تجمع طالبات رابعة ثانوي مسائي 2011-2012 حياكم

[بنت فينا]

يابنات انا مولاقيه وقت حق الدراسه ابي مساعدتكم كل وجده تكتب نظامها يعني متى تدرس الصبح ولا تسهرون

انا موصيه الخدامه ان غداي يكون جاهز يوميا الساعه 3
وعشاي يكون جاهز يوميا الساعه 9 ونص
طبعا عشاي صحي واكل مفيد
عشان المخ يتغذى والعقل يشتغل عدل
مثلما انتو عارفين العقل السليم بالجسم السليم

مثلا
( سندويش ديك رومي + خيار وطماط وخس
او سلطة تونا
او صدر دجاج مع سلطه
او اي شي خفيف عالمعده ومفيد )




الهدّه الاحد والاثنين الساعه 9 ونص وباجي الايام 9 الا عشر

علما اوصل البيت وابدل واغسل ريولي وويهي وابدل هدومي
واصلي العشا الا صارت الساعه 10


اتعشى

افتح كتبي لان الذاكره توها فرررش


اكمل اللي ناقصني لان الابلات سريعين
فا اضطر اني اسجل بعض الملاحظات كـ هوامش بالنوت عشان ارد البيت اسنع دفتري.
لان الدفتر عليه 12 درجه

ارتب دفاتري اكتب بخط حلو ومفهوم
واسطر الدفتر واشوف اذا فيه لاصفي او واجب او هوم وورك احلهم,,


بس اكتفي من الدراسه


اشبك بالمنتدى نص ساعه عن خاطري الا الساعه صارت 12 او 1



احط راسي وانام


اقعد الصبح احيانا من الملل اروح السوق اتمشى او اتشرى
او اروح مطعم او اتمشى مع رفيجاتي << مو يوميا,,,
اذا فاضيه الصبح ماعندي شي ولا عندي طلعه اقعد اقرى المعلومات اللي خذيتهم البارح +اقري الدرس مال اليوم,,,
واذا خلصت وقعدت فاضيه وعندي وقت ألخص الدرس مال امس,,,



اتغدى الساعه 3 واصلي العصر واسوي جدولي



الساعه 4 اتوضأ واروح المدرسه واخذ معاي بطل ماي بالطريج من راعي البرّد




وبس سلامتج :eh_s(7):

 

[بنت فينا]

بنات منو تدرس بمدرسه الرابيه الصف الحادي عشر ادبي
خلنتعرف على رفيقات الدراسه )

هلاااا
اناااا
ادبي 12

:eh_s(7):

 

[بنت فينا]

السلام عليكم وصباح الخييييير. مشكوره يا ام مشعل على هالتجمع الحلو انا ان شاء باجر بسجل وعقبه بداوم طبعا بحسن نسبتي لان حلمي الجامعه عندي جم سؤال واتمنى محد يطنشني:1-للتسجيل لازم شهادة الميلاد الجديده ولاعاي القديمه انا للحين ماجددتها؟؟2- انا بالاحمدي والتسجيل بالصباحيه اللي بالمنطقه العاشره السؤال موجه لكم نداوم بالصباحيه ولابهديه وجزاكم الله الجنه وعسى ربي يوفق ويسعد الجمعييييع يارب لي عوده بس اداوم

السلام عليكم اسمحيلي اجاوب باللي اعرفه
اولا التسجيل يخلص بتاريخ 13\10\2011
ثانيا الدراسه بلشت وخذينا جم حصه لا تطوفين وقت اكثر
ثالثا مو مشكله شهادة الميلاد ماراح يدققون عليها بس راح ينقلون منها معلومات حق استمارة التسجيل (مثل الديانه ومكان الولاده ...ألخ)
رابعا بالنسبة لسؤالج عن المدرسه اللي راح تسجلين فيها السؤال تفيدج فيه المنطقه التعليميه اللي انتي تابعه لها


تحياتي :eh_s(7):

 

[بنت فينا]

ام مشعل حبيبتي موضوعي سلمج الله انه شهادتي العام عند مدرسة الرابيه
وانا ابيها و قالولي اروح الوزاره تعالي بسالج المسؤل بالمنطقه التعليميه بليل واحد و بالصبح واحد
ابي اعرف الفيلجاوي ليلحين موجود ولالا
انا المنطقه التعليميه ماخلوني اسجل بس عشان بالشهاده بدل لا يكتبون كلمة شهاده كاتبين بطاقات فهمتو
اتهقون المسوول يرضا اسجل فيها و لا راح يقولي اطلع شهاده ثانيه عفيه ردو علي

