تجمع طالبات رابعة ثانوي مسائي 2011-2012 حياكم

[M!Ss Un!VerSe]

زبدة كاكاو

المعادلة بي حق المقررات ..

انا كنت عامه ماعطوني معادله ولا شي..

...

الله يعينكم بنات اللي عندكم عيال

بصراحه انا عندي معهد الصبح ل٤ الا ربع والمدرسه ٤ وربع حده ماكو وقت
مادري شلون اوفق بينهم

بناات نصحوني
انا مفكرة اوقف قيدي السنه كلها عشان اركز
ولي تخرجت ويبت نسبه بإذن الله اقدم عالجامعه ان شاء الله واوقف قيدي كورس
واخلص فيه اخر كورس معهد .. واكمل الكورس الثاني جامعه
شرايكم جذي احسن ولا اخلص المعهد الحين!؟

انا خايفه لو ماخلصت معهد وقدمت عالجامعه مايقبلوني
لو شافوني مقيدة بمعهد؟؟ وماابي اقدم عالجامعه الكورس الثاني
لان الكورس الثاني النسب ترتفع.، فمادري شالحل شوروا علي!؟
*

 

[زبدة ككاو]

حيااتي فراغ تصدقين ماكو الا الحضانه تغيرين حزتها لي راحت خدامتج احسسن ومرة وحدة وقتج ووقتهم واحد يعني مايحسون انج رايحه ومخليتهم

انا اللي مهون علي اجازة اموومة بسس ١٠ - ١١ بداوم والمشكلة العرووسسس تبتدي ولاياريت عروس نااس مايصيروولنا لا يصيرولنا حيل

شهر ١٢ باخذ اجازة ما ادري اذا يصير ولا لأ ؟! لأني توني رادة من اموومة احسس ودهم يشوتوني برى لوول ومخلصه مرضيااتي كلهااااا

بس عندي عذر كنت حامل وطحت بالمستشفى شهر من قبل يعني معذوورة بسس ان شالله يرضون على اجازتي

اما عالوقت هالشهرين اقدر انظمه اما بااجي الاشهررر الله يعين حدده دوامي يخلص ٢ الا رربع وارد تعباانه من الدوام

اووووف حاله صج صج الله يوفقنا ونييب النسبة اللي نحلم فيها ، انتو شنو بتخطركم وين تدخلوون ؟!

 

[زبدة ككاو]

مسز يونيفيرس يا انج تقدمين ع الجامعه السنه اللي عقب تخرجج الكورس الاول
او انج توقفين قيدج اذا شفتي نفسج ماشية بالمسائي وضامنه النسبة سحبي اورااقج
يعني لونسبتج ادخلج الجامعه شتبين بالمعهد ؟!
او هم بنفس الوقت حرام دراستج تروح على اخر كورس
جني عقدتج لووول
انا اقوول وقفي قيدج وكملي مسائي وماكو الا تقدمسن ع الجامعه الكوري الثاني او اللي عقبه ع الاقل عندج شهاادة ضامنتهاا
انا مثلا مخلصة معهدي وعندي وظيفة اقدر استقيل عشان اتفرغ لدراستي بسس لو مايبت نسبة !!
ارد اسمي الديوان عقب سنه يمكن انقبل بمكان موو حلو او او او
اهم شي خلج ضاامنه شي بيدج على قولتهم عصفور باليد ولاعششره على الشجره

 

[M!Ss Un!VerSe]

مشكوره حبيبتي عالرد

انا هذا اللي افكر فيه اضمن الدبلوم اول
احتياط

اما الجامعه طموووحي

بس خايفه مااركز وحده ماكو وقت متى ارد البيت والحق عالمدرسه


حسافه معهدي لو فيه صيفي جان ارتحت بس شسوي اتصالات وملاحه
وبالنسبه لسؤالج

انا عن نفسي خاطري بالعلوم الاجتماعية
تخصص علم نفس ابي اصير دكتوره نفسيه
والله كريييييييم

 

[زبدة ككاو]

