
بستخير



والله ما اتحمل جذي ناس تضغط علي بروحنا نكرف من الصبح بصمه وشقى
ونرجع البيت نشوف اهلنا ساعه ونرجع نلبس ونروح الثنويه


ليش هالمعامله الشديده والقاسيه

 

[بنت فينا]

انا مابي انجح واييب معدل اخيس من اللي قبل
احنا داشين نبي معددددددددددددل

 

[ام مشعل المطيري]

واللة شوفي انا بالاندلس في التزام بالحضور والغياب بس ماكو ترتيب كتب ماخذينا مدرسات للحين مو الكل حضر
ماشفت زينهم من شينهم بس سمعت شكثر بنات يقولون الحضور والغياب ضبطي المدرسة وبس انا كنت بحول عندكم الرابية حسبالي انتو احسن بس الظاهر احنا اشوى والله اعلم

 

[بنت فينا]

واااي والله فرق السما عن الارض
ههههه يعني اتحيلق حث الابله وراح تعطيني الدرجات وتساعدني بالشفوي ؟

اممممممممم

شكلي بسوي عقد اجار على بيت اي احد بالاندلس
وايي ادرس عندكم
والله ما اقدر استحمل ناظرتنا
ولا اقدر استحمل الضغط النفسي بهالمدرسه منقمت قلبي

فوق هذا تشدد ومحاسبه على كل كبيره وصغيره
وواجبات وحفظ كميات كبيره شلحق وشخلي



بفكر اما ايي عندكم او اروح ثنوية الفروانيه
بس اخاف بالفروانيه صبيان عقــّد يسفطون عند المدرسه بالهده ويتحرشون فينا قطيعه
عاد انا عصبيه ما استحمل هالنوعيات المعفنه


عاد احنا بثنويتنا اول يومين كان كله صبيان عقد يقحصون عند مدرستنا بالهده قطيعه اتشوفينهم سافطين من الساعه 9
ينطرون البنات يطلعون عشان يقحصون ويهايطون
وحياتج من ثالث يوم وله الناظره يايبتلهم دوريه كاااااااااااااااااااااااااك



واذا فرضا رحت ثنوية الفروانيه اخاف اتعطل من الزحمه لان الفروانيه زحمممممة شي مو طبيعي
بعد انا بروحي منحاشه من رميثيه على سبة الزحمه



مادري بفكر واسأل ابوي وريلي واشوف شيقولون

 

[بنت فينا]

بالنسبه للحضور والغياب انا ماعندي مشكله
اصلا من الساعه 3 ونص اتيدد واصلي العصر والبس عباتي واقعد
اربع الا ربع اشغل سيارتي واروح المدرسه عالبراد
اروح مبجر بس عشان القالي مسفط

انا وحده فاضيه ماعندي شي ومسؤلياتي بسيطه يعني مافي شي يعطلني عن الحضور بأذن الله


يعني من هالناحيه سهالات

 

[بنت فينا]

والله يتني البجيه

 

[ام مشعل المطيري]

بنت فينا انا اقووول استخيري استخيري وتبين الصراحة انا حاطة ببالي ان اي مدرسة ادرس فيها بمشي حالي مدرستنا مافيها تشدد والناظرة ماشفتها اصلا اللة يكتبلج الللي في الخير

 

[بنت فينا]

لا والله يا ام مشعل
يعتمد على تعاون الابلات وتساهلهم ان سهلوها تتسهل وان صعبوها تتعصب..
احنا ابلاتنا معصلقين تخيلي طالبين منا انشطه واعمال فصل وبرزنتيشن ووسايل حق الصف اي شي صح؟
حسسوني اني بنت ام 16 سنه يستعبطون الابلات ؟!
فا ضين احنا نفزع من 6 الصبح وركضه على البصمه والدوام مانوصل بيتنا الا 2 ونص من الزحمه ياللله تلحسين لقمتج وتصلين العصر وتنطلقين للمدرسه ومانوصل بيتنا بليل الا الساعه10
تخيلي منو فاضي بالله يسوي برزنتيشن وله اعمال فصل ويروح يشتري وسايل ومادري شنو؟
شالحجي شهالخرابيط ماله معنى كلش الي قاعد يسوونه معانا؟؟!
لا مو معقول وبعد معطينا قصيده حفظ وأيات حق العربي والاسلاميه واحاديث وووو ويوم الاحد تسميع فرنسي
يعني مثل امتحان قصير
بسم الله ما مدانا والابلات بدو يسمعون لنا
وكل ابله توقف بالحصه ماسكه دفتر الدرجات اللي تجاوب تعطيها درجه والي قاعده متنحه من الطالبات ماتدري وين الله قاطها طبعا مافي درجه
والبنات اللي قاعدين يجاوبون يكون عندهم كتب قديمه محلوله
واحنا الي مالنا غير الله ولا عندنا كتب محلوله شنسوي؟



