تجمع طالبات رابعة ثانوي مسائي 2011-2012 حياكم

[Natural]

بنات ليش الحاسوب ويانا


ليكون فيه لوغو

طمنوني؟

اكره اللوغو من ايام المتوسط متعقده منه

ناجرل..

الاستخاره يعني تدعين بشي معين ابالج محدد
مثلا الرميثيه ادعي حسب الدعاء
وبعدين تتوكلين على الله وتقدمين على هالمدرسه

اذا فيها خير الله بيسر ويسهل عليج التسجيل

اذا فيها شر الله بيصرفه عنج او تصير معوقات وعراقيل وماتم الامور
فهذي الاستخاره

اغلب الناس فاهمينها احساس يحسونه او حلم وهالشي غلط
الاستخاره تنوين على شي وتسوينه بعد دعاء الاستخاره والتوكل على الله

*

لا تشوفين وجهي بس > :080402ask_prv:!

انا عارفه انه مو إحساس .. لكن ربج سبحانه يبي يبين لج هالشي لا جيتي تقدمين عالخطوه بس بداخلج انتي مو متطمنه ..

ودي بالدوحه بس احس صج مو مرتاحه ..!

تصدقين ؟ خايفه من جعاصه البنات قبل دخولي الثانويه كاك

وادري ألحين ان كل الثانويات بلشوا دراسه .. انصدمت إن الدفتر والترتيب عليه درجات !

 

[ام مشعل المطيري]

بنات اللي يخليكم القروب صار ماصخ وماعلية حلا من كثر الاسئلة عن الطلبات وعن المسائي اللي توها تدخل القروب الله لايهينج دخلي صفحة صفحة وراح تشوفين ألطلبات اما سالفة ان تجين ع الاخير وتسألين هذا بصراحة مادري شنو اسمية انا حفظت الطلبات من كثر مااكتبها ورجاءا اي وحدة تسأل عن الطلبات وعن اي تناقشنا في قبل لاتردون لان اغلب الصفحات صارت نفس الشي

 

[Natural]

ام مشعل حياتي ماني عارفه شنهي الطلبات ممكن تقولينها لي مرتن ثانيه ؟

 

[Natural]

مافي جديد لأن اصلاً ماكو دراسه وماكو دراسه لأن مافي كتب ..!

نشوفكم الاسبوع الجاي بإذن الله

 

[حياتي فراغ]

بنات صج كلام ام مشعل انا توقعت ان القروب عشان ندرس مع بعض و نفيد بعض بالدراسه واللي موفاهمه شي نعلمها و نستفيد بارقام المدرسات و المدرسين والمعاهد والمذكرات


ماتوقعت اهو شؤال واحد بياخذ 125 صفحه​

 

[حياتي فراغ]

سؤال مو شؤال

هــع

 

[حياتي فراغ]

http://www.mediafire.com/?qmzweyzcmig


بنات خوش رابط

حملوا امتحان الاسلاميه مال الفتره الاولى اللي اهي بعد 6 اسابيع​

 

[U N O]

بنات اللي يخليكم القروب صار ماصخ وماعلية حلا من كثر الاسئلة عن الطلبات وعن المسائي اللي توها تدخل القروب الله لايهينج دخلي صفحة صفحة وراح تشوفين ألطلبات اما سالفة ان تجين ع الاخير وتسألين هذا بصراحة مادري شنو اسمية انا حفظت الطلبات من كثر مااكتبها ورجاءا اي وحدة تسأل عن الطلبات وعن اي تناقشنا في قبل لاتردون لان اغلب الصفحات صارت نفس الشي

صباح الخير
الغاليه ولايهمج ولاتزعلين ولاتتظاقين اولا انا والله فوقي داشه قوقل كتبت مسائي ثانويه محافظة مبارك الكبير لانه دخت دوخة مايعلمها رب العالمين وابي اعرف وشفت اخر الصفحات انه لمه الحين اساله ومابلشوا الا شويه فماعندي الا اهني ولايهمج اسفه وبلغي المراقبه تشيل ردودي اذا ظيقة خلقج وموفقين يارب
اسفين عالازعاج

 

[ظل الياسميـن]

السلام عليكم ورحمة الله وبركاته
نوااره
شنو الاوراق اللي طلبوها منج عشان اتكملين مسائي

وشكرا :eh_s(7):

 

[حدي ناعمة]

و عليكم السلااام و الرحمه

هلااااا و مليووون غلااا بظل الياسمين

اشلوونج ؟؟

ي قلبي انا اليوم رحت للمنطق التعليميه و عطوني الطلبات

4 صور شخصية / اخر شهادة مصدقة / الرسوم 40 دينار للتامين / البطاقة المدنية و صورة عنها بس هذا

 

[boliana_q8]

بليز نبي ثانويات العدان والقرين والقصور ومبارك الكبير وين؟ ابي اقرب شي لجمعية رقم 1 شكو خخخخخ يم بيتنا والله وغير جذي انا دوام صبح والعصر ادرس مسائي الله يسهل علي يارب ويوفقني حدي مشتطه اليوم افرفر على مدارس المنطقه وكل مادش مدرسه الاقيها برا زحمه سياير يطلع دار القران او السراج المنير امبيه فلم احس الثانويات مايبوني؟ ويصير اسجل وعلى طول ابدي وياهم؟؟ والكتب من وين استلمهم؟ ومتا الدراسه بنات عشان اليوم الخميس اروح اقدم واتزهب بالويك واهيأ نفسي