حلو تخصصج واذا يصير بعد متى مابغيتي تصيرين مدرسه احلى واحلى
وان شاءالله ياارب يتحقق اللي في بالج
ماكوو الا توقفين قيدج كورس والثاني تتحملين شتسسوين ماكو الا جذي
او وقفي قيدج سنه واذا ضمنتي النسبة درسي بالجامعه

 

[k.a.t.k.o.t.a]

صباح الخير

شلونكم

اول شي مبروك للي سجلو ومبروك للي انجحو ب 11

ربي يوفقنا بمسائي 12 ونيب اعلى النسب

انا اليوم بروح اطلع المعادله بس ابي اسال اذا عندهم دوام العصر اقصد المنطقه التعليميه الفروانيه في عصر اقدر اطلع معادله

وقالولي اني اسجل بالرابيه بس قريت ردود البنات يقولون محتارين بين الرابيه وبين الاندلس مدرسة حواء

يعني اصير اروح الاندلس اسجل انا ساكنه بالعارضيه واقرب لي خصوصا عندي بنتين صغار على الاقل الاندلس حيل قريبه الرابيه ابعد

يصير احول تسجيل مدرسة حواء واذا يصير شلون الطريقة ؟؟؟ ساعدوني بليز

والمنطقه التعليميه للمعادله موجودين العصر ولا بس الصبح ؟؟؟

ربي يوفقكم

 

[غالين الكويت]

صبااااااااح الخيررررررر
بنااااات كل وحدة سجلت
تقوووول باي مدرسة تداوم
علشاااااان نكون مع بعض
بالمدرسة بالذااات المنطقة الرابعة​

 

[♥aמŘa]

مرحــــــــــــبا ..بنوتاتُ
,‘

نفسسسسي اعيد رابعه بس خايفه اني ما اجيب النسبه ..

وانا الحين ادرس تجاااااري .. وهذا اخر كورس لي:eh_s(16):

برايكم اخلص من التجاري واخذ ي كورس راحه وبعدين اكمل ..؟:eh_s(10):

تكفووون شورو على وعطوني عزيمه وقووووه ابي اصير مدرسه ما ابي اداريه:eh_s(11):

 

[ام مشعل المطيري]

غالين
هلا وغلا انا بمدرسة حواء بالاندلس وبداوم باجر باذن الله
مهرة
استخيري يالغالية واللي الله كاتبة يسرة لج والكل يقول رابعة سهالات
كتكوتة الله يبارك فيج والفال لج تعالي عندنا بالاندلس
وبالنسبة لبناتج سجليهم بحضانة انا بعد بسجل ولدي العصر عشان مأحاتية
والمنطقة ماعندهم دوام العصر واذا تبين تحولين لحواء تجيبين استثناء من رئيس تعليم الكبار

مس يونيفيرس انا اقوول بعد استخيري درستي وتعبتي صارلج جم سنة حرام تضيعينها ع شي ماتدرين شنو يصير في
اذا تقدرين داومي دوامين او اخذيها منازل او تدرين شلون سجلي متأخر التسجيل يخلص بشهر عشرة عشان تثبيتين بالتجاري وتعرفين الاساتذة
ترى انا مافكرت برابعة الا لما توظفت وهم في جم بنت نفسي لاتضيعين هالفرصة انا اقول كملي

 

[اتعب علي]

ياجماعة تكفووون جابوني :eh_s(16):

انا توني متوطفة اقدر اعيد رابعه ثانوي !

انا درست عامة تخرجت 2006/2007

والسؤال اذا نجحت ويبت نسبة شلون ادرس بالجامعة ؟؟ شسوي على وظيفتي ؟؟

ويصير اسجل الحين !