مسؤول الفتره المسائيه
اسمه فواز المطيري رئيس قسم تعليم الكبار ومحو الاميه
انسان جدا خدوم ومايعطل اوراق احد بالعكس يحاول يساعدج باللي يقدر عليه

منطقة الفروانيه التعليميه
مبنى رقم 2
دوامه من 9 -1 صباحا
ومن 5-8 مساءا


الله يوفقج يارب :eh_s(8):

 

[بنت فينا]

بناااااااات انا سويت اورااااااااااااقي


لازم ارووح وزااارة التربيه ؟؟؟

لا
التسجيل يكون بالمدرسه نفسها
ولا تنسين تاخذين معاج 40 دينار لو كنتي كويتيه
واذا بدون جنه 100 دينار
وبالمدرسه راح يسوون لج استمارة تسجيل
وتدخلين الحصه على طول

وبالتوفيق

 

[بنت فينا]

سؤال لبنات الادبي الثانوية العامة؟:
انتوا تاخذون بلاغه ؟لأن احنا المعهد الديني عندنا بلاغه
عشان احط لكم دروس البلاغه واحتمال اسويها على ملف وورد أو عرض فلاشي تنزلونه عندكم اذا قدرت

اي حبيبتي ناخذ بلاغه ومشكوره على التلخيص وايد سهل ونسخته عندي بالوورد ربي يحرم ايدياتج من الناااار :eh_s(22):

 

[بنت فينا]

بنات هيلب مي
أنا اليوم رحت مدرسستي غسان أبي شهادتي
بسس قالولي الشهايد و الملفات كلهم انقلوهم لوزارة التربيه و أنا ما ادل عفيه منو اتدليني وأكون شاكره لكم

انتي تبع اي منطقه تعليميه؟

 

[بنت فينا]

مرحبا انا الاحد بداوم مدرسة الرابيه منو معاي؟

هلا وغلااااااااااااااااا
انا 12 أ
معاج
انتي اي صف؟

 

[بنت فينا]

بنات اللي تعرف وين المنطقه التعليميه حق محافظه حولي تقولي بليز

وإذا امكن الرقم ..

كلمت المنطقه التعليميه مالت العاصمه وقالي بالسالميه ..

وين بالضبط يعني ؟؟

حبيبتي صحيح
المنطقه التعليميه انتقلت لمبنى مؤقت بالسالميه


روحي السالميه عند دوار الجوازات
ستي سنتر العنابي عرفتيه
خليه على ايدج اليمين كملي كملي لين تروحين صوب المطافي
تلاقين مكان مال الزكاة
روحي هذاك المبنى اهو خلوه حق التعليميه
هذا مكانهم المؤقت لانهم قاعدين يبنون لهم مبنى ثاني

اتمنى الشرح واضح

 

[بنت فينا]

صباااح الخير بنات

بالنسبه لقرار الغاء امتحان الفتره الأولى والثالثه
امس سألت مدرسه أولى من الأهل قالت مايتلنا نشره بالقرار فلما الحين مو مطبقينا بس كلام

الله يكتب لنا الخيييير بهالقرار يارب

وبناات منوو بالرابيه ؟ وبدوو دراسه ؟ ؤشلوون المدرسه زينه ؟

هلا والله انا معاج بالثنويه
اي بدينا دراسه من اول يوم 19\9
ووزعو علينا الكتب
الله يوفقنا

 

[بنت فينا]

السلام عليكم بنات ابي اسالكم انا ابي اعيد رابعة ثانوي علمي بس انا بطاقتي علي منطقة رميثيه وشهادتي اخذها من منطقة مبارك الكبير لان مدرستي كانت تبع منطقة مبارك الكبير بس ابي اعرف باي مدرسه راح يحطوني علي شهادتي بمبارك الكبير ولا علي بطاقتي المدنيه وبعد ابي اعرف شنو اسم المدرسه اللي برميثيه مسائي

الحال من بعضه انا بعد دفعة 2001
وتخرجت صيفي سنة 2004\2005
وداشه الحين ارفع نسبتي والله كريم
شدي حيلج:eh_s(17):

 

[بنت فينا]

السلام عليكم بنات ابي اسالكم انا ابي اعيد رابعة ثانوي علمي بس انا بطاقتي علي منطقة رميثيه وشهادتي اخذها من منطقة مبارك الكبير لان مدرستي كانت تبع منطقة مبارك الكبير بس ابي اعرف باي مدرسه راح يحطوني علي شهادتي بمبارك الكبير ولا علي بطاقتي المدنيه وبعد ابي اعرف شنو اسم المدرسه اللي برميثيه مسائي