انا انشاءالله اليوم بروح اخذ اذن من مسؤل قسم تعليم الكبار
بشوف يسمحلي اغير المدرسه وله لاء
وانشالله ادبرها والقالي مخرج بسسس موقادره ضغط نفسي

 

[نحوله عسوله]

بنت فينا حبيبتي انا موقصدي اعيد رابعه ثانوي انا ماخلصتاا اخذتهاا بمعهد ديني وسقطت ودي اجرب العامه


وشكل كلامج عن مدرستج ما يطمن الله يستر

 

[كنتووشة]

كنت بسجل الرابيه بس شكلها الاندلس فله ام مشعل يايتج يايتج بس أيلون على الطاعن اقدر اطلع اي وقت

 

[كنتووشة]

بنت فينا أنا العام الرابيه صح كل الكلام اللي قلتيه عن المدرسه وأزيدج من الشعر بيت الناظره خريجه مسائي وكله أتقول انا اعرف سوالف بنات المسائي من الاخر يعني معقده

 

[Malak_galbi]

مساااااء الخير

شلونكم شخباركم

بنت فينا

امبي وربي انا قريت كلامج عن المدرسه ضاق خلقي
جذي انتي تكرهين الدراسه استخيري وحاولي تغييرين المدرسه جد ماكو شغل طلبات وشروط ووسائل

احنا اياااام الثانوي قبل ماسوينا وسائل تبي الحين يوم كبرنا واصلا ماكووو وقت
وين ومتى نسوووي


بناات شلونكم مع الدراسه

انا علمي واحس اني بديت اتشتت ياربي ماعندي وقت للمدرسين
ماتوقعت ان راح يصير جذي ضغط من قلب من ناحيه المواد وحصتين رياضيات حصتين عربي حصتين فيزيا
وييييع ليش جذي وااايد


بنااات من عندها ارقام مدرسين محتاجه كيميا وفيزيا
كل اللي اتصلت فيهم نظام كورسات وياخذون على الكورس 650 دينار وايد بصراحه
انا مو موظفه عشاان ادفع 650 لكل ماده مااقدر

ابي مدرسه تفهم وماتاخذ بالكورسات وان اخذت تاخذ بسعر معقول مو 650

 

[جيكره(و)تتغلى25]

بنت فينا\\

انا رحت الاحد بسجل ولا زحممممممممممممممممممممممممممممممممممممممممه وحر مموت وطبعا البنات الله يهديهم كانهم عرس هالمكياج والعطور واسمحيلي حر وعالعطر عاد شوفي الريحه ماتحملت رجعت وخليت زوجي يكمل ولا ناقصه ورقه طبعا هو انصدم من المناظر وكان من شروطه لي انسي المكياج والعطر ولاتتحججين انه كلا بنات يعني شوي حجر وماايحب هسوالف الي احنا حبها والحمدالله تعودت ههههههههه

رحت ثاني يوم وناقصه لا مانع لان بطاقتي منطقه وزوجي عبدالله مبارك وزوجي بغى يتهاوش يقول لها زوجتي تتبعني وانا بعبدالله مبارك لا لازم لامانع ورجع عاد يقول بنات اليوم غير امس ههههههههههههههه شكله حتي هو لاحظ


والله انا عندي احسن الابله تشدد عشان احفظ

اما وسايل ولويه لالالالالالالالالالا تسمحلي وين قاعدين يعني نص يومي بالمدرسه ونص يومي مع عيالي بالمدارس وين يمدي هذا كله!!!!!!!!

ناظره شاده حيلها اول الايام وان شاءالله طخخخخ