واذا سقطت شراح يصير بليز فهموني الله يوفق كل وحده ترد علي وتنجح باعلى نسبه يارب\

 

[ام مشعل المطيري]

اتعب علي تقدرين تعيدين رابعة بس المشكلة بالوظيفة لان سبق وقلنا اذا جبتي نسبة ماراح يعطونج تفرغ بمعاش اذا وافقوا طبعا لانج توج موظفة في خيار ثاني انج تحولين عصر بنفس الوزارة
و التسجيل مفتوح لشهر عشرة ويصير تسجلين واذا سمح الله سقطتي ع قولتج ماتسقط شهادتج القديمة لانهم ياخذون النسبة الاعلى وانا من رأيي انج تشوفين حظج وتعيدينها واذا نجحتي وجبتي النسبة ذيك الساعة فكري بالوظيفة لكل حادث حديث وحياج الله وياهلا ومرحبا

 

[أحنا عشقناها]

مس ومهره نصيحه خلصو الدبلوم وبعدين السنه الجايه كملو ثانويه
منها ضامنين الدبلوم ومتفرغين للدراسه الثانويه
أما توقفين قيدج وتدرسين ثانويه واتجيبين نسبه للجامعه تروحين ترجعين تخلصين دبلومج
بدال الهم همين ..
هذي نصيحتي وانتم الي يريحكم سووهـ
..
كتكوته إي حبيبتي تقدرين تروحين الاندلس
بس بالاول اتجيبين ورقه موافقه من رئيس تعليم الكبار
..
بااااااااجر الدوااام والله ما أحاتي إلا شي واحد الكتب هههههههههه
ودي اشوفهم شلون صايرين
والمدرسااات ان شاءالله ما راح يقصرون معانا
..
وبالتوفيق للجميييع​

 

[أحنا عشقناها]

أتعب علي اذا سقطتي شهادتج القديمه ما تروح
وهم اذا نجحتي دبلومج ماراح يروح
..
منتي خسرانه شششي
الشهاده الافضل راح يخلونها لج
..
بسسرعه احسها فرصه ما تتعوض
..
وبالنسبه لوظيفتج نفسي توني ما صارلي سنه بالوظيفه
ادي داومي مسائي والمسائي ما يطابق وقت دوامج
وإذا جبتي نسبه تدخلين الجامعه ان شاءالله
أخذ اجازه من دون راتب او ع قولت أم مشعل خلي دوامج العصرر
​

 

[ام مشعل المطيري]

احنا عشقناها الساعة جم بتروحين باجر ؟
تهقين يعطونا الكتب باجر ؟
مادري احس باجر ماكو دوام ؟

 

[هيفو777]

باجر الدوام بييب معاي دولكة قهوه عشان اصحصح هههههههههه
لان نوم الظهر عندي شي ضروري

 

[ام مشعل المطيري]

هييييفو لوووول من صجج يبيلة والله
انتي اي مدرسة عشان اكملها واجيب الحلو وياي ؟؟؟

 

[Malak_galbi]

مسااااء الخير

شلوووونكم

ياحلووو شكلنا باجر هالحزه نستعد للمدرسه والدراسه
عسى ربي يوفقنا ويحقق لنا كل احلامناااا ياااارب


كلي انوثه

اي والله احاتي حريم كبار
او ان بنات يايييين مو للدراسه لعب وبس ويزعجون المدرسه ومايخلونها تشرح
وان شاءالله احصل معاااي بنات بعمري يااارب


ام مشعل

شلونج
ماااتوقع تتوزع الكتب بااااجر

 

[Malak_galbi]

بنااااااات منهج العربي يديد
توني كلمت بطلب مذكرات والا يقولي العربي منهجج يديد وبعد يومين يوصل

وهذا رقمهم

65136964

مكتبه حنين في ابوحليفه

 

[اوراق الحب]

خايفه من الفشله كل يوم خلت عيالها وراحت المدرسه وجت من المدرسه اخر شي جايبه حلاوه بالشهاده عاااااد ريلي ماخلا احد بالكويت ماقاله

 

[Malak_galbi]

اوراق الحب

شدي حيلج وان شاءالله شهادتج ترفع الراس

والله مصخروني اهلي
امي تقول باجر بروح معاج اقول للمدرسات ديروبالكم عليها هههههه
وابوي يقول تبين اكلم الناظره


بناااات رحت شريت لي مكتب للدراسه لوول
وضبطت غرفتي للجو الدراسي ماناقصني الا الكتب والدراسه