على بطاقتج حبيبتي

(الي بطاقتها على مشرف \بيان\سلوى\رميثيه\جنوب السره ......ألخ)
كلهم برميثيه

بمدرسة ام سلمه -المتوسطه للبنات



بس انا طلعتلي استثناء ورحت ثنوية الرابيه
انحشت من ارميثيه =)




بالتوفيق

 

[زبدة ككاو]

تروحين على بطاقتج بس اطلعين شهادتج من مبارك الكبير
رميثية حلوة حق اللي بتدرس صصصصج ، انا بعد انحشت منهاا

 

[زبدة ككاو]

ليلحين مادرسنا الا جغرافيا وتااريخ
ماكو كتب ولاجدول ولامدرسات
ومدرستنا حيل متشددسن ومو قاادرة ادرس كلش
بنات اللي موعاارفة تدرس ترد البيت تقرى بس واذا في شي بتسمعه المدرسة باجر حاولو تحفظونه
اما الدراسة الدراسة اجلوها بالويك اند حاولو الخميس اول ماتردون تنامون مبجر والجمعه عقب الغدا والصلاة خلو عيالكم يدرسون او ينامون او ودوهم بيت اهلكم ودرسوووا عدل وحاولوا تحفظون عقب ييبووهم موشرط يناامون
او خلو ابوهم يوديهم السينما او يغديهم برى او اذا اختج بتودي عيالها وديهم معاها منها يستاانسون ومنها انتي ادرسسين او
روحي بيت اهلج الظهر وخلي عيالج هناك ردي البيت درسي وبليل اخذيهم
صصدقوني ماكو الا جذي المنهج وايد وخصوصاى الجغرافياا اووف وايد كلام
وآية الاسلامية آل عمرآن طوويلة شووي حفظوو كل يوم آيتين وسمعووهم آخر الاسبووع او الاسبووع اليااي والحاديث اول حديث سهل ووايد قصير
وثاني حديث درس حديثين الاول سهل مايبيله شي
عفية انا كلشش موقادره ادررررس شكلي ماراح اشبك وايد

 

[زبدة ككاو]

احنا تونا بادين
بكتب لكم تعاريف اول درس جغرافيا :
البيئة: هي الاطار او الوسط الذي يعيش فيه الانسان ويمارس نشاطه وحياته

النظام الايكولوجي: هي مجموعة من العناصرالحية والغير حية تتداخل مع بعضها في نظام متجانس ويسمى نظام اعالة الحياة

الابلة قالت في سؤال مهم ايي بهالتعرريف ؛
اسم النظام << ما اعرف صيغة السؤال بس عن اعالة الحياة اللي تعرف صيغة السؤال تقووله

وسألت سؤال قالت اللي تجاوب اعطيها درجة كاملة بسسس ماكان عندنا كتب ،

شعار يوم البيئة العربي : المناخ يتغير فلنستعد

اي وشعار يوم البيئة العالمي : لنكسر العادة نحو اقتصاد اقل اعتمادا على الكربون

وحفظوا شكل الشعارات بتيي بالامتحان

 

[زبدة ككاو]

بناات بليز فتحوا تجمع ثاني هذا مامنه فايده ليلحين الكل يسأل عن التسجيل والمدارسسسس
نبي شي نستفيد منه

 

[جلكسي الاحمدي]

مشكورين اللي ردوا علي حبايبي عسى ربي يوفقكم الحين انا حامل ولادتي على شهر اربعه اشلون يعطوني اجازه؟؟؟

 

[جلكسيه اس 3]

بنت فينا مشكوره عالرد
انا السنه الي طافت كنت بالرابيه
هالسنه انتقلنا الى. مبارك الكبير

 

[Malak_galbi]

مرحباااا بنااات

شلونكم وشلون الدراسه

زبده ككاو في تجمع لحل الواجبااات والشرح حطي فيه اسهل للبنات الادبي
ويعطيج الف عافيه



امس رديت مصدعه مااشوف جدامي بغيت ابجي وربي
حسيت ضغط قوووي خذيت بندول وتعشيت وريحت لين حسيت ان خف
قعدت اكتب اللي كاتبته على الهامش وعدل دفاتري ونمت والله ماحسيت على عمري
صجججج تعبت عسى الله يوفقنا ياااارب

 

[* Snow White *]

انا عطوني اسم المدرسه وكل شي
بس مارحت سجلت
حدي خفت صراحه