عند فارعة بنت ابي الصلت صباح السالم يم البانزين

 

[جلكسيه اس 3]

صج بنات تعالو بسالكم انا ساكنه بمبارك الكبير وين راح يحطوني باي مدرسه في ناس يقولون ادارة طليطله انتقلو للشرقيه
و في ناس يقولون طليطله مفتوحه وانا بعد لمن كنت بالمنطقه التعليميه سمعت وحده اتقول انها بمبارك الكبير قاطينها الشرقيه
!!!
الحين طليطله اقرب لنا من الشرقيه شكو يقطونا اهناك
عفيه الي عندها جواب اكيد اتجاوبني
وانا بااجر ان شاء الله بروح الرابيه ابي اخذ شهادتي

اشدعوا بنات ابي الرد ضروري
وبعد ابي اطلب منكم
عفيه بنات اللي لها خلق تكتب شنو اخذتو وشنو عليكم حفظ
ياريت اتساعدوني لاني حابه احفظ معاكم
و اللي حابه اتحط لنا اساله واجوبه ناطرتكم و في ميزان اعمالكم ان شاء الله
لاني احتمال بسجل شهر عشره واحتمال اغيب للضروف
يعني بقعد احفظ في البيت ان شاء الله

 

[ظل الياسميـن]

اهلين ( حدي ناعمه )

مشكووره وما اتقصرين

 

[زبدة ككاو]

امسس رحت وماكوو دراسة بس صفنا باجي الصصصفوف درسسو
وردونا البيت ع الساعه 7 ، اللهم خذوا حضور وغياب
بالنسبة لبنات صفنا ليلحين اووكي سولفنا مع بعض وتعرفت عليهم وتقريبا فوق الـ 5 عايدينها عشان نسسسبة
والحمدلله قولهم من طقتي يعني قدي مو فررق كبير بينا بالعمر .. وقالوا اليوم الدراسة + بيعطوونا الجدوب
وابكتب ع الاسبوع الياي

 

[×قـــمرهـــم×]

مرحبااا


يسعدلي مساكم

لكم وحشه

اخباركم


بشروني عنكم

 

[طموحي انجلش]

ودي احط لكم دروس النحو
تبارك الرحمن ابلتنا ممتاااازة قعدت تراجع معانا انواع الجمل والمفعول والمطلق والتمييز والممنوع من الصرف حييل استوعبته الله يتمم علي وماأنساه
اولا انواع الجمل: ثلاث:
جملة اسمية : تتكون من المبتدا والخبر
الجمله الفعلية : تتكون من الفعل والفاعل والمفعول به
شبه الجملة: تأتي إما جار ومجرور مثل ( في بيتنا) ، وإما ظرف زمان أو مكان مثل ( فوق الاشجار )
-------------------------------
الحال:
يأتي دائما منصوب وانواعه
حال مفرد: جاءت الطالبة مبتسمة << مبتسمة اعرابها: حال منصوب بالفتحة
حال جملة اسمية أو فعلية :
فعلية مثل ؛
جاءت الطالبة تبتسم << الاعراب يكون : تبتسم فعل مرفوع بالضمة والفاعل ضمير مستتر تقديره هو والجملة الفعلية من الفعل والفاعل في محل نصب حال

أما اسمية مثل ؛
جاءت الطالبة وهي تبتسم << الاعراب: هي مبتدأ مرفوع بالضمة المقدرة وتبتسم خبر مرفوع بالضمة والجملة الاسمية من المبتدأ والخبر في محل نصب حال

والصورة الثالثة للحال هو ان يأتي شبه جملة مثل :
حضرت الطالبة بين الحصص

 

[طموحي انجلش]

خل اشوف تفاعلكم عشان احط الممنوع من الصرف
والحين اترككم بروح اليوم مبجر امس طافتني الحصة الاولى فيها كممم معلومات حسافه

 

[طموحي انجلش]

سؤال لبنات الادبي الثانوية العامة؟:
انتوا تاخذون بلاغه ؟لأن احنا المعهد الديني عندنا بلاغه
عشان احط لكم دروس البلاغه واحتمال اسويها على ملف وورد أو عرض فلاشي تنزلونه عندكم اذا قدرت

 

[Malak_galbi]

الله يجزاج خير طموحي

وعسى ربي يحقق لج طموحج ياااارب

مشكلتي مع العربي مشكله عارفه قدر نفسي فيه القواعد اعطيه طاف واكمل الباجي
بس ان شاءالله ادرسه هالمره واحاول احل شي بالامتحان

 

[Malak_galbi]

وهذا ثااااني يوم يمر وماراح اداووم

اووف ااحس بتأنيب ضمير ابي ادرس ومدرستي مافيها مدرساات

كلي انوثه
بتروحين اليوم لان اعتقد نفس امس يطلعونج مبجر
عطيني خبر لو درستووو اوكيك فديتج